Monday, April 30, 2018

ခွဲခြားခြင်းကို ရှောင်ကြဉ်ကြပါ

တောင်ကြီး၊ ၂၀၁၈ ခုနှစ်၊ ဧပြီလ (၃၀)ရက်


လူတိုင်းလူတိုင်းသည် တစ်ဦးနှင့် တစ်ဦး အထင်အမြင်၊ အပြောအဆို၊ အသိပညာ၊ အတတ်ပညာစသည့်ဖြင့် တူညီကြမည်မဟုတ်ပါ။ ထို့ကြောင့် တစ်ဖက်သားခွဲခြားနေခြင်းကို စာနာတတ်စေခြင်းဖြင့် ဤဆောင်းပါးတွင် ရေးသားတင်ပြလိုပါသည်။

လူတစ်ဦးသည် သူနေရာနှင့်သူ အရေးပါပါသည်။ တစ်ဖက်သား၏ ဝေဖန်ပြောဆိုမှုကြောင့် စိတ်ဓာတ်ကျနေတတ် သူများလည်းရှိပါသည်။ အကောင်းပြောသော်လည်း တခါတလေတွင် မျှော်လင့်ထားသည့်အတိုင်း ဖြစ်မလာသောအခါ ခုတ်ရာတခြား ထိရာတခြား ဖြစ်သောကြောင့် နားလည်မှု လွဲမှားတတ်ကြပါသည်။ လူတစ်ယောက်မှာ အားနည်းချက်များရှိ သကဲ့သို့ အားသာချက်များလည်း ရှိပါသည်။ စကားတစ်ခွန်းကြောင့် စီးပွားရေးပျက်နိုင်သကဲ့သို့ လူတစ်ယောက်လည်း ပြိုကွဲပျက်စီးသွားနိုင်ပါသည်။ စိတ်ထောင်းလျှင် ကိုယ်ကြေဖြစ်နေတတ်ပါသည်။ အကောင်းအဆိုးများကို ဝေဖန်ပြောဆိုနိုင်ပါသည်။ အရည်အချင်း အသစ်အဆန်း တီထွင်နိုင်စွမ်းမရှိသောကြောင့် တစ်ချို့သောသူများသည် မပေါင်းချင်၊ မပြောချင်၊ အသိအမှတ်မပြုချင်၊ ရှောင်ပုန်းချင် စသည့်တို့ဖြင့် ခွဲခြားဆက်ဆံလာကြပါသည်။ အပြောကောင်းသူတစ်ယာက်ကြောင့် အပြောမတော်၊ မတတ်သော လူတစ်ယောက်က မျက်နှာငယ်၊ စိတ်အားငယ်နေရတတ်ပါသည်။ “နှုတ်ချိုလျှင် သျှိုတစ်ပါး” ဖြစ်သည်ကို ငြင်းဆိုကြမည်မဟုတ်ပါ။ ထို့ကြောင့် လူတစ်ယောက်နှင့် တစ်ယောက်ကို အပြန်အလှန်လေးစားမှုဖြင့် စာနာသင့်ပါသည်။

အခြေအနေကြောင့် လူတစ်ယောက်ဥပက္ခာပြုခံနေရသည်ကို သိနေသော်လည်း အလုပ်လုပ်ရာတွင် ပျော်ရွှင်မှုလည်း ရှိလာမည်မဟုတ်ပါ။ ငြင်းပယ်ခြင်း၊ ပစ်ပယ်ခံရခြင်းနှင့် ခွဲခြားခြင်းခံရဖန်များလာလျှင် သူအလိုလို ဘေးရောက်သွားတတ်ပါသည်။ ထိုလူသည် အလုပ်ကို တော်အောင်၊ တတ်အောင် ကြိုးစားတော့မည် မဟုတ်ပါ တာဝန်ကျေအောင်သာ လုပ်သွားမည်ဖြစ်သည်။ အလုပ်ထက် အပြင်လောကမှာ ရှိသောအရာများကို ပို၍စိတ်ဝင်စားတတ်ကြပါသည်။ အလုပ်တွင် သူ့အတွက် အခွင့်အရေး၊ နေရာမရှိသော လူပိုတစ်ယောက်ဖြစ်နေသောကြောင့် နားလည်လာပါသည်။ လုပ်ငန်းခွင်တွင် အလုပ်လုပ်နေသော်လည်း အလုပ်နှင့် ပတ်သက်ပြီး ဘယ်အချိန်မှာ အပြစ်ပြောမှာလဲ အဆူခံရမှာလဲ ဆိုသည့်အတွေးကို ခေါင်းထဲတွင် အမြဲတမ်းတွေးနေတတ်ပါသည်။ မိသားစုတွင်လည်း ညီအစ်ကိုမောင်နှမများ၊ မိဘများအပေါ် သူစိမ်းဖြစ်လာခြင်း၊ မိသားစုအရေးလုပ်ရာတွင်လည်း “ လုပ်နေတာမဟုတ်ဘူး နင်ဘာမှမသိဘဲနဲ့ဝင်မပြောနှင့် ”  စသည်များ အပြောခံရမည်ကို သာ တွေးနေမိပြီး မိသားစုကို လျစ်လျူရှု့သွားတတ်ပါသည်။

သူငယ်ချင်းအချင်းချင်းဖြစ်စေ၊ မိသားစုတစ်ခုတွင်ဖြစ်စေခွဲခြားခြင်းခံရပါက ထိုလူသည် စိတ်အားငယ်ပြီး ဝမ်းနည်း လာတတ်ပါသည်။ အရေးအရာကိစ္စတွင်လည်း ထိုသူကိုပါဝင်လေ့မရှိသောကြောင့် နောင်အခါအရေးကြုံလာလျှင် မည်မျှပင် အရေးကြီးသည့်ကိစ္စဖြစ်ပါစေ စိတ်ဝင်စားမှုရှိလာတော့မည်မဟုတ်ပါ။ အလုပ်ကိစ္စ၊၊ လူမှုရေးကိစ္စ၊ မိသားစုကိစ္စစသည့် အရေးအရာကိစ္စမှန်သမျှတွင် ခွဲခြားမှုရှိနေလျှင် မိမိလိုချင်သော၊ ဖြစ်ချင်သောအရာမှန်သမျှလည်း ရရှိလာမည်မဟုတ်ပါ။ ထိုခံစားချက်သည် အလွန်အကျူးပြင်းထန်လာလျှင် ပါဝင်သောလူများက တစ်ဦးနှင့်တစ်ဦး ရှောင်လာနိုင်ခြင်း၊ လျစ်လျူရှုနိုင်ခြင်း ဖြစ်လာသည်။

ခွဲခြားခံနေရသော လူတစ်ဦးသည် အနေအထိုင်မတတ်ခြင်း၊ အပြောအဆိုမတတ်ခြင်း၊ အပေါင်းအသင်းနှင့် ဆက်ဆံရာတွင် အဆင်မပြေခြင်း၊ ပတ်ဝန်းကျင်နှင့် လိုက်လျောညီထွေအောင်မနေတတ်ခြင်း၊ အသိပညာ၊ ဗဟုသုတ မတိုးတက်ခြင်း၊ အတတ်ပညာများ မထူးချွန်ခြင်း စသည့်အချက်များကြောင့် အပြစ်ပယ်ခံနေရသလား စသည့်ဖြင့် အတွေးပေါင်းများစွာဖြင့် စဉ်းစားနေထိုင်လာပါသည်။ မည်သည့်အကြောင်းကြောင့် ခွဲခြားဆက်ဆံစေကာမူ လူတစ်ယောက်၏ အနာဂါတ်ကို စဉ်းစားပြီး ဘဝကို တိုးတက်အောင် လမ်းကြောင်းများ လမ်းညွန်ပေးသင့်ပါသည်။

ခွဲခြားခြင်းသည် ရေရှည်တွင် ဆက်ဆံရေးများ ပျက်စီးနိုင်သောကြောင့် ခံစားချက်ထုတ်ဖော်ရေးကိစ္စမှာ အပျက်အစီးများ အလွန်အကျွံမြောက်များစွာ သင်လုပ်မိသွားနိုင်ပါသည်။ တစ်ချို့သောလူသည် သူတစ်ပါး၏ ကဲ့ရဲ့ဆက်ဆံခံရမှုကြောင့် နှစ်ပေါင်းများစွာကြာသည်အထိ ခါးသီးနာကျင်လျက် ဘဝအနှစ်သာရကို ဖြုန်းတီးပစ်ကြပါသည်။ ခွဲခြားပါ။ အလွန်အကျွံတော့ မလုပ်ပြမိပါစေနှင့်။ ခွဲခြားခြင်းမှ လူတစ်ယောက်၏ အနာဂါတ်ကို ပြောင်းလဲနိုင်သကဲ့သို့ လူတစ်ယောက်ကိုလည်း ပျက်စီးသွားနိုင်ပါသည်။ ထို့ကြောင့် သူငယ်ချင်းဖြစ်စေ၊ မိသားစုဖြစ်စေ၊ အဖွဲ့အစည်းဖြစ်စေ အချင်းချင်းတစ်ဦးနှင့် တစ်ဦးခွဲခြားခြင်းမရှိဘဲ ပျော်ပျော်ရွှင်ရွှင်နှင့် နေထိုင်သွားကြပါဟု တိုက်တွန်းရေးသားတင်ပြလိုက်ပါသည်။

ဆာ;မူ;ပေ;(စန္တာ;ခမ်း)
Powered by Blogger.