လူတို့စိတ်ထား လူသားတို့သဘောတရားသည် ဘုရားရှင်ဟောကြားခဲ့သော လောကဓံတရား(၈)ပါး တွင် လာဘော-ဆိုသည့်လောကဓံ၏သဘောတရားနှင့် ရင်ဆိုင်ကြတဲ့အခါ စိတ်ကူးတိုင်းရ တောင့်တတိုင်းလာ အရောင်းအ၀ယ်စီးပွားရေးလုပ်ရာတွင် အမြတ်များများရရှိခြင်း၊ ကံစမ်းမဲများပေါက်ခြင်း၊ ချဲထီဆုများ ပေါက်ခြင်း၊ တံစိုးလက်ဆောင်များ ရရှိခြင်း၊ ပစ္စည်းဥစ္စာရတနာ ကြွယ်ဝချမ်းသာခြင်း စသည့်အရာများ ပြည့်စုံတဲ့ ကာလတွင် မိမိကိုယ်ကို အားရကျေနပ်မှုရရှိပြီး မိမိကိုယ်ကို ကံကောင်းသူ ၀မ်းမြောက်ဝမ်းသာ မင်္ဂလာရှိ သောသူဟု ဂုဏ်ယူတတ်ကြပါသော်လည်း၊ အလာဘော-ဆိုသည့် လောကဓံတရားနှင့် ရင်ဆိုင်ကြသည့်အခါ လိုတာမရ၊ ရတာမလို ရှိသမျှဥစ္စာများလဲ အပိုများသာထင်မှတ်ပြီး မိမိကိုယ်ကို မနှစ်သိမ့်နိုင်ပဲ ငိုကြွေးခြင်း ၀မ်းနည်းခြင်း ပူဆွေးခြင်းဖြင့် ကြေကွဲကြ ပူပန်ကြလေသည်။
ယသော-ဆိုသည့်လောကဓံတရားသည် အခြွေအရံများခြင်း၊ တပည့်တပန်းများခြင်း၊ သားသ္မီးမြေးမြစ်တို့နှင့် ပြည့်စုံခြင်း ပျော်ရွှင်ခြင်းတို့ပင်ဖြစ်သည်။ ဒီသဘောတရားတွေနဲ့ ရင်ဆိုင်ကြသည့်အခါ ပြောစရာမရှိ ပြုံးပျော်ကြပါသော်လည်း အယသော-တရား၏သဘောသည် ကိုယ်ချစ်ရတဲ့သူနဲ့ သေကွဲကွဲရခြင်း၊ ရှင်ကွဲကွဲရခြင်းကြောင့် ပြောမပြတတ်လောက်အောင် အလွန်ပင်ဝမ်းနည်းကြေကွဲရပြီး၊ ကိုယ်မချစ်တဲ့သူနှင့် အတူနေရခြင်း သွားလာလှုပ်ရှားနေရခြင်းကြောင့် ကိုယ်၏ဆင်းရဲခြင်း စိတ်၏ဆင်းရဲခြင်းဝေဒနာတွေ ခံစားကြရလေသည်။
သုခံ-ဆိုသည့် လောကဓံတရား၏သဘောသည် ချမ်းသာသည့် မိဘနှစ်ပါးမှ မွေးဖွားလာခြင်း၊ ညီအကိုမောင်နှမ ဆွေမျိုးအသိုင်းအ၀ိုင်းနှင့်ပြည့်စုံခြင်း၊ အသုံးအဆောင်ပစ္စည်းများကို လိုသလိုခံစားစံစား နိုင်ခြင်း၊ ငွေကိုရေကဲ့သို့ သုံးနိုင်ခြင်းတို့ကြောင့် အမြဲတမ်း ပျော်ပါးနေပါသော်လည်း၊ ဒုက္ခံ- ဆိုသည့်လောကဓံ တရားသည် တည်ငြိမ်အေးချမ်းမှုမရှိသည့် နေရာဒေသတွင်နေထိုင်ရခြင်း၊ မကောင်းသောမိသားစု ဆွေမျိုးအသိုင်းအ၀ိုင်းမှ မွေးဖွားလာခြင်း၊ ရန်သူငါးပါးရှိသောအရပ်ဒေသတွင် လုပ်ကိုင်စားသောက်ရခြင်း ကြောင်း စည်းစိမ် ဥစ္စာရတနာများ ပျက်စီးဆုံးရှုံးခြင်း၊ ညှင်းဆဲနှိပ်စက်ခံရခြင်း၊ ဘ၀လုံခြုံမှုမရှိခြင်း၊ စိုးရိမ်ပူပန်မှု များခြင်းစသည့် ဆင်းရဲသော လောကဓံတရားတို့ကို တွေ့ကြုံရမည်ဖြစ်သည်။
နိသံ-ဆိုသည့် လောကဓံတရားသည် သူတစ်ပါးက မိမိကို ကဲ့ရဲ့ရှုတ်ချခြင်း၊ အသိအမှတ်မပြုခြင်း၊ အလေးမထားအားမပေးခြင်းတို့ကြောင့် စိတ်ဓါတ်ကျခြင်း၊ လုပ်ငန်းများမအောင်မြင်ခြင်း၊ ရည်ရွယ်ချက် များကင်းမဲ့ပြီး ထင်ရာစိုင်းလေသောအခါ ဘ၀ပါဆုံးရှုံးရသည့်အထိဖြစ်သည်။ ပသံသာ- ဆိုသည့်လောကဓံ တရားသည် မိမိ၏လုပ်ရည်ကိုင်ရည်ကြောင့် လူများချီးမြှောက်မှုခံရခြင်း၊ မှားသည်ဖြစ်စေ မှန်သည်ဖြစ်စေ မိမိကိုလိုက်ပြီး အားပေးတတ်ခြင်း၊ မိမိ၏လုပ်ငန်းအပေါ်ကိုကြည့်ပြီး လိုက်လျောအားပေးကြခြင်းကြောင့် မိမိကိုယ်ကို ပြန်လည်ဆန်းစစ်သည့်ဥာဏ် မရှိသောသူသည် ဘ၀တွင်အမှားများစွာကို ထွေးပိုက်ပြီး နောင်တသံသရာနှင့်ကျင်လည်ရမည်ဖြစ်သည်။
လူသားတို့သည် နေ့စဉ်နှင့်အမျှ လောကဓံတရား(၈)ပါးနှင့် အမြဲတမ်းရင်ဆိုင်ကြရလေသည်။ ဒီလောကဓံတရား(၈)ပါးတို့နှင့် ရင်ဆိုင်ရတိုင်း ရှောင်လွှဲ၍မရသော တရားပါလားဟု မိမိကိုယ်ကို နှစ်သိမ့် အားပေးရင်း အချိန်ရှိခိုက်လုံ့လစိုက်ဆိုသကဲ့သို့ ဘ၀လမ်းကြောင်းကောင်းအောင် ဖြတ်သန်းကြပါလို့ တင်ပြရင်း လောကဓံတရား၏အကြောင်းကို အဆုံးသတ်လိုက်ရပါတော့သည်။
ခွန်ပန်းစိန်
Like On Facebook
Follow On Twitter
Subscribe On RSS