၂၀၁၇-ခုနှစ် စက်တင်ဘာလ(၁၄)ရက်နေ့တွင် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ တိလုံကျေးရွာအုပ်စု၊ ဆိုက်ခေါင်ကျေးရွာ၌ ပအိုဝ်းအမျိူးသားဘက်စုံဖွံ့ရေးသင်တန်းကျောင်းနှင့် ဆိုက်ခေါင်ကျေးရွာ ဒေသခံများပူးပေါင်းပြီး “စွမ်းရည်မြှင့်” သင်တန်းကို ဖွင့်လှစ်သင်ကြားပို့ချလျှက်ရှိကြောင်းသိရှိရပါသည်။
အဆိုပါသင်တန်းကို ဆိုက်ခေါင်ကျေးရွာရှိ ဘုန်းတော်ကြီးကျောင်းတွင် ဖွင့်လှစ်၍ ရှေးဦးစွာရတနာမြတ်သုံးပါးဦးထိပ်ထား ရှိခိုးကန်တော့ပြီးငါးပါးသီလခံယူကြကာ သင်တန်းဖွင့်ပွဲအခန်းအနားကို နံနက် ၉း၀၀ နာရီအချိန်တွင် စတင်ဖွင့်လှစ်ခဲ့ပါသည်။
အခမ်းအနားအစီအစဉ်တွင် နိုင်ငံတော်အလံကိုအလေးပြုခြင်း၊ ပအိုဝ်းအမျိုးသာအလံတော်ကို အလေးပြုခြင်း၊ ပအိုဝ်းအမျိုးသားသီချင်းကိုသီဆိုခြင်းဖြင့် ဖွင့်လှစ်ပြီးနောက် ဆိုက်ခေါင်ကျေးရွာ၊ ရပ်မိရပ်ဖ တစ်ဦးဖြစ်သည့် ဖြားပန္တိမှ တက်ရောက်လာသော သင်တန်းသားသင်တန်းသူများအား “ယခုသင်တန်းသည် ကျွန်ုပ်တို့ကျေးရွာတွင် ပထဦးဆုံးအကြိမ်ဖွင့်လှစ်ခြင်းဖြစ်ကြောင်း၊ ထို့ကြောင့် စွမ်းရည်မြင့်သင်တန်းဆိုသည့်အတိုင်း မိမိတို့စွမ်းရည်များတိုးတက်စေရန် ဤသင်တန်းကို ထိထိရောက်ရောက်သင်ယူဆွေးနွေးစေလိုကြောင်း အချိန်ပြည့်တက်ရောက်စေလိုကြောင်း” ဆုံးမသြဝါဒစကားပြောကြားခဲ့ပါသည်။
ထို့နောက် သင်တန်းနည်းပြတာဝန်ခံမှ သင်တန်းဖွင့်လှစ်ရခြင်း၏ရည်ရွယ်ချက်များနှင့် သင်ကြားဆွေးနွေးသွားမည့် ဘာသာရပ်များအကြောင်းကို ရှင်းလင်းပြောကြားကာ အခမ်းအနားကို နံနက် ၁၀း၀၀ နာရီအချိန်တွင် ပြန်လည်ရုပ်သိမ်းကာ သင်ခန်းစာများကို ဆက်လက်ဆွေးနွေးသင်ကြားခဲ့ပါသည်။
“ယခုသင်တန်းကို တက်ရောက်လာသည့် သင်တန်းသား/သူ လူဦးရေမှာ ၇၁ ဦးရှိကြောင်း သင်တန်းကာလမှာ စက်တင်ဘာလ(၁၄)ရက်နေ့ မှ (၁၈)ရက်နေ့အထိ (၅)ရက်ကြာကျင်းပသွားမည်ဖြစ်ရာ ဆွေးနွေးသင်ကြားသွားမည့် ဘာသာရပ်ခေါင်းစဉ်အနေဖြင့် ၁။ လူထုတွင်းစကားပြောစွမ်းရည် ၂။ ပအိုဝ်းလူမျိုးသမိုင်း ၃။ ပအိုဝ်းစာပေသမိုင်း ၄။ ပအိုဝ်းတော်လှန်ရေးသမိုင်း ၅။ ငြိမ်းချမ်းရေးရယူခြင်းမှတ်တမ်း ၆။ ဒီမိုကရေစီ ၇။ လူ့အခွင့်အရေး ၈။ ကောင်းမွန်သောအုပ်ချုပ်မှု ၉။ လူ့စွမ်းအားအရင်းအမြစ်ဖွံ့ဖြိုးတိုးတက်မှု ၁၀။ ဖွဲ့စည်းပုံအခြေခံဥပဒေ ၁၁။ Gender & CEDAW ၁၂။ ဖွံ့ဖြိုးတိုးတက်မှု ၁၃။ ခေါင်းဆောင်မှုနှင့် ၁၄။ စည်းရုံးခြင်း စသည်တို့ဖြစ်ပြီး ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၊ လေ့ကျင့်ပညာပေးရေးဌာနမှ သင်တန်းနည်းပြများဖြစ်သည့် ခွန်သိန်းစိုး၊ ခွန်ကျော်ခေါင်၊ ခွန်ကျော်ထွန်း၊ ခွန်အောင်သိန်းနိုင်၊ နန်းခင်နွဲ့နှင့် နန်းခမ်းဆွဲတို့က ဦးဆောင်သင်ကြားဆွေးနွေးသွားမည်ဖြစ်ကြောင်း”သင်တန်းနည်းပြတာဝန်ခံ ခွန်သိန်းစိုး ပြောကြားချက်အရ သိရှိရပါသည်။
ဆက်လက်ပြီး သင်တန်းမှူး၊ ခွန်သိန်းစိုးမှ "ယခုသင်တန်းကို ဖွင့်လှစ်နိုင်သည့်အကြောင်းရင်းမှာ ဒေသခံများမှ လိုလိုလားလား တောင်းဆိုလာသဖြင့်မိမိတို့အနေဖြင့် လာရောက်ဖွင့်လှစ်ပေးရခြင်းဖြစ်ကြောင်း၊ ထို့ကြောင့် အခြားမည်သည့် ဒေသများတွင်မဆို ယခုလိုမျိုး စွမ်းရည်မြင့်သင်တန်းကဲ့သို့ သင်တန်းများလာရောက်ဖွင့်လှစ်စေလိုပါက ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၊ လေ့ကျင့်ပညာပေးရေးဌာနသို့ အချိန်မရွေးညှိနှိုင်း ဆက်သွယ်မေးမြန်းစုံစမ်းနိုင်ပါကြောင်း" သတင်းရရှိပါသည်။
ခွန်ကတောင်လေ (ခမ်းတွို့,)
Like On Facebook
Follow On Twitter
Subscribe On RSS