အဆိုပါအောင်ပွဲအခမ်းအနားသို့ ပအိုဝ်းစာပေနှင့်ယဉ်ကျေးမှု (ဗဟို) ဥက္ကဋ္ဌ ဖြားခွန်ဝင်းကို မှ အဖွင့်အမှာစကားပြောကြားပြီး ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံး၊ တွဲဖက်အတွင်းရေးမှူး (၃) ဖြားခွန်တင်ထွဠ် မှ ပြောကြားချက်မှာ ယခုလိုကြက်ခြေနီသင်တန်းနှင့် ရှေးဦးသူနာပြုသင်တန်းများသည် မိမိတို့မြို့နယ်၊ ကျေးရွာဒေသများအတွင်း သဘာဝဘေးအန္တရာယ်များကို ရှေးဦးသူနာပြုနည်းဖြင့် အရေးပေါ်ကုသနိုင်အောင်၊ ကျန်းမာရေးကိစ္စရပ်များ ကူညီနိုင်အောင်၊ အရေးပေါ်ကုသသည့်နည်းများ၊ မတော်တဆထိခိုက်ဒဏ်ရာရရှိသူများ ကုသသည့်နည်းလမ်းများ၊ လူနာသယ်ယူပို့ဆောင်ခြင်းနည်းလမ်းများ ၊ ပတ်တီးစည်းပုံစည်းနည်း နည်းလမ်းများ၊ စသည့်နည်းလမ်းများကို ကုသနိုင်အောင်သင်ကြားပေးနေကြောင်းပြောကြားခဲ့ပါသည်။
ဆက်လက်ပြီး ရှမ်းပြည်နယ်ကြက်ခြေနီ ကြီးကြပ်မှုကော်မတီ ဥက္ကဌဒေါက်တာလှအေးမှ အဖွင့်အမှာစကား ပြောကြားရာ တတ်ကျွမ်းသည့်ဆရာ/မများဖြင့် သင်ကြားပေးနေသောကြောင့် လက်တွေ့အပြင်မှာ တကယ်အသုံးပြုနိုင်သည်ကို ယုံကြည်မိပါကြောင်း၊ ရပ်ရွာဒေသပြန်ရောက်သည့်အချိန်တွင် ဆင့်ပွားပြန်လုပ်ပေးရန်လိုအပ်ကြောင်း၊ ပတ်ဝန်းကျင်ရှိထိခိုက်ဒဏ်ရာရရှိသူများသည်လည်း အချိန်မှီပြုစုကုသပေးနိုင်ရန် ကြိုးစားကြပါကြောင်း ပြောကြားခဲ့ပါသည်။
ယခုသင်တန်းသည် သြဂုတ်လ (၉) ရက်နေ့မှ သြဂုတ်လ (၁၈) ရက်နေ့အထိ (၁၀) ရက်သာသင်တန်းဖြစ်ပြီး ဟိုပုံး၊ ပင်လောင်း၊ ဆီဆိုင်၊ တောင်ကြီး၊ ကျောက်တလုံး၊ ပင်လုံမြို့နယ်များမှ သင်တန်းသူ/သား (၇၂) ဦးတက်ရောက်သင်ကြားကြောင်းသိရသည်။
အဆိုပါအခမ်းအနားများကို ပအိုဝ်းစာပေနှင့်ယဉ်ကျေးမှု (ဗဟို) ဥက္ကဋ္ဌ ဖြားခွန်ဝင်းကို နှင့်အဖွဲ့များ၊ ပအိုဝ်းအမျိုးသားအဖွဲ့ချုပ်(PNO)၊ တွဲဖက်အတွင်းရေးမှူး (၃) ဖြားခွန်တင်ထွဠ် နှင့်အဖွဲ့များ၊ ရှမ်းပြည်နယ်ကြက်ခြေနီ ကြီးကြပ်မှုကော်မတီ ဥက္ကဋ္ဌဒေါက်တာလှအေး နှင့်အဖွဲ့များ၊ ပအိုဝ်းတိုင်းရင်းဆေးဆရာအဖွဲ့များ၊ သင်တန်းနည်းပြဆရာ/မများ၊ ဖိတ်ကြားထားသော ဧည့်သည်တော်များ တက်ရောက်ကြောင်းသိရှိရပါသည်။
နန်းအိနြေ္ဒခမ်း
Like On Facebook
Follow On Twitter
Subscribe On RSS