ပအိုဝ်းကျောင်းသားကျောင်းသူများ စည်လုံးမှုပိုမိုရှိစေရန်၊ တစ်ယောက်နှင့်တစ်ယောက်ပိုမိုရင်းနှီး လာစေရန်၊ ပအိုဝ်းရိုးရာဓလေ့မပပျောက်စေရန်ရည်ရွယ်ပြီး ၂၀၁၇-၂၀၁၈ ပညာသင်နှစ်၊ တောင်ကြီးကွန်ပျူတာ တက္ကသိုလ် ပအိုဝ်းတိုင်းရင်းသားမောင်မယ်သစ်လွင် ကြိုဆိုနှုတ်ဆက်ပွဲကို ၂၀၁၈ ခုနှစ်၊ မတ်လ(၄)ရက်နေ့တွင် တောင်ကြီးကွန်ပျူတာတက္ကသိုလ် ဘက်စုံခန်းမ၌ ကျင်းပခဲ့ကြောင်း သိရသည်။
အဆိုပါပွဲမှာ တောင်ကြီးကွန်ပျူတာ တက္ကသိုလ် ပါမောက္ခချုပ်ဒေါက်တာသင်းသုနိုင်၊ ပအိုဝ်းစာပေနှင့် ယဉ်ကျေးမှု(ဗဟို)အဖွဲ့၊ ပအိုဝ်းအမျိုးသားအဖွဲ့ချုပ်(PNO)၊ဗဟိုဌာနချုပ်ရုံးမှ တာဝန်ရှိပုဂ္ဂိုလ်များ၊ ပအိုဝ်းလူမှုအဖွဲ့ အစည်းများ၊ ကျောင်းဆရာ/မများနှင့် ကျောင်းသား/သူများတက်ရောက်ခဲ့သည်။
အခမ်းအနားတွင် ပါမောက္ခချုပ် ဒေါက်တာသင်းသုနိုင်၊ ပအိုဝ်းစာပေနှင့်ယဉ်ကျေးမှုအဖွဲ့(ဗဟို)မှ ဖြားခွန်ဒု၊ ပအိုဝ်းအမျိုးသားအဖွဲ့ချုပ်(PNO) ဗဟိုကော်မတီဝင် ဆရာခွန်ကြည်တို့မှ အမှာစကားများ အသီးသီးပြောကြားခဲ့ကြောင်း သိရသည်။
အခုပွဲပြုလုပ်ဖြစ်တဲ့ အကြောင်းမှာ တောင်ကြီးကွန်ပျူတာတက္ကသိုလ်(Application Department) လက်ထောက်(ကထိက) ဒေါ်နန်းစပယ်ဖြူက ပအိုဝ်းကျောင်းသား/သူများ စည်းလုံးမှုပိုမိုရှိစေရန်၊ အနာဂတ်ပအိုဝ်းတိုင်းရင်းသားမောင်မယ်တို့ ပအိုဝ်းစာပေနှင့် ရိုးရာဓလေ့ထိန်းသိမ်းတတ်စေရန်ရည်ရွယ်ချက်ဖြင့် ပြုလုပ်ရခြင်းဖြစ်ပြီး တောင်ကြီးကွန်ပျူတာတက္ကသိုလ်ထဲမှာ ၂၀၁၆-၂၀၁၇ ပညာသင်နှစ်အထိ အခုပွဲလိုမျိုး မပြုလုပ်နိုင်ခဲ့လို့ ယခုနှစ်၂၀၁၇-၂၀၁၈ ပညာသင်နှစ်မှာ ကွန်ပျူတာတက္ကသိုလ် ပအိုဝ်းတိုင်းရင်းသားမောင်မယ်တို့ စည်းလုံးညီညွှတ်မှုဖြင့် ပထမအကြိမ် ပြုလုပ်ရခြင်းဖြစ်ကြောင်း ပြောကြားခဲ့သည်။
အခုလိုမျိုးပွဲပြုလုပ်ပေးခြင်းဖြင့် ပအိုဝ်းတိုင်းရင်းသားမဟုတ်ဘဲမေဂျာပေါင်းစုံ တိုင်းရင်းသားများလည်း တက်ခွင့်ရလို့ တစ်ယောက်နှင့်တစ်ယောက်စည်းလုံးမှုပိုမိုရှိလာတယ်လို့ ဓနုတိုင်းရင်းသူတစ်ဦးဖြစ်တဲ့ နွေးနွေးဦးက ပြောကြားခဲ့သည်။
အခုပွဲဟာ ရှမ်းယဉ်ကျေးမှုအကအဖွဲ့ ၊ဓနုယဉ်ကျေးမှုအကအဖွဲ့၊ အင်းသားယဉ်ကျေးမှုအကအဖွဲ့၊ ထီအုံသားကျေးရွာအကအဖွဲ့၊ ကွန်ပျူတာတက္ကသိုလ်အကအဖွဲ့၊ နည်းပညာတက္ကသိုလ်အကအဖွဲ့နှင့် တောင်ကြီးတက္ကသိုလ်အကအဖွဲ့တို့က တိုင်းရင်းသား အကနှင့် တေးသီချင်းများ ကပြဖျော်ဖြေပေးခဲ့ ကြောင်းသိရသည်။
တောင်ကြီး ကွန်ပျူတာတက္ကသိုလ် ၂၀၁၇-၁၈ ပညာသင်နှစ်တွင် ဆရာ/ဆရာမ (၇၀)ဦးရှိပြီး ကျောင်းသား/သူ (၅၀၀)ကျော် တက်ရောက်ကာ ပအိုဝ်းတိုင်းရင်းသား ကျောင်းသား/သူ (၇၅)ဦး တက်ရောက်ပညာသင်ကြားလျက်ရှိကြောင်း သိရသည်။
မျင်းမိုရ်ခွန်
Like On Facebook
Follow On Twitter
Subscribe On RSS