ဒေသဖွံ့ဖြိုးရေးလုပ်ဆောင်ရာတွင် ပအိုဝ်းကိုယ်ပိုင်အုပ်ချုပ်ခွင့်ရဒေသက မြန်မာနိုင်ငံအတွက် စံပြဖြစ်လာနိုင်ဟု MIID က ဒေသဦးစီး ဥက္ကဌအား ချီးမွမ်းပြောဆို

တောင်ကြီး၊ ၂၀၁၆ ခုနှစ်၊ အောက်တိုဘာလ (၂၇) ရက်

ပအိုဝ်းကိုယ်ပိုင်အုပ်ချုပ်ခွင့်ရဒေသ ဥက္ကဌ ဦးခွန်စံလွင်နှင့် Myanmar Institute for Integarted Development(MIID)တို့က မြန်မာနိုင်ငံ ၀မ်းစာဖူလုံရေးနှင့် အစာအဟာရပြည့်ဝရေးအတွက် ၂၀၁၆ခုနှစ်၊ အောက်တိုဘာလ(၂၆)ရက်၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးရုံး၌ တွေ့ဆုံဆွေးနွေးရာတွင် Mr. Phil Young က ဤသို့ ချီးမွမ်းပြောဆိုခဲ့ခြင်းဖြစ်သည်။
၎င်းက “ပအိုဝ်းဒေသက အစိုးရနဲ့ငြိမ်းချမ်းရေးယူပြီးတဲ့ နောက်ပိုင်း တိုက်ပွဲတွေလည်း မဖြစ်ခဲ့ဘူး၊  ဖွံ့ဖြိုးရေးလုပ်ငန်းတွေလည်း ပိုမိုဖြစ်ထွန်းတာကို တွေ့ရတယ်၊ အခု လုပ်ဆောင်သွားနေတဲ့ ပုံစံက အရမ်းကို ကောင်းပါတယ်၊ ကျွန်တော်ထင်တယ် နောက်ပိုင်းကျရင် ပအိုဝ်းကိုယ်ပိုင်အုပ်ချုပ်ခွင့်ရဒေသက အခြားနေရာ (ဒါမဟုတ်) မြန်မာနိုင်ငံအတွက် စံပြဖြစ်လာနိုင်တယ်၊ ဖြစ်လာမယ်လို့လည်း ကျွန်တော်ယုံကြည်နေတယ်” ဟု ဒေသဦးစီး ဥက္ကဌ ဦးခွန်စံလွင်အား ထိုသို့ ပြောဆိုခဲ့ခြင်းဖြစ်သည်။
ထိုသို့ ပြောဆိုချီးမွမ်းခြင်းနှင့် ပတ်သက်၍ ဒေသဦးစီး ဥက္ကဌက မိမိတို့ လုပ်ဆောင်သည့်အရာများသည် အခြားနေရာအတွက်၊ တိုင်းပြည်အတွက် စံပြဖြစ်ချင်ပါကြောင်း၊ သို့သော်လည်း မိမိတို့တွင် လုပ်ဆောင်ချင် သည့် ဆန္ဒများသလောက် မိမိတို့လုပ်ဆောင်ရသော အခွင့်အလမ်းက နည်းနေသေးကြောင်း၊ ထို့ကြောင့် မြန်မာ နိုင်ငံ အပြည်ပြည်ဆိုင်ရာ ဖွံ့ဖြိုးတိုးတက်မှုအဖွဲ့(MIID)အနေနှင့် မိမိတို့ အစိုးရကို တင်ပြသော အဆိုပြုလွှာ များအောင်မြင်ရန် တိုက်တွန်းပေးစေလိုကြောင်း၊  တစ်ဖက်တွင်လည်း အခုလက်ရှိ မိမိတို့ သွားနေသော အရှိန်အဟုန်များ မပျက်အောင် မိတ်ဆွေများအနေနှင့် တတ်နိုင်သော အခန်းကဏ္ဍတွင် ပြည်ပအဖွဲ့အစည်းများကို ချိတ်ဆက်ပေး၍ သော်လည်းကောင်း၊ နည်းပညာပေး၍ သော်လည်းကောင်း၊ သက်ဆိုင်ရာ အဖွဲ့အစည်းများကို တိုက်တွန်းပေး၍ သော်လည်းကောင်း ထပ်မံကူညီ ဆောာင်ရွက်စေလိုကြောင်း ပြောကြားခဲ့ပါသည်။
မြန်မာနိုင်ငံ ၀မ်းစာဖူလုံရေးနှင့် အစာအဟာရပြည့်ဝရေးကဏ္ဍဆွေးနွေးရာတွင် မြန်မာနိုင်ငံသည် စိုက်ပျိုးရေးကို အခြေခံသော နိုင်ငံဖြစ်သော်လည်း ၀မ်းစာဖူလုံရေးနှင့် အစာအဟာရပြည့်ဝရေး ပြဿနာကြုံ တွေ့နေရသေးကြောင်း၊ ထို့သို့ ဖြစ်ရခြင်းမှာ ပြည်တွင်းမငြိမ်းချမ်းမှု၊ စက်မှုလုပ်ငန်းမထွန်းကားမှု၊ နည်းပညာ အားနည်းမှု၊ ပြည်ပမှတင်သွင်းလာသော ကုန်ပစ္စည်းများ အရည်အသွေး မပြည့်ဝမှု၊ ပြည်သူများ ကျန်းမာရေးနှင့် ဆိုင်သော အသိတရားအားနည်းမှုကြောင့် ဖြစ်သည်ဟု ဒေသဦးစီးဥက္ကဌက ဆွေးနွေးခဲ့သည်။
တိုက်ပွဲနှင့် ပတ်သက်၍ “ ပြည်သူတွေကတော့ တိုက်ပွဲတွေ့ကို မဖြစ်ချင်ကြဘူး၊ ဥပမာ ကချင်ပြည်နယ်မှာဆိုလိုရင် စစ်တွေကို မလိုချင်တဲ့အတွက် “စစ်ပွဲများရပ်ပေးပါ” စသဖြင့် ဆန္ဒပြကြတယ်၊ သူတို့တွေက လယ်ယာခြံကို ငြိမ်းငြိမ်းချမ်းချမ်း လုပ်ချင်တယ်၊ သားသမီးများကို ကျောင်းထားချင်ကြတယ် ပြည်သူတွေရဲ့ ဆန္ဒကို အလေးပေးသင့်တယ်” ဟု Mr. Phil Young က ဆိုခဲ့ပါသည်။
ဒေသဦးစီး ဦးခွန်စံလွင်ကလည်း “ ငြိမ်းချမ်းရေးလိုချင်ရင် ယုံကြည်မှုက အဓိက ကျပါတယ်၊ ကျွန်တော်တို့က တိုင်းပြည်တည်ငြိမ်ဖို့နဲ့ စစ်ပွဲမဖြစ်ဖို့ ခံယူချက်ရှိမှ ရမှာပါ၊ နောက်တစ်ချက်က ကိုယ်နယ်မြေထဲက ပြည်သူတွေကို ချစ်ဖို့လိုပါတယ်၊ ဒါမှလည်း ငြိမ်းချမ်းရေးကို ရနိုင်မှာပါ၊ ဒီကနေ့ ပြည်ထောင်စုငြိမ်းချမ်းရေးကို သွားတဲ့နေရာမှာ တစ်ဖက်နဲ့တစ်ဖက် အလျော့အတင်းမရှိဘဲနဲ့တော့ ဘယ်လိုမှ မဖြစ်နိုင်ဘူး၊ ခေါင်းဆောင် ဆိုတာ ပြည်သူထဲကဘဲ ပေါ်လာတာပါ၊ ဒါကြောင့် ပြည်သူနဲ့တစ်သားတည်း နေနိုင်တဲ့ ခေါင်းဆောင်ဖြစ်မှ ဒီကနေ့ သွားတဲ့ ငြိမ်းချမ်းရေး အောင်မြင်နိုင်မယ်လို့ ကျွန်တော်ထင်တယ်” ဟု ယခုလက်ရှိသွားနေသော ငြိမ်းချမ်းရေးဖြစ်စဉ်ပေါ်တွင် သူ့၏ အမြင်ကို ဆွေးနွေးခဲ့ပါသည်။
မြန်မာနိုင်ငံ အပြည်ပြည်ဆိုင်ရာ ဖွံ့ဖြိုးတိုးတက်မှုအဖွဲ့(MIID)သည် ၂၀၁၂ခုနှစ်တွင် ပအိုဝ်းကိုယ်ပိုင် အုပ်ချုပ်ခွင့်ရဒေသ မဟာဗျူဟာမြောက်ဖွံ့ဖြိုးမှုအစီအစဉ် (Master Plan)ကို CSOများနှင့် ပူးပေါင်း၍ ရေးဆွဲခဲ့ ကြောင်း၊ ယင်း Master Planကို အသုံးပြု၍ ဒေသဖွံ့ဖြိုးရေးလုပ်ငန်းဆောင်ရွက်ရာတွင် ၈၀% အောင်မြင် ကြောင်း၊ ထိုသို့ဆွေးနွေးရာတွင် MIID မှ Joern Kristensen၊ Tluang Chin Sung၊ ဒေသဦးစီးအဖွဲ့ဝင် ဦးခွန်လှဆန်း၊ ဦးခွန်လှသိန်း၊ ဦးမိုးထက်၊ ဗိုလ်မှူးသက်နောင်စိုးနှင့် ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်၊ ရုံးအဖွဲ့မှူး စောခွန်ကျော်ဝင်းတို့ တက်ရောက်ခဲ့ကြောင်းသိရှိရသည်။

ခွန်ထင်;လေအောင်;