Wednesday, August 19, 2020

မွေတော်ကက္ကူသို့ ကြွရောက်လာသော သီတဂူဆရာတော်ဒေါက်တာအရှင်ဉာဏိဿရ နှင့်တပည့်ဝင်များကို ပအိုဝ်းအမျိုးသားခေါင်းဆောင်ကြီး ဖြားတန်စင်ဖါအောင်းခမ်းထီနှင့် အဖွဲ့ဝင်များ ကြိုဆိုကြည်ညိုခဲ့ကြ

တောင်ကြီး၊သြဂုတ်လ(၁၉)ရက်







ရှမ်းပြည်နယ်တောင်ပိုင်း၊တောင်ကြီးမြို့နယ်၊ ရှေ့ဟောင်းသမိုင်းဝင် ဆံတော်ရှင် မွေတော်ကက္ကူဘုရားတွင် ၂၀၂၀ ပြည့်နှစ် သြဂုတ်လ (၁၉)ရက် ယနေ့ မွန်းလွဲပိုင်း ၁း၃၀နာရီအချိန်၌ သီတဂူဆရာတော်ဘုရာကြီး ဒေါက်တာ အရှင်ဉာဏိဿရ နှင့်တပည့်ဝင်များသည် မွေတော်ကက္ကူဘုရားအား ကြွရောက်ကြည်ညို ဖူးမျော်ကြောင်း သိရသည်။


ထိုသို့ ကြွရောက်လာသော သီတဂူဆရာတော်ဘုရာကြီး ဒေါက်တာအရှင်ဉာဏိဿရ နှင့်တပည့်ဝင်များကို ပအိုဝ်းအမျိုးသားခေါင်းဆောင် ဘုရားတကာ ဖြားတန်စင်ဖါအောင်ႏခမ်းထီနှင့်အဖွဲ့ဝင်များက အောင်ဆုဟော် ဘုံဓမ္မာရုံကျောင်းဆောင်၌ လက်ခံကြိုဆိုကြည်ညိုကန်တော့ခဲ့ကြကြောင်း သိရသည်။


ထိုသို့ လက်ခံကြည်ညိုကန်တော့စဉ်တွင် သီတဂူဆရာတော်ဘုရားကြီးက '' မြန်မာနိုင်ငံတွင် တိုင်းရင်းသားညီ အကိုမောင်နှမတွေ ၁၀၀ ကျော်နေထိုင်ခဲ့ကြပြီး ယခုကဲ့သို့ ၂၅၀၀မျှ အရေအတွက်ရှိသော သမိုင်းဝင် ရှေ့ဟောင်းမွေတော်ကက္ကူ စေတီတော်များ ဘုရားဆင်းတုတော်များ ဖူးပြီး ဘုန်းကြီးဆုတောင်းပေးပါ ကြောင်း၊ နို့နဲ့ရေနဲ့ရောလိုက်ရင် ပြန်ခွဲလို့မရတော့သလို တိုင်းရင်းညီအကိုမောင်နှမ တွေအားလုံး ပေါင်းစည်းပြီး ညီညွတ်ကြပါစေကြောင်း၊ အမိမြန်မာနိုင်ငံတော်ကြီး အေးချမ်းသာယာပြီး ဖွံ့ဖြိုးတိုးတက်ပါစေကြောင်း၊ ပအိုဝ်းဒေသသည်လည်း ဖွံ့ဖြိုးတိုးတက်ပါစေကြောင်း၊ ပအိုဝ်းအမျိုးသားခေါင်းဆောင်ကြီး အဘဦးအောင်ခမ်းထီလည်း သက်တော်ရာကျော်ရှည်ပါစေကြောင်း'' စသဖြင့်ဆုတောင်း မေတ္တာပို့သပေး ခဲ့ကြောင်း သိရသည်။


ထို့နောက် ပအိုဝ်းအမျိုးသားခေါင်း ဆောင်ဘုရားတကာ ဖြားတန်စင်ဖါအောင်ႏခမ်းထီက သီတဂူဆရာတော်ဘုရားကြီးနှင့် အောက်စဖိုစ်ဆရာတော် ဒေါက်တာဓမ္မသာမိ၊ မင်းကွန်းရွှေကျင် တိပိဋကဆရာတော်များအား သက်တော်ရာကျော်ရှည်ပြီး ဆထက်တပိုး သာသနာပြုနိုင်ကြပါစေကြောင်း၊ နောက်နှောင်လည်း ပအိုဝ်းဒေသမွေတော်ကက္ကူ ဘုရားတွင် မကြာခဏလာရောက်ဖူးမြော်ကြပါစေ ကြောင်း၊ ပြန်လည်ဆုတောင်းပေး ခဲ့ပါကြောင်း သိရှိရပါသည်။


ခမ်းရတနားခွန်

@Pa-O National Organization


Sunday, August 16, 2020

လိုꩻမျိုꩻဘာႏသာႏ လိုႏရက်ငါႏ

တောင်ကြီး၊ ဩဂုတ်လ (၁၇) ရက်


ကမ္ဘာႏလောင်းကအဝ်ႏဒါႏ သꩻအဝ်ꩻသတ္တဝါႏမန်ႏသမျနဝ်ꩻ နီလိုꩻသီႏယို ထာꩻသေတရာꩻ အာလွိုဝင်ꩻတဲင် ထွာအဆင်ႏရန်းအထိုသွတ်ꩻ သတ္တဝါႏတမျိုꩻသွူ။ လိုꩻကရိုꩻယို အုံဟံႏတဗီႏချင်ႏနုဲင်းနုဲင်းလဲ့ ကွပ်ပွိုးကအုံဒါႏ ခင်ႏလမ်းဒေႏသဌာနယို တဗွိုန်တဝ်းဝင်ꩻလဲ့နဝ်ꩻ ဒေါ့ꩻငဝ်ႏဘာႏသာႏ တဗွိုန်တဝ်ႏတင်ꩻလဲ့နဝ်ꩻ ကွဉ်ကꩻခွမ်ꩻလာꩻ တဗွိုန်တဝ်းတင်ꩻလဲ့နဝ်ꩻ ထုံꩻစံႏယေန်ႏကေꩻမုꩻ တဗွိုန်တဝ်းဝင်ꩻလဲ့နဝ်ꩻ လိုꩻမျိုꩻကရိုꩻယို ပꩻဖြယ်လွဉ်ဗာႏ ထွာပေါႏလွဉ်ဗာႏသွူ။

လိုꩻသီးနေးတွမ်ႏအကျောင်ꩻတရာꩻ နုဲင်းယိုဖုံႏတဲင် ထွိုင်ႏပꩻဖြယ်လွဉ်လွဝင်ꩻနတ်ꩻ ကအုံအဝ်ႏဒါႏ အရပ်ဒေႏသ ဌာနခင်ႏလမ်း ဟံႏပထဝီႏယိုလဲ့ ဗဲင်းလဝင်ꩻ ဖန်ႏဖြယ်လွဝင်ꩻတွော့ꩻ နဲင်ႏငံႏခမ်းထီယို ပေါႏပေါက်ထွာလွဉ်ဗာႏသွူ။ နဲင်ႏငံႏခမ်းထီတဖြုံႏယို အဝ်ႏသော့ꩻလိုꩻမျိုꩻတမျိုꩻလွုမ်ꩻနဝ်ꩻ အဝ်ႏကြွို့ꩻတဝ်း လိုꩻမျိုꩻပေါင်ꩻစွုမ်ႏ စုခြွဉ်းအုံညီꩻလွဝင်ꩻနဝ်ꩻ ကဲဉ်းအာအာသွူ။

လိုꩻမျိုꩻပေါင်ꩻစွုမ်ႏ ကစုခြွဉ်းအုံညီꩻလွဝင်ꩻ ခမ်ႏထီတဖြုံႏယို ကထွာဒါႏအအာသား လိုꩻမျိုꩻတန်ယို မဉ်ႏရက်သညင်ꩻ လိုꩻမျိုꩻပေႏလဲ့နဝ်ꩻ လိုꩻမျိုꩻပေႏချင်ꩻချင်ꩻ မဉ်ꩻရက်သညင်ꩻလွဝင်ꩻလဲ့ꩻနဝ်ꩻ ခမ်းထီနဝ်ꩻ တိုꩻတက်ထင်ႏထို ခြွေခြာႏချမ်ꩻသာႏသွူ။ အုံအဝ်ႏသွူ တခမ်းချင်ႏလဲ့ လိုꩻမျိုꩻတမျိုꩻတွမ်ႏတမျိုꩻ မဉ်ႏတထီꩻသင်ꩻတဝ်ႏလွဝင်ꩻ မဉ်ႏအဝ်ႏရွိုꩻမာႏလွဝင်ꩻ နုဲင်းနီမန်းခမ်းယိုနဝ်ꩻ တိုꩻတက်ထင်ႏထိုတဝ်ႏ ခြွေခြာႏချမ်ꩻသာႏတဝ်းသွူ။ ကွပ်နဝ်ꩻမ အဝ်ႏလိုꩻထီꩻသင်ꩻငါႏလွဝင်သွူ။

လိုꩻသီးယိုနဝ်ꩻ လိုꩻမျိုꩻတမျိုꩻတွမ်ႏတမျိုꩻ လိုႏထီꩻသင်ꩻလွဝင်ꩻလွုမ်တကာႏတဝ်း လိုꩻမျိုꩻတမျိုꩻ အချင်ꩻချင်ꩻယိုလဲ့ အဝ်ႏလိုႏထီꩻသင်ꩻငါႏလွဝင်ꩻ အဝ်ႏလိုႏလွောင်ႏဗူႏငါႏလွဝင်သွူ။ လိုꩻမျိုꩻတမျိုꩻယိုꩻ ခွေတစွိုးနာꩻတမျိုꩻ နာꩻမဉ်ႏဗွာ ခွေဖြေင်း နာꩻမဉ်ႏဖြေင်း ခွေဗွာထွူတွော့ꩻ မဉ်ႏတထီꩻသင်ꩻတဝ်း မဉ်ႏတလွောင်ႏဗူႏတဝ်းလွဝင်ꩻနဝ်ꩻ ဝင်ꩻသွေꩻကုဲင် ဝင်ꩻယားကုဲင်ယိုꩻငါႏတဲင် တိုꩻတက်ထင်ႏထိုတဝ်ႏ ခြွေခြာႏချမ်ꩻသာႏတဝ်းသွူ။ ကွပ်နဝ်ꩻမ လိုꩻတမျိုꩻချင်ႏယိုလဲ့ အဝ်ႏလိုႏထီꩻသင်ꩻ အဝ်ႏလိုႏရက်ငါႏလွဝင်သွူ။

ယိုနဝ်ꩻလိုꩻမျိုꩻအခရာႏ တဲမ်းခြုဲင်းနယ်ထွူတဲင် အီႏတဲမ်းနယ်လွေꩻယင်း ဘာႏသာႏအကျောင်ꩻအခရာႏသွူ။ 

ဘာႏသာႏကရိုနဝ်ꩻ ဒေါ့ငဝ်းဘာႏသာႏ ကိုꩻကွယ်ႏမုꩻဘာႏသာႏ အဝ်းနီမျိုꩻသွူ။ ယိုနဝ်ꩻအီႏတဲမ်းနယ်ꩻလွေꩻဒျာႏ ကိုꩻကွယ်ႏမုꩻဘာႏသာႏ တအဲဉ်တဝ်းသွူ။ ထွိုင်ႏကွဲညညနဝ်ꩻ ကွပ်ပွိုးထာꩻသေတရာꩻဆေ့ꩻ ကွပ်ပွိုးထာꩻငမ်းတန်တဲင် ဖေႏကကူႏညီႏစွဲးကို ဝွေꩻသီးအနေတွော့ꩻ ကိုꩻကွယ်ႏတငီႏတငါ ကိုꩻကွယ်ႏမွူး ကိုꩻကွယ်ႏလာ ကိုꩻကွယ်ႏကောင် ကိုꩻကွယ်ꩻသေင်ႏ ကိုꩻကွယ်ႏဖြုံႏ ကိုꩻကွယ်ႏလူꩻ စတဲင်ထာꩻကိုꩻကွယ်ႏ အမျိုꩻမျိုꩻယို ပေါးပေါက်လွဉ်သွူ။

ဘဒ္ဒကပ်ကမ္ဘာႏယို ခါးလားဘုရာꩻကပွင်ꩻတဆူႏဆူႏနဝ်ꩻ လိုꩻသီးယို ထာꩻအာႏကွို့ ကိုꩻကွယ်ႏအစဲစ်အမဲဉ်ႏ တမော့ꩻတဝ်း ကိုꩻကွယ်ႏကြွို့ꩻ ကိုꩻကွယ်ႏမာႏဒျာႏထာꩻသွူ။ ဂေါကသန်ႏဘုရာꩻထွိုင်ႏပွင်ꩻထွူမꩻ ကိုꩻကွယ်ႏမုꩻအစဲစ်အမဲဉ်ႏယို ကွဲးမော့ꩻလွဉ်သွူ၊ ကွယ်ႏတွော့ ဘုရာꩻပွင်ꩻစွဉ်ႏလဲ့ ပါႏရမီႏတအဲဉ်ထဝ်းလိုꩻနဝ်ꩻ တမော့ꩻခွဲတဝ်းဘုရာꩻတဲင် တသေတဝ်းဒျာႏ ထာꩻကိုꩻကွယ်ႏအစဲစ်အမဲဉ်းနေနေသွူ။

ယိုခါနဝ်ꩻ ဂေါတမဘုရာꩻ သာႏသနာႏကိုတဲင် ပါႏရမီႏကအဝ်ႏလို့နဝ်ꩻ သဲင်ꩻခွဲးသဲင်ꩻမော့ꩻဘုရာꩻသာႏသနာႏတွော့ꩻ နာႏဗာႏ ဘုရာꩻတရာꩻ သေဗာႏထာꩻအာႏကွိုꩻအစဲစ်အမဲဉ်ႏသွူ။ မျက်မှောက်ကာႏလ သမယခေတ်ယိုခါ ကထွာဒါးနီမန်းခမ်းယိုနဝ်ꩻ ဗုဒ္ဓဘာႏသာႏ အထွန်ꩻကာꩻသွတ်ꩻ ခမ်းတခမ်းသွူ။ နီပအိုဝ်ႏလိုꩻမျိုꩻလဲ့ အဝ်ႏသော့ꩻမန်းခမ်းကို ထွာဗုဒ္ဓဘာႏသာႏတွော့ꩻ ပါႏရမီႏအဝ်ႏကံႏဟဝ်ငါႏရိုဗာႏနုဲင်းနဝ်ꩻသွူ။

နဝ်ꩻတွော့ꩻ ကမ္ဘာႏလောင်းယိုခါ ဘာႏသာႏတန်လစ်မျိုꩻအကိုနဝ်ꩻ ဗုဒ္ဓဘာႏသာႏလဲ့ပါသွူ။ ဘာႏသာႏတန်လစ်ꩻမျိုꩻအကိုယို ကမ္ဘာႏလောင်းပညာႏသျင်ႏသီး ကထွိုင်ႏစဲစ်ဆေꩻဝွေႏဖန်ႏထွားနဝ်ꩻ ဗုဒ္ဓဘာႏသာႏယို အမဲဉ်လွိုသွတ်ꩻဝင်ꩻရိုꩻနဝ်ꩻသွူ။ ဘာႏသာႏလင်နဝ် ဖေႏအာႏဒျာႏ လောဘ ဒေါသ မောဟ မာႏနတဲင် ကိလေႏသာႏတရာꩻဖုံꩻတွော့ꩻ ဝဋ်ဒုက္ခဆင်ꩻရယ်ꩻယို တလွစ်ထန်ႏနွောင်ꩻအီတဝ်းသွူ။

နီဗုဒ္ဓဘာႏသာႏတရာꩻယို လွစ်ထန်းနွောင်ꩻအီ ဝဋ်ဒုက္ခဖဝဆင်ꩻရယ်ꩻတဲင် ထွားဘာႏသာႏအစဲစ်အမဲဉ်ႏနဝ်ꩻမꩻ နီအဝ်ႏလိုꩻထိန်ꩻ နီꩻအဝ်ႏလိုꩻရက်ငါႏသွူ။


ခွန်အောင်ႏနွောင်ꩻ (မျင်ꩻမိုရ်ႏခမ်း)


Saturday, August 15, 2020

နီꩻအချင်ꩻချင်ꩻ လိုႏလွောင်ႏဝင်ꩻ

တောင်ကြီး၊ ဩဂုတ်လ (၁၆) ရက်


ကမ္ဘာႏလောင်းယိုခါနဝ်ꩻ လိုꩻသီးယို အုံဒျာႏတဖြာꩻလဲ့ တလတဝ်ႏ အုံဒျာႏလိုꩻမျိုꩻတမျိုꩻအနေႏလဲ့ တလꩻတဝ်ႏ အုံညီꩻအဝ်ႏရဝ်းဗာႏလို့ဝင်ꩻ တလမ်းချင်ꩻ တခမ်းချင်ꩻသွူ။ အုံညီꩻဝင်ꩻတလမ်းချင်ꩻလဲ့နဝ်ꩻ တဒုံချင်ꩻ တခမ်းချင်ꩻလဲ့ꩻနဝ်ꩻ ထီꩻသဲင်ꩻတဝ်ႏလို့ဝင်ꩻ သွီႏခွဲႏတဝ်ႏလို့ဝင်ꩻတွော့ꩻ မဉ်ႏအဝ်ႏထေင်ညင်ꩻ မဉ်ႏအဝ်ႏ ရွို့ꩻမာႏလွꩻဝင်ꩻနဝ်ꩻ ဟဝ်ဟဝ်ဒါႏဒါႏ ချံꩻချံꩻသာႏသာႏ တအုံအဝ်ႏလွေꩻဗာႏတဝ်ႏသွူ။

ဥပမာႏတဝ်ႏဒွုမ်ညာꩻညာꩻ ဥပမာႏဗော့ꩻ နီမန်းခမ်း ယိုခါနဝ်ꩻသွူ။ နီမန်းခမ်းယို ကလꩻလွစ်တခြင်ရေꩻနဝ်ꩻ ၁၉၄၈ - ဗာႏတဲင် ဗတွိုႏ ၂၀၂၀ ယိုနဝ်ꩻ လꩻလဲဉ်ႏနေင်ႏပေါင်ꩻ(၇၂)သွူ။ နေင်ႏပေါင်ꩻ (၇၂)အကို နီမန်းခမ်းယို တိုꩻတက်ထင်ႏထိုမုꩻ အဝ်ႏတခွိုင်းမုဲင်ꩻကရိုနဝ်ꩻ အဝ်ႏသေအဝ်ႏထီႏဒျာႏ ပငါပရာꩻသွူ။ လꩻထွူ လွစ်တခြင်ရေꩻနဝ်ꩻ လိုꩻအုံအဝ်ႏမုꩻ အဆင်ႏရန်းယို ထဲ့ဖွိုးထဲင်းကဒွိုန်း ခါးလားကလꩻ လွစ်တခြင်ရေꩻသွူ။

ကထွာဗာႏနုဲင်းယိုနဝ်ꩻ ပွိုးနုဲင်းမုဲင်ꩻနဲးတဲင် ကွပ်ပွိုးခမ်းရင်ꩻသား လိုꩻမျိုꩻချင်ꩻချင်ꩻ လိုꩻမျိုꩻပေႏတွမ်ႏ လိုꩻမျိုꩻတန် တလွောင်ႏဗူႏညီႏညွတ်တဝ်းလွဝင်ꩻ အဝ်ႏရွို့ꩻရန်ႏတွိုက်ꩻခꩻလွဝင်တွော့ꩻ ခမ်းထီထဲ့ဖွိုး ဆုတ်ယုတ်ထိုꩻဗာႏသွူ။

ကအဝ်ႏရွို့ရန်ႏ တွိုက်ꩻခꩻဗာႏလွဝင်ꩻယိုတဲ့ ခွေလဲ့ရိုဒျာႏ ခွေနမ်းမဲဉ်ႏ၊ နာꩻလဲ့ရိုꩻဒျာႏ နာꩻနမ်းမဲဉ်ႏ၊ အမဲဉ်ႏတရာꩻချင်ꩻတဗွိုန်တဝ်ႏလွဝင်ꩻတဲင် ထွာဗာႏရွို့ꩻရန်ႏမာꩻလွဝင်ꩻသွူ။ အမဲဉ်ႏတရာꩻ ကတဗွိုန်တဝ်ႏလွ ဝင်ꩻယိုနဝ်ꩻ ဗုဒ္ဓဘာႏသာႏတရာꩻအလꩻ ကွပ်ပွိုးလွူးလွ လောဘ ဒေါသ မောဟ မာနတရာꩻဖုံႏ နီတာႏဝင်ꩻတာႏ တထွာႏတဝ်း ထွားဗော့ဒျာႏ နမ်းတာႏလွုမ်ꩻတွော့ꩻ အုံညီꩻလွဝင်ꩻယို တထီꩻသင်ꩻလꩻတဝ်းဝင်သွူ။

လိုꩻကထီꩻသင်ꩻတဝ်းလွဝင်ꩻ ကတတဲ့ꩻတဝ်းလွဝင်ꩻယို ဖေႏကထီꩻသင်ꩻ ဖေႏကတဲ့ꩻခဝ်းချာနဝ်ꩻ ကောႏကမာႏသားလဲ့ မာႏလဲဉ်းအကျောင်ꩻ အဝ်ႏလိုꩻတောင်ꩻပြန်ႏဝင်ꩻ ကောႏကခံႏဗာႏသားလဲ့ ဝင်ꩻမဉ်ႏတောင်ꩻပြန်ႏနဝ်ꩻ အဝ်ႏလိုႏသယ်ႏခံႏ ယွိုန်ယောနဝ်ꩻမꩻ ကအဝ်ႏကုဲင်ဒါႏ အနာႏဂါတ်ဆꩻငါယို ခွရှူႏချံꩻသာႏမုꩻ အီႏအဝ်ႏသွူ။

ပထုစဉ်ႏပုဂ္ဂိုလ်ႏလိုꩻသီးနဝ်ꩻ “ရက်လွိုနမ်းအဲဉ်ထဝ်း” ပညာႏသျင်ႏသီး ရိုနုဲင်းနဝ်ꩻတဲင် ထွာလိုꩻဟဝ်နမ်းတာႏ လိုꩻထီဒျာႏ နမ်းအကျိုꩻလွဉ်းလွဉ်းသွူ။ ထာꩻရက်ဝင်ꩻကရိုꩻဒါႏ မေတ္တာတရာꩻ ထာꩻသညင်ꩻဝင်ꩻကရိုဒါႏ၊ ကရုဏာႏတရာꩻယို ပေါႏတကျံꩻလွူးတဝ်း ပေါႏတကျံꩻပယ်ႏတဝ်း နမ်းအကျိုꩻနဝ်ꩻ ရွို့ꩻမာႏလွဝင်ꩻတခိꩻတဝ်း ပါမုဲင်ꩻမုဲင်ꩻလဲ့ တအုံဟဝ်ဟဝ်ဗာႏထာꩻသွူ။

ရွို့ꩻမာႏလွဝင်ꩻ တွိုက်ခꩻလွဝင်ꩻ ထွာစဲ့ပွယ်ꩻနဝ်ꩻ ခိုးလျားယပ်ꩻသꩻ ဒုက္ခဆင်ꩻရယ်ꩻတခွိုင်းမုဲင်ꩻကရိုနဝ်ꩻ ထွားဗော့ꩻ “ဒုက္ခသယ်ႏ)” စခန်ꩻဖုံႏ ထွားဗော့ꩻ “စစ်ဘေးရှောင်” စခန်ꩻဖုံႏနဝ်ꩻ သေနွောင်ꩻဒျာႏသွူ။ ကွပ်ပွိုးစဲ့ပွယ်ꩻတွော့ꩻ ကသီသားတဲ့ အာငါႏလဲဉ်ႏ ကထို့ကလွတ်ꩻ ကတပွတ်ꩻသားတဲ့ အာငါႏလဲဉ်းကရိုနဝ်ꩻ ကထွာဒါး အတန်အကယ်ႏဖုံႏယို အဝ်ႏလိုꩻထီႏအဝ်ႏလိုꩻသေသွူ။ ခြွေခြာႏချံꩻသာႏငါ အတန်အကယ်ႏငါတွော့ꩻ “ခမ်းသားထီသားနဝ်ꩻ မဲဉ်ထွာနုဲင်းမုဲင်ꩻထွာ” သနုဲင်းယိုနဝ်ꩻ လိုႏလွူးတဝ်းသွူ။

ကမ္ဘာႏသမဲင်ꩻကို စဲ့ꩻပွယ်ꩻကထွူကငိမ်ꩻအီနဝ်ꩻ ထွူငိမ်ꩻတွမ်ႏ တွိုက်ခꩻရေꩻ ဆင်စဲ့ꩻရေꩻတမွေးတဝ်း ထွူငိမ်ꩻဒျာႏတွမ်ႏ အုံကွံဆွေꩻနွေꩻ ထာꩻသေနာႏမုꩻသွူ။ ကွပ်နဝ်ꩻမꩻ နီမန်းခမ်း ကထွာဒါႏ စဲ့ပွယ်ꩻယို အဝ်ႏလိုႏလꩻလဲဉ်ႏသံဝွေႏဂသွူ။

လိုꩻမျိုꩻတမျိုꩻတွမ်ႏတမျိုꩻ ရွို့ꩻမာႏတွိုက်ꩻခꩻလွဝင်ꩻ မဥ်ႏအဲဉ်ထဝ်းနဝ်ꩻ လုပ်ꩻမာꩻကူꩻကာႏ ဖြေꩻစာဗာႏဟဝ်တဲင် လိုꩻမုꩻအုံအဝ်ႏရေꩻအရန်းယို တိုꩻတက်ထင်ႏထိုမွိုင်သွူ။ စဲ့ပွယ်ꩻအဲဉ်ထဝ်းစွဉ်ႏလဲ့ လိုꩻမျိုꩻချင်ꩻချင်ꩻ မဉ်ႏတညီႏညွတ်တဝ်းလွဝင်ꩻတွော့ꩻ မဉ်ႏအဝ်ႏဒေါ့ꩻလွဝင်ꩻမဉ်ꩻ မဉ်ꩻအဝ်ႏထွံႏလွဝင်ꩻထာꩻမာႏနဝ်ꩻ မဲ့ဒုက္ခညီꩻလွဝင်ꩻ နုဲင်းလိုꩻထွံႏဖြီကိုနဝ်ꩻသွူ။ ကွပ်နဝ်ꩻမꩻ တဖြာꩻထာꩻမာႏယို တဖြာꩻမဉ်ႏဖေႏသတိꩻနဝ်ꩻ အွီႏအွီႏနွိုးနွိုး အဝ်ႏလိုႏလက်ခံႏ အဝ်ႏလိုႏဖျင်နီနမ်းအမာႏသွူ။

နုဲင်ႏနဝ်ꩻမဉ်ႏမွေးတဝ်း နာꩻသေတခွိုင်းမုဲင်ꩻ နာꩻဒါႏတခွိုင်းမုဲင်ꩻ အွဉ်ႏမာနတရာꩻတွော့ꩻ မဉ်ႏဒေါ့ꩻချာလွဝင်ꩻနုဲင်းနဝ်ꩻနဝ်ꩻ မုဲင်ꩻခါခါစွဉ်းလဲ့ လွောင်ႏဗူႏညီႏညွတ်မုꩻယို တလꩻနွောင်ꩻတဝ်းသွူ။

ခွန်သောမ (မုဲင်းကောင်)



နီရေင်နီဆီ (၂၀၂၀) တွမ်ႏ နီပအိုဝ်ႏ “မဲ”

တောင်ကြီး၊ ဩဂုတ်လ (၁၆) ရက်


၂၀၂၀ဟန်ႏနေင်ႏယိုတလဲင်ႏ(ယိုတအာႏ) ဝင်ꩻဖေႏလင်ꩻချာယင်းလဲဉ်းသွူ၊ ဝင်ꩻဖေႏလင်ꩻချာယင်းလဲဉ်းသွူ၊ စွုမ်းဖြာꩻနီနာꩻ အခွင်ꩻအရေꩻတဲင်၊ ကွပ်နဝ်ꩻမ အခွင်ꩻအရေꩻတဗာႏကရိုꩻယို အီႏလꩻသဲင်ꩻဗာႏစွဉ်ႏတဲ့ ခုဲင်ႏငါႏနဝ်ꩻမ၊ စွုမ်ႏဖြာꩻခွန်နင်ꩻ အောဝ်ႏလိုႏထူႏဒါႏဒါႏခန်းဝင်ꩻနီနာꩻ ခွိုꩻပအိုဝ်ႏအခွင်ꩻအရေꩻသွူ။

အခွင်ꩻအရေꩻတဗာႏကရိုꩻနဝ်ꩻ နီမဉ်ႏထူႏဒါႏတဲ့ လꩻချံꩻသာႏ၊ နီမဉ်ႏထူႏဒါႏတဝ်း၊ နီမဉ်ႏသွုံꩻဒါႏတဝ်ႏနဝ်ꩻ မဲ့တဲင်နီပအိုဝ်ႏဖုံႏယို အဝ်ႏထွာစွူဗော့ꩻဒျာႏ ဝင်ꩻသွဉ်း၊ ဝင်ꩻလိုꩻ၊ အဝ်ႏခံႏလွေꩻစွူစွူပါထဲင်ႏဒွိုန်းကဒျာႏ ဝင်ꩻနိစွက်၊ ဝင်ꩻအံႏနွောင်ꩻ၊ ဝင်ꩻတိက်ꩻနျꩻ၊ ဝင်ꩻလွꩻထီႏဖုံႏလွုမ်ꩻသွူ။ နဝ်ꩻမꩻခွန်နင်ꩻခွိုꩻပအိုဝ်ႏစွုမ်ႏဖြာꩻ “ယွိုင်ႏစူဗောင် အွဉ်ႏခြေင်ႏကတွောင်”ထွူတဲင်၊ အဝ်ႏလိုႏထူႏဒါႏဒါႏခန်းဝင်ꩻ၊ အဝ်ႏလိုႏထူႏလꩻလꩻခန်းဝင်ꩻနီနာꩻ နမ်းပဲင်ႏဆဲင်ႏ အုပ်ချွုတ်ထိန်ꩻထွားခွင်ꩻလꩻဒေႏသတွမ်ႏခမ်းထီသွူ။

နဝ်ꩻတွော့ꩻ နီပအိုဝ်ႏဖုံႏယို ရိုꩻကီစွဉ်ႏ လꩻလွေꩻလဲဉ်းနမ်းပဲင်ႏဆဲင်ႏအုပ်ချွုတ်ထိန်ꩻထွားခွင်ꩻလꩻဒေႏသ သွံဝေင်ꩻနယ်ႏ ရိုꩻနဝ်ꩻလဲ့၊ နုဲင်းခွေသွဉ်းအနေႏထာꩻ ထီႏတွမ်ႏကတွားနဝ်ꩻ၊ နီပအိုဝ်ႏဖုံႏယို တလꩻလွေꩻတဲးတဲးမွေးတဝ်းဒွိုန်း နီနမ်းပဲင်ႏဆဲင်ႏအုပ်ချွုတ်ထိန်ꩻထွားခွင်ꩻလဒေႏသသွူ။ မဉ်ႏဒေါ့ꩻဗာꩻယင်းတနယ်ꩻနဝ်ꩻလဲ့ နီပအိုဝ်ႏဖုံႏယို နမ်းပဲင်ႏဆဲင်ႏ အုပ်ချွုတ်ထိန်ꩻထွားခွင်ꩻလꩻ ဒေႏသကရိုနဝ်ꩻ လꩻလွေꩻဒျာႏကြွို့ꩻဒျာႏအမဉ်ꩻလွုမ်ꩻသွူ။

ကွပ်ꩻနဝ်ꩻမꩻ တညတဝ်ႏဒွိုမ် အခိန်ႏခါႏတွင်ꩻကာလ နီပအိုဝ်ႏ “မဲ”ပြဲင်ႏပွယ်ꩻတဲ့ အီႏတွိုႏဖျင်ယင်းသွူတအာႏတဲင်၊ နီပအိုဝ်ႏဖုံႏယို ယံဖေႏကလꩻလွေꩻမွေးမွေးခန်း နမ်းပဲင်ႏဆဲင်ႏအုပ်ချွုတ်ထိန်ꩻထွားခွင်ꩻလဒေႏသတဲင်၊ နဝ်ꩻလွုမ်ꩻမကာႏ နီပအိုဝ်ႏဖုံႏယို ယံဖေႏကလꩻသဲင်ꩻပါထဲင်ႏယင်းတွမ်ႏ ခမ်းတွမ်ႏထီနုဲင်းကရီးခါတဲင်၊ ခမ်းကောင်ခမ်းဒွမ်နီနာꩻ ခွိုꩻပအိုဝ်ႏစွုမ်ႏဖြာꩻ ဖြား-ဆား၊ ပေႏ- တန်၊ မူႏတွမ်ႏခို အွဉ်ခန်းသွော့ဝင်ꩻဆွေꩻနွေꩻတွိုင်ႏပင်ႏ၊ အွဉ်ခန်းသွော့ဝင်ꩻဖြွမ်ူဗူႏ လွောင်ႏဗူႏ၊ အွဉ်ခန်းသွော့ဝင်ꩻတွူႏတရန်၊ အွဉ်ခန်းသွော့ဝင်ꩻလွေꩻသော့ꩻချာဒျာႏ နီပအိုဝ်ႏ “မဲ” အကျောင်ꩻ နေးတွမ်ႏရက်ခွိုꩻသꩻဓါတ်တန်တန်အာအာတဲင် တဲမ်းနယ်လွေꩻဖေႏဗာႏ ရွမ်ဖြဲင်ꩻနုဲင်းယိုနဝ်ꩻသွူ။ 

(ယပ်ꩻရီးမꩻသာႏဆုဲင်ꩻ)

ဟဒယခွန်မောင်ႏ (ထီဓါတ် - ဖြားဗွာခမ်း)


သꩻပီဝင်ꩻမꩻ အောင်ႏမျင်ႏလꩻ

တောင်ကြီး၊ ဩဂုတ်လ (၁၆) ရက်


ရီႏအွဉ်အစပထမအနေႏ ဂါႏရဝရိုးသေႏလွေꩻဒျာႏအွဉ်ငါဗွောင်ဖေႏ ရွမ်ဖြုဲင်ꩻပြဲင်ႏပွယ်ꩻအစွိုꩻတွမ်ႏ ဟော်ꩻထွားလိတ် ပရိတ်သတ် ဗွေႏ ခွန် နင်ꩻ သီးကားကအော၀်ႏ ကာယသုခကရိုꩻဒါႏ နမ်းချံꩻသာႏ၊ စိတ္တသုခကရိုꩻဒါႏ သꩻချံꩻသာႏ နမ်းသꩻနီပါꩻ ခြွိုင်ႏသန်ꩻချမ်ꩻသာႏ ယံကအောဝ်ႏဗာႏ၀င်ꩻ စွုမ်ႏဖြာꩻပငါပရာꩻတဲင် တဲမ်းလိတ်သား ဖူးပေႏခွေသွဉ်းအနေႏ နေးတွမ်ႏမေတ္တာႏ မင်္ဂလာႏငေါ၀်းငွါ နုဲင်းယိုသွူသြ။

ကမ္ဘာႏဟံႏတန်ꩻယိုအလောင်းကီ ကားကအောဝ်ႏဒါႏ ခွိုꩻနွယ်ႏ ပအိုဝ်ႏပိုလီꩻ ခမ်းကောင်ခမ်းဒွမ် ထုဲင်ႏခမ်းကအော၀်ႏဒါႏ အခမ်းခမ်းမုဲင်ꩻ၀ယောဝ်း အမူႏတဲ့ယို အခိုတဲ့နောဝ်ꩻ မဉ်ႏဟော်ꩻဗာႏသွူရွမ်ဖြုဲင်ꩻလိတ်ယာႏ ယိုတပုဒ်နောဝ်ꩻ နီသွိုန်ႏကိုသꩻဖူꩻ “သွီႏပအိုဝ်ႏ သꩻပအိုဝ်ႏ နမ်းပအိုဝ်ႏ” သꩻဓါတ်ရက်ခွိုꩻ ယံကတွိုႏချာဒျာႏသွော့ စွိုးခွိုꩻ လိုꩻမျိုꩻဘာႏသာႏ အလောင်း အဗွေတဗာႏ နီသꩻအောင်ꩻခါႏ သꩻရာႏကပ္ပါယ်ႏ အလောင်းကီယို ခွေါင်ခွေါင်တဉ်ႏတဉ်ႏ လွူးခါꩻသွော့ꩻဝင်ꩻ သꩻဓါတ်နုဲင်းယိုနဝ်ꩻ တဲမ်းလိတ်သား ခွေသွဉ်း မေတ္တာႏ ပလ္လင်ႏခံႏ အွဉ်ႏဟွိုန်လင်ꩻနယ်ဗာႏ နီပအိုဝ်ႏခွန်/နင်ꩻ သီးနုဲင်းယို။

ခွိုꩻနွယ်ႏပအိုဝ်ႏလိုꩻမျိုꩻယို  လိုꩻမျိုꩻပရီႏပရာႏပေႏတမွေးတဝ်ႏ၊ လိုꩻမျိုꩻတန်တဲးတဲးဝါးဝါးတမျိုꩻတန်ဒျာႏနေနေ၊ နီꩻပအိုဝ်ႏ ခို/မူႏသီး စွုမ်းဖြာꩻအဝ်ႏလိုꩻသေငါႏဝင်ꩻ ပငါပရင်ꩻ နီသဲင်ꩻထွာ သဲင်ꩻကွုတ်ခွိုꩻနွယ်ႏပအိုဝ်ႏလိုꩻမျိုꩻယိုတွော့ “နီနမ်းတွမ်ႏနီနမ်း ခံႏထူချက်နဝ်ꩻ ထင်ႏမွုန်း သတ်မတ်ချာမွုန်း ထွာလိုꩻမျိုꩻ ပရီႏပရာႏ ထင်းတန်ချာဒျာႏ သတ်မတ်ချာဒျာႏလိုꩻမျိုꩻတန် လိုꩻမျိုꩻယံ တမျိုꩻဒျာႏကရိုꩻနဝ်ꩻ” နီသွိုန်ႏကိုသꩻဖူꩻ အဝ်ႏလိုꩻခံႏထူႏချာငါႏဝင်ꩻ နုဲင်းယိုစွုမ်းဖြာꩻဖြာꩻ။

ယိုခါပအိုဝ်ႏလိုꩻမျိုꩻယိုနဝ်ꩻ ဝင်ꩻလိုꩻမျိုꩻလင်အဝ်းတေက်ꩻနျရောင်း ဝင်ꩻကအဝ်ႏတေက်ꩻနျꩻသွူနုဲင်းယို နီအချင်ꩻချင်ꩻ သွီႏသမ်းမဉ်ကွယ်ꩻ သꩻသမ်းမဉ်ခွယ်ꩻပါထဲင်းကဝင်ꩻ၊ ဝင်ꩻအလင်တဖဲ့ꩻသားအဝ်ႏတေက်ꩻနျꩻသွူတကာႏတဝ်ႏ၊ နီအချင်ꩻချင်ꩻ သမ်းအဝ်ႏမဲဉ်ကွယ်ꩻကဝင်နဝ်ꩻ ထာꩻအောင်ႏမျင်ႏမုတဖူꩻကို မုဲင်ꩻခါမꩻ နီအီႏတွိုႏနွောင်ꩻဟောင်ႏ နီတွမ်းနီ အဝ်ႏလိုꩻစဥ်ꩻစာꩻယူႏသေငါႏဝင်ꩻဖုံႏ။

နီပအိုဝ်ႏလိုꩻမျိုꩻ မဉ်ႏကျုံႏလွဉ်ပျဿနာႏတဗာႏနဝ်ꩻ ဖေစ့်ဘုတ်လောင်ႏကီဖြာꩻဖြောင်းဖြာꩻဖြေꩻ ရိုꩻရောင်စွဉ်ႏ “နီပအိုဝ်ႏလိုꩻတန်ယံတဝ်း နီပအိုဝ်ႏလိုꩻတန်ကျတဝ်း” ဒင်ႏရောင်စွဉ်ႏနီလိုꩻတန်အပဲစ် နေးတွမ်ႏပညာႏ ယူႏစဲင်းစဲင်းစံꩻဝင်ꩻဟုဲင်း နီလိုꩻတန် မဉ်ႏတယံတဝ်းက နီပအိုဝ်ႏလိုꩻမျိုꩻချမ်ꩻချမ်ꩻသာꩻသာꩻ အီႏအုံဗာႏနေဟောင်း “အဝ်ႏတွမ်ႏနီမဲ့နီပင် အဝ်ႏလိုႏထွား အဝ်ႏတွမ်ႏနီနားနီပင် အဝ်ႏလိုႏနာႏ” “စဥ်ꩻစာꩻဝွေႏဖန်ႏ ထေဒျာႏသွော့ အကျံဥာဏ်ႏဟဝ်၊ စုဖြွမ်းလွောင်ႏဗူႏသꩻဝင်ꩻတဲင် အဝ်ႏလိုႏဖြေႏသျင်ꩻဒျာႏသွော့။

ယိုနဝ်ꩻမွေးတဝ်း ခွေတဲ့ရိုတမျိုꩻ နာꩻတဲ့ဒေ့ါꩻဒျာႏတစား သွေꩻကုဲင် ယားကုဲင် တွမ်ႏလိတ်ယာႏ အမျိုꩻမျိုꩻ တဲမ်းကုဲင် ထွိုꩻကုဲင် သီႏကွယ်ꩻလို့ဒျာႏဝင်ꩻနဝ်ꩻ အဖြေႏမဲဥ်ႏတဗာႏ တထန်ႏနွောင်ꩻတဝ်း “ဝင်ꩻကတေက်ꩻနျꩻနီကယိန်း လွောင်ႏဗူႏမꩻ” “သꩻရက်ဖြွမ်းဗူႏလွောင်ႏဗူႏ အွဉ်ႏပီဝင်ꩻမႏ အောင်ႏမျင်ႏမုတရာꩻယို အီႏလနွောင်ꩻ အီႏပဲင်ႏဆဲင်ႏချာနွောင်ꩻ။

ကွပ်ပွိုးနဝ်ꩻမ နီပအိုဝ်ႏမူႏခိုသီႏဖုံႏ အုံဒျာႏသွော့တွမ်ႏပညာႏ ထွားဒျာႏသွော့တွမ်ႏပညာႏ နာႏဒျာႏသွော့တွမ်ႏပညာႏ မာꩻဒျာႏသွော့တွမ်ႏပညာႏ စဥ်ꩻစာꩻဝွေႏဖန်ႏဒျာႏသွော့တွမ်ႏပညာႏ သွုံꩻဒျာႏသွော့တွမ်ႏပညာႏ နီပအိုဝ်ႏလိုꩻမျိုꩻယိုꩻ စစရာႏရာႏ မဉ်းမဲဉ်အောင်ႏမျင်ႏနဝ်ꩻ စွုမ်းဖြာꩻလွောင်ႏဗူႏမꩻ သဖြွမ်းဗူႏ အွဉ်ႏဗွန်ပီသွူဝင်ꩻတဲင် ကမဲဉ်လꩻအောင်ႏမျင်ႏမု ချမ်ꩻသာႏနောဝ်ꩻ အီꩻလꩻဗာႏဒျာႏအကျောင်ꩻ………………………..


ခွန်ပညာႏရောင်ႏ (လုဲင်းလောင်းပေႏ)




ပအိုဝ်ႏခမ်ႏ

တောင်ကြီး၊ ဩဂုတ်လ (၁၅) ရက်



လိတ်ထွားဟော်ꩻဖတ် ပရိတ်သတ်  ဗွေႏ၊ ခွန်၊ နင်ꩻ ဖြားဆားပေႏတန်သီႏဖုံႏဩ၊ ခြုင်ႏသန်ꩻချံꩻသာႏ ယံအဝ်ႏလဒျာႏသွော့ဝင်ꩻ ပငါပရာꩻနဝ်ꩻ ရီးအွဉ်ဆုꩻတောင်ꩻမင်္ဂလာႏပသာဗာႏ မေတ္တာႏသွူဩ။ 

လိတ်တဲမ်းသားခွေသွဉ်း မဲဉ်ဖွင်ꩻခြုဲင်းနယ်ငါႏ ပအိုဝ်ႏစွိုးခွိုꩻထွာစဲဉ်ႏအကို ဟော်နန်ꩻလောင်းကီ ခွန်ရာႏဇာႏ၊ ထိန်ꩻထာႏခမ်းထီ အကဲႏတန်သား၊ အုပ်ချွုတ်ရေꩻသား ကအွဉ်ငါစတဲင် အစေန်ႏဆက်အထွာအကုဲင်ဖုံႏယို မဲဉ်စေနယ်လွေꩻဖေႏ တခူႏတခဝ်တွမ်ႏ “ပအိုဝ်ႏခမ်း’’ ကရိုꩻ ရွမ်ဖြုဲင်ꩻယိုတပုဒ်သွူဩ။ 

သမဲင်ꩻ၊ ငွေါဝ်းခြုဲင်းဖုံႏအကို သုဝဏဘူမိယို နီပအိုဝ်ႏ(တောင်သူ/ပျူ)ခမ်းထီ ခွန်သူရိယစန္တာႏ ဗꩻတွိုႏလင်ꩻ ခွန်မနုဟာႏစိုး ခမ်းထီအအဲဉ်ႏအလုဲင်း အကူအနားဖုံႏယို တွက်လွဉ်ꩻလဲင်ꩻမခိꩻဒါႏ တန်လုဲင်းမွေးငါႏသွူ။ ယေန်ႏကေႏမုꩻ၊ ဓလေ့ꩻထွုံꩻ၊ ယေန်ႏငဲးရေꩻစတဲင်ဖုံႏတဲ့ ထွန်ꩻကာꩻမွေးငါႏသွူ။  သုဝဏဘူမိခမ်းတန် ပွိုးတမုဲင်ꩻ မွော့ကုဲင်ပြင်ꩻထိုꩻဗာႏ အကျောင်ꩻခရာႏဖုံႏ၊ ပအိုဝ်ႏဘဝ တစက်ꩻတစင် ပြုဲင်လီထိုꩻဗာႏအကျောင်ꩻခရာႏယို ဟဝ်ထောင်ထွား စောႏတနာႏသွုံꩻသပ်ချာꩻငါႏနောဝ်ꩻသွူ။ 

တွိုႏလွဉ်ယင်း ပုဂံႏခမ်း ကျန်စစ်သား ထွာခွန်စိုးနဝ်ꩻ ကွပ်ကျန်စစ်သားယို လွဉ်အုံခိုႏဗာႏဖို ပအိုဝ်ႏခမ်းလွယ်လံတဲင် ကေꩻဇူꩻအဝ်ႏဗာႏဖိုတွော့ꩻ ပအိုဝ်ႏစွိုးခွိုꩻအတာႏ ကျန်စစ်သားဖေႏလင်ꩻဗာႏ ခင်ႏလမ်း “ဆတွို့ꩻရပ်မုဲင်းသင်ꩻ (မဲင်ꩻကျမ်ꩻ)၊ ဆꩻထင်ꩻသုံꩻဆယ်ႏ၊ ဆကွဉ်ႏခယ်ႏလဝ်ꩻဝုန်း၊ ဆနဝ်လက်မွိုင်ꩻအေင်လား ထွာပအိုဝ်ႏယာႏ၊ အေင်လားလက်မွိုင်ꩻ ပအိုဝ်ႏတွိုင်ꩻ” အဝ်ႏလွေꩻနုဲင်းနောဝ်ꩻသွူ။ နဝ်ꩻဖုံႏလဲ့ ယိုခါထွာထိုꩻလဲဉ်း ငွေါဝ်းခြုဲင်းဒဏ္ဍာႏရီႏသွူ။ 

အင်္ဂလိပ် အုပ်ချွုတ်စိုးလဲ့ ပအိုဝ်ႏခွိုꩻရက်ပုဂ္ဂိုလ်ႏဖုံႏ အွဉ်ဝင်ꩻတွူႏတရန် လွိုဆန်စနစ်ကုဲင်ဖုံႏ အဝ်ႏအာတန်ဒျာႏသွူ။ မန်းခမ်းလꩻလွစ်တခြင်(လွတ်လပ်ရေꩻ)ထွူ ကွပ်ဒျာႏအုပ်ချွုတ်သားစနစ်အမျိုꩻမျိုꩻတဲင် ပအိုဝ်ႏဖုံႏလဲ့ တောႏလန်ႏလွေꩻဗာႏယင်းတလဲင်ႏ ဗတွိုႏလွဉ် ထွူႏလꩻငိမ်ꩻချံꩻရေꩻ ၁၉၉၁ဗာႏ၊ အစိုႏရအွဉ်ႏထွော့လွေꩻဖေႏ အထူꩻဒေႏသ(၆)၊ ခမ်း(၄)ခမ်း နုဲင်းနဝ်ꩻသွူ။ 

၂၀၀၈ဗာႏ၊ ဖွဲ့ဗူႏပွုံႏအခေႏခံႏဥပဒေႏအလꩻ ဥပဒေႏတဖွောင်ꩻအကို ပအိုဝ်ႏစွိုးခွိုꩻအတာႏ နမ်းပဲင်ႏအုပ်ချွုတ်ခွင်ꩻလꩻဒေႏသ (၃) ဝေင်ꩻနယ်ႏနဝ်ꩻ ဝင်ꩻအွဉ်ႏထွော့လွေꩻဖေႏ နဝ်ꩻသွူ။

မဉ်ႏအွဉ်ႏရေꩻထောင်ထွားစဲင်းစဲင်းနဝ်ꩻ ပအိုဝ်ႏခမ်းတန်ယို အဝ်ႏတန်တန် ကွဲပေႏပေႏသဲင်ꩻ အဝ်ႏနုဲင်းနဝ်ꩻတဲင် တဲႏဟန်ႏနီꩻမာꩻငါ နီစိုးယိုမာꩻငါ ပအိုဝ်ႏခမ်းဖေႏကတန်လွဉ်ချာ ဖေႏကအဝ်ႏနုဲင်ႏချာ သုဝဏ္ဏဘူမိခမ်းနဝ်ꩻ အဝ်ႏလိုႏသွောင်ႏသာတဝ်းနဲ့ မဲဉ်ရီငါႏသွူ။

နဝ်ꩻမꩻ ပအိုဝ်ႏစွိုးခွိုꩻအရေꩻတာႏ ကရုဲင်ꩻတသွိုးဒါႏ အစွိုꩻအဗူႏ အာအာဖုံႏအတာႏ တစွိုꩻတွမ််ႏ တစွိုꩻ လိုႏထီႏသင်ꩻရိုꩻသေႏချာငါႏ အာႏတလာလာတဲင် ကဗွိုန်ပီဒါႏ ရေꩻမိုးချက်ကဝ်ႏထွန်ႏယို အွဉ်ႏတဉ်ႏတဉ်ႏစွူစွူထွူ နီဓလေ့ထွုံꩻ၊ ယေန်ႏကေႏမုꩻဖုံႏယို ဗွိုန်ပီနုဲင်းဥပဒေႏကတဉ်ႏ လိုႏကျိုႏစာꩻငါႏ၊ စွိုးခွိုꩻဂွုဏ်ႏအင်္ဂါႏလက္ခဏာႏဖုံႏ ကရိုꩻဒါႏ အမျိုꩻသာꩻရေꩻယို အွဉ်ႏဆꩻငါꩻတဲင် အဝ်ႏလိုႏအွဉ်ႏဝင်ꩻ ရုဲင်ꩻညီႏညီႏသွိုသွိုလွေꩻငါႏဝင်ꩻအကျောင်ꩻ တွမ်ႏ “ပအိုဝ်ႏခမ်း” ကရိုꩻဒါႏ ရွမ်ꩻဖြုဲင်ꩻယတပုဒ်တဲင် မဉ်နိုꩻဆောႏတမာꩻလွေꩻဖေႏငါႏသွူဩ။ 


ခွန်ခွုံႏခေင်ႏ (အနုပညာႏခြာ)


Powered by Blogger.