Wednesday, January 9, 2019

မယ်ဖားလုံဖောင်ဒေးရှင်းမှ ကျေးရွာ(၅)ရွာသို့လူမူရေးမတည်ငွေ တစ်ရွာလျှင် ငွေကျပ်(၂၀)သိန်းထောက်ပံ့

တောင်ကြီး၊ ၂၀၁၉ ခုနှစ်၊ ဇန်န၀ါရီလ (၉)ရက်





ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ် နောင်တရားဒေသအတွင်းရှိ လွယ်မောကျေးရွာအုပ်စု၊ မိုးနဲကျေးရွာ၊ မြေနီကုန်းကျေးရွာ၊ ဘုရားဖြူကျေးရွာ၊ ဘုရားတောင်ကျေးရွာ၊ ကွန်ချဉ်ကျေးရွာများတွင် ဆောင်ရွက်နေသည့် တစ်ဖက်ပိတ်ရေလှောင်ကန်ဆောင်ရွက်ထားရှိမှု အခြေအနေများကို ဇန်နဝါရီလ (၈) ရက်နေ့တွင် သွားရောက်ကြည့်ရှုခဲ့​ကြောင်းသိရပါသည်​။

မယ်ဖားလုံဖောင်ဒေးရှင်းမှ ဆောင်ရွက်ပေးသည့် ဘုရားဖြူကျေးရွာ၊ မြေနီကုန်းကျေးရွာများ၌ တစ်ဖက်ပိတ်ရေလှောင်ကန် ဆောင်ရွက်ပြီးစီးမှုအခြေအနေများကို ပအိုဝ်းကိုယ်ပိုင်အုပ်ချုပ်ခွင့်ရဒေသ ဒေသဦးစီးဥက္ကဋ္ဌဦးခွန်စံလွင်နှင့် အဖွဲ့ဝင်များ၊ ဌာနဆိုင်ရာတာဝန်ရှိပုဂ္ဂိုလ်များ၊ မယ်ဖားလုံဖောင်ဒေးရှင်းမှ ဥက္ကဋ္ဌ Mr. Disnadda Diskul နှင့်အဖွဲ့ဝင်များ၊ CP ကုမ္ပဏီမှ တာဝန်ရှိပုဂ္ဂိုလ်များက သွားရောက်ကြည့်ရှုသည်။

ထို့နောက်မြေနီကုန်းဘုန်းတော်ကြီးကျောင်း၌ ဒေသခံပြည်သူများနှင့်တွေ့ဆုံရာတွင် ဒေသဦးစီးဥက္ကဋ္ဌ ဦးခွန်စံလွင်က ဖွံ့ဖြိုးရေးလုပ်ငန်းများဖြစ်သည့် စိုက်ပျိုးရေး၊ မွေးမြူရေးလုပ်ငန်းများအတွက် ရေအရင်းအမြစ်သည်အရေးကြီးသော အပိုင်းတွင်ပါဝင်သောကြောင့် တစ်ဖက်ပိတ်ရေလှောင်ကန်ကို ရေရှည်အသုံးပြုနိုင်ရန် အတွက်ထိန်းသိမ်းသွားရန်လိုကြောင်း ပြောကြားသည်။ ထို့နောက် ဖယ်ဖားလုံဖောင်းဒေးရှင်းဥက္ကဋ္ဌက ကျေးရွာ တောင်သူများတွင် ချမ်းသာကြွယ်ဝရေးအတွက် အခြေခံအရင်းအမြစ်ဖြစ်သည့်မြေယာများ ပိုင်ဆိုင်ထားပြီးဖြစ်သည့်အတွက် စိုက်ပျိုးရေးလုပ်ငန်းများတွင် လိုအပ်သောနည်းပညာများ မျိုးစေ့မျိုးသန့်များ ပူးပေါင်းပါဝင်ဆောင်ရွက်ပေးမည်ဖြစ်ကြောင်းပြောကြားပါသည်။

ဆက်လက်၍ မယ်ဖားလုံဖောင်းဒေးရှင်းဥက္ကဋ္ဌမှ ကျေးရွာသူ/သားများ လူမူဖူလုံရေးအတွက် တစ်ဖက်ပိတ်ရေလှောင်ကန်ဆောင်ရွက်ပေးထားသည့် မြေနီကုန်းကျေးရွာ၊ ဘုရားဖြူကျေးရွာ၊ မိုးနဲကျေးရွာ၊ ကွန်ချဉ်ကျေးရွားနှင့် ဘုရားတောင်ကျေးရွာများသို့ တစ်ရွာလျှင် ငွေကျပ်(၂၀)သိန်းစီထောက်ပံ့ပေးအပ်ခဲ့ကြောင်းသိရသည်။

ခွန်အောင် (နောင်တရား)
Powered by Blogger.