Photo- Credit
ထိုဒေသန္တရအုပ်ချုပ်ရေးတို့သည် ပအိုဝ်းအမျိုးသားတို့ ဘုံရည်မှန်းချက်ဖြစ်သော ပအိုဝ်းအမျိုးသားဒီမိုကရေစီစနစ်နှင့် အခြားတိုင်းရင်းသားတို့ တန်းတူရည်တူဖြစ်သော ကိုယ်ပိုင်ပြဌာန်းခွင့်၊ ကိုယ်ပိုင်အုပ်ချုပ်ခွင့်တို့အတွက် မရောက်ရှိသေးသော်လည်း ရောက်ရှိလာစေရန် အထောက်အပံ့များစွာကို ပေးနိုင်မည်ဟုယုံကြည်ပါသည်။ ၁၉၅၈-ခုနစ် ငြိမ်းချမ်းရေးအသီးအပွင့်အနေဖြင့် ပအိုဝ်းဒေသများဖြစ်သော နားဘောင်ဒေသ (ခွန်ဖြားဗွာခမ်း)၊ ရန်ကင်းဒေသ၊ ပင်ဖြစ်ဒေသ၊ ကျောက်တန်းဒေသ(မျင်မိုးခမ်း)၊ နောင်တရားဒေသ(စန္ဒာခမ်း)၊ ဆိုက်ခေါင်ဒေသ(သူရိယခမ်း)တို့ကို အခြေပြုပြီး ပအိုဝ်းဒေသဖွံ့ဖြိုးရေးလုပ်ငန်းများကို အကောင်အထည်ဖော်ဆောင်ခဲ့ရာ ယခုအချိန်အခါတွင် အဆိုပါဒေသတို့သည် ပအိုဝ်းဒေသ၏ဖွံ့ဖြိုးတိုးတက်မှုရှိသောဒေသများအဖြစ် သတ်မှတ်နိုင်ပါသည်။
၁၉၉၁-ခုနစ်ငြိမ်းချမ်းရေး၏ အသီးအပွင့်အနေဖြင့် ယခုလက်ရှိ ၂၀၀၈-ခုနှစ် ဖွဲ့ပုံအခြေခံဥပဒေအရ ပင်လောင်း၊ ဟိုပုံး၊ ဆီဆိုင် သုံးမြို့နယ်ကို ပအိုဝ်းကိုယ်ပိုင်အုပ်ချုပ်ခွင့်ရဒေသအဖြင့် ပြည်ထောင်စုသမ္မတမြန်မာနိုင်ငံတော်မှ သတ်မှတ်ပြဌာန်းနိုင်ခဲ့ပါသည်။ ထို့အပြင် ရှမ်းပြည်နယ်တောင်ပိုင်း ဒေသအများအပြားကို အထူးဒေသ(၆)အဖြင့်သတ်မှတ်ပြီး ပအိုဝ်းအမျိုးသားထိန်းချုပ်နယ်အဖြင့်သတ်မှတ်ကာ ပအိုဝ်းဒေသ၏ ပညာရေး၊ ကျန်းမာရေး၊ လမ်းပန်းဆက်သွယ်ရေး၊ ဘာသာသာသနာရေးနှင့် ယဉ်ကျေးမှုလုပ်ငန်းများကို နိုင်ငံတော် အစိုးရနှင့်သော်လည်းကောင်း၊ နိုင်ငံတကာအလှူရှင်များနှင့်သော်လည်းကောင်း၊ ပအိုဝ်းမိဘပြည်သူများနှင့် အဖွဲ့အစည်းပေါင်းစုံတို့နှင့်သော်လည်းကောင်း အတိုင်းအတာတစ်ခုအထိ ဒေသဖွံ့ဖြိုးရေးလုပ်ငန်းများကို အကောင်အထည်ဖော်နိုင်ခဲ့သည်မှာ ယခုလက်ရှိ ပအိုဝ်းဒေသ၏ ပညာရေး၊ ကျန်းမာရေး၊ လမ်းပန်းဆက်သွယ်ရေး၊ ဘာသာသာသနာရေးနှင့် ယဉ်ကျေးမှုလုပ်ငန်းများကို လေ့လာခြင်းအားဖြင့်သိရှိနိုင်ပါသည်။
လက်ရှိအချိန်အခါတွင် ပြည်ထောင်စုသမ္မတမြန်မာနိုင်ငံတော်သည် ပါတီစုံဒီမိုကရေစီစနစ်ကို ကျင့်သုံးလာသဖြင့် ပအိုဝ်းကိုယ်ပိုင်အုပ်ချုပ်ခွင့်ရဒေသဖြစ်သော ဟိုပုံး၊ ပင်လောင်း၊ ဆီဆိုင်သုံးမြို့နယ်ကို ကိုယ်ပိုင်အုပ်ချုပ်ခွင့်ရဒေသ အတွင်းရှိမိဘပြည်သူအပေါင်းတို့၏ အားပေးထောက်ခံမှုကြောင့် ပအိုဝ်းအမျိုးသားခေါင်းဆောင်တို့က စီမံခန့်ခွဲနိုင်ပြီး ဒေသအကျိုး၊ အမျိုးသားအကျိုးများကို ဖွဲ့စည်းပုံအခြေခံဥပဒေ၏ခွင့်ပြုထားသော လုပ်ပိုင်ခွင့်ပဏာမများဖြင့် စွမ်းစွမ်းသမံသယ်ပိုးဆောင်ရွက်နိုင်ပြီဖြစ်ပါသည်။ ထိုသို့လုပ်ဆောင်နိုင်မှုများကို ကျေနပ်နှစ်သိမ့်ရန်အတွက်မဟုတ်ဘဲ ပအိုဝ်းတစ်မျိုးသားလုံး၏ ဘုံရည်မှန်းချက်ရောက်အောင် အင်အားတစ်ခု အဖြစ်အသုံးပြုကာ ရှေ့ဆက်လုပ်ငန်းကို ပိုမိုကြိုးစားရမည်ဖြစ်ပါသည်။
ပါတီစုံဒီမိုကရေစီစနစ်ကျင့်သုံးလာသည်နှင့်အမျှ ဒီမိုကရေစီ၏အနစ်သာရများဖြစ်သော လွတ်လပ်စွာပြောဆိုခွင့်၊ လွတ်လပ်စွာအသင်းများဖွဲ့စည်းခွင့်၊ လွတ်လပ်စွာရေးသားထုတ်ဖော်ခွင့်စသည့် လူတစ်ဦးချင်း၊ တစ်ဖွဲ့ချင်းတို့၏အခွင့်အရေးများလည်း ရရှိလာမည်ဖြစ်ပါသည်။ ထို့ကြောင်းပအိုဝ်းဒေသတစ်ခုလုံးအတွင်းတွင် ပအိုဝ်းလူမှုရေးအဖွဲ့အစည်းများ၊ နိုင်ငံရေးအဖွဲ့အစည်းများသည်လည်း ပေါ်ထွက်လာပြီး၎င်းအဖွဲ့အစည်းများသည် ပအိုဝ်းအမျိုးသားအတွက် ဘုံရည်မှန်းချက်အတွက် အထောက်အကူများဖြစ်လာစေသည့်အတွက် ၀မ်းသာကြိုဆိုရမည်ဖြစ်ပါသည်။ သို့သော်လည်း ပအိုဝ်းအဖွဲ့အစည်းအားလုံးက ၎င်းတို့၏လုပ်ဆောင်ချက်များကိုလုပ်ဆောင်ကြရာ ပအိုဝ်းအမျိုးသား၏ ဘုံရည်မှန်းချက်ကို ထိခိုက်စေသော၊ ပအိုဝ်းအမျိုးသား၏ စည်းလုံး ညီညွှတ်မှုများကို ထိခိုက်စေသောအပြုအမူများနှင့်လုပ်ဆောင်ချက်များကို ရှောင်ရှားရမည်ဖြစ်ပါသည်။ အချို့ကိစ္စမှာ မှားယွင်ပြီးလုပ်ဆောင်မိပါက ပြန်လည်ပြုပြင်ရမည်ဖြစ်ပါသည်။ အဖွဲ့အစည်းများအချင်းချင်းသည် ရိုင်းပင်းကူညီတည့်မတ်နိုင်ရပါမည်ဖြစ်ပါသည်။ သို့မှသာ အမျိုးသား၏အကျိုးစီးပွားကို အကောင်အထည်ဖော်ဆောင်နိုင်ပြီး ဘုံရည်မှန်းချက်ကို လျှင်မြန်စောလွယ်စွာရောက်ရှိနိုင်မည်ဖြစ်ပါသည်။
အနာဂတ်တွင်ပြည်ထောင်စုမြန်မာနိုင်ငံတော်ကြီးသည် တိုင်းရင်းသားလူမျိုးများအားလုံးက လိုလားတောင်းတနေသော ဒီမိုကရေစီဖက်ဒရယ်နိုင်ငံတော်ကြီးကို တည်ဆောက်နိုင်ရန် လူမျိုးစုအသီးသီးတို့၏ ခေါင်းဆောင်များ၊ အစိုးရအကြီးအကဲများ၊ တပ်မတော်အကြီးအကဲများ၊ နိုင်ငံရေးပါတီခေါင်းဆောင်များ၊ တိုင်းရင်းသားလက်နက်ကိုင်ခေါင်းဆောင်များနှင့် ပါဝင်သင့်ပါဝင်ထိုက်သူအားလုံးတို့ပါဝင်သော ပြည်ထောင်စုငြိမ်းချမ်းရေးညီလာခံ(၂၁)ရာစုပင်လုံကို ကြိုးစားကျင့်ပနေသည့် အချိန်ကာလဖြစ်ပါသည်။ အဆိုပါညီလာခံကြီး သည်လည်း ပအိုဝ်းအဖွဲ့စည်းအသီးသီးရှိ ပအိုဝ်းအမျိုးသားခေါင်းဆောင်တို့သည်လည်း သက်ဆိုင်ရာ၎င်းတို့၏ အခန်းကဏ္ဍအသီးသီးတွင် နေရာများရယူပိုင်ဆိုင်နေကြပြီဖြစ်ပါသည်။ အဆိုပါ အဖွဲ့အစည်းအသီးသီးတို့သည် မိမိတို့၏အဖွဲ့စည်း၏ အကျိုးစီးပွားနှင့်ကိုယ်ကျိုးစီးပွားထက် အမျိုးသား၏အကျိုးစီးပွားများကို ဦးစားပေးလုပ်ဆောင်ရမည်ဖြစ်သည်။
ပအိုဝ်းအမျိုးသားထုတစ်ရပ်လုံး၏အကြိုးစီးပွားအတွက် ပအိုဝ်းအမျိုးသားအဖွဲ့အစည်းအသီးသီး၊ ပုဂ္ဂိုလ် အသီးသီးတို့သည် မိမိတို့၏သက်ဆိုင်ရာအခန်းကဏ္ဍနှင့် ကျင်လယ်ရာနယ်ပယ်အသီးသီးတို့တွင် မိမိတို့၏ကိုယ်ကျိုးစီးပွားများကို ပဓာနမထားပဲလုပ်ဆောင်ကြမည်ဖြစ်ပါသည်။ ထို့ကြောင်း ပြိုင်တူတွန်းက ရွေ့/ရောက်နိုင်မည်ဆိုဆိုသည့်စကားပုံအတိုင်း အမျိုးသားထုတစ်ရပ်လုံး၏ဘုံရည်မှန်းချက်ရောက်ရှိစေရန် ပအိုဝ်းအမျိုးသားများ အားလုံးစည်းလုံးညီညွှတ်စွာ ၀ိုင်းဝန်းလုပ်ဆောင်ရမည်ဖြစ်ကြောင်း တိုက်တွန်းနှိုးဆော်လိုက်ရပါသည်။
မေတ္တာဖြင့် - ခွန်လာထို(ကောင်ရွဉ်)
Like On Facebook
Follow On Twitter
Subscribe On RSS