တောင်ကြီးမြို့၊ တောင်ရိုးစာပေနှင့် ယဉ်ကျေးမှုအသင်း ဖွဲ့စည်းပုံအသစ် ပြန်လည်ဖွဲ့စည်းခြင်းနှင့် ရုံးဖွင့်ပွဲ အခမ်းအနားကို ၂၀၁၇ခုနှစ်၊ ဇူလိုင်လ (၂၅)ရက်၊ မနက် (၁၁း၀၀)နာရီ အချိန်တွင် တောင်ကြီးမြို့၊ ကန်ရှေ့ရပ်၊ အေးချမ်းရွှေပြည်တိုက်တန်း(B-1)တွင် ပြုလုပ်ကျင်းပခဲ့ကြောင်းသိရှိရပါသည်။
ရှေးဦးစွာ ရှမ်းပြည်နယ်အစိုးရအဖွဲ့ ဗမာတိုင်းရင်းသားရေးရာဝန်ကြီး ဒေါက်တာအောင်သန်းမောင်၊ ပအိုဝ်းအမျိုးသားအဖွဲ့ချုပ်(PNO)၊ နာယက ဖြားတန်ခွန်လာနှင့် တောင်ရိုးစာပေနှင့်ယဉ်ကျေးမှုအသင်းမှ တာဝန်ရှိပုဂ္ဂိုလ်များက ဖဲကြိုးဖြတ်ဖွင့်လှစ်ပေးခဲ့ပြီး တက်ရောက်လာကြသည့်ဧည့်သည်တော်များအား နေ့လည်စာဖြင့် တည်ခင်းဧည့်ခံကျွေးမွေးပေးခဲ့ပါသည်။
အဆိုပါ စာပေနှင့်ယဉ်ကျေးမှုအသင်းရုံးဖွင့်ပွဲနှင့် ပတ်သက်၍” မိမိတို့တိုင်းရင်းသားစာပေနှင့် ယဉ်ကျေမှုးများ ထင်ရှားလာစေရန်၊ မိမိတို့တောင်ရိုးလူမျိုးဖွံ့ဖြိုးရေးအတွက် ကိုယ်စားလှယ်လောင်းပေါ်ထွက်လာစေရန်၊ မျိုးဆက်သစ်လူငယ်မောင်မယ်များ အနေဖြင့် မိမိတို့ စာပေနှင့်ယဉ်ကျေးမှုများကို တန်ဖိုးထားထိန်းသိမ်းတတ်ရန် ရည်ရွယ်ပြီး တောင်ရိုးစာပေနှင့်ယဉ်ကျေးမှုအသင်း(ဗဟို)၏ ခွင့်ပြုချက်အရ တောင်ကြီးမြို့နယ်တွင် တောင်ရိုးစာပေနှင့်ယဉ်ကျေးမှုအသင်းရုံးကို ဖွင့်လှစ်ရခြင်းဖြစ်ကြောင်း” စာပေနှင့်ယဉ်ကျေးမှုအသင်း (တောင်ကြီး)အတွင်းရေးမှူး ဒေါ်ခင်စန်းရီက ပြောကြားပေးခဲ့ပါသည်။
ထိုအခမ်းအနားသို့ ရှမ်းပြည်နယ်အစိုးရအဖွဲ့၊ တောင်ရိုးစာပေနှင့်ယဉ်ကျေးမှုအသင်း တာဝန်ရှိပုဂ္ဂိုလ်များ၊ ပအိုဝ်းအမျိုးသားအဖွဲ့ချုပ်(PNO) နာယက ဖြားတန်ခွန်လာနှင့် ရုံးဝန်ထမ်းများ၊ ပအိုဝ်း ၊ ဓနု ၊ အင်းသား၊ ရှမ်းစာပေနှင့် ယဉ်ကျေးမှုအဖွဲ့များနှင့် အခြားဖိတ်ကြားထားသော ဧည့်သည်တော်များ တက်ရောက်ခဲ့ကြကြောင်း သိရှိရပါသည်။
နန်းတဆံထီ
Like On Facebook
Follow On Twitter
Subscribe On RSS