တောင်ကြီး၊ ၂၀၁၄ ခုနှစ်၊ နိုဝင်ဘာလ (၁၇) ရက်
၂၀၁၄-ခုနှစ်၊ နိုဝင်ဘာလ(၁၆)ရက်နေ့၊ နံနက် (၉း၃၀)အချိန်တွင် ဟိုပုံးမြို့နယ်၊ ပြည်သူ့လွှတ်တော် ကိုယ်စားလှယ် ဦးခွန်သိန်းဖေမှ ရဟန်းသံဃာများနှင့် ဒေသခံမိဘပြည်သူလူထုများအား ဟိုပုံးမြို့၊ ရန်ကင်းဘုန်းတော်ကြီးကျောင်းတွင် တွေ့ဆုံခဲ့ပါသည်။
၎င်းတွေ့ဆုံပွဲတွင် ဦးခွန်သိန်းဖေမှ ၂၀၁၀-ရွေးကောက်ပွဲအခြေအနေများနှင့် ၂၀၁၀ မှ ယနေ့ ၂၀၁၄ ခုနှစ်အထိ လွှတ်တော်တွင် လုပ်ငန်းဆောင်ရွက်ခဲ့ခြင်းအပေါ် ရှင်းလင်းပြောကြားခြင်းနှင့် လွှတ်တော်အတွေ့အကြုံ များ ရှင်းလင်းပြောကြားခဲ့ပြီး ၂၀၁၅ ခုနှစ် အထွေထွေဒီမိုကရေစီရွေးကောက်ပွဲကြီးတွင် ဖြစ်ပေါ်လာနိုင်မည့် အခြေအနေများကို ပြည်သူလူထုများထံသို့ ဆက်လက်ရှင်းလင်း ပြောကြား ခဲ့ပါသည်။
“ ၂၀၁၀-ခုနှစ်မှာ ကျွန်တော်တို့ ပအိုဝ်းကိုယ်ပိုင်အုပ်ချုပ်ခွင့်ရဒေသမှ ပအိုဝ်းလူမျိုးလွှတ်တော်ကိုယ်စားလှယ် စုစုပေါင်း(၁၀)ဦး ရရှိခဲ့ပါတယ်။ ထိုအချိန်တုန်းကဆိုရင် ပအိုဝ်းကိုယ်ပိုင်အုပ်ချုပ်ခွင့်ရ မြို့နယ်များထဲမှ မဲဆန္ဒနယ်စုစုပေါင်း (၁၀)နေရာမှာ (၃)နေရာသာ ယှဉ်ပြိုင်ဖက်ရှိခဲ့ပြီး ယှဉ်ပြိုင်ဖက်ရှိတဲ့ (၃)နေရာမှာလည်းပဲ မိမိတို့ အနိုင်ရလဒ် ရယူနိုင်ခဲ့ပါတယ်။ လက်ရှိ မိမိတို့မှာ ရှိတဲ့လူဦးရေနဲ့ အခုရရှိနေတဲ့ လွှတ်တော်ကိုယ်စားလှယ် အရေအတွက်နဲ့ဆိုရင် မျှခြေမကိုက်ဘူး။ လွှတ်တော်ကိုယ်စားလှယ်ဦးရေများ ဒီထက်များအောင် ကျွန်တော်တို့ စွမ်းဆောင်ရပါမယ်။ ၂၀၁၅-ခုနှစ်မှာတော့ ပအိုဝ်းကိုယ်ပိုင်အုပ်ချုပ်ခွင့်ရဒေသမှာ မဲဆန္ဒနယ်တိုင်းလိုလိုမှာ ယှဉ်ပြိုင်ဖက် ရှိလာတော့မယ့် အခြေအနေမျိုးမှာ ရှိနေပါတယ်။ ဒါ့ကြောင့် လွှတ်တော်ကိုယ်စားလှယ်ဦးရေ ဒီထက်များလာအောင် ဆောင်ရွက်ရမှာ ဖြစ်သလို ယခုမိမိတို့ အနိုင်ရရှိထားတဲ့ မဲဆန္ဒနယ် (၁၀)နေရာလည်းပဲ ဆုံးရှူံးမှုမဖြစ်ရလေအောင်လည်း ကြိုးစားသွားရမှာ ဖြစ်ပါတယ် “ ဟူ၍ ပြည်သူလူထုများသို့ တရင်းတနှီး ပြောကြားခဲ့ပါသည်။
တဖန် လွှတ်တော်တွင်လည်း ရပ်ရွာဒေသအကျိုးအတွက် ရရှိသောနည်းမျိုးစုံဖြင့် ၄င်းတို့မှ ဆောင်ရွက် လျက် ရှိနေကြောင်း၊ မိမိကိုယ်ကျိုးအတွက် လုပ်ဆောင်မှု မရှိကြောင်း၊ အမျိုးသားအကျိုးကိုသာ ရှေးရှုကာ လုပ်ဆောင်နေကြောင်း ၄င်းမှ ဆက်လက်ပြော ကြားခဲ့ပါသည်။ ၄င်းတွေ့ဆုံပွဲတွင် ရဟန်းသံဃာတော်များ (၁၀၀)ပါးခန့်နှင့် ဒေသခံပြည်သူလူထုများ (၁၅၀)ဦးခန့်တို့ တက်ရောက်ခဲ့ပါသည်။
ခွန်ကျော်အေး
Like On Facebook
Follow On Twitter
Subscribe On RSS