စင်ကြယ်ခြင်းသည် စွမ်းအား

တောင်ကြီး၊ ၂၀၁၈ ခုနှစ်၊ သြဂုတ်လ (၉)ရက်

Photo Credit- khun San Oo

ဖြူစင်သန့်ရှင်းသော အသိတရားကို ကမ္ဘာပေါ်ရှိ မည်သည့်ဥစ္စာဓနနှင့်မျှ နှိုင်းယှဉ်၍ မရပေ။ ၎င်းအသိတရားကို ဖျက်ဆီးမည့် ယုတ်ညံ့သော အတွေးအခေါ်များကိုလည်း ရှောင်ရှားရပေမည်။ ယောက်ကျားတွေသာမက မိန်းမတွေပါ သူတို့၏ ရုပ်ပိုင်းဆိုင်ရာသဘာဝတရားများကို တန်ဖိုးထားရပါမည်။ အမွန်အမြတ်ထားရပါမည်။ ရောဂါပြွမ်းသော ရုပ်အလောင်းကြီးကို ဖက်တွယ်ထားပြီး မိမိကိုယ်ကို ရောဂါမရအောင် ကာကွယ်လို့မရပါ။ ထိုနည်းတူစွာပင် အထိန်းအကွပ်မဲ့သော အတွေးစိတ်ကူးများနောက်သို့ ကောက်ကောက်ပါအောင်လိုက်နေပြီး မိမိကိုယ်ကို ဖြူစင်သန့်ရှင်းအောင် ပြုလုပ်၍ မရပါ။ အပြစ်ကင်းစင်ခြင်းသည် နုပျိုသောလူငယ်ဘဝနှင့်တူ၏။ တစ်ကြိမ်တစ်ခါ လက်လွှတ်လိုက်ရပြီဆိုသည်နှင့် ပြန်မရနိုင်တော့ပါ။ အဆင့်မြင့်သော သီလ၊ သမာဓိနှင့်ပြည့်စုံခြင်းကိုမူ မဖောက်မပြန် ကျင့်ကြံအားထုတ်သူမှသာ ရနိုင်ပေသည်။ ဖြူစင်မှုကို သင့်ရှေ့မှာထားပါ။ ထိုနောက်အမြင့်မြတ်ဆုံးလူသားတစ်ဦး၏ တံဆိပ်အဖြစ် သင့်ရင်ဘတ်မှာ ထိုးထားပါ။ သင့်နှလုံးသားက မဖြူစင်လျှင် သင့်အတွေးများ ဖြူစင်မည် မဟုတ်ပါ။

ကျွန်ုပ်တို့ဘဝများ၏ ပျက်စီးယိုယွင်းမှုသည် ဖောက်ပြန်သောအတွေးအာရုံများမှ စတင်ပါသည်။ သိမ်မွေ့နက်နဲသော အတွေးအာရုံများသည် ရက်ကန်းပိုးချည်မျှင်များနှင့် တူပါသည်။ ပိုးချည်မျှင်များကို ထပ်ခါတလဲလဲရက်ရှည်သောအခါ ပိုးသားကမ္ဗလာအစကြီး ဖြစ်ပေါ်လာ၏။ ထိုနည်းတူစွာပင် အတွေးအာရုံများ ထပ်ခါတစ်လဲလဲပေါ်ပေါက်လာသောအခါ ကိုယ်ကျင့်တရားကမ္ဗလာစကြီးဖြစ်ပေါ်လာ၏။ ကမ္ဗလာစကြီးပေါ်တွင် အသက်ဝင်လှုပ်ရှားနေသော အရောင်များ၊ အရုပ်များ ထင်ရှားပေါ်လွင်လာမည် ဖြစ်၏။ ပိုးချည်မျှင်များကောင်းလျှင်၊ သန့်လျှင် ကမ္ဗလာထည်ကြီး ကောင်းမည်၊ သန့်မည်။ ပိုးချည်များ ဆိုးလျှင် ညံ့လျှင် ကမ္ဗလာထည်ကြီး ဆိုးမည်၊ ညံ့မည်ဖြစ်၏။ အတွေးအာရုံကို မှန်မှန်ကန်ကန် ထိန်းချုပ်ခြင်းမပြုနိုင်လျှင် သူတော်စင်တို့သည်ပင် ယိုယွင်းပျက်စီးနိုင်ပါသည်။

လူငယ်လူရွယ်များသည် ရုန့်ရင်းရိုင်းပျသော ရမ္မက်ဆန္ဒများကို ဇက်လွှတ်ပေးကြရမည်မဟုတ်ပါ။ အဆိုပါ ရမ္မက်ရိုင်းများကို ခေါင်းထဲမှ ခါးခါးသီးသီး မောင်းထုတ်ကြရမည်ဖြစ်၏။ ဖြူစင်သန့်ရှင်းသည့် အကျင့်စာရိတ္တလမ်းကြောင်းပေါ်မှ ခြေတစ်လှမ်းစာမျှ သွေဖယ်မိသည်နှင့် လူတစ်ယောက်၏ဘဝတစ်ခုလုံး စိတ်ဆင်းရဲစရာများ ဖုံးလွှမ်းသွားနိုင်သည် ဝေဒနာခံစားရမှုတွေ ပြုန်းတီးသွားနိုင်သည်။ ရမ္မက်ရိုင်းများကို အလိုလိုက်ခြင်းအားဖြင့် ထိုသို့သော အကျိုးဆက်များသည် လွယ်ကူစွာဖြစ်ပေါ်နိုင်၏။ အထူးသဖြင့် လူငယ်လူရွယ်များအနေဖြင့် မိတ်ကောင်းဆွေကောင်းများနှင့်သာ ပေါင်းသင်းပါ။ ဘဝတွင် ရည်မှန်းချက် မြင့်မြင့်မားမားမရှိသူများ၊ သို့မဟုတ် အကျင့်သီလစင်ကြယ်ခြင်းကို ပြစ်တင်ရှုတ်ချသူများကို မိတ်ဆွေအဖြစ် သော်လည်းကောင်း၊ အပေါင်းအသင်းများအဖြစ်သော်လည်းကောင်း မဆက်ဆံမပေါင်းသင်းသင့်ပါ။ စိတ်ထားမြင့်မြတ်သော၊ အကျင့်သီလစင်ကြယ်သော၊ လူချွန်လူမွန်တစ်ယောက်ဖြစ်ရန် ဆန္ဒရှိသော လူမျိုးကိုသာ ရွေးချယ်ပေါင်းသင်းပါ။

ထိုသို့သော စင်စစ် လူငယ်များ ကိုယ်ကျင့်တရားဖြူစင်သန့်ရှင်းရေးအတွက် တာဝန်ရှိသူများမှာ မိဘများ၊ အုပ်ထိန်းသူများ၊ ကျောင်းဆရာ/မများနှင့်စာရေးဆရာများသာမဟုတ်ပါ။ လူထုဆက်သွယ်ရေး ယန္တရားများ၌ ပါဝင်လှုပ်ရှားနေသူတိုင်းတွင်လည်း တာဝန်ရှိပါသည်။

မွိုးပိုမူ         - စန္တာခမ်း (ပင်လောင်း)
ကိုးကားချက် - လူတိုင်းအတွက် အဆင့်မြင့်ကိုယ်ရည်ကိုယ်သွေး