Tuesday, January 17, 2017

စွဲမြဲသင့်သော စာဖတ်ဝါသနာ

တောင်ကြီး၊ ၂၀၁၇ ခုနှစ်၊ ဇန်န၀ါရီလ (၁၈) ရက်


လူသားတို့၏ ပတ်ဝန်းကျင်တိုင်းသည် စာပေလောကမဟုတ်သော်လည်းစာပေအားလုံးသည် လူသားတို့၏ ပတ်ဝန်းကျင်မှ ဆင်းသက်ပေါက်ဖွားလာကြခြင်းဖြစ်သည်။ စာပေဟူသည်ကားလူ့လောက၏ အလင်းရောင်ပင်ဖြစ်သည်။ မှောင်အတိဖြစ်နေသောလူ့လောကကြီးထဲကိုစာပေနှင့် ဖြတ်သန်းခြင်းဖြင့် လိုရာခရီးရောက်ပေလိမ့်မည်။ ထို့ကြောင့် စာဖတ်ခြင်းဝါသနာအား လူတိုင်းလူတိုင်းစွဲမြဲအောင် မွေးမြူသင့်ပေသည်။

အသိပညာ စုဝေးရာနေရာသည် စာပေထဲတွင်ဖြစ်သည်။ စာပေသည်လိမ္မာတရားကိုပေး၍ “အလိမ္မာစာမှာရှိ”ဟုဆိုထားသည်။ စာအုပ်တွင်ရှိနေသောအသိပညာကိုဦးနှောက်တွင်းသို့ သွင်းယူရန်မှာ စာဖတ်ခြင်း အလုပ်တစ်ခုသာအထိရောက်ဆုံးဖြစ်လေသည်။ ခေတ်မှီဖွံ့ဖြိုးတိုးတက်နေသော ဤခေတ်ကြီးထဲတွင် စာများများဖတ်နေရန် မလိုအပ်တော့ဟုအယူအဆများလာကြသည်။ မည်မျှပင် တိုးတက်ကောင်းမွန်သောသိပ္ပံခေတ်ဖြစ်နေပါစေကမ္ဘာလောက ပတ်ဝန်းကျင်ကို နားလည်လွယ်အောင် စာဖတ်ခြင်းသာလျှင် အထိရောက်ဆုံးဖြစ်ပေလိမ့်မည်။

ထို့ကြောင့် ရှေးအဆက်ဆက်ကလူကြီးသူမများကနောင်တက်လာမည့် နောင်လာနောက်သားကလေးများကိုစာဖတ်ကြရန် ဆုံးမတတ်ကြသည်။ ရေကြောင့် ခန္ဓာကိုယ်အစိတ်အပိုင်းများ စင်ကြယ်စေသကဲ့သို့ စာဖတ်ခြင်းသည်လည်းစိတ်ကိုအသိတရားစင်ကြယ်စေသည်။ စာဖတ်ခြင်းသည် အသိဥာဏ်ကို ရှင်သန်စေ၍ စိတ်နေစိတ်ထားကိုဖွံ့ဖြိုးတိုးတက်စေမည့် အထက်မြက်ဆုံးသောလက်နက်ဖြစ်သည်။ အသိဥာဏ်ဖွံ့ဖြိုးတိုးတက်နိုင်ပါမှ ဘ၀ခရီးကို သာယာဖြောင့်ဖြူးစွာလျှောက်လှမ်းနိုင်ပေမည်။

ဝါသနာဆိုရာတွင် ကောင်းသောဝါသနာရှိသကဲ့သို့ မကောင်းသောဝါသနာလည်းရှိလေသည်။ စာဖတ်ခြင်းသည် ကောင်းသောဝါသနာဖြစ်၍ စာဖတ်သည်ဆိုလျှင် ဖတ်သောစာအုပ်ကိုလည်း ထည့်သွင်းစဉ်းစားရလိမ့်မည်။ စာအုပ်စာပေဆိုရာတွင် ကောင်းသောစာအုပ်စာပေ၊ မကောင်းသောစာအုပ်စာပေဟူ၍ ခွဲခြားနေရန်မလိုဘဲမည်သို့သောစာအုပ်စာပေကိုမဆိုဖတ်ရှုနိုင်သည်။ ထိုစာပေမှ ရရှိလာသောအသိတရားကိုသာ ကောင်းမကောင်း၊ အသုံးချသင့်မသင့်၊ ဆောင်ရန်ရှောင်ရန် မိမိဘာသာခွဲခြားတတ်ရန်လိုပါသည်။

“စာအုပ်စာပေလူ့မိတ်ဆွေ”ဟူသောဆောင်ပုဒ်ကို နှစ်သက်နားလည်စွာလက်ကိုင်ထားကြသူများ ဘ၀ကို စာပေထဲတွင် နှစ်မြုပ်နေကြသူများ၊ စာပေသုတနှင့်ရသကိုအပတ်တကုတ် ရှာဖွေနေကြသူများသည် စာဖတ်ဝါသနာအပြင်းထန်ဆုံး စာဖတ်သမားကောင်းများဖြစ်ကြသည်။ များစွာသောလူတို့သည် စာဖတ်ကြသော်လည်းအကျိုးရှိအောင် မဖတ်တတ်ကြခြင်းများကိုတွေ့ရပါသည်။ စာဖတ်ခြင်းသည် လူ၏ တန်ဖိုးကိုအမှန်ပင်တိုးတက်စေပါသည်။ စာဖတ်ဝါသနာရှင်နှင့် စာအုပ်မကိုင်ချင်သူတို့၏ဘ၀ကား မြင့်မိုရ်တောင်နှင့်တောင်ပို့ကဲ့သို့ပင် ကွာခြားလှသည်။

စာဖတ်ခြင်းသည် ဘ၀လမ်းကြောင်းကို ရွေးချယ်ပေးရုံမျှမကစိတ်နေစိတ်ထားကို အရောင်အမျိုးမျိုးဆိုးပေးနိုင်သည်။ ထို့ကြောင့် ခေါင်းထဲသို့ဝင်သွားသော သစ္စာတရားမှန်ကန်စေရေးသည် စာဖတ်ဝါသနာ၏ အရေးအကြီးဆုံး ကဏ္ဍဖြစ်သည်။ အတွေးအခေါ်၊ အသိတရားမှားသွားလျှင် အလွန်ကြီးမားသော အန္တရာယ်ဖြစ်တော့သည်။ ထို့ကြောင့် စာဖတ်သက်ရင့်ခြင်းကပင် စာအုပ်၏အကျိုးသက်ရောက်မှု စွမ်းအားကိုခွဲခြားပေးနိုင်လေသည်။

စာဖတ်ဝါသနာဟုဆိုရာတွင် မည်သည့်စာအမျိုးအစားကိုဖတ်သည့်ဝါသနာဟု ခွဲခြားစဉ်းစားရပါမည်။ ဖတ်သောစာပေများကိုလည်း မေ့လျော့ပျောက်ပျက်မသွားစေဘဲလေ့လာထုတ်နုတ်မှတ်သားထားရပါမည်။ ၀ယ်ယူစုဆောင်းသင့်သောစာအုပ်စာပေများကို ၀ယ်ယူစုဆောင်းပြီး သင်ခန်းစာယူလျှင်လည်း အတုယူရပါမည်။လုံလောက်သောစာပေသက်ရာက်မှုရှိလျှင် မှန်ကန်သောစေတနာဖြင့် တတ်စွမ်းသမျှ စာတစ်စောင်ပေတစ်ဖွဲ့ ပြုစုသင့်ပါသည်။ အစွမ်းထက်မြက်သောစာပေတို့သည် စာဖတ်ဝါသနာရှင်တို့ထံ အရောက်သွား၍ အကျင့်စာရိတ္တကောင်းပြီးလူသားချင်းရိုင်းပင်းလိုစိတ်၊ ယဉ်ကျေးမှုဓလေ့ထုံးတမ်း မြတ်နိုးထိန်းသိမ်းလိုစိတ်နှင့် စည်းလုံးညီညွတ်စွာ မိမိလူမျိုးမိမိတိုင်းပြည်ကို ချစ်မြတ်နိုးစိတ်များ မျိုးစေ့ချပေးနေသောကြောင့် စာဖတ်ခြင်းဝါသနာသည် လူတိုင်းအတွက် မရှိမဖြစ်လိုအပ်ပါသည်။

နန်းခမ်းညာ(ကောင်တန်ဒေသ)
Powered by Blogger.