တောင်ကြီးမြို့ရှိ၊ ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံးတွင် POINT(ရိုးရာဝန်းကျင် မြှင့်တင်ရေး အဖွဲ့)တို့မှ ဦးမျိုးကိုကိုနှင့် ခွန်လရောင်တို့က ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံးမှ တာဝန်ရှိ ပုဂ္ဂိုလ်များအား ၂၀၁၇၊ စက်တင်ဘာ(၁၂)ရက်နေ့၌ လာရောက်တွေ့ဆုံခဲ့ပါသည်။
ထိုသို့တွေ့ဆုံရာတွင် - ရုံးအဖွဲ့မှူး စောခွန်ကျော်ဝင်းမှ ပအိုဝ်းအမျိုးသားအဖွဲ့ချုပ်၏ ငြိမ်းချမ်းရေးရယူသည့် အကြောင်းများနှင့် လုပ်ဆောင်ချက်များကို ရှင်းလင်းပေးပြီး POINT - အဖွဲ့မှ ဦးမျိုးကိုကိုက POINT အဖွဲ့၏ သမိုင်းစဉ်အကျဉ်းနှင့်လှုပ်ရှားမှုများကို ပြန်လည်ရှင်းလင်းကာ သဘာဝပတ်ဝန်းကျင်အကြောင်းအရာများကို တွေ့ဆုံဆွေးနွေးခဲ့ကြောင်းသိရသည်။
ထိုသို့ဆွေးနွေးရာတွင် POINT အဖွဲ့အနေဖြင့် ပအိုဝ်းဒေသတွင် သဘာဝပတ်ဝန်းကျင်ထိန်းသိမ်းရေးဆိုင်ရာလုပ်ငန်းများနှင့် စပ်လျဉ်း၍ ပအိုဝ်းဒေသသဘာဝပတ်ဝန်ကျင်ထိန်းသိမ်းရေးကော်မတီအဖွဲ့နှင့်ပူးပေါင်းပြီး အဖွဲ့ဝင်များအား capacity building ဆရာဖြစ်သင်တန်းများ၊ ပျိုးပင်ပြုစုပျိုးထောင်နည်းသင်တန်းများကို ပေးဆောင်မည်ဖြစ်ပြီး၊ အမျိုးသမီးနှင့် သစ်တောပတ်သက်ဆက်နွယ်မှုနှင့်ပတ်သက်၍ သုတေသနလုပ်ငန်း လုပ်ဆောင်မှု၊ သဘာဝပတ်ဝန်းကျင်ဆိုင်ရာ ဟောပြောပွဲများနှင့်၊ ဒေသခံဌာနေတိုင်းရင်းသားများ ရိုးရာဝန်းကျင်မပျောက်ပျက်စေဘဲ ဒေသခံပြည်သူလူထုပူးပေါင်းပါဝင်သော ခရီးသွားလုပ်ငန်းများတွင်သဘာဝပတ်ဝန်းကျင်မြှင့်တင်မှုလုပ်ငန်းများကို လုပ်ဆောင်သွားမည်ဖြစ်ကြောင်းကိုလည်းသိရှိရသည်။
ထို့နောက် ပအိုဝ်းအမျိုးသားအဖွဲ့ချုပ်(PNO)အဖွဲ့မှ တာဝန်ရှိပုဂ္ဂိုလ်များက POINT - အဖွဲ့မှ ကိုမျိုးကိုကိုနှင့် ခွန်လရောင်တို့အား လက်ဆောင်များပေးအပ်ခဲ့ပြီး POINT - အဖွဲ့မှလည်း လက်ဆောင်များပြန်လည်ပေးအပ်ခဲ့ပါသည်။ ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံး၏ အစီအစဉ်ဖြင့် ပအိုဝ်းအမျိုးသားဘက်စုံဖွံ့ဖြိုး(ဒဲဉ်သီးဗွေကွင်း)နှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆရာအတတ်သင်ပညာရေးကောလိပ်ကျောင်းများသို့ သွားရောက်လေ့လာခဲ့ကြကြောင်း သိရှိရသည်။
ခွန်ရာဇာဓိပတိ
Like On Facebook
Follow On Twitter
Subscribe On RSS