Thursday, March 26, 2020

လိတ်ဖေႏသေ ခမ်းသားမွိုးဖါအမျာꩻ

တောင်ကြီး၊ မတ်လ (၂၆) ရက်

နေင်ႏ ၂၀၂၀ ဗွေ၊ မတ်လာ (၂၆)နီꩻ ပအိုဝ်ႏစွိုးခွိုꩻအစွိုꩻ ခမ်းထီကောႏမတီႏ ကထေပြန်ႏဒါႏ လိတ်ဖေႏသေ ခမ်းသားမွိုးဖါအမျာꩻ.................................


PNO Admin Team

တောင်ကြီးမြို့နယ်အတွင်းရှိ ကန်ကြီးရပ်ကွက်မှ သမိုင်းဝင်မွေတောက်ကက္ကူဘုရားအထိ လမ်းပိုင်း နှင့် ကျောင်းထို - နောင်ယာဆိုင်းလမ်းပိုင်းအား လမ်းအဆင့်မြင့်တင်ပေးပါရန်နှင့် ဆောင်ရွက်ပေး မည့် အစီအစဉ်နှင့် စပ်လျဉ်း၍ သိရှိလိုခြင်း။

တောင်ကြီး၊ မတ်လ (၂၆) ရက်


ဒုတိယအကြိမ်၊ အမျိုးသားလွှတ်တော် (၁၅)ကြိမ်မြောက် ပုံမှန်အစည်းအဝေးတွင် ရှမ်းပြည် နယ်၊ မဲဆန္ဒနယ်အမှတ်(၉)၊ အမျိုးသားလွှတ်တော်ကိုယ်စားလှယ် ဖြားခွန်သိန်းဖေမှ ရှမ်းပြည်နယ် တောင်ပိုင်း၊ တောင်ကြီးမြို့နယ်၊ ကံကြီးရပ်ကွက်မှ လွယ်ကောင်း - နောင်ကား - ဝင်းယ - ဝါးလ - ဟမ်းဆီး - ကက္ကူဘုရားလမ်းပိုင်းနှင့် ကျောင်းထိုကျေးရွာအဝင်ရှိ ကက္ကူဘုရားလမ်းခွဲမှ နောင်ယာ ဆိုင်းကျေးရွာလမ်းဆုံထိ  လမ်းပိုင်းနှစ်ပိုင်းအား ဆောင်ရွက်ရန်ကျန်ရှိသည့် လက်ရှိ (၁၂)ပေအကျယ် ကတ္တရာလမ်းမှတစ်ဆင့် (၁၈)ပေအကျယ်လမ်းအဖြစ်သို့ ဆက်လက်ဆောင်ရွက်ပေးနိုင်ပါရန် ဒေသခံ ပြည်သူများနှင့် ၄◌င်းလမ်းကိုအသုံးပြုသည့် မိဘပြည်သူများကိုယ်စား ကြယ်ပွင့်မပြမေးခွန်း မေးမြန်းခဲ့ပါသည်။

အဆိုပါ မေးခွန်းမေးမြန်းခြင်းနှင့်ပတ်သက်၍ သက်ဆိုင်ဝန်ကြီးဌာနမှ ပြန်လည်ဖြေကြားရာ တွင် တောင်ကြီးမြို့အထွက် ကံကြီးရပ်ကွက်မှ သမိုင်းဝင်မွေတော်ကက္ကူဘုရားအထိ လမ်းပိုင်းနှင့် ကျောင်းထိုကျေးရွာအဝင်ရှိ ၄◌င်းဘုရားလမ်းခွဲမှ နောင်ယာဆိုင်းကျေးရွာလမ်းဆုံထိ  လမ်းပိုင်း တို့သည် ဆောက်လုပ်ဝန်ကြီးဌာန လမ်းဦးစီးဌာနပိုင် လမ်းများဖြစ်သော တောင်ကြီး - ဟမ်းဆီး - နောင်ယာဆိုင်းလမ်းပိုင်းနှင့် ကျောင်းထို - ကက္ကူလမ်းပိုင်းတို့ဖြစ်ပါသည်။

တောင်ကြီး - ဟမ်းဆီး - နောင်ယာဆိုင်းလမ်းပိုင်းသည် မိုင်တိုင်အမှတ် (၀/၀)မှ (၂၈/၀) အထိ လမ်းအရှည် (၂၈)မိုင်နှင့် ကျောင်းထို - ကက္ကူလမ်းပိုင်းသည် မိုင်တိုင်အမှတ် (၀/၀)မှ (၄/၅) အထိ လမ်းအရှည် (၄)မိုင် (၅)ဖာလုံတို့သည် ရှမ်းပြည်နယ်အစိုးရအဖွဲ့မှ စီမံခန့်ခွဲသော လမ်းများဖြစ် ပါသည်။ (၃၀-၉-၂၀၂၀)ရက်နေ့ရှိ လမ်းအမျိုးအစားမှာ တောင်ကြီး - ဟမ်းဆီး - နောင်ယာဆိုင်း လမ်းတွင် (၁၈)ပေအကျယ် ကွန်ကရစ်လမ်း (၂)မိုင်၊ (၁၈)ပေအကျယ် ကတ္တလမ်း (၁၅)မိုင်(၇)ဖာလုံ နှင့် (၁၂)ပေအကျယ် ကတ္တရာလမ်း (၁၀)မိုင်(၁)ဖာလုံဖြစ်ပြီး ကျောင်းထို - ကက္ကူလမ်းတွင် (၁၂)ပေ အကျယ် ကတ္တရာလမ်း (၄)မိုင်(၅)ဖာလုံဖြစ်ပါသည်။

တောင်ကြီး - ဟမ်းဆီး - နောင်ယာဆိုင်းလမ်းအား ၂၀၁၉-၂၀ ဘဏ္ဍာနှစ် ပြည်နယ်ရန်ပုံငွေ ကျပ်(၃၃၂.၀၆၃)သန်းဖြင့် (၆.၅)ဖာလုံလမ်းအား မူလ (၁၂)ပေအကျယ်မှ (၁၈)အကျယ် ကတ္တရာ လမ်းခင်းခြင်း (၂)ဖာလုံအား (၁၈)ပေအကျယ် ကတ္တရာထပ်ပိုးလွှာတင်ခြင်း (၁)မိုင်အား ကတ္တရာ လမ်း အနိမ့်အမြင့်ညှိ ရေပိတ်လွှာလောင်းခြင်း၊ တံတား(၁)စင်းအား အဝင်/ထွက် မြေညှိခြင်းနှင့် သာမာန် ပြင်ဆင်ထိန်းသိမ်းခြင်းလုပ်ငန်းများ ဆောင်ရွက်လျက်ရှိပါသည်။
ကျောင်းထို - ကက္ကူလမ်းအား ၂၀၁၉-၂၀ ဘဏ္ဍာရေးနှစ် ပြည်နယ်ရန်ပုံငွေ ကျပ်(၅၉.၄၃၇) သန်းဖြင့် လမ်းတာဘောင်ချဲ့ခြင်း၊ ကျောက်တောင်မိုင်းခွဲ၍ လမ်းချဲ့ခြင်း၊ (၆၀၀)ပေရှိ ကျောက်စီ ရေမြောင်း တည်ဆောက်ခြင်း၊ သံကူကွန်ကရစ်ရေထုတ်ပြွန် (၂)စင်းတည်ဆောက်ခြင်းနှင့် သာမန် ပြင်ဆင်ထိန်းသိမ်းခြင်းလုပ်ငန်းများ ဆောင်ရွက်လျက်ရှိပါသည်။

တောင်ကြီး - ဟမ်းဆီး - နောင်ယာဆိုင်းလမ်းပိုင်းအား ၂၀၂၀-၂၁ ဘဏ္ဍာရေးနှစ် ပြည်နယ် ရန်ပုံငွေ ကျပ်(၂၃၇၁.၈၅၆)သန်းဖြင့် (၂)မိုင်(၂)ဖာလုံအား မူလ (၁၂)ပေအကျယ်မှ (၁၈)ပေအကျယ် ချဲ့၍ ကတ္တရာထပ်ပိုးလွှာတင်ခြင်း၊ (၆)မိုင် (၇)ဖာလုံအား ကတ္တရာထပ်ပိုးလွှာတင်ခြင်း၊ (၈)မိုင်(၆)ဖာ လုံအား လမ်းအနိမ့်အမြင့်ညှိ၍ ရေပိတ်လွှာလောင်းခြင်း၊ သံကူကွန်ကရစ် ရေထုတ်ပြွန်(၂)စင်း တည် ဆောက်ခြင်း၊ တံတား(၇)စင်းအားချဲ့ခြင်း၊ (၅၉၀၀)ပေရှိ ကျောက်စီရေမြောင်းတည်ဆောက်ခြင်း၊ ယာဉ်အန္တရာယ်၊ လမ်းအန္တရာယ်ကင်းရှင်းစေရန် အသိပေး/သတိပေး ဆိုင်းဘုတ်များ ပြုလုပ်တပ်ဆင် ခြင်းနှင့် သာမန်ပြင်ဆင်ထိန်းသိမ်းခြင်းလုပ်ငန်းများ ဆောင်ရွက်ရန်အတွက် ရန်ပုံငွေလျာထား တင်ပြ တောင်းခံထားပြီးဖြစ်ပါသည်။
သို့ဖြစ်ပါ၍ ကျောင်းထို - ကက္ကူလမ်း ၂၀၂၀-၂၁ ဘဏ္ဍာရေးနှစ် ပြည်နယ်လျားထားရန်ပုံငွေ ကျပ်(၁၁၈၂.၁၆၃)သန်းဖြင့် (၄)မိုင်(၅)ဖာလုံအား လမ်းတာဘောင်ချဲ့ခြင်း၊ ယာဉ်အန္တရာယ်၊ လမ်းအ န္တရာယ်ကင်းရှင်းစေရန် အသိပေး/သတိပေး ဆိုင်းဘုတ်များ ပြုလုပ်တပ်ဆင်ခြင်းနှင့် သာမန်ပြင် ဆင်ထိန်းသိမ်းခြင်းလုပ်ငန်းများ ဆောင်ရွက်ရန်အတွက် ရန်ပုံငွေလျာထား တင်ပြတောင်းခံပြီး ရန်ပုံငွေရရှိမှုအပေါ်မူတည်၍ လုပ်ငန်းများ ဆောင်ရွက်သွားမည်ဖြစ်ကြောင်း ရှင်းလင်းဖြေကြားခဲ့ ပါသည်။

ပအိုဝ်းအမျိုးသားအဖွဲ့ချုပ်(PNO)
လွှတ်တော်ရေးရာဌာန
တောင်ကြီးမြို့

Tuesday, March 24, 2020

လိတ်ဖေႏသေ ခမ်းသားမွိုးဖါအမျာꩻ

တောင်ကြီး၊ မတ်လ (၂၄) ရက်

 နေင်ႏ ၂၀၂၀ ဗွေ၊ မတ်လာ (၂၄)နီꩻ ပအိုဝ်ႏစွိုးခွိုꩻအစွိုꩻ(PNO)  ခမ်းထီကော်ႏမတီႏ လိတ်ဖေႏသေ ခမ်းသားမွိုးဖါအမျာꩻ........................


PNO Admin Team

Monday, March 23, 2020

ဟိုပုံး မြို့နယ် ကျောက္ကချားစံပြကျေးရွာနှင့် လိုက်ကတူးကျေး ရွာသို့ ဖောက်လုပ်ရန် ကျန်ရှိသည့်လမ်းပိုင်း (၂/၃)မိုင်အား နိုင်ငံတော်အစိုးရမှ လာမည့်ဘဏ္ဍာရေးနှစ်တွင် ဖောက်လုပ်ပေရန်

တောင်ကြီး၊ မတ်လ (၂၄) ရက်


ဒုတိယအကြိမ်၊ ပြည်သူ့လွှတ်တော်၊ (၁၅)ကြိမ်မြောက်ပုံမှန်အစည်းအဝေးတွင် ပအိုဝ်းကိုယ် ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ ပြည်သူ့လွှတ်တော်ကိုယ်စားလှယ် ဦးခွန်အောင်ကျော်မှ ဟိုပုံး မြို့နယ်၊ စံဖူးကျေးရွာအုပ်စု၊ ကျောက္ကချားစံပြကျေးရွာနှင့် လုံဟေးကျေးရွာအုပ်စု လိုက်ကတူးကျေး ရွာသို့  အပြန်အလှန်ဆက်သွယ်ထားသည့် ကျေးရွာအုပ်စုချင်းဆက် (၄/၆)မိုင်လမ်းကို ဖောက်လုပ်ရန် ကျန်ရှိသည့်လမ်းပိုင်း (၂/၃)မိုင်အား နိုင်ငံတော်အစိုးရမှ လာမည့်ဘဏ္ဍာရေးနှစ်တွင် ဖောက်လုပ်ပေး နိုင်ပါရန်နှင့် ထိုမှတစ်ဆင့် ဘဏ္ဍာရေးနှစ်အလိုက် ရာသီမရွေးသွားလာနိုင်သော လမ်းအဖြစ် အဆင့် မြင့်တင်ပေးနိုင်ပါရန် ဒေသခံပြည်သူများကိုယ်စား သက်ဆိုင်ရာ ပြည်ထောင်စုဝန်ကြီးဌာနသို့ မေး မြန်းခဲ့ပါသည်။

အဆိုပါ မေးခွန်းမေးမြန်းခြင်းနှင့်ပတ်သက်ပြီး သက်ဆိုင်ရာဝန်ကြီးဌာနမှ ပြန်လည်ဖြေကြား ရာတွင် ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်အတွင်းရှိ စံဖူးကျေးရွာအုပ်စု၊ ကျောက္ကချားစံပြကျေးရွာမှ လုံဟေးကျေးရွာအုပ်စု လိုက်ကတူးကျေးရွာသို့ ဆက်သွယ်သည့် ကျေးရွာ ချင်းဆက်လမ်း အရှည်(၄/၆)မိုင်သည် ဆောက်လုပ်ရေးဝန်ကြီးဌာန၊ ကျေးလက်လမ်းဖွံ့ဖြိုးတိုးတက် ရေးဦးစီးဌာနမှ စီမံခန့်ခွဲသော လမ်းဖြစ်ပါသည်။

ဟိုပုံးမြို့နယ်အတွင်း KFW အစီအစဉ် Phase V  ဖြင့် ဆောင်ရွက်မည့် နမ့်ပေါဆွမ်း - လိုက်ကတူးလမ်း (၃/၂)မိုင်အား ကတ္တရာလမ်းခင်းရန် ပါဝင်လာသဖြင့် ဆက်လက်၍ ကျောက္ကချား စံပြကျေးရွာမှ လိုက်ကတူးကျေးရွာအထိ တစ်ဆက်တစ်စပ်တည်း လုပ်ငန်းဆောင်ရွက်နိုင်ရန် ကူညီ ထောက်ပံ့နိုင်ရေး ညှိနှိုင်းတောင်းခံထားပြီး ဖြစ်ပါသည်။

သို့ဖြစ်ပါ၍ ဟိုပုံးမြို့နယ်အတွင်းရှိ စံဖူးကျေးရွာအုပ်စု၊ ကျောက္ကချားစံပြကျေးရွာမှ လုံဟေး ကျေးရွာအုပ်စု လိုက်ကတူးကျေးရွာသို့ ဆက်သွယ်သည့် ကျေးရွာချင်းဆက်လမ်းအား KFW အ ထောက်အပံ့အစီအစဉ်ဖြင့် လမ်းအဆင့်မြင့်တင် ဆောင်ရွက်ရန် စီစဉ်ထားရှိပြီး ဖြစ်ပါကြောင်း ရှင်းလင်းဖြေကြားခဲ့ကြောင်း သိရပါသည်။


ပအိုဝ်းအမျိုးသားအဖွဲ့ချုပ်(PNO)
လွှတ်တော်ရေးရာဌာန

ဟိုပုံးမြို့နယ်မြောက်ခြမ်း၊ မိုင်းလင်းကျေးရွာအုပ်စုအတွင်းရှိ မိဘပြည်သူများ အသုံးပြုနေသည့် ဒေသသုံးလမ်းကို သတ်မှတ်ထားသည့် လမ်းနယ်အတိုင်း ဖောက်လုပ်ပေးရန်

တောင်ကြီး၊ မတ်လ (၂၃) ရက်


ဒုတိယအကြိမ်၊ ပြည်သူ့လွှတ်တော်၊ (၁၅)ကြိမ်မြောက် ပုံမှန်အစည်းအဝေးတွင် ပအိုဝ်းကိုယ် ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ ပြည်သူ့လွှတ်တော်ကိုယ်စားလှယ် ဦးခွန်အောင်ကျော်မှ ဟိုပုံး မြို့နယ်မြောက်ခြမ်းရှိ မိုင်းလင်းကျေးရွာအုပ်စုအတွင်းရှိ ဟိုပုံး - မိုင်းလင်း - တုံလောလမ်းမကြီးကို ဒေသသုံးလမ်းမှတစ်ဆင့် နိုင်ငံတော်မှ  သတ်မှတ်သည့်လမ်းနယ်အတိုင်း လာမည့်ဘဏ္ဍာရေးနှစ်တွင် အဆင့်မြင့်တင်ပေးရန် အစီစဉ်ရှိ/မရှိနှင့် စပ်လျဉ်း၍ ကြယ်ပွင့်မပြမေးခွန်း မေးမြန်းခဲ့ပါသည်။

အဆိုပါ မေးခွန်းမေးမြန်းခြင်းနှင်ပတ်သက်၍ သက်ဆိုင်ရာဝန်ကြီးဌာနမှ ပြန်လည်ဖြေကြား ရာတွင် ဟိုပုံး - မိုင်းလင်း - တုံလောလမ်းသည် တောင်ကြီးခရိုင်နှင့် လွိုင်လင်ခရိုင်တို့ကို ဆက်သွယ် ထားသည့်အပြင် အာရှ/အာဆီယံလမ်းမကြီးဖြစ်သော AH2 နှင့် AH111 တို့ကို ဆက်သွယ်ထားသော ဆောက်လုပ်ရေးဝန်ကြီးဌာန၊ လမ်းဦးစီးဌာနပိုင် ပြည်နယ်အစိုးရမှ စီမံခန့်ခွဲသည့် လမ်းဖြစ်ပြီး တောင်ကြီးခရိုင်အပိုင်း၌ (၅၄)မိုင်၊ လွိုင်လင်ခရိုင်အပိုင်း၌ (၆၂)မိုင်၊ စုစုပေါင်း (၁၁၆)မိုင် ရှည်လျား ပါသည်။ (၃၀-၉-၂၀၁၉)ရက်နေ့ လမ်းအခြေအနေမှာ တောင်ကြီးခရိုင်အပိုင်း၌ ကတ္တရာလမ်း (၁၄/၂)မိုင်၊ ကျောက်လမ်း (၁၈/၁)မိုင် အမာခံလမ်း(၅)ဖာလုံ၊ မြေလမ်း (၂၁)မိုင်ဖြစ်ပြီး အဆိုပါမြေ လမ်းအမျိုးအစားမှာ တစ်ကြောင်းထိုးလမ်းအဆင့်သာ ရှိပါသည်။ လွိုင်လင်ခရိုင်အပိုင်း၌ အမာခံ လမ်း (၁၂/၂)မိုင်၊ မြေလမ်း (၄၉/၆)မိုင်ရှိပါသည်။

ဟိုပုံး - မိုင်းလင်း - တုံလောလမ်းသည် တောင်ကြီးခရိုင်အပိုင်း၌ ကျေးရွာအုပ်စု(၈)ခု၊ အိမ်ခြေ (၅၃၆၈)အိမ်၊ လူဦးရေ(၂၄၀၉၆)ဦးအား တိုက်ရိုက်အကျိုးပြသည့် လမ်းဖြစ်ပြီး မိုင်းလင်း ကျေးရွာသည် အဆိုပါလမ်း၏ မိုင်တိုင်အမှတ်(၄၁/၂)တွင် တည်ရှိပါသည်။ ၂၀၁၉-၂၀ ဘဏ္ဍာရေး နှစ်တွင် တောင်ကြီးခရိုင်အပိုင်း၌ ပြည်နယ်သာမန်အသုံးစရိတ်ရန်ပုံငွေ ကျပ်(၃၀.၆၁၂)သန်းဖြင့် သာမန်ပြင်ဆင်ထိန်းသိမ်းခြင်းလုပ်ငန်းများ ဆောင်ရွက်လျက်ရှိပါသည်။

သို့ဖြစ်ပါ၍ ၂၀၂၀-၂၁ ဘဏ္ဍာရေးနှစ်တွင် တောင်ကြီးခရိုင်အပိုင်း၌ ပြည်နယ်ရန်ပုံငွေ ကျပ် (၁၄၁၄.၆၁၂)သန်းဖြင့် မြေသားတာဘောင်ချဲ့ခြင်း (၄)မိုင်၊ ကတ္တရာလမ်းသစ်ခင်းခြင်း (၅)မိုင်၊ (၁၈) ပေအကျယ် ကတ္တရာလမ်းချဲ့ခြင်း (၁)မိုင်၊ သံကူကွန်ကရစ်တံတား (၄၀)ပေအရှည်(၁)စင်း၊ (၉၀) ပေအရှည်(၁)စင်း တည်ဆောက်ခြင်း၊ ချဉ်းကပ်လမ်းခင်းခြင်း၊ သာမန်ပြင်ဆင်ထိန်းသိမ်းခြင်း လုပ် ငန်းများ ဆောင်ရွက်ရန်နှင့် လွိုင်လင်ခရိုင်အပိုင်း၌ ရန်ပုံငွေကျပ် (၁၀၆၈)သန်းဖြင့် ကတ္တရာခင်းခြင်း (၄)မိုင်နှင့် သာမန်ပြင်ဆင်ထိန်းသိမ်းခြင်းလုပ်ငန်းများ ဆောင်ရွက်ရန် လျာထားတင်ပြထားပြီး ဖြစ်ပါ ကြောင်းနှင့် ဘဏ္ဍာနှစ်အလိုက် ရန်ပုံငွေလျာထားတင်ပြ၍ ရန်ပုံငွေရရှိမှုပေါ်မူတည်ပြီး လုပ်ငန်းများ အကောင်အထည်ဖော် ဆောင်ရွက်ပေးသွားမည် ဖြစ်ပါကြောင်း ရှင်းလင်းဖြေကြားခဲ့ပါသည်။

ပအိုဝ်းအမျိုးသားအဖွဲ့ချုပ်(PNO)
လွှတ်တော်ရေးရာဌာန

Thursday, March 19, 2020

ရှမ်းပြည်နယ်တောင်ပိုင်း၊ ဟိုပုံးမြို့နယ်၊ ကျောက်တန်းကျေးရွာနှင့် တိလုံးကျေးရွာအုပ်စုအတွင်း နေ မဲဆန္ဒရှင်မိဘပြည်သူများ သိရှိနိုင်စေရန်

တောင်ကြီး၊ မတ်လ (၂၀) ရက်


မေး။ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ ပြည်သူ့လွှတ်တော်ကိုယ်စားလှယ် ခွန်အောင်ကျော်၏ ဟိုပုံးမြို့နယ်၊ ကျောက်တန်းနှင့် တိလုံကျေးရွာအုပ်စုများသို့ ဆက်သွယ်ထားသည့် လမ်းပိုင်းအား နိုင်ငံတော်အစိုးရမှ ဖောက်လုပ်ပေးနိုင်ပါရန်နှင့် ၎င်းမှတဆင့် ရာသီမရွေး သွားလာနိုင်သော လမ်းအဖြစ်
အဆင့်မြှင့်တင် ဆောင်ရွက်ပေးနိုင်ပါရန် ကြယ်ပွင့်မပြမေးခွန်း မေးမြန်းခြင်းနှင့် စပ်လျဉ်း၍ သက်ဆိုင်ရာ အစိုးရဝန်ကြီးဌာနမှ အောက်ပါအတိုင်း ပြန်လည်ဖြေကြားခဲ့ပါသည်။

ဖြေ။ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ ကျောက်တန်းကျေးရွာအုပ်စုနှင့် တိလုံကျေးရွာ အုပ်စုတို့ကို ဆက်သွယ်သည့် သက်သာ - ဟွေ့လုံ - ဟိုဟွေ့ - အွဲ့ခြံ - ထီဖူး လမ်းအရှည် (၁၃)မိုင်သည် ဆောက်လုပ်ရေးဝန်ကြီးဌာန၊ ကျေးလက်လမ်းဖွံ့ဖြိုးရေးဦးစီးဌာနမှ စီမံခန့်ခွဲသော လမ်းဖြစ်ပါသည်။

အဆိုပါလမ်းအား အဆင့်မြှင့်တင်ပြီးပါက ကျေးရွာ(၅)ရွာ၊ အိမ်ခြေ(၃၁၁)အိမ်၊ လူဦးရေ(၁၅၀၀) ခန့်တို့ကို တိုက်ရိုက်အကျိုးပြုမည် ဖြစ်ပါသည်။

သို့ဖြစ်ပါ၍ သင်သာ - ဟွေ့လုံ - ဟိုဟွေ့ - အွဲ့ခြံ - ထီဖူးလမ်းသည် လမ်းအဆင့်သတ်မှတ်ချက်အရ Class (A) ၊ ဦးစားပေးအဆင့်(၃)တွင် ပါဝင်သဖြင့် ၂၀၂၀ - ၂၀၂၁ ဘဏ္ဍာရေးနှစ်နောက်ပိုင်း ကာလများ၌ ရှမ်းပြည်နယ်အစိုးရအဖွဲ့ ရန်ပုံငွေတွင် ထည့်သွင်းလျာထားပြီး ရန်ပုံငွေခွဲ၀ေရရှိမှုအပေါ် မူတည်၍ အကောင်အထည်ဖော် ဆောင်ရွက်ပေးသွားမည် ဖြစ်ပါကြောာင်း ရှင်းလင်းဖြေကြားအပ်ပါသည်။

ပအိုဝ်းအမျိုးသားအဖွဲ့ချုပ်(PNO)
လွှတ်တော်ရေးရာဌာန
တောင်ကြီးမြို့

Powered by Blogger.