Wednesday, September 13, 2017

ကိုယ်စွမ်းကိုယ်စဖြင့် ဘဝကြီးပွားရေး

တောင်ကြီး၊ ၂၀၁၇ ခုနှစ်၊ စက်တင်ဘာလ (၁၄) ရက်


လူသားအများစုသည် နေ့စဉ်လုပ်နေကျ သမားရိုးကျ အလုပ်များဖြင့် လက်မလည်အောင် ဖြစ်နေကြသည်။ ထို့ကြောင့်ပင် မိမိတို့၏ ကိုယ်စွမ်းကိုယ်စကိုမမြင်နိုင်ကြခြင်းဖြစ်သည်။ ကျွန်ုပ်တို့၏ခန္ဒာကိုယ် အတွင်း၌
ကိန်းအောင်းနေသောကိုယ်စွမ်းကိုယ်စများ တစ်ပုံတစ်ပင်ကြီးရှိနေပြီးဖြစ်သောကြောင့် ကျွန်ုပ်တို့၏ အဓိကတာဝန်မှာမိမိတို့၏ ကိုယ်စွမ်းကိုယ်စကိုအမြန်ဆုံးဖော်ထုတ်ရန် အသုံးချရန်သာဖြစ်သည်။ သို့သော်လည်း
လူနည်းစုသာလျှင် ကိုယ်စွမ်းကိုယ်စကိုဖော်ထုတ်နိုင်ပြီးအသုံးချနိုင်ကြသည်။ လူအများစုသည် ကိုယ်စွမ်းကိုယ်စကို လုံးဝဖော်ထုတ်ခြင်းမရှိသည်ကိုလည်း တွေ့ရှိရပါသည်။ ကိုယ်စွမ်းကိုယ်စကို ဖော်ထုတ်သောသူများမှာလည်းရာနှုန်းပြည့် ဖော်ထုတ်နိုင်ခြင်းမရှိကြချေ။

မိမိဘ၀တိုးတက်ရန်အတွက် ကိုယ်စွမ်းကိုယ်စကိုမဖော်ထုတ်သောသူများသည် မည်သည့် အောင်မြင်မှုမျိုးကိုမှရရှိနိုင်မည်မဟုတ်ချေ။ထိုကဲ့သို့ ကိုယ်စွမ်းကိုယ်စများဖော်ထုတ်ခြင်းမရှိပါက မိမိသွားလိုသည့် ပန်းတိုင်ရောက်ရှိနိုင်ရန် သွားသောအခါ မမျော်လင့်သောအခက်အခက်အခဲများ ကြုံတွေ့မည်ဆိုပါက လက်မြှောက်အရှုံးပေးကာမူလနေရာသို့ပင် ပြန်လာခဲ့ရမည်ဖြစ်သည်။ ဤဖြစ်ရပ်မျိုးကိုယနေ့မိမိတို့၏ ပတ်ဝန်းကျင်တွင်အများအားဖြင့် မြင်တွေ့၊  ကြုံတွေ့နေကြရပါသည်။ လူအများစုသည် မိမိစားဝတ်နေရေး အတွက် အလုပ်တစ်ခုခုကိုလုပ်ကိုင်ကြသည်။ ထိုသို့လုပ်ကိုင်သည့်နေရာတွင်လခစားအလုပ်(သို့မဟုတ်) ကိုယ်ပိုင်အလုပ်လည်းဖြစ်ကြပါလိမ့်သည်။ သို့သော် ယင်းအလုပ်ကို၎င်းတို့သည်မိမိ၏ ကိုယ်စွမ်းကိုယ်အားဖြင့် တာရှည်အောင်ဆက်မလုပ်ကြခြင်းနှင့်တစ်ပတ်လုပ်(သို့မဟုတ်) တစ်နှစ်သာလုပ်ကြ၍အကြောင်း အမျိုးမျိုးပြပြီးအလုပ်မှ နုတ်ထွက်လိုက်ကြသည် သို့မဟုတ် အလုပ်ကိုရပ်စဲလိုက်ကြသည်။

ထို့ကြောင့် လူသားအများစုသည် အောင်မြင်မှုမရခင် အရှုံးနှင့်သာရင်ဆိုင်ကြရသည်။ အဆိုပါ အလုပ်များကပေးစွမ်းနိုင်သည့် အခွင့်အလမ်းများ၊သင်တန်းများနှင့် အတွေ့အကြုံဗဟုသုတများကို လက်လွှတ်ဆုံးရှုံးကြရပြီးမိမိသွားလိုသည့်ပန်းတိုင်သို့ရောက်အောင်သွားနိုင်ခြင်းမရှိမူလနေရာမှာပင် အမြဲ တမ်းပြန်ရောက်နေခြင်းပင်ဖြစ်သည်။ လူသားအများစုသည် အလုပ်တစ်ခုပြီးတစ်ခုအမြဲတမ်းပြောင်းရွှေ့ နေခြင်းဖြစ်သည်။ လူသားတို့သည် အနာဂတ်အလားအလာကောင်းသော ပထမအလုပ်ကိုစွန့်ပစ်ပြီး လက်ရှိအလုပ်ဖြင့်ပိုက်ဆံအနည်းငယ်ပိုရသောအလုပ်ကိုပြောင်းလုပ်ကြသည်။ လူသားအားလုံးတို့သည် ဤသို့အလုပ်ကိုပြောင်းလဲလုပ်ကိုင်နေကြခြင်း၏အကြောင်းရင်းမှာမိမိအကြောင်းကိုမိမိကိုမိမိမသိခြင်း၊ မိမိ၏ကိုယ်စွမ်းကိုယ်စကိုမိမိကိုယ်တိုင်မသိခြင်း၊ မိမိကိုယ်ကိုမိမိစိတ်ချယုံကြည်လေးစားခြင်း မရှိသော ကြောင့်ဖြစ်သည်။

လူ့ဘဝတွင် တက်လမ်းသို့မဟုတ် အောင်မြင်မှုလမ်းသည် အမြဲတမ်းရှည်လျားသကဲ့သို့ အမြဲတမ်း မတ်စောက်ခြင်းနှင့် အမြဲတမ်းခက်ခဲနေပါသည်။ ထိုလမ်းများကိုမိမိအတွက် သူတစ်ပါးကတက်ပေး၍မရ ကိုယ်တိုင်တက်မှသာရမည်ဖြစ်သည်။ စိတ်ရှည်မှု အာရုံစူးစိုက်မှုအားထုတ်မှုတို့သည်သာလျှင် အောင်မြင်မှု ကို ပေးစွမ်းနိုင်ကြသည်။ လူတစ်ယောက်၏ အောင်မြင်မှု ဆုံးရှုံးမှုသည် မိမိ၏ စိတ်အာရုံကျက်စားမှု အခြေအနေပေါ်တွင်အများကြီးမူတည်ပါသည်။ မိမိတို့၏သေးသိမ်သောအရာများတွင်သာ စိတ်အာရုံ ကျက်စားလျှင်မိမိ၏ဘဝအခြေအနေသည် သေးသိမ်နေမည်သာဖြစ်သည်။ ကြီးကျယ်သော အရာများတွင် သာစိတ်အာရုံကျက်စားလျှင် မိမိဘဝအခြေအနေသည် ကြီးကျယ်လာမည်ဖြစ်သည်။ကျွန်ုပ်တို့သည် စိတ်ကူးတွေးတောကြပြီး ကျွန်ုပ်တို့၏ စိတ်ကူးတွေးတောမှုများအတိုင်းပင် ကျွန်ုပ်တို့ ဖြစ်လာကြသည်။ တချို့ကမလုပ်ခင်ကပင် အပျက်ကိုကြိုပြီးတွေးကြသည်။ တချို့ကသူများလုပ်တာကို ‘မအောင်မြင်နိုင်ပါဘူး’ ဟူ၍ ဖျက်ကြသည်။ သူတို့သည် အခက်အခဲများကိုမည်ကဲ့သို့ကျော်ဖြတ်ရမည်ကို နည်းလမ်းရှာဖွေကြံဆ ရမည့်အစားအစတည်းကပင် အရှုံးပေးလက်နက်ချနေပြီ ဖြစ်သည်။ ထို့ကဲ့သို့သောလူသားတို့သည် မိမိ၏ ကိုယ်စွမ်းကိုယ်စကိုသိရှိနားလည်ခြင်းမသိသကဲ့သို့အသုံးလည်းမချသူများဖြစ်သည်။

ထို့ကြောင့် မိမိ၏အစွမ်းသတ္တိနှင့် အခွင့်အလမ်းများကိုသိရှိပြီးယင်းတို့ကိုကောင်းစွာအသုံးချတတ် လျှင် ဆွေမျိုးသားချင်းများနှင့် အပေါင်းအသင်းများကအံ့သြရလောက်အောင်တိုးတက်အောင်မြင်လာမည် ဖြစ်သည်။

“ဆပ်ကပ်ထဲတွင်လူငယ်လေးကတုတ်သေးသေးလေးကိုကိုင်ပြီး ဧရာမဆင်ကြီးကို အမျိုးမျိုး စေခိုင်းသည်။ အကယ်၍ ထိုဆင်ကြီးသည် သူ့တွင်ရှိသောစွမ်းအားဟူသမျှကိုသာအသုံးချမည်ဆိုလျှင် ဆပ်ကပ်တစ်ရုံလုံးကိုသာမကတစ်မြို့လုံးကိုပင် ဖျက်ဆီးပစ်နိုင်သည်။” ကျွန်ုပ်တို့သည်လည်း ထိုနည်း အတိုင်းပင်ဖြစ်သည်။ ကျွန်ုပ်တို့သည် မိမိတွင်ရှိသောစွမ်းအားဟူသမျှကိုအသုံးချပြီးဘဝ၏ အောင်မြင်မှုကို အရယူနိုင်ကြသည်။

ဤသည်မှာလူတစ်ယောက်အနေဖြင့် အိုးမကွာအိမ်မကွာနေထိုင်ရင်းကိုယ်စွမ်းကိုယ်စကို အသုံးချ ခြင်းဖြင့် ကြီးပွားတိုးတက်လာနိုင်သည့်အကြောင်းရင်းများစွာရှိပါသည်။ ကြီးပွားချင်လျှင် လက်ရှိပတ်ဝန်း ကျင်၊ လက်ရှိနေအိမ်၊ လက်ရှိလုပ်ငန်းများကိုစွန့်ခွာပြီးတခြားတစ်ပါးသို့ ထွက်သွားစရာမလိုပါ၊ မိတ်ဆွေ၏ ကြီးပွားတိုးတက်ရေးသည် မိတ်ဆွေ၏လက်ထဲတွင်ပင် ရှိနေပါသည်။ သို့သော် ကြီးပွားလမ်း အခွင့်အခါ ကိုမယူတတ်လျှင်၊ ယူရန်နှောင့်နှေးကြန့်ကြာနေလျှင် လက်ကြားထဲကရေယိုသလိုယိုကျသွားတတ်သည်ကို သတိထားရမည်ဖြစ်သည်။ များသောအားဖြင့် ကြန့်ကြာနှောင့်နှေးမှုသည် အောင်မြင်မှုကို ဖျက်ဆီးတတ် သည်။ ထို့ကြောင့်အခွင့်အခါကိုလက်လွတ်ရှုံးဆုံးမှုမရှိစေရန်နှင့်ကိုယ်စွမ်းကိုယ်စကို ဖော်ထုတ်ပြီး မိမိ ကြီးပွားရာလမ်းကြောင်းကိုအမြန်ရှာဖွေပြီး၊ မိမိသွားလိုရာပန်းတိုင်ကိုအမြန်ရောက်အောင် အမြန်လျှောက် လှမ်းချီတက်သင့်ကြောင့်ရေးသားဖော်ရပါသည်။



ကိုးကားချက်။ ။ ကိုယ်စွမ်းကိုစဖြင့် ကြီးပွားရေး(မောင်ပေါ်ထွန်း)
ခွန်လိုရဲူင်း
လွယ်ကောင်း

Powered by Blogger.