Wednesday, July 8, 2015

ဖွဲ့စည်းပုံအခြေခံဥပဒေ အဓိကပြင်ဆင်ချက် ပုဒ်မအားလုံး ရှုံးနိမ့်

နေပြည်တော်၊ ၂၀၁၅ ခုနှစ်၊ ဇူလှိုင်လ (၉) ရက်

၂၀၀၈ ဖွဲ့စည်းပုံပြင်ဆင်ရေး အခြေခံဥပဒေပါ ပုဒ်မ (၃ဝ) ကျော်ကို ဇူလိုင်လ ၈ ရက်နေ့က ပြည်ထောင်စုလွတ်တော်မှာ မဲခွဲဆုံးဖြတ်နေစဉ်
Photo: Myo Thant Khaing/RFA
တိုင်းဒေသကြီးနဲ့ ပြည်နယ်ဝန်ကြီးချုပ်တွေကို သမ္မတက တိုက်ရိုက်ခန့်အပ်ခွင့်အစား သက်ဆိုင်ရာလွှတ်တော်တွေ က ရွေးချယ်တင်မြှောက်ခွင့်တို့ကို ပြင်ဆင်ထားတဲ့ ပုဒ်မ အပါအ၀င် ပုဒ်မပေါင်း (၃၀) လောက်ကို ပြည်ထောင်စု လွှတ်တော်မှာ ဒီနေ့ မဲခွဲဆုံးဖြတ်ရာမှာ ကန့်ကွက်သူကိုယ်စားလှယ်များတာကြောင့် အဓိကပြင်ဆင်ထားတဲ့ ပုဒ်မအားလုံး ရှုံးနိမ့်သွားပါတယ်။

ပြည်နယ်တွေနဲ့ တိုင်းဒေသကြီးတွေကို အခွန်ကောက်ခံခွင့်ပေးထားတဲ့ ပြင်ဆင်ချက်ကိုတော့ တပ်မတော်သား လွှတ်တော်ကိုယ်စားလှယ် ဗိုလ်မှူးချုပ်မောင်မောင် က ထောက်ခံ ဆွေးနွေးခဲ့ပါတယ်။
"တိုင်းဒေသကြီး သို့မဟုတ် ပြည်နယ်များကောက်ခံရမယ့် အခွန်ဌာနစာရင်းနဲ့ ပတ်သက်ပြီးတော့ ပြင်ဆင်ဖြည့် စွက်ပေးမယ့် အထက်ပါအချက်ပေါင်း (၃၄) ချက် အနက် အခွန်ကောက်ခံရန်မလိုတဲ့ မူဝါဒဆိုင်ရာကိစ္စရပ်တွေ၊ လူမှုရေးဆိုင်ရာကိစ္စရပ်တွေ၊ သဘာဝပတ်ဝန်းကျင် ထိန်းသိမ်းရေးဆိုင်ရာကိစ္စရပ်တွေမပါဘဲ ကျန်တဲ့အခွန်ကောက်ခံ ရမယ့် (၂၀) ချက်ကို ပြည်ထောင်စုကပြဌာန်းတဲ့ ဥပဒေနဲ့အညီ တိုင်းဒေသကြီး သို့မဟုတ် ပြည်နယ်တွင်း ဆောင်ရွက် ခွင့်ရှိသည့် အခွန်ကောက်ဆိုင်ရာလုပ်ငန်းများဖြင့် မူလ ပြဌာန်းထားခြင်းဖြစ်တဲ့ အချက် (၁၉) ချက်ရဲ့နောက်မှာ အသစ် ထပ်မံဖြည့်စွက်ရန် အဆိုပြုပြဌာန်းခြင်းဖြစ်ပါတယ်"။

တပ်မတော်သားကိုယ်စားလှယ်တွေ ထောက်ခံတဲ့ တိုင်းဒေသကြီးနဲ့ ပြည်နယ်အစိုးရ အခွန်ကောက်ခံခွင့်တွေကလွဲပြီး ၀န်ကြီးချုပ်ခန့်အပ်ခွင့်၊ ကိုယ်စားလှယ် ရုပ်သိမ်းခွင့်၊ နိုင်ငံတော်သမ္မတအပါအ၀င် အစိုးရအဖွဲ့ဝင်တွေ တာဝန်ပူးတွဲ ထမ်းဆောင်ခွင့်စတာတွေ ရှုံးနိမ့်သွားတာဖြစ်ပါတယ်။ ပြည်ထောင်စုလွှတ်တော်မှာ ကိုယ်စားလှယ် (၆၃၃) ယောက် ရှိရာ ကိုယ်စားလှယ် (၄၀၀) နီးပါးကသာ ပြင်ဆင်ချက်တွေကို ထောက်ခံကြတာ ဖြစ်ပါတယ်။ (၄၇၅) မဲရမှသာ ပြင်ဆင်လိုတဲ့ ပုဒ်မတွေကို ပြင်ဆင်နိုင်မှာ ဖြစ်ပါတယ်။ ပြင်ဆင်ချက်အားလုံးနီးပါး ရှုံးနိမ့်သွားတဲ့အတွက် ဖွဲ့စည်းပုံအခြေခံဥပဒေမှာ အရင်ပြဌာန်းချက်တွေအတိုင်းသာ အသက် ၀င်မှာဖြစ်ပါတယ်။


မှတ်ချက် - RFA သတင်းဌာန၏ Website စာမျက်နှာမှ ကူးယူဖော်ပြပါသည်

Powered by Blogger.