Friday, August 17, 2018

အာမခံချက်မရှိသောတောင်သူများဘ၀

တောင်ကြီး၊ ၂၀၁၈ ခုနှစ်၊ သြဂုတ်လ (၁၇)ရက်


ပြည်ထောင်စုသမ္မတမြန်မာနိုင်ငံတော်သည် စိုက်ပျိုးရေးကိုအခြေခံသည့်နိုင်ငံတစ်နိုင်ငံဖြစ်ပါသည်။ ထို့ပြင် နိုင်ငံ၏လူဦးရေ(၇၀%)သည် စိုက်ပျိုးရေးကိုအခြေခံလုပ်ကိုင်သည့် တောင်သူလယ်သမားများဖြစ်ပါသည်။ တောင်သူလယ်သမားများ၏ လူမှုစီးပွားဘ၀အဆင်ပြေဖွံ့ဖြိုးတိုးတက်မှသာတိုင်းပြည်လည်းဖွံ့ဖြိုးတိုးတက်လာမည် ဖြစ်ပါသည်။ စိုက်ပျိုးရေးကဏ္ဍသည် ရာသီဥတုပြောင်းလဲမှုအပါအ၀င်မိုးသည်းထန်စွာရွာသွန်းခြင်း၊ ရေကြီးရေလျှံခြင်း၊ မိုးခေါင်ခြင်း၊ ရေရှားပါးခြင်းအပူချိန်ပြင်းထန်ခြင်းစသည့် အကြောင်းအမျိုးမျိုးကြောင့်တောင်သူလယ်သမားများ၏ စိုက်ပျိုးသီးနှံများနှင့်လယ်ယာစိုက်ခင်းများသည် နှစ်စဉ်နှစ်တိုင်းပျက်ဆီးဆုံးရှုံးထိခိုက်မှုများနှင့် ရင်ဆိုင်ကြုံတွေ့နေရပါသည်။

မြန်မာနိုင်ငံသည် ရာသီဥတုပြောင်းလဲမှုဒဏ်ကြောင့်ခံရသည့် နိုင်ငံများတွင်ပါဝင်သည့် နိုင်ငံတစ် နိုင်ငံဖြစ်သည်ဟုသိရှိရပါသည်။ရာသီဥတုပြောင်းလဲမှုဒဏ်နှင့်အတူအလုပ်လုပ်ကိုင်နေကြရသည့် တောင်သူလယ်သမားများသည် ပျက်ဆီးဆုံးရှုံးမှုမည်မျှရှိမည်မှာမှန်းဆနိုင်ပါသည်။ တောင်သူများသည် သီးနှံတစ်နှစ်ပျက်ဆီးဆုံးရှုံးလျှင် (၂)နှစ် (၃)နှစ်အတွင်းလိုက်၍ မမီဟုဆိုသည့် ဆိုရိုးစကားလည်းရှိပါသည်။ ထိုကဲ့သို့ သဘာဝဘေးအန္တရာယ်အောက်တွင် တောင်သူလယ်သမားများသည် နလန်မထူနိုင်အောင် ထိခိုက်နစ်နာနေကြရပါသည်။ တိုင်းပြည်အတွက်လည်းနစ်နာဆုံးရှုံးမှုများ ဖြစ်ပေါ်စေပါသည်။

တောင်သူလယ်သမားများ၏ လူမှုစီးပွားဘ၀ ဖွံ့ဖြိုးတိုးတက်ရေး၊ နိုင်ငံ၏ ဆင်းရဲနွမ်းပါးမှု လျော့ချရေးဆောင်ရွက်နိုင်ရေးအတွက် နိုင်ငံတော်အစိုးရအနေဖြင့် အစီအမံများရေးဆွဲပြီးရေးဆွဲသည့်အစီအမံအတိုင်းအပြောသက်သက်မဟုတ်၊ စာအုပ်စာရွက်ထဲအတိုင်းမဟုတ်ပဲ၊ အောက်ခြေစိုက်ပျိုးတောင်သူလယ်သမားများထံသို့ အမှန်တကယ် လက်တွေ့အကောင်အထည်ဖော်နိုင်မှ ပံ့ပိုးကူညီဆောင်ရွက်ပေးနိုင်မှသာစိုက်ပျိုးတောင်သူလယ်သမားများ ဘ၀တိုးတက်လာမည် ဖြစ်ပါသည်။ ပြည်ထောင်စုသမ္မတမြန်မာနိုင်ငံတော်၏ ဖွဲ့စည်းပုံအခြေခံဥပဒေ ၂၀၀၈ ခုနှစ်၊ အခန်း(၁) နိုင်ငံတော် အခြေခံမူများ၏ ပုဒ်မ ၂၃။အရ နိုင်ငံတော်သည် တောင်သူလယ်သမားများ၏ (က) အခွင့်အရေးများကာကွယ်စောင့်ရှောက်ရန်လိုအပ်သည့်ဥပဒေများ ပြဋ္ဌာန်းဆောင်ရွက်မည်။ (ခ) စိုက်ပျိုးထုတ်လုပ်သည့် ကောက်ပဲသီးနှံများသင့်တင့်မျှတသည့်တန်ဖိုးရရှိရန်ကူညီဆောင်ရွက်မည်ဟုအတိအလင်း ပြဋ္ဌာန်းထားပါသည်။

၂၀၁၃-ခုနှစ်၊ အောက်တိုဘာလ(၈)ရက်နေ့တွင် တောင်သူလယ်သမားအခွင့်အရေးကာကွယ်ခြင်းနှင့် အကျိုးစီးပွားမြင့်တင်ခြင်းဥပဒေကို ပြည်ထောင်စုလွှတ်တော်ဥပဒေအမှတ် (၃၂)ဖြင့် အတည်ပြုပြဋ္ဌာန်းခဲ့သည်ဟုလေ့လာသိရှိရပါသည်။ တောင်သူလယ်သမားအခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးအတွက် သဘာဝဘေးအန္တရာယ်ကြောင့် ပျက်ဆီးဆုံးရှုံးမှုများနှင့် ထိခိုက်နစ်နာမှုများအတွက် ကူညီထောက်ပံ့မှုများကိုအတတ်နိုင်ဆုံးတောင်သူလယ်သမားများအတွက် ရည်ရွယ်ချက်ကောင်းများဖြင့် ပြဋ္ဌာန်းထားသည်ဟုယူဆပါသည်။

ပြဋ္ဌာန်းထားသည့်ဥပဒေများအတိုင်းတောင်သူလယ်သမားများအတွက် သီးနှံအာမခံဈေးနှုန်းများရရှိအောင် ဈေးကွက်ဖော်ဆောင်ပေးသည့်စနစ်၊ အာမခံသိုလှောင်ထားသည့်စနစ်၊ သိုလှောင်ရုံများတွင် အပ်နှံသည့်စနစ်၊ သီးနှံအပေါင်ထားသည့်စနစ်၊ စိုက်ပျိုးရေးနှင့် မွေးမြူရေးတွင် အကျိုးတူပူးပေါင်းဆောင်ရွက်သည့်စနစ် စသည့်အလေ့အကျင့်များရရှိရန်အတွက် ဖော်ဆောင်ပေးရန်နှင့် အားပေးကူညီရန် လိုအပ်သည်ဟုတိုက်တွန်းလိုပါသည်။ ထို့အပြင် သဘာဝဘေးအန္တရာယ်ကြောင့်လည်းကောင်း၊ ပိုးမွှားများအန္တရာယ်ကြောင့်လည်းကောင်း၊ အခြားသောအကြောင်းအမျိုးမျိုးကြောင့်လည်းကောင်း၊ လယ်ယာမြေနှင့် စိုက်ပျိုးသီးနှံကဏ္ဍတွင် စိုက်ပျိုးတောင်သူလယ်သမားများရင်ဆိုင်ကြုံတွေ့နေရသည့် အခက်အခဲ၊ ပြဿနာများကိုဦးစားပေးကူညီထောက်ပံ့ရန် အထူးလိုအပ်နေပြီ ဖြစ်ပါသည်။

သို့သော် ယနေ့အချိန်ထိလက်တွေ့အခြေအနေအရအောက်ခြေတွင် နိုင်ငံတော်ရှိ ပြည်သူများ၏ စားသောက်ကုန်သီးနှံများစိုက်ပျိုးထုတ်လုပ်ပေးသည့် စိုက်ပျိုးတောင်သူလယ်သမားများ၏ဘ၀သည် နစ်သထက်ပိုနစ်ခြင်း၊ အကြွေးသံသရာလည်သထက်လည်နေခြင်း၊ ဆင်းရဲသထက် ဆင်းရဲနိမ့်ကျခြင်းများသာရင်ဆိုင်ကြုံတွေ့နေကြရဆဲ ဖြစ်ပါသည်။ အကြောင်းကားယနေ့ချိန်ထိတောင်သူများသည် ဒေသအလိုက် ရာသီသီးနှံအလိုက် စိုက်ပျိုးထုတ်လုပ်သည့် ကောက်ပဲသီးနှံများသည် ဈေးနှုန်းမရှိ၊ ဈေးကွက်မရှိအချို့သောသီးနှံများသည်ရောင်းသူသာရှိပြီးဝယ်သမားမရှိ ဖြစ်နေရပါသည်။ (ဥပမာ - ယခုနှစ် ၂၀၁၈ - ခုနှစ်တွင် ထွက်ရှိသည့် ကြက်သွန်ဖြူမှာ ၀ယ်သမားမရှိသလောက်ပင်ဖြစ်နေရရင်ဆိုင်ကြုံတွေ့နေရပါသည်။

စိုက်ပျိုးတောင်သူများသည် ယမန်နှစ်မှယူခဲ့သည့် မြေသြဇာ၊ ပိုးသတ်ဆေး၊ ပေါင်းသတ်ဆေးများကြွေးဆပ်၍ မကြေသေးပေ။ ယခုနှစ်အရင်းနှီးအတွက် အကြွေးထပ်ယူပြီးရာသီပေါ်ချိန်တွင် ထွက်ရှိသည့် စိုက်ပျိုးထွက်ကုန်များဈေးကွက်မရှိ ၀ယ်သူမရှိဖြစ်နေရသည်မှာ နိုင်ငံတော်အစိုးရ၏ရည်မှန်းချက်ဖြစ်သည့် ဆင်းရဲမွဲတေမှုလျော့ချရေးသည် မလျော့သည့်အပြင် ဆင်းရဲမွဲတေမှုပိုမိုတိုးလာခြင်းသာရင်ဆိုင်ကြုံတွေ့နေကြရပါသည်။စိုက်ပျိုးတောင်သူများလည်းအကြွေးသံသရာထဲမှ ရုန်းထွက်နိုင်ခြင်းမရှိဖြစ်နေရပါသည်။ အချို့သောတောင်သူများသည် အကြွေးမဆပ်နိုင်၍ လယ်ယာမြေများအသိမ်းခံရသည့်အထိရင်ဆိုင်ကြုံတွေ့ကြရပြီးနောက်ဆက်တွဲဖြစ်ပေါ်လာသည့်အကျိုးရလဒ်မှာနောက်နှစ်များတွင် စိုက်ပျိုးရေးလုပ်ငန်းဆက်လက်ဆောင်ရွက်နိုင်ခြင်းမရှိတော့ပဲအိုးပစ်အိမ်ပစ်မိသားစုအတွင်း ၀မ်းနည်းကြေကွဲစွာ ခွဲခွာကြပြီး ပြည်ပနိုင်ငံများတွင် ရရာနည်းလမ်း၊ ရရာအလုပ်အကိုင်ဖြင့် အဆင်ပြေသလိုသွားရောက်အလုပ်လုပ်ကိုင်နေကြသည်မှာ ၀မ်းနည်းစွာ တွေ့မြင်နေရပါသည်။

ဤနေရာတွင် တင်ပြလိုသည်မှာစိုက်ပျိုးတောင်သူများ နှစ်စဉ်နှစ်တိုင်းရင်ဆိုင်ကြုံတွေ့နေရသည့် အခက်အခဲ၊ ပြဿနာများသည် ဒေသအလိုက်၊ ရာသီအလိုက် စိုက်ပျိုးထုတ်လုပ်သည့် ကောက်ပဲသီးနှံများရာသီပေါ်ချိန် စိုက်ပျိုးတောင်သူများငွေကြေးလိုအပ်ချိန် သီးနှံများထုတ်ရောင်းချိန်တွင် ထုတ်ရောင်းလိုက်သည့် ကောက်ပဲသီးနှံများသည် ဈေးကွက်မရှိဈေးနှုန်းမရှိ ရံဖန်ရံခါ ၀ယ်သမားပင် မရှိသလောက် ရှားပါးခြင်း၊ ၀ယ်သမားရှိပြန်သော်လည်းဈေးနှိမ်၍ရောင်းချရခြင်း၊ တဖန်ရာသီအလိုက် သီးနှံပြန်လည်စိုက်ပျိုးရန် ရောက်ရှိချိန်တွင် အထူးသဖြင့်ဈေးအဆမတန်တက်ခြင်း၊ ၎င်းအချိန် စိုက်ပျိုးတောင်သူများ၏လက်ဝယ်တွင် ထုတ်ရောင်းစရာမရှိပဲပွဲရုံများ၏ လက်ဝယ်တွင် ရောက်ကုန်ကျသည့်အတွက် တောင်သူများစိုက်ပျိုးထုတ်လုပ်သည့် ကောက်ပဲသီးနှံများသည် ပွဲရုံများ၊ ပွဲစားများအတွက်သာစိုက်ပျိုးပေးနေသည့်သဘောသက်ရောက်လျက်ရှိနေသည်ကိုယမန်နှစ်များ၏ အခြေအနေအား ပြန်လည်သုံးသပ်ပါကတွေ့မြင်နိုင်မည် ဖြစ်ပါသည်။ စိုက်ပျိုးတောင်သူများဘ၀သည် လူပင်ပန်း၊ စိတ်ပင်ပန်း၊ ရရှိလာမည့် အကျိုးအမြတ်အားမျှော်လင့်ချက်မဲ့စွာဖြင့် စိုက်ပျိုးရေးအတွက် အရင်းအနှီးများအကြွေးယူကာနှစ်စဉ်စိုက်ပျိုးရာသီအလိုက် စိုက်ပျိုးနေကြသော်လည်းရိတ်သိမ်းခူးစွတ်ချိန်ပြီး၍ မိသားစုဘ၀ စားဝတ်နေရေးအတွက် ထုတ်ရောင်းချိန်တွင် ဈေးကွက်၊ ဈေးနှုန်းအာမခံချက်မရှိ ဖြစ်နေရသည်မှာစိုက်ပျိုးတောင်သူများအတွက် ယနေ့ချိန်ထိ ၀မ်းနည်းကြေကွဲရုံမှအပ အခြားအားကိုးစရာမရှိသေးဟုဆိုရမည် ဖြစ်ပါသည်။

အဆိုပါ အခက်အခဲ၊ ပြဿနာများသည် မည်သည်တို့တွင် တာဝန်ရှိသနည်းဟု မေးခဲ့သော်) နိုင်ငံတော်အစိုးရဟုဖြေရမည် ဖြစ်ပါသည်။ အကြောင်းကား နိုင်ငံတော်ကိုမောင်းနှင်နေသည့်ပုဂ္ဂိုလ်သည် အစိုးရသာ ဖြစ်ပါသည်။ (ဥပမာ - နှိုင်းယှဉ်ပြရပါက နိုင်ငံတော်သည် မော်တော်ယာဉ်ကြီးတစ်စင်းဖြစ်ပြီးအစိုးရသည် ထိုယာဉ်ကြီးကိုတက်မောင်းပေးရသည့် ဒါရိုက်ဘာနှင့် တူပါသည်။ နိုင်ငံတော်သည် သက်မဲ့သဘောဆောင်ပြီးအစိုးရသည် အတက်အဆင်းရှိသည့်သဘောဖြစ်ပါသည်။) အဆိုပါ မော်တော်ယာဉ်ကြီးအားတက်မောင်းသည့်အစိုးရသည် ရှေ့သို့တည့်တည့်မတ်မတ် မောင်းနှင်နိုင်မှသာရည်ရွယ်သည့်ပန်းတိုင်သို့ ရောက်ရှိနိုင်မည်ဖြစ်ပါသည်။ယနေ့(၇၀%)သော ပြည်သူများသည် နိုင်ငံတော်ရှိ လူအားလုံးသက်တမ်းစေ့ အသက်ရှင်သန်နိုင်ရေးအတွက် စိုက်ပျိုးရေးကဏ္ဍကိုအဓိကပံ့ပိုးပေးသည့် (၇၀%)သော ပြည်သူများဆင်းရဲနေပါကနိုင်ငံတော်တစ်ခုလုံးသည်လည်းဆင်းရဲမြဲဆင်းရဲနေအုံးမည် ဖြစ်ပါသည်။

စိုက်ပျိုးတောင်သူများ၏ စိုက်ပျိုးထုတ်ကုန်များဒေသအလိုက် ရာသီအလိုက် သီးနှံများဈေးကွက်သို့တင်ပို့ရောင်းချရာတွင် ဖွဲ့စည်းပုံအခြေခံဥပဒေ ၂၀၀၈ ခုနှစ်၊ အခန်း(၁) နိုင်ငံတော် အခြေခံမူများ၏ ပုဒ်မ ၂၃။ ပုဒ်မခွဲ (က)နှင့် (ခ)အရစိုက်ပျိုးတောင်သူများအတွက် အိမ်နီးချင်းနိုင်ငံများဖြစ်သည့် အိန္ဒိယ၊ ထိုင်း၊ မလေးရှားစသည့်နိုင်ငံများကဲ့သို့ အာမခံချက်ရှိသောဈေးနှုန်းရရှိအောင် အကောင်အထည်ဖော်ဆောင်ရွက်ပေးနိုင်မှသာ စိုက်ပျိုးတောင်သူများဘ၀ ဖွံ့ဖြိုးတိုးတက်လာမည်ဖြစ်ပါသည်။ စိုက်ပျိုးတောင်သူများဘ၀ ဖွံ့ဖြိုးတိုးတက်မှသာ နိုင်ငံတော်ကြီးတစ်ခုလုံးသည်လည်းဖွံ့ဖြိုးတိုးတက်လာမည်ဖြစ်ပါသည်။

ထိုမှသာပြည်သူများမဲပေးရွေးချယ်သည့် (တနည်းအားဖြင့်) ပြည်သူများအား ပြန်လည်အလုပ် အကျွေးပြုမည့် ပြည်သူများ၏ အခိုင်းအစေသော်လည်းကောင်း၊ ပြည်သူများ၏ အရှင်သခင်သော်လည်းကောင်း၊ နိုင်ငံတော်နှင့် ပြည်သူလူထု၏တာဝန်ကို ထမ်းဆောင်နေကြသည့် အစိုးရနှင့်လွှတ်တော်ကိုယ်စားလှယ်များသည် နိုင်ငံတော်နှင့် ပြည်သူအပေါ် တာဝန်ကျေသည့် နိုင်ငံတော်အကျိုး၊ ပြည်သူအကျိုးသယ်ပိုးဆောင်ရွက်သည့် ပြည်သူများ၏ ကိုယ်စားလှယ်စစ်စစ်ဖြစ်မည်ဟုဆိုနိုင်မည် ဖြစ်ပါသည်။ သို့မှသာနိုင်ငံ၏ ဆင်းရဲမွဲတွေမှုလျော့ချရေးကိုအောင်မြင်အောင် ဖော်ဆောင်နိုင်မည်ဖြစ်ပြီး နိုင်ငံတော်ဆိုသည့် မော်တော်ယာဉ်ကြီးပေါ်သို့ လိုက်ပါသည့် ပြည်သူများသည်လည်းပန်းတိုင်သို့ အဆင်ပြေချောမွေ့စွာရောက်ရှိနိုင်မည်ဟုယုံကြည်မျှော်လင့်ရင်းစိုက်ပျိုးတောင်သူများ၏ကိုယ်စားသော်လည်းကောင်း၊ လက်တွေ့တွင်လည်းစိုက်ပျိုးရေးလုပ်ကိုင်သူတစ်ဦးအနေဖြင့်သော်လည်းကောင်းရေးသားတင်ပြလိုက်ရပါသည်။

ခွန်နောင်နောင်
Powered by Blogger.