စာဖတ်ခြင်းသည် လူ၏တန်ဖိုး

တောင်ကြီး၊ ၂၀၁၈ ခုနှစ်၊ စက်တင်ဘာလ (၁၂)ရက်

လူသားတို့၏ ဘုံတွင်အလုံခြုံဆုံးသော ဆေးဝါးကား စာဖတ်ခြင်းတည်း။ လူသားတို့၏ ပတ်ဝန်းကျင်တိုင်းသည် စာပေလောက မဟုတ်သော်လည်း စာပေအားလုံးသည် လူသားတို့၏ ပတ်ဝန်းကျင်မှ ဆင်းသက်ပေါက်ဖွားလာကြခြင်းဖြစ်သည်။ စာပေဟူသည်ကား လူ့လောက၏ အလင်းရောင်ဖြစ်သည်။ ပင်ကိုက မှောင်အတိဖြစ်နေသော ဘ၀လွင်ပြင်ကျယ်ကို စာပေဖတ်ခြင်းတည်းဟူသော မီးရှူးတန်ဆောင် ဖြင့် ထွန်းညှိ၍သာ ကူးဖြတ်ရပါလိမ့်မည်။ “စာဖတ်ခြင်း ၀ါသနာ”ကား လူတိုင်းလူတိုင်း စွဲမြဲအောင် မွေးမြူသင့်သော ၀ါသနာကောင်းဖြစ်ပေသည်။

“စာဖတ်ခြင်းသည် ကျွန်ုပ်တို့အားလုံး နားလည်သော ဘာသာစကားတစ်ခုဖြင့် သီးခြားတည်ရှိ နေသော သုခဘုံတစ်ခုဖြစ်သည်” ဟူသော ဆိုရိုးစကားတစ်ရပ်လည်းကြားဖူးပါသည်။ အသိပညာရတနာအမြုတေတို့အား စုဝေးတည်ရှိရာသည် “စာပေ”ဖြစ်သည်။ စာသည် အလိမ္မာကိုပေး၍ အလိမ္မာသည် စာမှာရှိကြောင်း ထင်ရှားလှသည်။  စာအုပ်တွင်ရှိနေသော အသိပညာကို ဦးနှောက်အတွင်းသို့ သွင်းယူ ရန်မှာ စာဖတ်ခြင်းအလုပ်တစ်ခုသာ အထိရောက်ဆုံးဖြစ်လေသည်။ အစွမ်းကုန် ဖွံ့ဖြိုးတိုးတက်နေသော ဤခေတ်တွင် စာများများဖတ်နေရန် မလိုအပ်တော့ဟူသော အယူအဆများလာကြသည်။ မည်မျှတိုးတက် ကောင်းမွန်သော သိပ္ပံခေတ်ဆက်သွယ်ရေး အသုံးအဆောင်များပင်ဖြစ်စေ ကမ္ဘာလောကပတ်ဝန်းကျင်ကို နားလည်အောင် စွမ်းဆောင်နိုင်မှုစွမ်းရည်၌” စာဖတ်ခြင်း၏ စွမ်းရည်”ကို မမီနိုင်ကြပေ။

ထို့ကြောင့်လည်း ရှေးအစဉ်အဆက်ကပင် အသိပညာ ပြည့်ဝသော လူကြီးသူမတို့က နောင်လာ နောက်သားတို့အား စာဖတ်ကြရန် ဆုံးမခဲ့ကြသည်။ စာဖတ်ရန်အတွက် စာတတ်အောင်လည်း သင်ပေးခဲ့ ကြသည်။ ရေကြောင့် ခန္ဓာကိုယ် အစိတ်အပိုင်းများ စင်ကြယ်၏။ စာဖတ်ခြင်းကြောင့် စိတ်ဝိညာဉ် အသိတရား စင်ကြယ်၏။ စာဖတ်ခြင်းသည် အသိဥာဏ်ကို ရှင်သန်စေ၍ စိတ်နေစိတ်ထားကို ဖွံ့ဖြိုးတိုးတက်စေမည့် အထက်မြက်ဆုံးသော လက်နက်ဖြစ်သည်။ အသိဥာဏ်သည် ခန္ဓာကိုယ် ကြီးထွားမှု နှင့် မတူဘဲ အကန့်အသတ်မရှိ ဖွံ့ဖြိုးတိုးတက်လာနိုင်သည်။ အသိဥာဏ်ဖွံ့ဖြိုးတိုးတက်ပါမှ ဘ၀တက်လမ်း ခရီးကို သာယာဖြောင့်ဖြူးစွာ လျှောက်လှမ်းနိုင်ပေမည်။

ဝါသနာဆိုရာတွင် ကောင်းသောဝါသနာ ရှိသကဲ့သို့ မကောင်းသောဝါသနာလည်း ရှိလေသည်။ စာဖတ်ခြင်းသည် ကောင်းသောဝါသနာဖြစ်၍ စာဖတ်သည်ဆိုလျှင် ဖတ်သောစာအုပ်ကိုလည်း ထည့်သွင်း စဉ်းစားရလိမ့်မည်။ “စာအုပ်စာပေ” ဆိုရာတွင် ကောင်းသောစာအုပ်စာပေ၊ မကောင်းသော စာအုပ်စာပေဟူ၍ ခွဲခြားနေရန်မလိုဘဲ မည်သို့သော စာအုပ်စာပေကိုမဆို ဖတ်ရှုနိုင်သည်။ ထိုစာပေမှ ရရှိ လာသော အသိတရားကိုသာကောင်းမကောင်း၊ အသုံးချသင့်မသင့်၊ ဆောင်ရန်ရှောင်ရန် မိမိဘာသာခွဲခြား စိတ်ဖြာတတ်ရန် လိုသည်ဟူသော အဆိုအမိန့်ကို ကြားဖူးပါသည်။

“စာအုပ်စာပေ လူ့မိတ်ဆွေ”ဟူသော ဆောင်ပုဒ်ကို နားလည်နှစ်သက်စွာ လက်ကိုင်ပြုကြသူများ၊ ဘ၀ကို စာပေတွင် မြှုပ်နှံနေကြသူများ၊ စာပေမှ သုတနှင့်ရသကို အပတ်တကုတ် ရှာဖွေနေကြသူများသည် စာဖတ်ဝါသနာ အပြင်းထန်ဆုံး၊ စာဖတ်သမားကောင်းများ ဖြစ်ကြသည်။ စာဖတ်ခြင်းဟူသည် စာအုပ်ကို လေ့လာခြင်းအားဖြင့် နားလည်မှုစွမ်းရည်ကို အဆင့်ဆင့်မြင့်မားစေသည့် စိတ်ဖွံ့ဖြိုးမှုဖြစ်စဉ်ဖြစ်သည်။ ဤသို့ တိုးတက်လာသော စိတ်ဖွံ့ဖြိုးမှုသည် စာဖတ်ကောင်းသမားတစ်ယောက် ဖြစ်လာရန်လိုအပ်သော အခြေခံဖြစ်သည်။ ဤအဆင့်သို့ရောက်လျှင် ခိုင်မာသော စာဖတ်ဝါသနာ အမြစ်တွယ်နေသူဟု ဆိုနိုင်ပါသည်။

များစွာသောသူတို့သည် စာဖတ်ကြသော်လည်း အကျိုးရှိအောင် မဖတ်တတ်ကြခြင်းများကို တွေ့ရပါသည်။ ဤသို့ဖြစ်ရခြင်းမှာ “စာဖတ်ခြင်း၏ တန်ဖိုးကိုမသိ၍လည်းကောင်း၊ ပေါ့ပေါ့တန်တန် စိတ်သ ဘောထားနှင့် အသိညဏ်ဖွံ့ဖြိုးမှုကို အလေးမထားခြင်းကြောင့်လည်းကောင်း၊ အဆိပ်အတောက်စာပေ တို့ကိုသာ ဖတ်မိခြင်းကြောင့်လည်းကောင်း၊ အညွန့်တက်လာသော စာဖတ်ဝါသနာ ပျက်သုဉ်းသွားကြရလေသည်။ စာဖတ်ခြင်းသည် လူ၏တန်ဖိုးကို အမှန်ပင်တိုးတက်စေပါသည်။ စာဖတ်ဝါသနာရှင်နှင့် စာအုပ်မကိုင်ချင်သူတို့ကား များစွာခြားနားလှပါသည်။ မြင့်မိုရ်တောင်နှင့် တောင်ပို့တို့ ကွာခြားသကဲ့သို့ လည်းကောင်း၊ ပတ္တမြားမျက်ရှင်နှင့် လမ်းခင်းကျောက်သို့ မတူနိုင်သကဲ့သို့လည်းကောင်း မယှဉ်နိုင်အောင် ကွာခြားကြလေသည်။

စာဖတ်ခြင်းသည် ကောင်းသောအလုပ်ဖြစ်လျှင် ကောင်းသောဝါသနာတစ်ရပ်အဖြစ် မရှိသေးလျှင် လေ့ကျင့်ပျိုးထောင်ယူရပါမည်။ လူတိုင်းစွဲမြဲသင့်သော စာဖတ်ဝါသနာကို မိမိ၌လည်းစွဲမြဲစေသင့်ပါသည်။ စာဖတ်ခြင်းသည် ဘ၀လမ်းကြောင်းကို ရွေးချယ်ပေးသည်။ စိတ်နေစိတ်ထားကို အရောင်အမျိုးမျိုး ဆိုးပေးနိုင်သည်။ ထို့ကြောင့်ခေါင်းထဲသို့ ၀င်သွားသော အသိတရားမှန်ကန်စေရေးသည် စာဖတ်ဝါသနာ၏ အရေးအကြီးဆုံး အသက်ဝိညာဉ်ဖြစ်သည်။ အသိတရားမှားသွားလျှင် အလွန်ကြီးမားသော အန္တရာယ်ဖြစ် တော့သည်။ ထို့ကြောင့် စာဖတ်သက်ရင့်ခြင်းကပင် စာအုပ်၏အကျိုးသက်ရောက်မှုစွမ်းအားကို အဆုံးအဖြတ် ခွဲခြားပေးနိုင်လေသည်။

ကိုးကားချက် - ဦးစန်းငွေ(ခရေပင်စာပေ)
နန်း ခမ်း ညာ