လူတိုင်းသည်မွေးကတည်းကပင် မကြိုးစားဘဲအောင်မြင်သည့်သူမရှိပါ။ အောင်မြင်မှုသည် ကိုယ့်ဆီကို အရောက်လာခြင်းမဟုတ် ကိုယ်ကရောက်အောင်သွားရခြင်းဖြစ်သည်။ သင်အောင်မြင်မည် ကျဆုံးမည်ဆိုသည်ကို သင်ကလွဲ၍ မည်သူမျှမစွမ်းဆောင်နိုင်ပါ။ လူတိုင်းသည် အောင်မြင်သည့်နေရာတွင် မတူညီကြပါ။ စီးပွားရေး၊ လူမှုရေး၊ နိုင်ငံရေး၊ ပညာရေးစသည့်ကဏ္ဍတို့တွင်လည်း တူညီမှုမရှိကြဘဲ အောင်မြင်မှုများရရှိနေကြသည်။ ပခုံးနှစ်ဖက်ကြားကခေါင်းပေါက်တာချင်းအတူတူ အဘယ့်ကြောင့် ချမ်းသာသူ၊ ဆင်းရဲသူ၊ အောင်မြင်သူ၊ ကျဆုံးသူဟူ၍ ရှိသနည်း။ ထိုအောင်မြင်မှု ကျဆုံးမှုဖြစ်ရခြင်း အကြောင်းရင်းအများကြီးထဲမှ စိတ်ဓါတ် တက်ကြွစွာရှိခြင်း၊ မိမိကိုယ်ကိုယ် ယုံကြည်မှုရှိခြင်း၏ အရေးကြီးသည့်အကြောင်းကို တင်ဆက်လိုပါသည်။
အောင်မြင်မှု၏လျို့ဝှက်ချက်တစ်ခုသည် စိတ်အားထက်သန်မှုဖြစ်ပြီး တက်ကြွသည့်သူတိုင်းသည် သူတို့ဘ၀ကိုသူတို့အောင်မြင်အောင်လုပ်ဆောင်ကြပါသည်။ တက်ကြွမှုဆိုခြင်းသည် စိတ်ဓါတ်တက်ကြွမှု လန်းဆန်းနိုးကြားမှုကို ဆိုလိုခြင်းဖြစ်ပါသည်။ လူအများကို ဦးဆောင်၍ အောင်မြင်သော ခေါင်းဆောင်တို့ထံတွင် တက်ကြွမှုမရှိသော လုပ်ရပ်ဖြင့် ဦးဆောင်နေသည်ကို သင်မြင်ဖူးပါသလား။ အကယ်၍ တက်ကြွမှု မရှိဘဲဦးဆောင်နေသော ခေါင်းဆောင်တစ်ယောက်၏နောက်သို့ သင်လိုက်ချင်စိတ်ရှိပါသလား။ အမြဲတမ်း တက်ကြွလန်းဆန်းနေမှသာလျှင် အောင်မြင်မှုသည် ကိုယ့်နောက်သို့အမြဲကပ်ပါလာ၍ ပြိုင်ဘက်ကင်းစွာ အောင်မြင်နိုင်ပါသည်။ စိတ်ဓါတ်ပျော့ညံ့သည့်သူ၊ ပျင်းရိနေသည့်သူသည် အဘယ်မှာအောင်မြင်နိုင်မည်နည်း။ ထိုကဲ့သို့ပုဂ္ဂိုလ်များ အောင်မြင်တိုးတက်နေသည်ဆိုလျှင် တစ်ထောင်မှ တစ်ယောက်ဖြစ်၍ မိဘဆွေးမျိုး ပတ်ဝန်းကျင်အသိုင်းအဝိုင်းတို့၏ ဦးဆောင်လမ်းညွှန်မှု နောက်ကိုကပ်၍ အောင်မြင်နေခြင်း ဖြစ်ပါလိမ့်မည်။ သင်အောင်မြင်ချင်လျှင် ပျင်းရိခြင်းကို ပယ်ဖျောက်ရမည်ဖြစ်ပြီး အမြဲတက်ကြွနေရပါမည်။ စိတ်ဓါတ်တက်ကြွနေသောသူသည် အမြဲလိုလို မည်သည့်အရာဘဲလုပ်လုပ် အင်အားအပြည့်ဖြင့် လုပ်ဆောင်နိုင်သည်။ စိတ်ဓါတ်တက်ကြွနေ၍ သင်အောင်မြင်မည်ဟုထင်ပြီး ယုံကြည်စွာပြုလုပ်ခဲ့သော မည်သည့်ကိစ္စကိုမဆို အမှန်တကယ်ပင်အောင်မြင်ခဲ့သည် မဟုတ်ပါလား။ တွေဝေငေးမှိုင်မနေဘဲ သူတစ်ပါးအကျိုးမထိခိုက်သော လူအများအတွက် အကျိုးရှိသော အလုပ်များကို ယုံကြည်မှုအပြည့်ဖြင့် တက်ကြွစွာလုပ်ဆောင်ပါ။
“ကြောက်စိတ်” သည် ဒီကမ္ဘာပေါ်မှာ ဘယ်အရာထက်မဆို လူတွေကို အနိုင်ယူနေကြပါသည်။ ထို့ကြောင့် သင်ကြောက်ရွံ့နေလျှင် အခွင့်အရေးတိုင်းကို ရဲရင့်သူတို့၏လက်ထဲတွင်သာ ရောက်ရှိနေမည်ဖြစ်ပါသည်။ သင်မည်သည့်အရာကိုတွေး၍ ကြောက်နေသနည်း။ မကောင်းမှုပြုလုပ်ခြင်းကိုသာ ရှက်ကြောက်ရမည် ဖြစ်ပါသည်။ မည်သည့်ကိစ္စမဆို ရင်းနှီးမြုပ်နှံမှုပြုသောအခါတွင် မအောင်မြင်မှာကို ကြောက်၍ ရင်းနှီးမြုပ်နှံမှုမပြုလုပ်လျှင် သင်မည်သည့်အချိန်မှသာ အောင်မြင်မည်နည်း။ ဘယ်တော့မှ စိတ်ဓါတ်မကျ လက်မလျော့ပါနှင့် သင်လက်မလျှော့လျှုင် အခက်အခဲများသည် ဘယ်တော့မှ ကိုယ့်ကိုဒုက္ခပေးလို့မရပါ။ မည်သည့်ကိစ္စမဆို သင်ဆောင်ရွက်သောအခါ မှားမည်ကိုမကြောက်ပါနှင့် ဉာဏ်ပညာဆိုတာ အမှားထဲမှ ထွက်ပေါ်လာခြင်းဖြစ်သည်။ နောင်လာမည့်အနာဂါတ်ကို ကြိုတွေး၍ကြောက်မနေသင့်ပါ။ လက်ရှိကို အကောင်းဆုံးဆောင်ရွက်ပြီး အနာဂါတ်အတွက် အသင့်တော်ဆုံးကြိုတင်ပြင်ဆင်မှု ပြုလုပ်ရန်သာ ဖြစ်ပါသည်။ သင့်ရဲ့စိတ်ထဲတွင်ရှိနေသော ကြောက်စိတ်များကို ချက်ခြင်းဖယ်ရှားလိုက်ပါ။
“သင်အောင်မြင်ချင်ပါသလား?” အောင်မြင်လိုလျှင် မိမိကိုယ်ကိုယ်ယုံကြည်မှုအပြည့်ရှိပါ။ မိမိကိုယ်ကိုယ်ယုံကြည်မှုအပြည့်ရှိနေသောသူသည် ပြုလုပ်သည့်ကိစ္စတိုင်းအောင်မြင်မှုရရှိကြသည်။ မိမိကိုယ်ကိုယ်ယုံကြည်မှုရှိရန်အတွက်လည်း သင်ပြုလုပ်နေသောကိစ္စတစ်ခု၏နယ်ပယ်နှင့် အကြောင်းအရာများကို ရှင်းလင်းတိကျစွာသိထားရမည်ဖြစ်သည်။ မဟုတ်လျှင် သီချင်းစာသားအကုန်မတတ်ဘဲ အကျယ်ကြီးလိုက်ဆိုနေရသလို ဖြစ်နေပါလိမ့်မည်။ သို့သော် မွေးရာပါအောင်မြင်နေသောသူသည် ဘယ်သတ္တဝါမျိုးမှာမှ မရှိသောကြောင့် စိတ်အားထက်သန်စွာကြိုးစား၍ မိမိကိုယ်ကိုယ်ယုံကြည်မှုအပြည့်ဖြင့် လုပ်ဆောင်သွားရမည်ဖြစ်သည်။ သင့်အနာဂါတ်အောင်မြင်မှုပန်းတိုင်ဆီကို ယုံကြည်မှုကိုစွဲမြဲစွာကိုင်ထားပြီး လျှောက်လှမ်းသွားရမည်ဖြစ်သည်။ မိမိကိုယ်ကိုယ်မိမိယုံကြည်နေမှသာလျှင် အခြားသူများနှင့်တွဲ၍ အလုပ်လုပ်သည်ဖြစ်စေ စည်းရုံးသည်ဖြစ်စေ ပူးပေါင်းဆောင်ရွက်မှုကို ရယူသည်ဖြစ်စေ သင့်ကိုယုံကြည်နေမည်ဖြစ်သည်။ အခက်အခဲမှန်သမျှကို ကျော်လွှားနိုင်မည်ဟု မိမိကိုယ်ကိုယ်ယုံကြည်မှုအပြည့်ရှိနေမှသာလျှင် သင်အောင်မြင်မည်မှာ အသေအချာပင်ဖြစ်သည်။
အောင်မြင်မှုရရှိရန် နောက်ထပ်အရေးကြီးသည့်အရာသည် ကြိုတင်ပြင်ဆင်မှုပင်ဖြစ်သည်။ တရုတ်ပညာရှိ ကွန်ဖြူးရှပ်က “အောင်မြင်မှုတို့သည် ကြိုတင်ပြင်ဆင်ခြင်းအပေါ်တွင် မှီခိုသည်။ ကြိုတင်ပြင်ဆင်မှုမရှိလျှင် ဆုံးရုံး(ကျဆုံး)မည်မှာ အသေအချာပင်ဖြစ်သည်”ဟုပြောထားပါသည်။ ကြိုတင်ပြင်ဆင်မှုဆိုရာတွင် သင်အောင်မြင်ရန်အတွက် လိုအပ်သောအချက်များ၊ အိုင်ဒီယာများကို စုစည်း၍ ရရှိအောင်ပြုလုပ်ထားခြင်းပင်ဖြစ်သည်။ ကျောင်းသားတစ်ယောက်စာမေးပွဲအောင်ရန်အတွက် အောင်ချင်သည့်စိတ်သာမက စာများကိုကြိုတင်လေ့လာကျက်မှတ်ထားမှသာလျှင် ရရှိမည်ဖြစ်သည်။ ကြိုတင်ပြင်ဆင်မှုကောင်းမွန်စွာပြုလုပ်ထားသောသူများသာလျှင် သူတစ်ပါး၏ယုံကြည်မှုနှင့်ထိုက်တန်သူ ဖြစ်သည်။ “ဘယ်အရာမှ မစသေးခင် အသင့်ဖြစ်နေခြင်းသည် အောင်မြင်ခြင်း၏လျို့ဝှက်ချက်ပင်ဖြစ်သည်” ဟင်နရီဖိုဒ်က အောင်မြင်မှုတွင် ကြိုတင်ပြင်ဆင်ခြင်း၏ အရေးကြီးကြောင်းကိုပြောထားပါသည်။
ထို့ကြောင့် အောင်မြင်မှုသည် အလိုအလျောက်မိမိတို့ထံသို့ ရောက်ရှိလာခြင်းမဟုတ် အောင်မြင်မှုပန်းတိုင်ဆီသို့သာ အရောက်လှမ်းရသောကြောင့် စိတ်အားထက်သန်စွာဖြင့် ရရှိအောင်ကြိုးစား ရယူရမည်ဖြစ်သည်။ “ကြောက်ရင်လွဲ ရဲလျှုင်မင်းဖြစ်” ဆိုသည့်အတိုင်း မိမိကိုယ်ကိုယ်ယုံကြည်မှုအပြည့်ဖြင့် ကြိုတင်ပြင်ဆင်မှုပြုလုပ်ကာ ကြောက်ရွံ့ခြင်းကို အမြစ်ပြတ်ဖယ်ရှားရမည်ဖြစ်သည်။ သင့်၏ဘ၀တွင် အောင်မြင်မှုပန်းတိုင်ကို ဆွတ်ခူးနိုင်ရန် သင်၏ပျင်းရိသောစိတ်၊ မရွံ့မရဲဖြစ်သောစိတ်များကို ယခုချိန်မှစ၍ တိုက်ထုတ်ရမည်ဖြစ်ပါသည်။
ခွန်တကျော; (ခါ;ပြောဝ်,ပြုံ;)
Like On Facebook
Follow On Twitter
Subscribe On RSS