အထူးဒေသ(၆)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ ဘန်းကွန်ကျေးရွာတွင် ပအိုဝ်းအမျိုးသားအဖွဲ့ချုပ်(PNO) နှင့် PITI TEACHER NETWORK (ပီတိဆရာကွန်ယက်)အဖွဲ့တို့ ပူးပေါင်း၍ ၂၀၁၇၊ မတ်လ(၂၈)ရက်နေ့တွင် အင်္ဂလိပ်စာသင်တန်းဖွင့်ပွဲ အခမ်းအနားကို ကျင်းပခဲ့ပါသည်။
ဖွင့်ပွဲအခမ်းအနားတွင် ဦးစွာပထမ နမောတဿ သုံးကြိမ်ရွတ်ဆို၍ အခမ်းအနားကို ဖွင့်လှစ်ပြီးနောက် ဒက္ခိဏာရာမဘန်းကွန်ကျောင်းဆရာတော်ထံမှ ငါးပါးသီလနှင့်သြ၀ါဒခံယူကာ အလံတော်အလေးပြုခြင်း အစီအစဉ်ကို ပြုလုပ်ခဲ့ပါသည်။
ထို့နောက် ပအိုဝ်းအမျိုးသားအဖွဲ့ချုပ် (PNO) အတွင်းရေးမှူး(၂) ဖြားခွန်ထွန်းရွှေ၊ ပီတိဆရာကွန်ယက်အဖွဲ့ အတွင်းရေးမှူး ခွန်လှစိုး၊ ပီတိဆရာကွန်ယက်အဖွဲ့ဥက္ကဋ္ဌ ဆရာခွန်ကြည်၊ ဒေသခံကိုယ်စားလှယ် ဖြားခွန်အော်တို့မှ အားပေးအမှာစကားများ အသီးသီးပြောကြားခဲ့ပါသည်။
ထို့နောက် တက်ရောက်လာသည့် ပီတိဆရာအဖွဲ့မှ ဆရာ/ဆရာမများ အသီးသီး မိတ်ဆက်ခြင်း၊ ခွန်လှစိုးမှ သင်ကြားမည့်အခြေနေ နေ့ရက်များကို ရှင်းလင်းခြင်း အစီအစဉ်များကို ပြုလုပ်ပြီး ဖွင့်ပွဲအခမ်းအနားကို ရုပ်သိမ်းခဲ့ပါသည်။
အင်္ဂလိပ်စာသင်တန်းကို သင်တန်းသား (၁၀၀)နီးပါး တက်ရောက်သင်ယူကာ မတ်လ(၂၈)ရက်မှ ဧပြီလ(၆)ရက်နေ့ထိ (၁၀)ရက်တိတိ ဖွင့်လှစ်သင်ကြားမည်ဟု သိရပြီး အရင်လများတွင် နမ်းဗေး၊ ဆောင်းဖိုး၊ ကက္ကူ၊ ပလီလင်း၊ ကျောက္ကချား ရွာများသို့ သင်ကြားခဲ့ပြီးဖြစ်ပါကြောင်း သိရှိရပါသည်။
ခွန်ဓဇ
Like On Facebook
Follow On Twitter
Subscribe On RSS