၂၀၁၇၊ ဇူလှိုင်လ(၅)ရက်နေ့တွင် ရှမ်းပြည်နယ် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံးကျော်နှင့် အမျိုးသားလွှတ်တော်ကိုယ်စားလှယ် ဖြားခွန်သိန်းဖေ၊ ရှမ်းပြည်နယ် လွှတ်တော်ကိုယ်စားလှယ်များဖြစ်သည့် ဖြားခွန်သူရအောင်၊ ဖြားခွန်ဖြူ၊ ခွန်လှသိန်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဋ္ဌ ဖြားခွန်စံလွင်၊ ပအိုဝ်းအမျိုးသားအဖွဲ့ချုပ် (PNO) ဗဟိုဌာနချုပ်ရုံးမှ တာဝန်ရှိပုဂ္ဂိုလ်များက နောင်ကားရေလှောင်တမံအား လာမည့်ဘဏ္ဍာရေးနှစ်များတွင် ဦးစားပေးလျှာထား တည်ဆောက်နိုင်ရန်အတွက် လာရောက်ကြည့်ရှု လေ့လာခဲ့ကြပါသည်။
နောင်ကားရေလှောင်တမံမှာ နောင်ကားကျေးရွာ၏ အနောက်မြောက်ဘက် ဂနိုင်တောတွင် တည်ရှိကာ တည်ဆောက်ပြီးပါက စိုက်ပျိုးဧက(၁၀၀၀)ကျော်နှင့်တခြားဆက်စပ်ရာများကို အကျိုးပြုနိုင်မည်ဖြစ်ပြီး ကျပ်သိန်းပေါင်း(၆၀၀၀)ခန့် ကုန်ကျမည်ဟု ခန့်မှန်းထားပါသည်။
နောင်ကားရေလှောင်တမံသည် ဒေသခံပြည်သူများ၏ သောက်သုံးရေနှင့်စိုက်ပျိုးမြေများအတွက် လိုအပ်ချက်ကုို ဖြည့်ဆည်းပေးနိုင်သလို အများပြည်သူအပန်းဖြေနိုင်ရာ နေရာတစ်ခုဖြစ်လာမည်ဖြစ်သည်။
ခွန်ဓဇ
Like On Facebook
Follow On Twitter
Subscribe On RSS