ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံးတွင် Prospect Burma အဖွဲ့မှ နိုင်ငံခြားပညာတော်သင်ဆုအကြောင်းနှင့်ပတ်သက်၍ ယနေ့ (၁၀း၃၀)အချိန်တွင် ကျောင်းသား/သူများနှင့် ရုံးအဖွဲ့သားများအားလာရောက်မျှဝေခဲ့ကြောင်း သိရသည်။
“ လျှောက်လွှာကိုတော့ ၂၀၁၈-ခုနှစ်၊ ဒီဇင်ဘာ(၁)ရက်နေ့ကနေစဖွင့်မယ်၊ ဇန်န၀ါရီ(၃၁)နေ့ထိပေါ့၊ Online ကနေပဲ ဖြည့်ရမှာပါ။ စာမျက်နှာ(၆)ခုစလုံးကိုအပြည့်အ၀ဖြည့်သွင်းရေးသားဖို့လိုပါတယ်၊ Application form နမူနာကို download လုပ်ပြီးအဲစာရွက်တွေပေါ် အရင်ချရေး၊ ချရေးပြီးအဆင်ပြေပြီဆိုမှ ကွန်ပျူတာဖွင့်ပြီးတော့ ချက်ခြင်းတောက်လျှောက်ဖြည့်ဖို့ လိုပါတယ်၊ ကိုယ့်အက်ဆေးတွေ စာလုံးပေါင်း(၅၀၀)ပြည့်မပြည့် အသေအချာစစ်ဆေးပြီးလည်းဖြစ်တယ်၊ အင်တာနက်ဖိုးလည်းသက်သာမယ်၊ တစ်ထိုင်တည်းနဲ့လည်း ပြီးမှာပေါ့နော်၊ အရည်အချင်းအနေနဲ့ကတော့မြန်မာနိုင်ငံသားဖြစ်ရမယ်၊ ပြီးတော့ အင်္ဂလိပ်စာအရည်အချင်းကအနည်းဆုံးပြောဆိုဆက်ဆံနိုင်သည့်အဆင့်နှင့် မိမိတက်ရောက်မည့်တက္ကသိုလ်အပေါ်မူတည်ပြီးရှိသင့်သည့် level အရည်အချင်းရှိရမှာဖြစ်ပါတယ်၊ ဘွဲ့ကြိုလျှောက်မယ်ဆိုအနည်းဆုံး(၁၀)တန်းအောင်ရမယ်၊တစ်ချို့မိမိတက်ချင်တဲ့ နိုင်ငံခြားတိုင်းပြည်ကပညာသင်နှစ် သတ်မှတ်ချက်အရ(၁၀)တန်းအောင်ရုံနဲ့မရတက္ကသိုလ်ပထမနှစ်အောင်မှ တက်ခွင့်ရတာတွေရှိတယ်၊ ထိုင်းမှာသိပ်ပြဿနာမရှိပေမယ့် သြစတေးလျစတဲ့ နိုင်ငံတွေကျတော့ ပညာသင်နှစ်တွေ တက်နေတုန်းပေါ့နော်၊ စကေားလားရှစ်ပေးအပ်မည့်ငွေကြေးကတော့ တစ်နှစ်ကိုပေါင် (၄၀၀၀)ကနေ (၈၀၀၀)ပေါ့၊ တစ်ယောက်နဲ့တစ်ယောက် ရတာချင်းကတူမှာမဟုတ်ဘူးလေ၊ တက်ရောက်မည့်ကျောင်းယူတဲ့ဘာသာကစပေါ့၊ တူချင်မှ တူကြမှာ၊ ပညာသင်ဆုအနေနဲ့ အသက်ကန့်သတ်ထားခြင်းမရှိပါဘူး၊ ကိုယ်တက်ချင်တယ်ဆိုရင် ၀င်လျှောက်လို့ရပါတယ်၊ အင်္ဂလိပ်စာသိပ်မကောင်းဘူးအတော်အသင့်ဆိုရင်လည်း ထိုင်းနိုင်ငံက တက္ကသိုလ်တစ်ခုခုလောက်တော့ တက်နိုင်ပါတယ် “ ဟု Program Officer မရွှေရည်ထွန်းအောင်ကပြောကြားပါတယ်။
www.Prospectburma.org/students တွင် Application Form ကို download ရယူနိုင်မှာဖြစ်ပြီးသတင်းအချက်အလက်များလည်း ၀င်ရောက်ကြည့်ရှုနိုင်ကြောင်းသိရသည်။
ယနေ့ ဟောပြောပွဲသို့ ပအိုဝ်းဒေသမှ ကျောင်းသား/သူများ၊ ပညာရေးဆိုင်ရာဆောင်ရွက်သည့် အဖွဲ့အစည်းများ၊ ပအိုဝ်းအမျိုးသားအဖွဲ့ချုပ်(PNO) ဗဟိုဌာနချုပ်ရုံးမှ ရုံးဝန်ထမ်းများ တက်ရောက်ကြကြောင်းသိရသည်။
ခွန်ဓဇ
Like On Facebook
Follow On Twitter
Subscribe On RSS