တောင်ကြီး၊ ၂၀၁၆ ခုနှစ် ၊ အောက်တိုဘာလ (၂၈) ရက်
ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ နောင်မွန်ကျေးရွာအုပ်စု၊ နောင်ခမ်း ဘက်စုံဖွံ့ဖြိုးရေးကွင်းသင်တန်းကျောင်းတွင် ပအိုဝ်းအမျိုးသားအဖွဲ့ချုပ်(PNO)၊ဗဟိုဌာနချုပ်ရုံးရှိ ပါရမီဖွံ့ဖြိုးရေးကွန်ယက်(PDN)နှင့် MEDAတို့ ပူးပေါင်းပြီး အမျိုးသမီးများအတွက် စီးပွါးရေးဆိုင်ရာအခွင့်အလမ်းများ စီမံချက်စိုက်ပျိုးရေးအခြေခံသင်တန်းကို ဆရာမဒေါ်စုရည်မွန်ဦးဆောင်ပြီး ၂၀၁၆-ခုနှစ်၊ အောက်တိုဘာလ(၂၆)ရက်မှ (၂၈)ရက်အထိ ကျင်းပပြုလုပ်ခဲ့ပါသည်။
အဆိုပါစိုက်ပျိုးရေးအခြေခံသင်တန်းကို ပြုလုပ်ရခြင်းရည်ရွယ်ချက်များမှာ- (၁) မြေဆီလွှာ၏ သဘောသဘာဝကို နားလည်သိရှိစေရန်။ (၂) အပင်အာဟာရဓါတ်များနှင့် ၄င်းတို့၏အခန်း ကဏ္ဍအား နားလည်သဘောပေါက်စေရန်။ (၃) မြေသြဇာများကို စနစ်တကျအကျိုးရှိစွာသုံးစွဲတတ်ရန် တို့ဖြစ်သည်။
၎င်းသင်တန်းတွင် ပါရမီဖွံ့ဖြိုးရေးကွန်ယက်(PDN)မှ အတွင်းရေးမှူးခွန်ချစ်ဦးတို့ ဦးဆောင်သော ၀န်ထမ်း(၆)ဦး၊ ကျေးရွာပေါင်း(၇)ရွာမှ သင်တန်းသူသင်တန်းသား(၂၄)ဦး တက်ရောက်ခဲ့ ကြကြောင်း သတင်းရရှိပါသည်။
ခွန်အောင်ထွိုက်ဗွေ
Like On Facebook
Follow On Twitter
Subscribe On RSS