ပင်လောင်မြို့နယ်၊ မြောက်ထီဗွာကျေးရွာအုပ်စု၊ လယ်ကြားကျေးရွာတွင်ပအိုဝ်းအမျိုးသားအဖွဲ့ ချုပ်(PNO)ပါတီ ဗဟိုဌာနရုံးချုပ်၊ လေ့ကျင့်ပညာပေးရေးဌာနမှ ဆင်းပွားပို့ချပေးသော မျိုးဆက်သစ်လူငယ် စွမ်းရည်မြင့်သင်တန်းဆင်းပွဲကို ၂၀၁၅ခုနှစ်၊ မေလ(၂၆)ရက်၊ အင်္ဂါနေ့တွင် ပြုလုပ်ကျင်းပပြီး သင်တန်းဆင်းပွဲကို ပင်လောင်းမြို့နယ် ပြည်သူ့လွတ်တော်ကိုယ်စားလှယ် ဦးခွန်မောင်သောင်း၊ ပင်လောင်းမြို့နယ် ပြည်နယ်လွတ်တော်ကိုယ်စားလှယ် ဦးခွန်အောင်နိုင်ဦး၊ ပအိုဝ်းအမျိုးသားအဖွဲ့ ချုပ်(PNO) တွဲဖက်အတွင်းရေးမှူး ဦးခွန်တင်ထွဋ်၊ (PNO) ဗဟိုအလုပ် အမှုဆောင် ဦးခွန်ပညာဗုတ်၊ (PNO) ဗဟိုကော်မတီ ဦးခွန်ထွန်းဖြူ ၊ စန္တာခမ်း ဒု-ဥက္ကဌ၊ ကျေးရွာဥက္ကဌများ၊ တာဝန်ရှိပုဂ္ဂိုလ်များ တက်ရောက်အမှာစကားပြောကြားသွားပါသည်။
ယင်းစွမ်းရည်မြင့်သင်တန်းတွင် ဘာသာရပ် (၁၆)ခု ပို့ချခဲ့ပြီး၊ ပို့ချရခြင်းမှာ ပအိုဝ်းလူမျိုးသမိုင်းကိုပအိုဝ်းလူငယ်များ ပြန်လည်သိရှိစေရန်၊ ဒီမိုကရေစီနှင့်လူ့အခွင့်အရေးကို နားလည်လာစေရန်၊ ခေါင်းဆောင်မှုစွမ်းရည် ပိုမိုအားကောင်းလာစေရန်၊ အနာဂတ်လူငယ် ခေါင်းဆောင်ကောင်းများ ပေါ်ထွန်းလာစေရန် အဓိက ရည်ရွယ်ခြင်းဖြစ်ကြောင်း၊ ၂၀၁၄-၂၀၁၅ခုနှစ် လယ်ကြားကျေးရွာ တွင်ပအိုဝ်းအမျိုးသားအဖွဲ့ချုပ်(PNO)ပါတီ ဗဟိုဌာနရုံးချုပ်၊ လေ့ကျင့် ပညာပေးရေးဌာနမှ ဆင်းပွားပို့ချပေးသော မျိုးဆက်သစ်လူငယ်သင်တန်းသူ/သားများ (၁၀၀၀)ကျော်ရှိပြီးဖြစ်ကြောင်း၊ ယခုလယ်ကြားကျေးရွာ စွမ်းရည်မြင့်သင်တန်းဆင်းပွဲတွင် သင်တန်းသူ/သားဦးရေ(၈၅)ဦး ရှိကြောင်းနှင့် သင်တန်းကာလ(၁)ပတ်ကြာမြင့်ပြီး အဆိုပါစွမ်းရည်မြင့်သင်တန်းဆင်းပွဲတွင် ကျေးရွာမှ ရပ်မိရပ်ဖများအင်အား (၂၀၀) ကျော်ခန့် တက်ရောက်အားပေးကြကြောင်း သိရှိရပါသည်။
နန်းညိုညိုချော
Like On Facebook
Follow On Twitter
Subscribe On RSS