ပအိုဝ်းကိုယ်ပိုင်အုပ်ချုပ်ခွင့်ရဒေသ၊ လုပ်ငန်းခွင်အကြို ဆရာအတတ်သင်ဒီပလိုမာအထူးသင်တန်းကျောင်းတွင် မြန်မာ့သိုင်းသင်ကြား

တောင်ကြီး၊ ၂၀၁၇ ခုနှစ်၊ သြဂုတ်လ (၁) ရက်

၂၀၁၇၊ ဇူလိုင်(၂၉)ရက်နေ့မှစ၍ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ လုပ်ငန်းခွင်အကြို ဆရာအတတ်သင်ဒီပလိုမာအထူးသင်တန်းကျောင်းရှိ ကျောင်းသား/သူ (၁၁၀)ဦးအား  ရှမ်းပြည်နယ် အား/ကာဦးစီးဌာနအစီအစဉ်ဖြင့် မြန်မာ့ရိုးရာ ကိုယ်ခံပညာ မြန်မာ့သိုင်းများကို သင်ကြားပေးနေကြောင်း သိရသည်။

ထိုသင်တန်းတွင် part -1, part -2 အဆင့်များကို သင်ကြားသွားမည်ဟု သိရပြီး part -1 အောင်မှသာ part -2 အဆင့်သို့ သင်ကြားခွင့်ရမည်ဖြစ်သည်။ part – 3 အဆင့်ကိုမူ part -1, part -2 အဆင့် အောင်မြင်ပြီးသူများ part -3 အဆင့်ကို ဆက်လက်သင်ကြားသည့်သူများရှိပါက မြန်မာနိုင်ငံ မြန်မာ့သိုင်းအဖွဲ့ချုပ် (ဗဟို)တွင်သာသင်ယူရမည်ဟု သိရပါသည်။

ယခုသင်တန်းမှာ (၁၅)ရက်သင်တန်းဖြစ်ပြီး သြဂုတ်(၁၃)ရက်နေ့တွင် သင်တန်းဆင်းပွဲပြုလုပ်မည်ဟု သိရသည်။

ရှေးနှစ်ပေါင်းပဝေသဏီကပင် တည်ရှိလာသည့် မြန်မာ့ရိုးရာ ကိုယ်ခံပညာ မပျောက်ပျက်အောင်၊ မြန်မာတိုင်း မြန်မာ့သိုင်းတတ်ရမည် ဦးတည်ချက်များဖြင့် သင်ပေးကြောင်း ရှမ်းပြည်နယ် မြန်မာ့သိုင်းအဖွဲ့ ဒု-ဥက္ကဋ္ဌ ဖြစ်သည့် ဆရာဦးစိုင်းမော်(ပင်မဦးစီး ဆရာကြီးအဆင့်)က ပြောကြားခဲ့ပါသည်။

ခွန်ရာဇာဓိပတိ