Saturday, March 31, 2018

ဥပဒေပညာပေး ဆွေးနွေးပွဲ ပြုလုပ်

တောင်ကြီး၊ ၂၀၁၈ ခုနှစ်၊ မတ်လ (၃၁) ရက်





၂၀၁၈ခုနှစ်၊ မတ်လ (၃၁)ရက်နေ့ တောင်ကြီးမြို့နယ်၊ ဖက်ကွန်ကျေးရွာအုပ်စု၊ လင်းလေ(လုံးဟီး)ကျေးရွာ၊ ဘုန်းတော်ကြီးကျောင်းတွင် ပအိုဝ်းအမျိုးသားအဖွဲ့ချုပ်(PNO) ၊ဗဟိုဌာနချုပ်ရုံး၊ ဥပဒေရေးရာဌာန နှင့် ဒေသခံပြည်သူများ ပူးပေါင်း၍ ဥပဒေပညာပေး ဆွေးနွေးပွဲ ပြုလုပ်ကျင်းပခဲ့ပါသည်။ အဆိုပါအခမ်းအနားတွင် အရှင်သုမင်္ဂလထံမှငါးပါးသီလနှင့် သြဝါဒခံယူပြီးနောက်နိုင်ငံတော်အလံ၊အမျိုးသားအလံနှင့် ကျဆုံးလေပြီးသော အာဇာနည်ခေါင်းဆောင်များကိုအလေးပြုပြီး အမျိုးသား သီချင်းသီဆိုခဲ့ပြီး ဒေသခံ ဦးကံဖာငဲမှ အဖွင့်အမှာစကားပြောကြားခဲ့ကြောင်းသိရသည်။

ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၊ ဥပဒေရေးရာဌာန ဌာနမှူး နန်းစိန်းက တွေ့ဆုံရသည့်အကြောင်းရင်းမှာ ၁။ တရားဥပဒေစိုးမိုးရေး နယ်မြေအေးချမ်းသာယာရေး တည်ဆောက်ရာတွင် အထောက်အကူ ဖြစ်စေရန်။ ၂။ ဥပဒေကို ပြည်သူများနားလည်လိုက်နာ ကျင့်သုံးလာစေရန် ပညာပေးရေးနှင့် ဥပဒေကိုပြည်သူများ လိုက်နာသော အလေ့အကျင့်ပျိုးထောင်ပေးရာတွင် အထောက်အကူဖြစ်စေရန်။ ၃။ ဥပဒေရေးရာကိစ္စနှင့်ပတ်သက်၍ အကြံဥာဏ်များတောင်းခံလာပါက နိုင်ငံတော်၏တည်ဆဲ ဥပဒေနှင့်အညီ အကြံဥာဏ်များပေးနိုင်စေရန်။ ၄။ အမှုအခင်းနှင့်ပတ်သက်၍ တောင်းခံလာပါက လုပ်ထုံးလုပ်နည်းများနှင့်အညီ အကြံဥာဏ် များပေးနိုင်ရန်။ ၅။ လူမှုရေးပြသာနာများကို လုပ်ထုံးလုပ်နည်းများနှင့်အညီ ညှိနှိုင်းဖြန်ဖြေ ကူညီဆောင်ရွက် ပေးရန်။ စသည့် အကြောင်းအရာများကိုရှင်းလင်းပြောကြားခဲ့ကြောင်းသိရှိရပါသည်။

အဆိုပါတွေ့ဆုံဆွေးနွေးပွဲတွင် ဥပဒေရေးရာနှင့် ပတ်သက်သည့် ဥပဒေဘာသာရပ်များဖြစ်သော မူးယစ်ဆေးဝါးနှင့် စိတ်ကိုပြောင်းစေသောဆေးဝါးများဆိုင်ရာဥပဒေ နှင့် လူကုန်ကူးမှုတားဆီးရေးဥပဒေ စသည့်ခေါင်းစဉ်များကိုဥပဒေရေးရာဌာနမှ တာဝန်ရှိပုဂ္ဂိုလ်များဖြစ်သော ခွန်ထွိုင်း နှင့်နန်းစိန်းတို့မှ အကျယ်တဝန့် ရှင်းလင်းပြောကြားခဲ့ကြောင်းသိရှိရပါသည်။ ထိုတွေ့ဆုံပွဲအခမ်းအနားသို့ လင်းလေ(လုံးဟီး)ကျေးရွာရှိ ရပ်မရပ်ဖများ၊ လူငယ်လူရွယ်များ (၃ဝဝ)ခန့်တက်ရောက်ခဲ့ကြောင်းသိရှိရပါသည်။ ကျေးရွာများမှ ဥပဒေရေးရာနှင့်ပတ်သက်သည့် အကြံဥာဏ်များ၊ သင်တန်းများပြုလိုပါက ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၊ ဥပဒေရေးရာဌာန သို့လာရောက်ဆက်သွယ်နိုင်ပါရန် ဖိတ်ကြားအပ်ပါသည်ဟု ဥပဒေရေးရာဌာနမှူး နန်းစိန်းမှ ပြောကြားသွားပါသည်။

ခွန်ထိုလောင်း (ခွန်ဖြားဗွာခမ်း)
ဆက်သွယ်ရန်ဖုန်းနံပါတ် 09-402650318 09-454007926 

Powered by Blogger.