Tuesday, August 15, 2017

ကိုယ်ပိုင်အုပ်ချုပ်ခွင့်ရ (ပအိုဝ်း ၊ဓနု၊ နာဂ)ဒေသ သုတေသနတွေ့ရှိချက်များကို ပြန်လည်မျှဝေခြင်း အခမ်းအနားပြုလုပ်ကျင်းပ

 တောင်ကြီး၊ ၂၀၁၇ ခုနှစ်၊ သြဂုတ်လ (၁၆) ရက်



တောင်ကြီးမြို့၊ ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၊ အစည်းအဝေးခန်းမတွင် ကိုယ်ပိုင်အုပ်ချုပ်ခွင့်ရ (ပအိုဝ်း၊ နာဂ၊ ဓနု)ဒေသအတွင်းရှိ တိုင်းရင်းသားလူမျိုးများနေ့စဉ်ဘ၀တွင် ကြုံတွေ့လေ့ရှိသော အငြင်းပွားမှု ဖြေရှင်းခြင်းဆိုင်ရာ အပြုအမူများကို ကွင်းဆင့်းလေ့လာ သုတေသ နဆိုင်ရာ ပြုလုပ်ပြီး ပြန်လည်မျှဝေခြင်း အခမ်းအနားကို ၂၀၁၇-ခုနှစ်၊ သြဂုတ်လ(၁၆)ရက်နေ့နံနက်ပိုင်း (၉း၀၀)နာရီ အချိန်တွင် ပြုလုပ်ကျင်းပကြသည်။

အဆိုပါအခမ်းအနားတွင် ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံးရှိ သုတေသနနှင့် နည်းဗျူဟာရေးဆွဲဌာနမှ ရုံးဝန်ထမ်းဖြစ်သည့် ခွန်ဝင်းနိုင်နှင့် နန်းခိုင်မာဦးတို့က သွားရောက်လေ့လာ သုတေသနပြုခဲ့သည့် ကိုယ်ပိုင်အုပ်ချုပ်ခွင့်ရ (ပအိုဝ်း၊ နာဂ၊ ဓနု)ဒေသတိုင်းရင်းသားများ၏ လူနေမှုဘ၀အခြေအနေများ၊ ရိုးရာယဉ်ကျေးမှုများ၊ ဓလေ့ထုံးတမ်းဥပဒေ အစဉ်အလာများ၊ လမ်းပန်းဆက်သွယ်ရေးအခြေအနေများ၊ နယ်မြေဒေသတည်ငြိမ်မှု၊ အေးချမ်းမှုအခြေအနေများနှင့် တရားဥပဒေစိုးမိုးမှု အခြေအနေများကို ပြန်လည်ရှင်းလင်း တင်ပြပေးခဲ့ပါသည်။

ထိုဆွေးနွေးပွဲကို ပအိုဝ်းအမျိုးသားအဖွဲ့ချုပ် (PNO) ဌာနချုပ်ရုံးမှ စီမံဌာန၊ ပြန်ကြားရေးဌာန၊ ၀က်ဆိုဒ်ဌာန၊ ဥပဒေရေးရာဌာန၊ နိုင်ငံတကာဆက်ဆံရေးဌာန၊ လွှတ်တော်ရေးရာဌာန၊စည်းရုံးရေးဌာန၊ ပြည်သူ့ဆက်ဆံရေးဌာန၊ ဘဏ္ဍာရေးဌာန၊ လေ့ကျင့်ရေးနှင့်ပညာပေးရေးဌာနတွင် အမျိုးသားရေးတာဝန်များကို ထမ်းဆောင်နေကြသော ရုံးဝန်ထမ်းလူငယ်မောင်မယ်များနှင့် ရုံးအဖွဲ့မှူး စောခွန်ကျော်ဝင်းတို့က တက်ရောက် ဆွေးနွေးခဲ့ကြပါသည်။

ခွန်အောင်ထွိုက်ဗွေ

Powered by Blogger.