ပြည်ထောင်စုငြိမ်းချမ်းရေးညီလာခံ ၂၁- ရာစုပင်လုံ တတိယအကြိမ် အစည်းအဝေးသို့ တက်ရောက်ဆွေးနွေး နိုင်ရန်အတွက် ၂၀၁၈ ခုနှစ်၊ ဇူလိုင်လ (၆) ရက်၊ နံနက် (၁၀း၀၀)အချိန် တောင်ကြီးမြို့၊ ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၊ အစည်းအဝေးခန်းမတွင် ပအိုဝ်းအမျိုးသားအဖွဲ့ချုပ်(PNO)၊ ဗဟိုအလုပ်အမှုဆောင် အစည်းအဝေးပြုလုပ်ကျင်းပကြောင်းသိရှိရပါသည်။
အဆိုပါအစည်းအဝေးတွင် ပအိုဝ်းအမျိုးသား အဖွဲ့ချုပ်(PNO)၊ နာယကကြီး ဖြားတန်စင်ဖါအောင်ခမ်းထီ က ပအိုဝ်းတစ်မျိုးသားလုံးကိစ္စ၊ အနာဂါတ်ကိစ္စ စသည့်အရေးအရာ ကိစ္စများကိုလက်တွေ့ အကောင်အထည် ဖော်ဆောင်ရွက်နိုင်ရန်လိုအပ်ကြောင်း၊ အမျိုးသားအရေးနှင့် ပတ်သက်၍ အချင်းချင်းတွေ့ဆုံမှုရှိမှသာလျှင် ဒေသလိုအပ်ချက်များ၊ ရှေ့လုပ်ငန်းစဉ်များ သွားရမည့်နည်းလမ်းများကို သိရှိနိုင်မည်ဖြစ်ကြောင်း၊ ထို့ပြင် အမျိုးသားရေး စိတ်ဓာတ်အရင်းခံ၍ တစ်ဦးနှင့်တစ်ဦး စည်းလုံးညီညွှတ်ကြရန်၊ စည်းလုံးညီညွှတ်မှုသည် အင်းအားကိုရရှိစေပြီး ကိုယ့်တာဝန်၊ သူ့တာဝန်၊ တစ်မျိုးသားလုံးတာဝန်များကို မခွဲခြားဘဲ စည်းစည်းလုံးလုံးညီညီညွှတ်ညွှတ်နှင့် ကြိုးစားဆောင်ရွက်သွားရန် လိုအပ်ကြောင်း တက်ရောက်အမှာစကား ပြောကြားခဲ့ပါသည်။
ထိုအစည်းအဝေးတွင် ပြည်ထောင်စုငြိမ်းချမ်းရေးညီလာခံ ၂၁- ရာစုပင်လုံ တတိယအကြိမ်အစည်းအဝေး၌ သက်ဆိုင်ရာ ဆွေးနွေးမည့်ကဏ္ဍကြီး (၅)ရပ်များ ဖြစ်သော နိုင်ငံရေး၊ စီးပွားရေး၊ လှုမှုရေး၊ လုံခြုံရေး၊ မြေယာနှင့်သဘာဝပတ်ဝန်းကျင် ကဏ္ဍတို့တွင် တက်ရောက်မည့်ကိုယ်စားလှယ်များကို ရွေးချယ်အတည်ပြု ဆုံးဖြတ်ခဲ့ကြောင်းသိရှိရပါသည်။
ထိုအစည်းအဝေးတွင် ပအိုဝ်းအမျိုးသား အဖွဲ့ချုပ်(PNO) နာယကကြီး ဖြားတန်စင်ဖါအောင်ခမ်းထီနှင့် နာယက အဖွဲ့ဝင်များဖြစ်သော ဖြားခွန်မောင်တုတ်၊ ဖြားခွန်လာ၊ ဖြားခွန်ချစ်မောင်၊ ဥက္ကဋ္ဌဖြားခွန်စံလွင်၊ ဒု - ဥက္ကဋ္ဌ ဖြားခွန်မောင်သောင်း၊ အတွင်းရေးမှူးချုပ် ဖြားခွန်သိန်းဖေနှင့် အတွင်းရေးမှူးအဖွဲ့ဝင်များ၊ ပအိုဝ်းအမျိုးသားအဖွဲ့ချုပ်(PNO)၊ ဗဟိုအလုပ်အမှုဆောင်ကိုယ်စားလှယ်များ၊ ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံးရှိ ရုံးဝန်ထမ်းများ တက်ရောက်ခဲ့သည်။
ပြည်ထောင်စုငြိမ်းချမ်းရေးညီလာခံ ၂၁- ရာစုပင်လုံ တတိယအကြိမ်အစည်းအဝေးကို လာမည့် ဇူလိုင်လ (၁၁) ရက်နေ့မှ (၁၆) ရက်နေ့အထိ ကျင်းပပြုလုပ်မည်ဖြစ်ပြီး ယခု တတိယအကြိမ် ၂၁- ရာစုပင်လုံညီလာခံတွင် NCA လက်မှတ်မထိုးရသေးသည့် တိုင်းရင်းသားလက်နက်ကိုင် ကိုယ်စားလှယ်များကို တက်ရောက်နိုင်ရန်အတွက် ဖိတ်ကြားသွားမည်ဖြစ်ကြောင်းသိရသည်။
နဂါ့ခွန်၊ နန်းအိနြေခမ်း
Like On Facebook
Follow On Twitter
Subscribe On RSS