ဤသည်ကိုကြည့်ခြင်းအားဖြင့် ယဉ်ကျေးမှုသည် လူမျိုးတစ်မျိုး၏ ပင်မအသက်သွေးကြောကြီးပင် ဖြစ်ပေသည်။ လူမျိုးတစ်မျိုး၏ ယဉ်ကျေးမှုကို သိရှိနိုင်ရန်အတွက် ထိုလူမျိုးကျင့်သုံးလျက်ရှိသော ရိုးရာဓလေ့ထုံးတမ်းများကို လေ့လာခြင်းအားဖြင့် သိရှိနိုင်ပါသည်။ “မော်၊ ငေါဝ်းတဲက့်၊ ငေါဝ်းကဲး၊ ငေါဝ်းတွယ်”၊ လူပျိုအပျိုလှည့်ခြင်း၊ အလှည့်ကျ ရိုင်းပင်းကူညီခြင်း၊ စုပေါင်းလုပ်ဆောင်ခြင်း၊ စုပေါင်းရှင်ပြုခြင်းစသည်တို့သည် အခြားလူမျိုးနှင့်မတူသော ပအိုဝ်းလူမျိုးတို့၏ ချစ်စရာဓလေ့များပင်ဖြစ်သည်။ ထိုဓလေ့ထုံးတမ်းများကပင် မိမိတို့ပအိုဝ်းလူမျိုး ယဉ်ကျေးမှုကို ပေါ်လွင်စေ၏။ ဓလေ့ထုံးတမ်းဟူသည် ကျင့်သုံးခြင်းမှ ပေါက်ဖွားလာသော အရာပင် ဖြစ်သည်။ ထို့ကြောင့် မိမိတို့ကျင့်သုံးပြုမှုနေသော အရာမှန်သမျှသည် မိမိတို့၏ ဓလေ့ထုံးစံများပင် ဖြစ်သည်။ လူတိုင်းသည် မိမိတို့၏ ရိုးရာဓလေ့နှင့် ပတ်သက်၍ အကောင်းဘက်သာ ကြည့်တတ်ကြပြီး အဆိုးဘက်ကို လေ့လာသုံးသပ်ရန် ဝန်လေးနေကြ၏။
ယခုမိမိတို့ပအိုဝ်းလူမျိုးလက်ခံ ကျင့်သုံးနေသော ယဉ်ကျေးမှု၊ ဓလေ့ထုံးစံများသည်လည်း ခွဲခြမ်းစိတ်ဖြာ လေ့လာမည်ဆိုပါက ကောင်းကျိုးပြုသကဲ့သို့ ဆိုးကျိုးများလည်း ရှိနေသည်ကို တွေ့မြင်ရမည် ဖြစ်သည်။ အဘယ်ကြောင့်ဆိုသော် မိမိတို့လူမျိုးသည် ယဉ်ကျေးမှု၊ ရိုးရာပွဲတစ်ခုခုလုပ်မည်ဆိုပါက အများအားဖြင့် မူးယစ်စေတတ်သော ဘီယာ၊ အရက်သည် အဓိကအစိတ်အပိုင်းတွင် ပါဝင်နေ၏။ တစ်ဖက်တွင်လည်း လူငယ်များအနေဖြင့် ပွဲတစ်ခုခုလုပ်သည်ဖြစ်စေ၊ ပျော်ချင်သည်ဖြစ်စေ၊ ဝမ်းနည်းသည်ဖြစ်စေ အရက်ဘီယာသောက်ခြင်းကို ပြုမူကျင့်သုံးနေကြသည်။ ဤကဲ့သို့ ပြုမူကျင့်သုံးလာမှုကြောင့် အရက်ဘီယာသောက်ခြင်းသည် မိမိတို့၏ ရိုးရာဓလေ့ တစ်ခုဖြစ်ကြောင်း ခေါင်းစဉ်မတပ်ရက်ရုံသာရှိပြီး မသိမသာ ရိုးရာဓလေ့တစ်ခု ဖြစ်တည်လာနေသည်ကို ငြင်းဆို၍ မရပေ။
တစ်ချို့နေရာတွင် အရက်မပါလျှင် ပွဲမစည်၊ အရက်မပါလျှင် ပွဲမပြီးသည့် အနေအထားတွင်ပင် ရောက်ရှိနေကြ၏။ ထို့ကြောင့် အရက်သောက်ခြင်းဓလေ့သည် ခိုင်မာလာသထက် ခိုင်မာလာသည်ကို တွေ့မြင်ရပါသည်။ တစ်ချို့သောလူမျိုးများသည် အရက်သောက်ခြင်း၊ အရက်ချက်ခြင်းကို မိမိတို့လူမျိုး၏ ရိုးရာဓလေ့တစ်ခုအဖြစ် ထင်ထင်ရှားရှားလက်ခံထားကြသည်။ အရက်သောက်သုံးခြင်းနှင့် ပတ်သက်၍ မိမိတို့ပအိုဝ်းလူမျိုးသာမက နိုင်ငံတကာကပါ ကျင့်သုံးနေသောကြောင့် နိုင်ငံတကာဓလေ့တစ်ခုဟုလည်း ဆိုနိုင်ပါသည်။ အရက်ကို အကြောင်းပြချက်အမျိုးမျိုး၊ ခေါင်းစဉ်အမျိုးမျိုးဖြင့် သောက်သုံးကြသည့် လူမျိုးသည် ထိုလူမျိုး၏ ရိုးရာဓလေ့တစ်ခုအဖြစ် ဖြစ်တည်လာသောအခါ ထိုလူမျိုး၏ မျိုးဆက်သစ်လူငယ်များအထိ အကျိုးသက်ရောက်နိုင်ပါသည်။
ယခုလက်ရှိ မိမိတို့လူငယ် အများအားဖြင့် အရက်သောက်တတ်သည်မှာ အဆိုပါ ဓလေ့ကြောင့်ပင် ဖြစ်သည်ဟု ဆိုနိုင်ပါသည်။ ဤသို့ဆိုရခြင်းမှာ ရှေးကလူကြီးများ မကောင်းဟု မဆိုလိုပေ။ လိုအပ်လျှင် ပြင်သင့်သည့် ဓလေ့ကိုသာ ညွန်းဆိုပါသည်။ အဘယ်ကြောင့်ဆိုသော ရိုးရိုးရှင်းရှင်း စဉ်းစားမည်ဆိုပါက ကျွန်ုပ်တို့လူသားအားလုံးသည် မွေးလာကတည်းက တတ်ပြီးသားပညာ မည်သည့်တစ်ခုမျှ မရှိပေ။ အဖြူရောင်သက်သက်သာ ရှိသည်။ ထိုသို့ မသိခြင်းအဖြူထည်ကို သိခြင်းဟူသော ပတ်ဝန်းကျင်၊ ရိုးရာဓလေ့က ပုံစံအမျိုးမျိုးဖြင့် သင်ပေးခဲ့၏။ ဥပမာ- မွေးကင်းစ ပအိုဝ်းကလေးတစ်ယောက်သည် ပအိုဝ်းစကားသူမတတ်၊ ပအိုဝ်းအဝတ်အစား သူမသိပေ။ သို့သော် အရွယ်ရောက်လာသောအခါ မိဘ၊ ပတ်ဝန်းကျင်က သူ့ကို သိအောင် သင်ပေး၍ သူလက်ခံကျင့်သုံးလာ၏။ ဤသို့ဖြင့် သူသည် ပအိုဝ်းစကားပြောတတ်လာသည်။ ပအိုဝ်းစရိုက် သိရှိကျင့်သုံးလာခဲ့သည်။ ဆိုလိုသည်မှာ သိတတ်စ ကလေးတစ်ယောက်သည် အတုယူ၊ အတတ်သင်သည့် အကျင့်ရှိသောကြောင့် ပတ်ဝန်းကျင်ကောင်းလျှင် ကောင်းသကဲ့သို့၊ ပတ်ဝန်းကျင်မကောင်းလျှင်မကောင်းသူ ဖြစ်လာနိုင်သည်ဟူသော အချက်ပင် ဖြစ်သည်။
အကယ်၍ မိမိတို့ပအိုဝ်းလူမျိုးတွင် အရင်က အရက်သောက်သည့် ဓလေ့မရှိခဲ့လျှင် ယခုလူငယ်များလည်း သောက်တတ်မည် မထင်ပေ။ သောက်တတ်ခဲ့လျှင်ရှိသော် အယောက်တစ်ရာမှာ တစ်ယောက်မျှသာ ရှိပေလိမ့်မည်။ ယခုအခြေအနေအရဖြစ်နေသည်မှာ မိဘက အရက်သောက်သည်ကို မကောင်းကြောင်း ဆိုဆုံးမပါသော်လည်း မိဘကိုယ်တိုင်က သောက်ပြနေ၏။ ဤသည်မှာ “ငါပြောတာလုပ်၊ ငါလုပ်သလိုမလုပ်နဲ့” ဆိုသည်နှင့် အတူတူပင် ဖြစ်သည်။ တစ်ဖက်တွင်လည်း ရိုးရာပွဲလမ်းသဘင်များတွင် ဧည့်ခံနေကြပြန်၏။ ထို့ကြောင့် လူငယ်များသည် အရက်သောက်ခြင်းကို မကောင်းမှုဟု မထင်မှတ်တော့ဘဲ ရိုးရာဓလေ့အသွင်ဖြစ် ကျင့်သုံးလာကြသည်။ ဤသို့ဖြင့် အရက်သောက်သူများလာသောအခါ အရက်သောက်တတ်သူကို အပြစ်မမြင်တော့ဘဲ အားပေးအားမြောက်လာသည့် အဆင့်သို့ ရောက်ရှိလာသည်။ အရက်စွဲလမ်းမှုများ များပြားလာသောကြောင့် မလိုလားအပ်သော လူမှုရေးပြဿနာများ ပေါများလာသည်။ တစ်ဖက်တွင်လည်း ကျန်းမာရေးကို ထိခိုက်မှု များလာသည်။ ဤသည်မှာ အရက်ဘီယာသောက်ခြင်းကြောင့် ဖြစ်ပေါ်လာသော ဓလေ့ဆိုး ဒဏ်ခတ်ခြင်း၏ အကျိုးရလာဒ်ပင် ဖြစ်သည်။
ယခုဆိုလျှင် လူငယ်များသည် အရက်သောက်ခြင်းကို ဂုဏ်ယူဝင့်ကြွားသည့်အလုပ်ဟု ထင်နေသကဲ့သို့ပင် အောက်မေ့ရ၏။ ပျော်သည်ဖြစ်စေ၊ ဝမ်းနည်းသည်ဖြစ်စေ၊ အလုပ်တစ်ခုခုပြီး မြောက်သည်ဖြစ်စေ အရက်သောက်ကြ၏။ အရက်သောက်တတ်သည်ကို အပြစ်မဖွဲ့သော်လည်း လူမှုကွန်ယက် စာမျက်ပေါ်တင်ပြီး ပို့စ်တင်ခြင်းက ကောင်းသည့်လက္ခဏာဟု မထင်ပေ။ အဘယ်ကြောင့်ဆိုသော် ပတ်ဝန်းကျင်ရှိ မျိုးဆက်သစ်လူငယ်များက ကျွန်ုပ်တို့ကို နေ့စဉ်နှင့်အမျှစောင့်ကြည့်နေ၏။ မိမိတစ်ယောက်၏ မထီမျက်မြင်ပြုမှုကြောင့် မျိုးဆက်သစ်လူငယ်များ အတုခိုးမှားခြင်း မဖြစ်စေလိုပေ။ ယခုအချိန်တွင် အရက်ကြောင့် မကောင်းသော ဓလေ့များကို လျော့နည်းအောင် တော်လှန်နေချိန်တွင် ဤကဲသို့ အရက်သောက်ခြင်းကို အားပေးသည့် အပြုအမှုမျိုး မလုပ်သင့်ဟု ထင်မြင်မိပါသည်။
လောက၏ သဘောသဘာဝအရ ကျွန်ုပ်တို့ ကျင့်သုံးနေသော ဓလေ့များ၊ ကျွန်ုပ်တို့လက်ခံနေသော ယဉ်ကျေးမှုများသည် “လုပ်ရပ်”နှင့် သက်ဆိုင်နေသည်။ “လုပ်ရပ်”သည် ကံနှင့် ထပ်တူကျ၏။ ကံသည် အလုပ်၊ အလုပ်သည် ကံပင် ဖြစ်သည်။ ထို့ပြင် ကျွန်ုပ်တို့ ဗုဒ္ဓဘာသာသည် ကံကို လက်ခံယုံကြည်ကြ၏။ ကောင်းသောအရာပြုလျှင် ကောင်းကျိုးရသကဲ့သို့ မကောင်းမှုပြုလျှင် ဆိုးကျိုးရမည်ဟု မြတ်စွာဘုရားရှင်က ဟောကြားထားပါသည်။ အဘယ်ကြောင့်ဆိုသော် လုပ်ရပ်သည် ဘက်လိုက်တတ်သည့် ကြေးစားမဟုတ်။ သူ့ကို လာဘ်ထိုး၍လည်း မရပေ။ သူနှင့် ထိုက်တန်သောရလာဒ်သာ မျှမျှတတ သူပေး၏။
ထို့ကြောင့် မိမိတို့ ကျင့်သုံးနေသော ယဉ်ကျေးမှု၊ ရိုးရာဓလေ့သည် ကောင်းလျှင် မိမိတို့တစ်မျိုးသားလုံး ကောင်းကျိုးစံစားနိုင်သကဲ့သို့ မကောင်းလျှင် မိမိတို့တစ်မျိုးသားလုံးအကျိုးယုတ်စေတတ်သည့် သဘောရှိသည်။ သတ္တဝါအားလုံးထဲတွင် မိုက်မဲသောအလုပ်ကို လုပ်နေသည်မှာ လူသားများဖြစ်သကဲ့သို့ ပညာအရှိဆုံး၊ အရဲရင့်ဆုံးသူသည်လည်း လူသားများသာ ဖြစ်နေပြန်သည်။ ထို့ကြောင့် မသိခြင်းဖြင့် စမိခဲ့သော ရိုးရာဓလေ့ဆိုးကို ဝေဖန်ပိုင်းခြားခြင်းဟူသော သိခြင်း(ပညာ)ဖြင့် အရက်(မူးယစ်)သုံးစွဲခြင်းဓလေ့ဆိုးကို မိမိတို့အနေဖြင့် တစ်နည်းတဖုံ ဖြတ်တောက်နိုင်ပြီး ဓလေ့ဆိုး၏ ဒဏ်ခတ်ခြင်းမှ ကင်းဝေးပါစေကြောင်း မျှော်မှန်းဆုမွန်ကောင်းတောင်းအပ်ပါသည်။
ခွန်ထင်;လေအောင်;
(မှတ်ချက်- စာရေးသူအမြင်သာ ဖြစ်သောကြောင့် လွတ်လပ်စွာ သဘောထားကွဲလွဲခွင့် ရှိသည်။)
Like On Facebook
Follow On Twitter
Subscribe On RSS