၂၀၁၅ ရွေးကောက်ပွဲအပြီး ပအိုဝ်းဒေသအလှ

တောင်ကြီး၊ ၂၀၁၈ ခုနှစ်၊ မေလ (၂၅)ရက်

ကျွန်ုပ်တို့ပအိုဝ်းလူမျိုးများသည် ရှမ်းပြည်နယ်တောင်ပိုင်းတွင်သာမက ကရင်ပြည်နယ်၊ ကယားပြည်နယ်၊ မွန်ပြည်နယ်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ နေပြည်တော်ကောင်စီနယ်မြေ စသည့်ဒေသပေါင်းစုံတို့တွင် ပျံ့နှံ့စွာနေထိုင်နေကြသည်။ ထိုသို့ ပြန့်နှံ့စွာနေထိုင်ကြသည့် အလျောက် စည်းလုံးညီညွတ်စွာနေထိုင်ကြသည်မှာ ဘယ်နေရာတွင်မဆို စည်းလုံးမြဲဖြစ်သည်။ စည်းလုံး ညီညွတ်စွာနေထိုင်ကြသည့် ပအိုဝ်းလူမျိုးများနှင့် မျိုးချစ်ပအိုဝ်းခေါင်းဆောင်ကြီးများ၏ ကျောသားရင်သား မခွဲခြားသော မွန်မြတ်သည့်စိတ်ဓါတ်များဖြင့် ဦးဆောင်ပေးမှုများကြောင့် မိမိတို့ပအိုဝ်းဒေသသည် ယခင်ကထက်များစွာတိုးတက်ပြောင်းလဲလာသည်ကို မျက်ဝါးထင်ထင် တွေ့မြင်နေကြပေသည်။

ကျွန်ုပ်နေထိုင်သည့် မြို့နယ်မှာ ရှမ်းပြည်နယ်တောင်ပိုင်းရှိ မြို့နယ်တစ်နယ်ဖြစ်ပြီး ထိုမြို့နယ်တွင် လူထုကို ကိုယ်စားပြုသည့် လွှတ်တော်ကိုယ်စားလှယ်များမှာ မိမိတို့ရပ်ရွာလူထုများမျှော်လင့်တောင်းတနေသော ရပ်ရွာဖွံ့ဖြိုးတိုးတက်ရေး စသည့်လုပ်ငန်းများကို အားတက်သရော ဆောင်ရွက်ပေးမှု၊ ကိုယ်စားပြုမှုများလည်း လုပ်ဆောင်နေပါသည်။ သို့သော် လုပ်ဆောင်ပေးမှုများမရှိသောအရာများလည်းရှိနေသည်။ ထိုသည်ကို စိတ်ခံစားမှုဖြင့် မစဉ်းစားတော့ဘဲ မိမိတို့လူထုများအပေါ်ကျောသားရင်သားမခွဲခြားဘဲ ပအိုဝ်းကျေးရွာတိုင်း ဖွံ့ဖြိုးတိုးတက်လာစေရန် ကူညီပေးသော မိမိတို့ပအိုဝ်းအမျိုးသားအဖွဲ့ချုပ် (PNO)နှင့် ကိုယ်ပိုင်အုပ်ချုပ်ခွင့်ရ ဒေသဦးစီး ဥက္ကဋ္ဌအပါအဝင်ကျေးဇူးတင်ထိုက်သူများကို ကျွန်ုပ်တို့မြို့နယ်ရှိ ပြည်သူလူထုများအားလုံးကလည်း ကျေးဇူးအထူးတင်မိပါသည်။

ကျွန်ုပ်တို့ရွာသည် ပအိုဝ်းလူမျိုးများသာနေထိုင်သော ပအိုဝ်းကျေးရွာတစ်ရွာဖြစ်သည်။ ၂၀၁၀ -ခုနှစ် အထွေထွေရွေးကောက်ပွဲကျင်းပသောအချိန်တွင် ပအိုဝ်းအမျိုးသားအဖွဲ့ချုပ် (PNO)ပါတီက ဝင်ရောက်ယှဉ်ပြိုင် ခြင်းမရှိပေ။ ၂၀၁၀-ရွေးကောက်ပွဲကျင်းပပြီးအချိန်မှ ၂၀၁၅-ခုနှစ် အထွေထွေရွေးကောက်ပွဲမကျင်းပမီ အချိန်ထိ ကျွန်ုပ်တို့ရွာဖွံ့ဖြိုးရေးကို တစ်စုံတစ်ရာမျှလုပ်ဆောင်နိုင်ခြင်းမရှိပါ။ သို့သော် မိမိတို့ကျေးရွာကို ဦးဆောင်သော ကျေးရွာကော်မတီများနှင့် အရှေ့ပိုင်းတိုင်းစစ်ဌာနချုပ်များချိတ်ဆက်နိုင်ခဲ့မှုကြောင့် ကျေးရွာအတွင်းလိုအပ်နေသော ရေရရှိရေး စသည်တို့ကို ကျေးရွာရှိပြည်သူလူထုများတတ်နိုင်သော ငွေကြေးတစ်ချို့နှင့် လုပ်အားများ ပေါင်းစပ်ကာ အနည်းအကျဉ်းဆောင်ရွက်နိုင်ခဲ့သည်။

၂၀၁၅-ခုနှစ်၊ အထွေထွေရွေးကောက်ပွဲကျင်းပချိန်တွင် မိမိတို့ပအိုဝ်းခေါင်းဆောင်များနှင့် မျိုးချစ်ပုဂ္ဂိုလ်များက ကျွန်ုပ်တို့ပအိုဝ်းလူမျိုးအတွက် ဆောင်ရွက်ရန် လိုအပ်နေသေးသော လုပ်ငန်းများကို နိုင်ငံတော်အစိုးရ၏ လုပ်ထုံးလုပ်နည်းများကိုနားလည်ပြီးထိုအတိုင်း အနီးကပ်လုပ်ဆောင်နိုင်ရန်အမျော်အမြင်ဖြင့် ပအိုဝ်းအမျိုးသား အဖွဲ့ချုပ် (PNO) ပါတီကဝင်ရောက်ယှဉ်ပြိုင်ခဲ့သည်။ သို့သော်လည်း ပအိုဝ်းပြည်သူလူထုများနှင့် ပအိုဝ်းမျိုးချစ် ခေါင်းဆောင်များ၏ မျှော်လင့်တောင့်တချက်ကို သွေးကွဲသောလူတစ်စုကြောင့် ပအိုဝ်းအမျိုးသားအဖွဲ့ချုပ် (PNO)ပါတီနှင့် အနိုင်ရပါတီ၏မဲကွာခြားမှုမှာ (၆၅၇၉၉)မဲနှင့် (၆၅၁၆၉)မဲ စသည့် မဲ (၆၃၀) မဲနှင့်သာ ရှုံးနိမ့်ခဲ့ရသည်။ မဲရေတွက်ပြီးချိန်မှစပြီး မိမိတို့ကျေးရွာများ မျှော်လင့်ချက် နည်းပါးခဲ့ရသည်။

သို့သော် မိမိတို့ပအိုဝ်းကျေးရွာတိုင်းသာမက နီးစပ်ရာနယ်မြေအားလုံးငြိမ်းချမ်းသာယာပြီးဖွံ့ဖြိုးတိုးတက်ရေးရရှိစေရန်ရည်ရွယ်၍ ပအိုဝ်းမျိုးချစ်ခေါင်းဆောင်များ၏ဦးဆောင်လမ်းညွန်မှုဖြင့် ကျွန်ုပ်တို့ ကျေးရွာသည်လည်း ကျန်မြို့နယ်များနည်းတူ လမ်းပန်းဆက်သွယ်ရေးဖြစ်သော ကျေးရွာချင်းချိတ်ဆက်လမ်းများ၊ ရိုးရိုးလမ်းမှ မြေသားလမ်း၊ မြေသားကျောက်ကြမ်းလမ်းမှ ကတ္တရာလမ်းစသည်ဖြင့် အဆင့်ဆင့်ဆောင်ရွက်လာနိုင်ခဲ့သည်။ လိုအပ်နေသေးသည် အရာများကိုလည်းဆက်လက်ဆောင်ရွက်ပေးနိုင်ရန် သားရင်းသဖွယ် ဆွေးနွေးဆက်ဆံမှုများပြုလုပ်လျက်ရှိသည်။

ထိုထက်မက ပအိုဝ်းလူငယ်များအလုပ်အကိုင်အခွင့်အလမ်းရရှိစေရန်နှင့် ဌာနဆိုင်ရာများအတွင်း ပအိုဝ်းပညာတတ်လူငယ်များ များများပါဝင်လာစေရန် အလုပ်အကိုင်ခေါ်ယူသောဌာနများကို ပအိုဝ်းပြည်သူအားလုံးလက်လှမ်းမီအောင် ဌာနတစ်ခုအနေဖြင့်ဖွင့်လှစ်ကာ ဝက်ဆိုဒ်တစ်ခုဖြင့် အတိအလင်းကြေညာပေးပြီး လိုအပ်သော ဖောင်ပုံစံများနှင့် အခြားဗဟုသုတများကိုလည်း ထိုဌာနမှတစ်ဆင့် သက်ဆိုင်ရာဌာနသို့ ရောက်ရှိစေရန် လုပ်ဆောင်ပေးနေပါသည်။ ထို့သို့လုပ်ဆောင်ပေးမှုကြောင့် အလုပ်အကိုင်လိုအပ်သော ပအိုဝ်း လူငယ်များလည်း အလုပ်အကိုင်မြောက်မြားစွာ ရရှိနေပြီဖြစ်သည်။

ပအိုဝ်းမျိုးချစ်ခေါင်းဆောင်များ၏စီမံခန့်ခွဲပေးမှုများဖြင့် ယနေ့ပအိုဝ်းလူမျိုးများနေထိုင်ရာမြို့နယ်အလိုက် နည်းသည်ဖြစ်စေ၊ များသည်ဖြစ်စေ အားငယ်သိမ်ငယ်ခြင်းမရှိတော့ဘဲ လိုအပ်ချက်များလည်း ပအိုဝ်းလူမျိုးအချင်းချင်းကို ဆွေးနွေးတိုင်ပင်နိုင်ပြီဖြစ်ကြောင်းနှင့် ပအိုဝ်းလူမှုအသင်းအဖွဲ့များလည်း စုံလင်စွာ ပေါ်ပေါက်လာပြီဖြစ်သည်။ (ဥပမာ- ပအိုဝ်းတိုင်းရင်းဆေးဆရာအသင်း၊ ပအိုဝ်းသွေးလှူရှင်အသင်း၊ ပအိုဝ်းကြက်ခြေနီအသင်း၊ ပအိုဝ်းဘောလုံးဒိုင်အသင်း၊ ပအိုဝ်းလူငယ်ကွန်ယက်------ စသည့် အသင်းပေါင်းစုံဖြင့် ကိုယ့်အားကိုကိုးနိုင်သော ပအိုဝ်းလူမျိုးဖြစ်လာပြီဖြစ်သည်။

ထိုသို့သော ပအိုဝ်းမျိုးချစ်ခေါင်းဆောင်များ၏ ဘက်စုံထောင့်စုံစီစဉ်ပေးမှုကြောင့် ကျွန်ုပ်တို့ ကျေးရွာသည်လည်း မိဘရင်းနှင့်နေထိုင်ခွင့်မရသော ကလေးသဖွယ်ခံစားရမှုများ ပျောက်ပြယ်ပြီး မိဘရင်းနှင့်နေထိုင်ရ သောခံစားမှုများဖြင့် နွေးထွေးလုံခြုံမှုများရရှိနေသည်။ ထိုသို့နေထိုင်နိုင်ခြင်းမှာ မိမိတို့ ပအိုဝ်းလူမျိုးများကို သားရင်းသမီးရင်းသဖွယ် ကျောသားရင်သားမခွဲခြားဘဲ ရင်အုပ်မကွာအုပ်ချုပ်ခဲ့သော ကျွန်ုပ်တို့၏ မျိုးချစ်ပအိုဝ်း ခေါင်းဆောင်များသာဖြစ်ကြောင်းကို ကျွန်ုပ်တို့ကိုယ်တိုင်ခံစားနေရပြီဖြစ်သည်။

နန်းစိန်ကျင်း (အွံအား)