Saturday, July 22, 2017

နောင်ခမ်းစိုက်ပျိုးရိပ်သာ၏ လုပ်ငန်းသုံးသပ်ဆွေးနွေးပွဲ ပြုလုပ်

တောင်ကြီး၊ ၂၀၁၇ ခုနှစ်၊ ဇူလိူင်လ (၂၂) ရက်



၂၀၁၇ ခုနှစ်၊ ဇူလှိုင်လ(၂၂)ရက်၊ စနေနေ့ မွန်းလွဲပိုင်း(၂း၀၀)နာရီအချိန်တွင် တောင်ကြီးမြို့၊ ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံး၌ နောင်ခမ်းဖွံ့ဖြိုးရေးရိပ်သာ၏ လုပ်ငန်းသုံးသပ်ခြင်း ဆွေးနွေးပွဲ ပြုလုပ်ကျင်းပခဲ့ကြောင်းသိရှိရပါသည်။

အဆိုပါဆွေးနွေးပွဲသို့ ပအိုဝ်းကိုယ်ပိုင်အုပ်ချုပ်ရဒေသ ဦးစီးဥက္ကဋ္ဌ ဖြားခွန်စံလွင်၊ ပအိုဝ်းအမျိုးသားအဖွဲ့ချုပ် (PNO) အတွင်းရေးမှူးချုပ် ဖြားခွန်သိန်းဖေ(အမျိုးသားလွှတ်တော်ကိုယ်စားလှယ်)၊ ဟိုပုံးမြို့နယ် ပြည်သူ့လွှတ်တော်ကိုယ်စားလှယ် ခွန်အောင်ကျော်၊ ရွှေကျွန်းမျှောဟိုတယ် (GIC Group)မန်နေဂျာ ဖြားခွန်မောင်ငွေ၊ ရုံးအဖွဲ့မှူး ဦးစောခွန်ကျော်ဝင်း၊ ပအိုဝ်းအမျိုးသားအဖွဲ့ချုပ်(PNO)ဗဟိုအလုပ်မှုဆောင် ဖြားခွန်ချွန်း၊ ပအိုဝ်းအမျိုးသားအဖွဲ့ချုပ် ဗဟိုကော်မတီ ဖြားခွန်မော်ပေ၊ မေတ္တာဖောင်ဒေးရှင်း တောင်ကြီးရုံးခွဲတာဝန်ခံ ဒေါ်စန်းဝေနှင့် နောင်ခမ်းဖွံ့ဖြိုးရေးရိပ်သာမှ အဖွဲ့အစည်းဆိုင်ရာ ဆက်ဆံရေးတာဝန်ခံ ဦးခွန်မျိုးညွှန့်တို့ တက်ရောက်ခဲ့ကြောင်းသိရှိရပါသည်။

နောင်ခမ်းဖွံ့ဖြိုးရေးရိပ်သာ၏ ၂၀၀၃ခုနှစ်မှ ၂၀၁၇-ခုနှစ်အထိ (၁၄)နှစ်တာဆောင်ရွက်ခဲ့သည့် လုပ်ငန်းအတွေ့အကြုံအကျဉ်းကို နောင်ခမ်းဖွံ့ဖြိုးရေးရိပ်သာအဖွဲ့အစည်းဆိုင်ရာ ဆက်ဆံရေးတာဝန်ခံ ဦးခွန်မျိုးညွန့်မှ ရှင်းလင်းတင်ပြပြီး၊ လာမည့်အနာဂတ်ကာလများတွင် နောင်ခမ်းဖွံ့ဖြိုးရေးရိပ်သာကို အခြေပြု၍ ဆက်လက်လုပ်ဆောင် အကောင်အထည်ဖော်သွားမည့်လုပ်ငန်းစဉ်များနှင့် စပ်လျဉ်း၍ ဆွေးနွေးညှိနှိုင်း ခဲ့ကြောင်း သိရှိရပါသည်။

အဆိုပါ နောင်ခမ်းဖွံ့ဖြိုးရေးရိပ်သာ၏ ရည်ရွယ်ချက်မှာ ကျေးလက်တောရွာနေပြည်သူတို့၏ စီးပွားရေး၊ ကျန်းမာရေး၊ ပညာရေး၊ လူနေမှု အဆင့်အတန်း မြှင့်တင်ရေးအတွက် စိုက်ပျိုးရေး၊ မွေးမြူရေး၊ ရေအရင်းအမြစ်ထိန်းသိမ်းရေး၊ သစ်တောထိန်းသိမ်းရေးပညာပေးပြီး ရှမ်းပြည်နယ်တစ်ခုလုံး နည်းပညာပြန့်ပွားစေရန်ဖြစ်ပြီး မေတ္တာဖောင်ဒေးရှင်းနှင့် ပအိုဝ်းအမျိုးသားအဖွဲ့ချုပ်(PNO)တို့ ပူးပေါင်းအကောင်အထည်ဆောင်ရွက်သည့် စီမံကိန်းဖြစ်ကြောင်းကိုလည်းသိရှိရပါသည်။

နန်းတဆံထီ

Powered by Blogger.