Wednesday, May 17, 2017

ရေရှည်ရပ်တည်နိုင်သော စီးပွားရေးလုပ်ငန်းဖြစ်ရန်

တောင်ကြီး၊ ၂၀၁၇ ခုနှစ်၊ မေလ (၁၇) ရက်


ယနေ့ ၂၁ ရာစုကမ္ဘာကြီးမှာ နိုင်ငံ၏စီးပွားရေးသည်လည်း တစ်နှစ်နှင့်တစ်နှစ်မတူညီဘဲ အလျင်အမြန် ပြောင်းလဲလျက်ရှိနေပါသည်။ ကျွန်မတို့မြန်မာနိုင်ငံသည် ဒီမိုကရေစီနိုင်ငံအဖြစ် ကူးပြောင်းနေသည့်ကာလတွင် နိုင်ငံရေး၊ စီးပွားရေးနှင့် လူမှုရေးများသည်လည်း ပြောင်းလဲလျက်ရှိပါသည်။ ပြည်ပမှရင်းနှီးမြုပ်နှံမှု အများအပြား ဝင်လာသည်နှင့်အမျှ ပြည်တွင်းရှိလုပ်ငန်းရှင်များအတွက် စိန်ခေါ်မှုများနှင့် ပြိုင်ဆိုင်မှုများလာမည်ဖြစ်သည်။ ထိုစိန်ခေါ်မှုများကို ပြည်တွင်းမှ ထိုးဖောက်နိုင်မည့် စီးပွားရေးလုပ်ငန်းများကို အရှိန်အဟုန်မြှင့်သင့်သကဲ့သို့ တီထွင်ကြံဆမှုများကို စားသုံးသူ(ဖောက်သည်)များ၏ လိုအပ်ချက်နှင့်အညီ အလိုက်သင့်ပြောင်းလဲနိုင်ရမည်။

လုပ်ငန်းရှင်များအနေဖြင့် စီးပွားရေးလုပ်ငန်းလုပ်သည့်အခါ မျက်စိဖွင့်၊ နားဖွင့်ပြီး သတင်းအချက်အလက်များကို စုစည်းတတ်ရမည်ဖြစ်သည်။ စာအုပ်စာပေကြည့်ပြီး စာအုပ်ကြီးအတိုင်းလုပ်ယူ၍ မရနိုင်ပေ။ ခေတ်နှင့်အညီ လက်တွေ့လုပ်ဆောင်ရာမှ အတွေ့အကြုံများကို ရရှိလာမည်ဖြစ်သည်။ ယနေ့ ၂၁ရာစု ကမ္ဘာကြီး၌ ရုပ်ပိုင်းဆိုင်ရာများထွန်းကားလာသည်နှင့်အမျှ ရင်ဆိုင်၊ ယှဉ်ပြိုင်လျက် ထက်ထက်မြက်မြက် သွက်သွက်လက်လက်သွားလာနေရသော ခေတ်ကြီးပင်ဖြစ်ပါသည်။ အများနည်းတူ ယှဉ်ပြိုင်ရသည့်ခေတ်မှာ မိမိကအများနှင့်မတူဘဲ ဆန်းသစ်တီထွင်မှုများကို ရရှိပိုင်ဆိုင်ထားရန် လိုအပ်ပါသည်။ အများမလုပ်သော အလုပ်ကိုလုပ်လျှင် အများမခံစားရသောအကျိုးကို မိမိကခံစားရမည်ဖြစ်သည်။ အကယ်၍ မိမိလုပ်ငန်းသည် တိုက်လိုခိုက်လိုစိတ်များဖြင့် ရင်ဆိုင်ယှဉ်ပြိုင်လိုမှု နည်းပါးပါက အခြားလုပ်ငန်းရှင်များက မိမိကိုကျော်တက်သွားမည်ဖြစ်သည်။

အောင်မြင်သောစီးပွားရေးတစ်ခုကို ရေရှည်ထိန်းသိမ်းနိုင်ရန် လုပ်ငန်းရှင်များအနေဖြင့် ရိုးသားဖြောင့်မတ်ရန် အလွန်အရေးကြီးပါသည်။ မိမိတို့၏ဖောက်သည်များကို လေးစားရမည်။ ဖောက်သည်များ၏ လိုအပ်ချက်များသည် အမြဲပြောင်းလဲနေသည်ကို သတိထားရမည်။ ထိုပြောင်းလဲမှုကို လိုက်လျောညီထွေစွာ ပြောင်းလဲပေးရမည်။ ထို့ပြင်မိမိတို့၏ လုပ်ငန်းရောင်းအားကောင်းမကောင်းသည်လည်း မိမိလုပ်ငန်းမှာရှိသော ဝန်ထမ်းများ၏ လူမှုဆက်ဆံရေး ဝန်ဆောင်မှုပြည့်ဝစွာ ရှိမရှိ အပေါ်မှာမူတည်နေပါသည်။ လုပ်ငန်းပိုင်ရှင် အနေဖြင့် မိမိ၏လုပ်ငန်းရှိ ဝန်ထမ်းများကို လျစ်လျူမရူသင့်ပေ။ ဝန်ထမ်းများသည်မိမိတို့၏ ကိုယ်ပိုင်လုပ်ငန်းမဟုတ်သည့်အတွက် လုပ်ငန်းတိုးတက်သည် အောင်မြင်သည်ကိုစိတ်ဝင်စားမည်မဟုတ်ပေ။ အချိန်တန်လျှင် လစာရရန်သာ အရေးကြီးသည်။ ထိုကဲ့သို့စိတ်ထားမပြည့်ဝသော ဝန်ထမ်းများကို လက်ခံထားလျှင် မိမိ၏လုပ်ငန်းသည် ထိခိုက်နှစ်နာမှုများကြုံတွေ့ရမည်ဖြစ်သည်။ ထို့ကြောင့် မိမိလုပ်ငန်းအောင်မြင်တိုးတက်ရန်အတွက် မိမိယုံကြည် စိတ်ချရပြီး လူမှုဆက်ဆံရေးကောင်းမွန်သည့် ထက်မြက်သွက်လက်သော ဝန်ထမ်းကောင်းများကို ရွေးချယ်စိစစ်ခန့်အပ်ရန် အလွန်အရေးကြီးပါသည်။

ပြိုင်ဆိုင်မှုပြင်းထန်သောယနေ့ခေတ်တွင် နိုင်ငံတကာစီးပွားရေးလုပ်ငန်းများအပြင် ပြည်တွင်းရှိ လုပ်ငန်းများ များပြားလာသည်နှင့်အညီ မိမိ၏လုပ်ငန်းသည် ပြိုင်ဖက်များထက်သာလွန်ကောင်းမွန်စွာ ယှဉ်ပြိုင်နိုင်ရန်အရေးကြီးပါသည်။ ပြိုင်ဖက်များ၏ အခြေအနေကို မျက်ခြေမပျက်စောင့်ကြည့်လေ့လာရမည်ဖြစ်ပြီး ၎င်းတို့၏ ဈေးနှုန်းသတ်မှတ်မှု၊ ဖောက်သည်၊ ပစ္စည်းအရည်အသွေး၊ လုပ်ငန်းပြင်ဆင်မှု အသွင်အပြင်နှင့် ပြိုင်ဖက်များမဖြည့်ဆည်းပေးနိုင်သည့် အားနည်းချက်များကို မိမိတို့၏အားသာချက်ဖြစ်အောင် လုပ်ဆောင်ရမည်ဖြစ်သည်။ ထို့ပြင်လုပ်ငန်းရှင်များ သတိထားရမည့်အဓိကအချက်များမှာ ဈေးကွက်တွင် အပြိုင်အဆိုင် ရောင်းချနေသည်မှာ ပစ္စည်းမဟုတ်ပါ။ ဝန်ဆောင်မှုနှင့် လူမှုဆက်ဆံရေးဆိုသည်ကို သိထားရမည်ဖြစ်သည်။ မိမိတို့၏ဖောက်သည်များမည်သည့်အရာများလိုအပ်သည်ကို သိအောင်စဉ်ဆက်မပြတ်လေ့လာရမည်။ လိုအပ်သည်များကို ထည့်သွင်းစဉ်းစားရမည်။ ဈေးကွက်နည်းဗျူဟာများကို တရားသေမထားဘဲ လိုအပ်သလို ပြုပြင်ပြောင်းလဲနိုင်ရမည်။ ပြုပြင်ပြောင်းလဲမှုအပေါ် အချိန်တိုင်းမှာ ဝန်ဆောင်မှုအကောင်းဆုံးဖြစ်အောင် လုပ်ဆောင်နိုင်မည်ဆိုလျှင် မိမိတို့၏ဈေးကွက်သည် အမြင့်ဆုံးတစ်နေရာကို ရောက်ရှိလိမ့်မည်ဖြစ်သည်။

ထို့ကြောင့် လုပ်ငန်းရှင်များအနေဖြင့် မိမိတို့၏စီးပွားရေးလုပ်ငန်းရေရှည်ရပ်တည်နိုင်ရန် အထက်ပါ အချက်အလက်များသည် မိမိလုပ်ငန်းအောင်မြင်မှုအတွက် အရေးကြီးသည့်အဓိကအချက်များပင်ဖြစ်ပါသည်။ လုပ်ငန်းအောင်မြင်ရန်အတွက် အတွေ့အကြုံ၊ စီမံခန့်ခွဲမှုနှင့် ရိုးသားမှုများပါဝင်ပြီး အရာရာကိုကြိုတင်တွေးဆ တတ်ရန်လိုအပ်ပြီး မိမိလုပ်ငန်းကြောင့် ပတ်ဝန်းကျင်ထိခိုက်ပျက်စီးမှုမဖြစ်ရန် လုပ်ဆောင်နိုင်ရမည်ဖြစ်သည်။ ထို့ပြင် လုပ်ငန်း၏တစ်နေ့သာလုပ်ဆောင်မှုများကို ငွေကြေးအပိုင်း၊ ဆက်ဆံမှုအပိုင်း၊ ဖောက်သည်အပိုင်း၊ လုပ်ငန်းတိုးတက်မှုရှိမရှိ၊ ရှိလျှင် “ဘာကြောင့် တိုးတက်တာလဲ၊ မရှိလျှင် ဘာကြောင့် မတိုးတက်တာလဲ” အားနည်းချက်၊ အားသာချက်များကိုကြည့်ပြီး လိုအပ်သည်များကို ဖြည့်ဆည်းသွားမည်ဆိုလျှင် လုပ်ငန်းသည် အောင်မြင်မှုရလာမည်ဖြစ်ပြီး ရေရှည်ရပ်တည်နိုင်သောစီးပွားရေးလုပ်ငန်းဖြစ်လာနိုင်မည်ဟု ရေးသားအကြံပြုအပ်ပါသည်။

ခြဲုင်းမူ;ပေ;
(စန္တာ;ခမ်း)
Powered by Blogger.