Wednesday, September 26, 2018

အမျိုးသမီးများအတွက် ဈေးကွက်အခွင့်အလမ်းဆိုင်ရာပိုမိုတိုးတက်ရရှိစေရေးနှင့်ပတ်သက်သောခေါင်းဆောင်မှုစွမ်းရည်မြှင့်တင်ခြင်းသင်တန်းပြုလုပ်

တောင်ကြီး၊ ၂၀၁၈ ခုနှစ်၊ စက်တင်ဘာလ (၂၆)ရက်



၂၀၁၈ခုနှစ်၊ စက်တင်ဘာလ(၂၆)ရက်၊ နံနက်(၉း၀၀)နာရီအချိန်တွင်တောင်ကြီးမြို့၊ ပအိုဝ်းအမျိုးသားအဖွဲ့ချုက်(PNO)ဗဟိုဌာနချုပ်ရုံးတွင် အမျိုးသမီးများအတွက် ဈေးကွက်အခွင့်အလမ်းဆိုင်ရာပိုမိုတိုးတက်ရရှိစေရေးနှင့် ပတ်သက်သောခေါင်းဆောင်မှုစွမ်းရည်မြှင့်တင်ခြင်းသင်တန်းကို ပြုလုပ်ခဲ့ကြောင်းသိရှိရပါသည်။

အဆိုပါသင်တန်းပေးပို့ခြင်းနှင့် ပတ်သက်၍ ရပ်တိုင်းရွာတိုင်းတွင် လယ်ယာစိုက်ပျိုးရေးအမျိုးသမီးအဖွဲ့များဖွဲ့စည်းနိုင်ရန်၊ ၎င်းတို့အဖွဲ့မှ လုပ်ရှားမှုရလဒ်ကို ကြည့်ပြီးလိုအပ်သည့် အခန်းကဏ္ဍများဖြစ်သောလယ်ယာစိုက်ပျိုးရေးလုပ်ငန်းကိုလုပ်ကိုင်နေပြီးဖြစ်သော်လည်း ငွေရေးကြေးရေးအရင်းအနှီးများလိုအပ်ပါကချေးငှားနိုင်ရန်၊ ချေးငှားမှုများမပြည့်စုံအဆင်မပြေပါက ကျွန်တော်တို့အနေဖြင့် ပြင်ပမှ ပေးနိုင်သည့် ငွေကြေးဝန်ဆောင်မှုများနှင့် မိတ်ဆက်ပေးခြင်း၊ စိုက်ပျိုးရေးကဏ္ဍအနေဖြင့် ဖွဲ့စည်းထားသောလယ်ယာစိုက်ပျိုးရေးအမျိုးသမီးအဖွဲ့များထဲမှ ရွေးထုတ်ထားသောခေါင်းဆောင်များကစိုက်ပျိုးရေးကဏ္ဍနည်းပညာနှင့် ပတ်သက်သောဆရာဖြစ်သင်တန်းများကိုသင်ကြားပေးကာ ၎င်းတို့မှ တဆင့် ရပ်ရွာများသို့ပြန်လည်သင်ကြားပို့ချပေးနိုင်ရန်၊ စိုက်ပျိုးရေးထုတ်ကုန်အရည်အသွေးပြည့်စုံလာပါကတစ်ဖက်မှ စီးပွားရေးဈေးကွက်သို့ ချိတ်ဆက်နိုင်ရန်၊ အမျိုးသမီးများအဖွဲ့အနေဖြင့် အခြားသောအဖွဲ့အစည်းများနှင့် ချိတ်ဆက်ရာတွင် ၎င်းတို့၏ စွမ်းရည်ပိုမိုမြှင့်တက် အားကောင်းလာစေရန်ရည်ရွယ်၍ ယခုသင်တန်းကို ပြုလုပ်ရခြင်းဖြစ်ကြောင်းသင်တန်းပို့ချသူခွန်ချစ်ဦးကပြောပါသည်။

ကနေဒါနိုင်ငံအစိုးရအဖွဲ့မှ ထောက်ပံ့ကူညီမှုဖြင့် ၎င်းတို့နိုင်ငံအတွင်းရှိMEDAအဖွဲ့မှ ဦးဆောင်ပြီး မြန်မာနိုင်ငံကရင်ပြည်နယ်(၃)ဖွဲ့၊ ရှမ်းပြည်နယ်အတွင်း(၄)ဖွဲ့တို့မှ လူမှုအဖွဲ့အစည်းများနှင့် ပူးပေါင်းကာအမျိုးသမီးများအတွက် ဈေးကွက်အခွင့်အလမ်းဆိုင်ရာတိုးတက်ရရှိစေရေးစီမံကိန်းကို (၂၀၁၆မှ ၂၀၂၀)ခုနှစ်အထိ (၄)နှစ် စီမံကိန်းဖြင့် အကောင်အထည်ဖော် ဆောင်ရွက်လျက်ရှိရာပါရမီဖွံ့ဖြိုးရေးကွန်ယက်နှင့် MEDA အဖွဲ့အစည်းတို့ ပူးပေါင်းဆောင်ရွက်သောအဆိုပါစီမံကိန်းအစီအစဉ်မှ အမျိုးသမီးခေါင်းဆောင်မှု စွမ်းရည်မြှင့်တင်ခြင်းသင်တန်းကိုစက်တင်ဘာလ (၂၆) ရက် မှ (၂၇) ရက်အထိဖွင့်လှစ်မည် ဖြစ်ကြောင်းသိရပါသည်။

ထိုသင်တန်းကိုသင်တန်းဆရာအနေဖြင့် ပါရမီဖွံ့ဖြိုးရေးကွန်ယက်၊ အတွင်းရေးမှူး ခွန်ချစ်ဦးမှ တာဝန်ယူသင်ကြားပေးကာသင်တန်းသား/သူများဖြစ်ကြသောဟိုပုံးမြို့နယ်၊ ဆီဆိုင်မြို့နယ်၊ ပင်လောင်းမြို့နယ်နှင့် တောင်ကြီးမြို့နယ်များထဲမှ ကျေးရွာနေအမျိုးသမီးများစုစုပေါင်း(၂၆)ဦးတက်ရောက်ခဲ့ကြောင်းသိရှိရပါသည်။

နန်းဆုဗွေ
Powered by Blogger.