Monday, June 18, 2018

မိမိကိုယ်မိမိပြန်လည်သုံးသပ်ခြင်း

တောင်ကြီး၊ ၂၀၁၈ ခုနှစ်၊ ဇွန်လ (၁၈)ရက်


လူတိုင်းသည် မိမိကိုယ်မိမိ မည်သူနည်းဆိုသည်ကို သေသေချာချာသိကြသည်ဟု ထင်နေတတ်ကြသည်။ သို့သော် မိမိဘယ်သူလဲ၊ ဘယ်လိုလူလဲဆိုသည်ကို သေသေချာချာသိနိုင်ရန် မလွယ်ကူပါ။ မိမိလုပ်ချင်သောအလုပ်တစ်ခု၊ လိုချင်သောအရာတစ်ခုကို ထုတ်ဖော်ပြောဆိုရာတွင် လွယ်ကူသော်လည်း မိမိအမှန်တကယ်ဖြစ်ချင်သော လူအမျိုးအစားတွင်ဖြစ်လာရန်မှာ မလွယ်ချေ။

မိမိဘဝမှာတိကျသေချာသော ရည်ရွယ်ချက်ပန်းတိုင်ရှိခဲ့ဖူးပါသလား။ ထို့ကြောင့် မိမိတို့၏ နေ့စဉ်ဘဝကို ဘယ်လိုစိတ်ကူးများ၊ ဘယ်လိုရည်မှန်းချက်များနဲ့ ဖြတ်သန်းနေသည်ကို သတိထားရမည်။ တစ်နေ့တာတစ်ရက်တာ ကုန်လွန်သွားတိုင်း မိမိ၏အသက်ရှင်သန်ရပ်တည်မှုတို့ကို ပြန်လည်ဆန်းစစ်သော် ကျေနပ်မှုရှိ/မရှိ ခွဲခြားသိရမည်။

“သင်ဘာဖြစ်ချင်တာလဲဆိုတာအရေးမကြီးပါ။ သင်ဘာတွေလုပ်နေတာလဲဆိုတာကသာ အရေးကြီး ပါတယ်”ဆိုသောစကားအတိုင်း မိမိတကယ်လုပ်လိုသောအလုပ်ကို သေသေချာချာသိရှိပြီး စိတ်ပါဝင်စားစွာ လုပ်ဆောင်လျှင် ဘဝဆိုသောအဓိပ္ပါယ်လည်းရှိ ပျော်စရာလည်းကောင်းသောအရာဟူ၍ သင်ခံစား တတ်နားလည်လာပါလိမ့်မည်။ သို့မှသာ မိမိကိုယ်ကိုမိမိယုံကြည်မှုမြင့်တက်လာပြီး မိမိဘဝတွင်ကျေနပ်မှု ပီတိများကို ရရှိလာမည်ဖြစ်ပါသည်။

သင်လိုချင်သောအရာကို ရှေးဦးစွာ ရှင်းလင်းပြတ်သားစွာ ရွေးချယ်ပါ။ သင်လုပ်လိုသောအလုပ်ကို တိကျစွာဆုံးဖြတ်ရွေးချယ်ပါ။ ထို့နောက် မိမိရွေးချယ်ထားသည်ကို မရမနေမည်သို့ပင်ခက်ခဲပါစေ ဇွဲ၊ လုံ့လ၊ ဝီရိယအား ကောင်းမွန်စွာဖြင့် ပြီးဆုံးသည့်တိုင် ဆက်လက်လုပ်ဆောင်သွားပါ။ တစ်ချို့သောသူတို့သည် အခက်ခဲအနည်းငယ်နဲ့ တွေ့ကြုံရင်ဆိုင်ရရာဝယ် လက်လျှော့တတ်ကြပြီး တစ်ချို့သူတို့သည် အကြိမ်ရေ ပေါင်းတစ်သန်းမကသောအမှားများဖြင့် တည်တည်ငြိမ်ငြိမ်ကြိုးစားမှုများစွာကို ထိန်းသိမ်းလုပ်ဆောင် နေကြပါသည်။ အချို့သောသူတို့သည် လုပ်ဆောင်မှုများစွာကို ဖြတ်သန်းရင်ဆိုင်ပြီးသော် အတွေ့အကြုံရ သည်ဟု ခံယူကြသည်။

လူတိုင်းသည် အားသာချက်နဲ့အားနည်းချက်များ ကိုယ်စီရှိကြပါသည်။ လူတစ်ယောက်ကို ဆန်းစစ်ခြင်းဖြင့် ကောင်းသောအချက်နှင့် မကောင်းသောအချက်များကိုလည်း တွေ့မြင်ရပေမည်။ “No one is perfect” မည်သူမျှပြီးပြည့်စုံသူရယ်လို့ မရှိသေးပါ။ မိမိကိုယ့်ကိုပြန်မြင်သော အမြင်သည် ပြတ်သားမှုရှိရန် လိုအပ်ပါသည်။ မိမိသည် မည်သူနည်း၊ မိမိ၏ရည်ရွယ်ချက်သည် အဘယ်နည်း စသည်ဖြင့် ရှင်းလင်းစွာ မြင်ရန်လိုအပ်ပါသည်။ မိမိ၏ရည်မှန်းချက်အတွက်၊ မိမိဘဝအနာဂတ်အတွက် လုပ်ကိုင် ဆောင်ရွက်ရာမှာလည်း ဇွဲ၊ သတ္တိ၊ လုံ့လဝီရိယ ဖြင့်ကြောက်ရွံ့ခြင်းကင်းစွာ လုပ်ကိုင်ဆောင် ရွက်နိုင်စွမ်း ရှိရပါမည်။

မိမိကိုယ်ကို ပြန်လည်ရှုမြင်သုံးသပ်ရာတွင်လည်း အခြားသူများ၏ရှုမြင်ပုံကို ထည့်သွင်းစဉ်းစား ရမည်။ လက်ခံရမည်။ မေ့မထားသင့်ပေ။ မိမိတွင်အမှန်ပင်တစ်ကယ် မရှိသေးသော အရည်အသွေး နှင့်ပတ်သက်၍ အခြားသူများကလည်း မိမိကိုယ်အရည်အချင်းမရှိသူဟု သတ်မှတ်ထား ထင်မြင်ထားရာ ဝယ် မိမိကိုယ်တိုင်လည်း အခြားသူများ၏ အမြင်များနှင့်ဆန့်ကျင်ပြီး မိမိကိုယ်ကို အထင်ကြီးလွန်းသော ယုံကြည်မှု (Over Confidence) မဖြစ်ဖို့ အရေးကြီးပါသည်။

မိမိတို့ငယ်ရွယ်စဉ်အခါတွင် လဲကျသွားလျှင် ဝိုင်းဝန်းဖေးမကူညီကြပြီး အရွယ်ရောက်လာသည့် အချိန်အခါကာလတွင် လဲကျပြန်သော် ဖေးမကူညီမှုမရရှိနိုင်တော့သလို အသံတိတ်သြဘာပေး ပျော်ရွင် နေကြသူများလည်း ရှိနေကြပေသေးသည်။ ဤအရာများသည် မိမိအတွက် စိန်ခေါ်မှုများ၊ မခံချင်စိတ်များကို ထပ်ဆင့်ဖြစ်ပွားစေပါသည်။ ငှက်တစ်ကောင် ပျံသန်းနိုင်ရန် အချိန်ကာလနှင့် ပျံသန်းနိုင်သော အတောင်ပံတစ်စုံရှိရန် လိုအပ်ပါသည်။ မိမိကိုယ်ကို အမှန်အတိုင်းရှုမြင်သုံးသပ်ပြီး မိမိသတိပြုမိသမျှသော မိမိ၏ အားနည်းချက်ကို ထိရောက်စွာဖြင့် ပြင်ဆင်နိုင်ရန် မိမိကိုယ်တိုင် ကတိပြုရမည်။

မိမိ၌ရှိသော အသိအမြင်၊ ဗဟုသုတ ကျွမ်းကျင်မှုများကို အသေအချာသိမြင်လာရမည်။ မိမိကျွမ်းကျင်သော နယ်ပယ်ကိုကောင်းမွန်စွာနားလည်ပြီး မိမိတို့၏လုပ်နိူင်စွမ်းကို အံဝင်ခွင်ကျ အသုံးချသွားကာ မိမိတွင်ရှိသောလုပ်နိုင်စွမ်းကိုကောင်းမွန်စွာ သိသောသူသည် မိမိကိုယ်ကိုမိမိယုံကြည်မှု၊ စိတ်ချမှုအပြည့်ဖြင့် အလုပ်ကိုအကောင်းဆုံး လုပ်နိုင်မည်မှာ အသေအချာပင်ဖြစ်သည်။

ကျွန်မတို့အနေဖြင့် စွမ်းဆောင်ရည်ကောင်းလာရန် ဂရုစိုက်အားထုတ်သင့်ကြောင်း စွမ်းဆောင်ရည် ကောင်းခြင်း၊ မကောင်းခြင်းသည် ကျွန်မတို့ရရှိမည့် ရယူအောင်မြင်မှုများ(Gain) နှင့် ပေးဆပ်မှု နာကျင်မှု  (Pain) ဆိုသောအရာနှင့် တိုက်ရိုက်ချိတ်ဆက်နေခြင်း ဖြစ်ကြောင်းကို သိရှိနားလည်ရပါသည်။ ရယူအောင်မြင်မှုများနှင့် နာကျင်မှုများ ဖြစ်ပေါ်လာသော အကြောင်းအရာတစ်ခုကိုအခြေခံပြီး စဉ်းစား ပုံစဉ်းစားနည်း၊ ရှုမြင်သုံးသပ်ပုံရှုမြင်သုံးသပ်နည်း၊ ပြောဆိုလုပ်ကိုင်ပုံပြောဆိုလုပ်ကိုင်နည်း၊ နားထောင်ပုံ နားထောင်နည်းတွေက ကျွန်မတို့ရရှိမည့် ရယူအောင်မြင်မှု(Gain)နှင့်ပေးဆပ်မှု နာကျင်မှု(Pain)ကို ကွဲပြားခြားနားစေပါသည်။ ရယူအောင်မြင်မှု(Gain) ဆိုသောအရာသည် ကျွန်မတို့အတွက် လိုအပ်ချက်နှင့် လိုအင်ဆန္ဒကိုပြည့်စုံစေပြီး အောင်မြင်မှု မှတ်ကျောက်များကို သယ်ဆောင်လာပေးသောအရာ ဖြစ်သည်။ ပေးဆပ်နာကျင်မှု(Pain) သည်ကား ကျွန်မတို့အတွက် ကြောက်ရွံ့မှု၊ အနှောင့်အယှက်အတားအဆီးများကို ဖြစ်စေပါသည်။

ကျွန်မတို့၏ဆန္ဒကို ဖန်တီးဆောင်ရွက်သောအခါတွင် ရယူအောင်မြင်စရာ(Gain) များရှိသလို ပေးဆပ်နာကျင်စရာ(Pain)လည်း များစွာရှိနေသည်ကို မမေ့သင့်ကြပေ။ ကျွန်မတို့အနေဖြင့် မိမိတို့၏ နေ့စဉ်ဘဝမှာ လိုအင်ဆန္ဒများကို ဖြည့်ဆည်းရန် ဖန်တီးတည်ဆောက်ရာဝယ် ရယူအောင်မြင်ရေး(Gain) ချည်းကိုသာ ရချင်လို့မရပါ။ ပေးဆပ်နာကျင်စရာ(Pain)လည်း ရှိနေကြုံတွေ့နေရပါသည်။ သို့သော်လည်း ကျွန်မတို့အတွေ့အကြုံ၊ အတွေးအခေါ်၊ လိမ္မာပါးနပ်မှုဆိုသော အချက်များအပေါ်တွင် မူတည်ပြီး ကျွန်မတို့ ရယူအောင်မြင်စရာ(Gain) များသထက်များလာပြီး ပေးဆပ်နာကျင်စရာဖြစ်သော(Pain) တို့ကိုလည်း နည်းသထက်နည်းလာအောင် ကြိုးစားဆောင်ရွက်ရန်လိုအပ်ပါသည်။

ကျွန်မတို့အနေဖြင့် ရှေးဦးစွာ ကျွန်မတို့၏ပတ်ဝန်းကျင်အပေါ် ကြားသိသမျှ၊ မြင်သမျှကို အခြေခံ၍ Pain ဘက်တွင် လျော့နည်းပြီး Gain ဘက်တွင် များလာသည်နှင့်အမျှ ကျွန်မတို့၏ ဘဝတွင်လိုအင် ဆန္ဒများကို ဖြည့်ဆည်းနိုင်ပြီး အောင်မြင်မှုများ ရရှိလာနိုင်မှာဖြစ်ပါသည်။ “No Pain No Gain” တဲ့။ ပေးဆပ်နာကျင်မှု (Pain) မရှိပဲ ရယူအောင်မြင်မှု(Gain) ရရန်အချိန်တိုအတွင်း လုပ်ဆောင်နိုင်လျှင် ထိုကဲ့သို့ လုပ်ဆောင်နိုင်သူကို လူတော်ဟု သတ်မှတ်နိုင်ပါသည်။ ထို့ကြောင့် ကျွန်မတို့ဖြစ်လိုသော ဆန္ဒကိုအကောင်အထည်ဖော်နိုင်ဖို့ရန် မိမိကိုယ်ကိုပြန်လည်သုံးသပ်ခြင်းသည် အလွန်ပင်အရေးကြီးကြောင်း ဆရာညီမင်းအိမ်ရေးသားသော ကိုယ်ရည်ကိုယ်သွေးဖွံ့ဖြိုးတိုးတက်ခြင်း(Personal Development) စာအုပ်မှ ကိုးကားပြီးရေးသားတင်ပြလိုက်ရပါသည်။

ဖူးမူဗွာ(မဲုင်းကောင်)
Powered by Blogger.