အရှေ့အလယ်ပိုင်းတိုင်းစစ်ဌာနချုပ် (ခိုလမ်) နှင့် PNA - အသွင်ပြောင်းပြည်သူ့စစ် (ဌာနေ) တို့ ပူးပေါင်း၍ ယနေ့ ၂၀၁၇ ခုနှစ်၊ ဇူလိုင် (၂၈) ရက်နေ့တွင် မိုးရာသီသစ်ပင်စိုက်ပွဲတော်ကို နမ့်စန်မြို့နယ်၊ လွယ်ယဲကျေးရွာအုပ်စု၊ တိုင်းကောဝ်ရွာတွင် ပြုလုပ်ကျင်းပကြောင်းသိရသည်။
အဆိုပါသစ်ပင်စိုက်ပွဲတော်သို့ အရှေ့အလယ်ပိုင်းတိုင်းစစ်ဌာနချုပ် တိုင်းမှူးဗိုလ်ချုပ်သန်းလှိုင် ၊ နမ့်စန် လေတပ်စခန်းဌာနချုပ်မှူး ဗိုလ်ချုပ်ကျော်မိုးသက် ၊ PNA - အသွင်ပြောင်းပြည်သူ့စစ် (ဌာနေ) မှ နာယကအဖွဲ့ဝင် ဖြားဆရာယဲုင်း နှင့် အဖွဲ့ဝင်များ ၊ တပ်မတော်မှ တပ်ရင်းတပ်ဖွဲ့များ၊ ဌာနဆိုင်ရာများနှင့် ဒေသခံပြည်သူလူထုများ တက်ရောက်ခဲ့ကြောင်းသိရသည်။
သဘာဝပတ်ဝန်းကျင်ထိန်းသိမ်းကာကွယ်စောင့်ရှောက်ရန်နှင့် တောတောင်ရေမြေစိမ်းလန်းစိုပြေစေရန် ရည်ရွယ်၍ အဆိုပါမိုးရာသီသစ်ပင်စိုက်ပွဲတွင် ကျွန်းပင် (၂၀၀)၊ မဟော်ဂနီ (၂၀၀)၊ ကျိုင်းတုံပင်စိမ်း (၂၀၀)၊ ၀က်သစ်ချ (၂၀၀)၊ စိန်ပန်းပြာ (၂၀၀)၊ စိန်ပန်းနီ (၂၀၀)၊ မယ်ဇလီ (၂၀၀) စုစုပေါင်းအပင်ပေါင်း (၁၄၀၀) ကျော်စိုက်ပျိုးခဲ့ကြောင်း သတင်းရရှိပါသည်။
ခွန်လွန်းကျော်
Like On Facebook
Follow On Twitter
Subscribe On RSS