Thursday, July 13, 2017

ရှမ်းပြည်နယ် စိုက်ပျိုးထုတ်လုပ်ရေးသမ၀ါယမအသင်းများသို့ ချေးငွေနှင့်လယ်ယာသုံးပစ္စည်းများ အရစ်ကျငွေချေးစနစ်ဖြင့် ရောင်းချငွေပေးအပ်ပွဲ အခမ်းအနားကျင်းပ

တောင်ကြီး၊ ၂၀၁၇ ခုနှစ်၊ ဇူလိုင်လ (၁၃) ရက်



ရှမ်းပြည်နယ်အတွင်းရှိ စိုက်ပျိုးထုတ်လုပ်ရေးသမ၀ါယမအသင်းများသို့ အသေးစားအရင်းအနှီးချေးငွေနှင့်လယ်ယာသုံးပစ္စည်းများ အရစ်ကျငွေချေးစနစ်ဖြင့် ရောင်းချငွေပေးအပ်ပွဲအခမ်းအနားကို ၂၀၁၇၊ ဇူလိုင်(၁၃)ရက်နေ့၊ တောင်ကြီးမြို့ရှိ ရှမ်းပြည်နယ်တောင်ပိုင်း/အရှေ့ပိုင်းသမ၀ါယမအသင်းစုချုပ် ကုန်လောင်ရုံမှာ ကျင်းပပြုလုပ်ခဲ့ပါသည်။

သမ၀ါယမအသင်းဝင်များသို့ ယခုချေးငွေများ ပေးနေခြင်းမှာ အဋ္ဌမအကြိမ်ဖြစ်ပြီး (၆)လတစ်ကြိမ် ပြန်ပေးဆပ်စနစ်ဖြင့် အတိုးနုန်း (၁)ကျပ်(၅၀)ပြားဖြင့် (၆)လတစ်ကြိမ် ပြန်ပေးဆပ်ရမှာဖြစ်ပါတယ်။ သမ၀ါယမချေးငွေများကို ပထမအကြိမ်ချေးယူလျှင် ကျပ်တစ်သိန်း၊ ဒုတိယအကြိမ်မှာ နှစ်သိန်း၊ (၃)သိန်း (၄)သိန်းစသည်ဖြင့် တစ်ဆင့်ပြီးတစ်ဆင့် တိုးမြှင့်ထုတ်ပေးမည်ဖြစ်ပြီး (၆)လတစ်ကြိမ် အရင်း-အတိုး ပြန်ဆပ်ရမှာဖြစ်ပါသည်။

လယ်ယာသုံး၊ လုပ်ငန်းသုံးဖြစ်တဲ့ ထော်လဂျီ၊ သုံးဘီးဆိုင်ကယ်စတဲ့ ပစ္စည်းများကို ၀ယ်ယူပြီးလုပ်ငန်းဆောင်ရွက်လိုတဲ့ အသင်းသားများမှာလည်း ပစ္စည်းတန်ဖိုး ၂၀% ပေးချေပြီး ကျန်သည့် ၈၀%ကို သမ၀ါယမချေးငွေဖြင့် စိုက်ထုတ်ပေးသွားမှာ ဖြစ်ပါတယ်။ စက်ပစ္စည်းတန်ဖိုးအနည်းအများအလိုက် (၂)နှစ် သို့မဟုတ် (၃)နှစ် ဆပ်စသည့် (၆)လတစ်ကြိမ် အရင်း(၄)ပုံ(၁)ပုံ+အတိုး/ သို့မဟုတ် (၆)ပုံ(၁)ပုံ+အတိုး ပေးသွင်းရင်း သတ်မှတ်ကာလ (၂)နှစ် သို့မဟုတ်(၃)နှစ် ပြည့်သည့်အခါ ထွန်စက်ပိုင် ထော်လဂျီပိုင်များ ဖြစ်လာမှာ ဖြစ်ကြောင်း သိရှိရသည်။

ယခုပေးအပ်ပွဲတွင် အသေးစားအရင်းအနှီးချေးငွေမှာ - ကျပ်(၁၈၆၆၀၃.၃၂၃၂၆)သိန်း၊ လယ်ယာသုံး စက်ပစ္စည်းရေ  (၁၂၆)စီး- တန်ဖိုးငွေအနေဖြင့် ကျပ်( ၅၁၃၅.၁၇၀၄)သိန်း၊ လုပ်ငန်းသုံးပစ္စည်း စီးရေ (၂၇)စီး၊ တန်ဖိုးအားဖြင့် ကျပ် (၅၇၄.၄၄)သိန်း၊ ရေလုပ်ငန်းသုံး စက်ပစ္စည်း စီးရေ(၃)စီး၊ တန်ဖိုးအားဖြင့် ကျပ်(၈၄)သိန်း၊ စုစုပေါင်း စက်ပစ္စည်းရေ (၁၅၆)စီးရှိပြီး တန်ဖိုးအားဖြင့် ကျပ် (၅၇၉၃.၆၁၀၄)သိန်းရှိကြောင်း သိရှိရသည်။

ယခုပေးအပ်ပွဲသို့ ရှမ်းပြည်နယ်ဝန်ကြီးချုပ်ဒေါက်တာလင်းထွဋ်နှင့်အစိုးရအဖွဲ့ဝင်ဝန်ကြီးများ၊ အစိုးရဌာန ဆိုင်ရာများ၊ သမ၀ါယမအဖွဲ့တာဝန်ရှိပုဂ္ဂိုလ်များ၊ ဖိတ်ကြားထားသည့် ဧည့်သည်တော်များ တက်ရောက်ခဲ့ကြကြောင်း သိရှိရပါသည်။

ခွန်ဓဇ
Powered by Blogger.