၂၀၁၉၊ ဇူလိုင်(၄)ရက်နေ့၊ အောင်ပန်းမြို့ရှိ အောင်ချမ်းသာစာသင်တိုက်တွင် ပြည်ထောင်စုသမ္မတ မြန်မာနိုင်ငံတော်အစိုးရမှ “ အဂ္ဂမဟာပဏ္ဍိတ “ ဘွဲ့တံဆိပ်တော် ဆက်ကပ်ခြင်းခံရသည့် ဆရာတော် ဘဒ္ဒန္တပညာဝံသအား ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဋ္ဌ ဖြားခွန်စံလွင်နှင့် အမျိုးသားလွှတ်တော် ကိုယ်စားလှယ် ဖြားခွန်သိန်းဖေတို့ သွားရောက်ဖူးမြော်ကြည်ညိုခဲ့ကြောင်း သိရသည်။
ဆရာတော်သည် သက်တော်(၂၃)နှစ် သိက္ခာတော်(၃)၀ါ ကတည်းကပင် ပရိယတ္တိသင်ကြားပို့ချရေးစသည့် သာသနာ့တာဝန်များကို စွမ်းစွမ်းတမံ ဆောင်ရွက်တော်မူသည့်အတွက် ပြည်ထောင်စုမြန်မာနိုင်ငံ၊ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့က ၁၉၉၂ ခုနှစ်တွင် “ မဟာဂန္ထဝါစကပဏ္ဍိတ” ဘွဲ့တံဆိပ်တော်၊ ပြည်ထောင်စု မြန်မာနိုင်ငံတော်၊ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီမှ ၂၀၀၇ ခုနှစ်တွင် “ အဂ္ဂမဟာ ဂန္ထဝါစကပဏ္ဍိတ” ဘွဲ့တံဆိပ်တော်တို့ကို အလှူခံရရှိတော်မူပြီး ၂၀၁၉၊ ဇန်န၀ါရီ (၄)ရက်နေ့တွင် “ အဂ္ဂမဟာပဏ္ဍိတ “ ဘွဲ့တံဆိပ်တော်ကို ပြည်ထောင်စုသမ္မတ မြန်မာနိုင်ငံတော်အစိုးရမှ ဆက်ကပ်တော်မူခဲ့သည်။
ဆရာတော်သည် ရှမ်းပြည်နယ်တောင်ပိုင်း၊ ပင်လောင်းမြို့နယ်၊ မြင်းသောင်းကျေးရွာ၊ ဗိန္ဓောဆေးဆရာ သမားတော်ကြီး ဆရာချယ်+ဒေါ်နန်းအွန်းတို့မှ ၁၃၀၅ ခုနှစ်၊ ကဆုန်လပြည့်ကျော်(၂)ရက်၊ ကြာသပတေးနေ့၊ နံနက် (၉)နာရီ (၂၇) မိနစ်အချိန်တွင် ဖွားမြင်သော (၆)ယောက်မြောက် သားရတနာ ဖြစ်ပါသည်။
ခွန်ယံသေ
Like On Facebook
Follow On Twitter
Subscribe On RSS