Friday, September 20, 2019

ဆုံးဖြတ်ချက်

တောင်ကြီး၊ ၂၀၁၉ ခုနှစ်၊ စက်တင်ဘာလ (၂၀)ရက်


အဘယ်ကြောင့် ဆုံးဖြတ်ချက်ခိုင်မာရန် လိုအပ်သနည်း။
လူတို့သည် နေ့စဉ်ဘဝအလုပ်လုပ်ရာတွင် ဆုံးဖြတ်ချက်ဖြင့် အလုပ်လုပ်ကြသည်။ ဆုံးဖြတ်ချက်ချ ရာတွင် မှန်ကန်သော ဆုံးဖြတ်ချက်ချခြင်းသည် အလွန်အရေးကြီးပါသည်။ တစ်စုံတစ်ယောက်၏ ဆုံးဖြတ်ချက်ကြောင့် ကျွန်ုပ်တို့ကို ကောင်းကျိုးပြုနိုင်သကဲ့သို့ ဆိုးကျိုးများလည်း သက်ရောက်နိုင်ပါသည်။

သတ္တဝါတို့သည် ဆုံးဖြတ်ချက်ချရာတွင် ခိုင်မာရန်အတွက် အလွန်အရေးပါပါသည်။ ခိုင်မာမှန်ကန်သော ဆုံးဖြတ်ချက်ချရာတွင် တောင်များကဲ့သို့ မတုန်လှုပ်အောင် ကြံ့ခိုင်သောစိတ်ဓာတ်တည်ကြည်မှုသည် အလွန်အရေးကြီးပါသည်။ စိတ်ဓာတ်မကြံ့ခိုင်၊ မတည်ကြည်ပါက တစ်စုံတစ်ယောက်၏စကားကြောင့် ရေငွေ့ကဲ့သို့ အငွေ့ပြန်ကာ လေထဲ၌ပျောက်ကွယ်သွားတတ်သည်။ ထိုစိတ်ဓာတ်တည်ကြည်ရန်အတွက် သတိထားရန် အလွန်အရေးပါသည်။

မှားသည်မှန်သည် စောင့်ကြည့်မည့် သတိသည် အလွန်အရေးပါ၏။ သတိမရှိသည့်နောက်သည် မောဟလိုက်၏။ မောဟသည် ကိတ်မုန့်လို ချိုမြိန်နူးညံ့၏။ လူတစ်ယောက် မောဟဖြစ်သော အချိန်တွင် ကိုယ့်ကိုယ်ကို မောဟဖြစ်မှန်းသိပ်၍မသိကြချေ။ ထို့ကြောင့် မောဟမဖြစ်ရန်အတွက် သတိကြီးစွာ ထားရမည်ဖြစ်ပါသည်။ လူတစ်ယောက်သည် ကိုယ့်ကိုယ်ကို ဒေါသဖြစ်စေသော အလုပ်လုပ်ရာတွင်ဖြစ်စေ၊ စကား၌ဖြစ်စေသတိမထားဘဲ ဒေါသဖြင့် မမှန်မကန်ဆုံးဖြတ်သောအရာသည် ကိုယ့်ကိုယ်ကို ဘဝပျက်သည်အထိ ဒုက္ခပေးတတ်သည်။

မှန်ကန်သောဆုံးဖြတ်ချက်ချသည်လည်း အများအကျိုးဆောင်ခြင်းနှင့်တူပါသည်။ လူတော်တေ်ာ များများသည် ပရဟိတအဖွဲ့ဝင်မှသာလျှင် အများအကျိုးဆောင်သည်ဟုမြင်ကြသည်။ ပရဟိတအဖွဲ့ဝင်မှ အများကောင်းကျိုးဆောင်ခြင်းမဟုတ်ပါ။ ဥပမာ- လူတစ်ယောက်သည် မှန်ကန်သောဆုံးဖြတ်ချက်ချပြီး ကိုယ်တိုင်အကောင်ထည်ဖော်ကာ ကိုယ့်အတွက်အကျိုးရှိသကဲ့သို့၊ အများအကျိုးလည်းရှိခြင်းသည် အများအကျိုး ဆောင်ခြင်းဟူ၍လည်း ပြောဆိုနိုင်သည်။ လူအများကိုလည်းမထိခိုက် ကိုယ့်ကိုယ်လည်း မထိခိုက်ခြင်းသည်လည်း အများကောင်းကျိုးဆောင်ရွက်ခြင်းနှင့်အတူတူပင်ဖြစ်သည်။ ထို့ကြောင့် မှန်ကန်သော ဆုံးဖြတ်ချက်ချပြီး အကောင်အထည်ဖော်ရန်မှာ အလွန်အရေးပါပါသည်။

မှန်ကန်သောဆုံးဖြတ်ချက်ခိုင်မာရန်အတွက် ဝီရိယသည်လည်းလိုအပ်ပေသည်။ ဝီရိယအားထုတ် လျှင် အကောင်းနှင့်ကြုံတွေ့နိုင်သကဲ့သို့ အဆိုးနှင့်လည်းကြုံတွေ့နိုင်သေးသည်။ ဘယ်အခြေအနေကို ကြုံ တွေ့သည်ဖြစ်စေ ကြံ့ခိုင်သောစိတ်ဓာတ်ဖြင့် အားမလျော့ဘဲကြိုးကြိုးစားစားအားထုတ်ရမည်ဖြစ်သည်။ သာမာန်လူတော်တော်များများသည် ကိုယ်လုပ်ရမည်ဖြစ်သော အလုပ်တစ်ခုကို မှန်ကန်အောင်ဆုံးဖြတ်ချက်ချပြီး အခြားသောလူက(မင်းဒါမလုပ်နဲ့ ဒါလုပ်) ဟုပြောသောအခါ ကိုယ်လုပ်သင့်သောအလုပ်ကို လုပ်ရန်တွန့်တိုကြသည်။ ကိုယ်ချသောဆုံးဖြတ်ချက်မှန်ကန်ပါက အခြားသူသည် ကိုယ့်ကိုယ်စကား ပြောလာလျှင် စိတ်ထဲတွင်မထားဘဲ ကိုယ့်အလုပ်ကိုယ်လုပ်လျှင် ဆုံးဖြတ်ချက်ခိုင်မာလာလိမ့်မည်ဖြစ်သည်။ အကယ်၍ ကိုယ်မတော်တဆဆုံးဖြတ်ချက်မှားလျှင် သတိကြီးစွာထားပြီး စိတ်ပျက်လက်ပျက် ထိုင်မနေဘဲ (လဲကျလျှင်ပြထ) ဟူသော စကားပုံအတိုင်းမှား ယွင်းသောဆုံးဖြတ်ချက်ကို သင်ခန်းစာယူပြီး ပြန်၍ ပြင်ဆင်ရမည်ဖြစ်ပါသည်။

လောဘစိတ်၊ ဒေါသစိတ်နှင့် မောဟစိတ်စသည့် မကောင်းသောစိတ်ဖြင့် မမှန်မကန်ဆုံးဖြတ်သည့် ဆုံးဖြတ်ချက်များသည်လည်း အလွန်သတိထားစရာကောင်းသည့် အချက်ဖြစ်သည်။ လူသည် ထိုမကောင်း သောစိတ်ရှိလျှင် အတ္တဆန်သောဆုံးဖြတ်ချက်များကို ဆုံးဖြတ်လေ့ရှိသည်။ ထိုအတ္တဆန်သောစိတ်များ ကြောင့် မာနလည်း တစ်ဖြည်းဖြည်းကြီးလာသည်။ ထိုမာနကြောင့် အခြားသူများထံတွင် မလေ့လာမသင် ကြားဘဲ သူ့ကိုယ်သူ လူတတ်ကြီးထင်နေလေတော့သည်။ မလေ့လာမသင်ကြားသောကြောင့် သူသည် အသိဥာဏ်ကင်းမဲ့ပြီး သူလုပ်သမျှ မှန်သည်ဟု ထင်နေလေတော့သည်။

ကိုယ်ကိုတိုင် ဆုံးဖြတ်ချက်မချခင်တွင် အရင်တွေးပြီး ချသောအခါတွင်လည်း တစ်ပြိုင်နက်ထဲအသိ ဥာဏ်ဖြင့် ဆုံးဖြတ်ရမည်ဖြစ်သည်။ ဆုံးဖြတ်ချက်ချပြီးသောအခါတွင်လည်း ပြန်လည်သုံးသပ်ရန် လိုအပ်ပါ သည်။ ပြန်လည်သုံးသပ်ပြီးလျှင် မှားလျှင်ပြင်ပြီး မှန်ကန်ပါက ဆုံးဖြတ်ချက်ကိုခိုင်မာသည်ထက် ခိုင်မာလာအောင် ထိန်းသိမ်းရမည်ဖြစ်သည်။

ထို့ကြောင့် သတိကြီးစွာဖြင့် ဆုံးဖြတ်ချက်ကို နေ့စဉ်နေ့တိုင်း လူ့ဘဝအတွက် အလွန်အရေးကြီးသည်ဟု စိတ်ထဲတွင် မြဲမြဲမှတ်ထားကာ မှန်ကန်သောဆုံးဖြတ်ချက်များဖြင့် အလုပ်လုပ်ပြီး ထိုမှန်ကန်သော ဆုံးဖြတ်ချက်များကို ကျွန်ုပ်တို့ မပျောက်ကွယ်သွားအောင် ထိန်းသိမ်းပြီး မှန်ကန်သောအလုပ်ကို ကျွန်ုပ်တို့ကိုယ်တိုင် လုပ်ရမည်ဖြစ်ပြီးနေ့စဉ်ဘဝတွင် တိုးတက်သည်ထက်တိုးတက်အောင် နေထိုင်ဖို့ရန်အတွက် ခိုင်မာမှန်ကန်သော ဆုံးဖြတ်ချက်များကို ကျွန်ုပ်တို့ကိုယ်တိုင်အသိဥာဏ်ဖြင့်ဆုံးဖြတ်ရမည်ဖြစ်ပါသည်။

ခွန်သိန်းခွန်

Tuesday, September 17, 2019

စိုးရိမ်ဖွယ်ရာ တို့ရပ်ရွာ

တောင်ကြီး၊ ၂၀၁၉ ခုနှစ်၊ စက်တင်ဘာလ (၁၇)ရက်

Credit-Photo

ယနေ့ ကမ္ဘာပေါ်တွင် နေထိုင်သည့် လူသားအားလုံးတို့သည် အသိပညာ၊ ဗဟုသုတများ ဖွံ့ဖြိုးတိုးတက်လာသည်နှင့်အညီ လူနေမှုအဆင့်အတန်းသည်လည်း မြင့်မားလာသည်ကို တွေ့မြင်နေရပါသည်။ ဤကဲ့သို့ လူနေထိုင်မှုအဆင့်အတန်းမြင့်မားလာခြင်းသည် ကောင်းသောလက္ခဏာဖြစ်ပါသည်။ သို့သော်လည်း လူနေထိုင်မှုအဆင့်အတန်းမြင့်မားစွာ နေထိုင်နိုင်ရေးအတွက် ဝင်ငွေကွာဟမှုသည် လူသားတို့အတွက် အဓိကပြဿနာတစ်ရပ်ဖြစ်လာပါသည်။ ခေတ်စနစ်အားဖြင့် ယနေ့မြန်မာနိုင်ငံသည် လွတ်လပ်သောခေတ်စနစ်ဆိုပြီး လက်ခံနိုင်သော်လည်း ဝင်ငွေကွာဟမှုတို့ကြောင့် လူသားအားလုံးတို့ စားဝတ်နေရေး၊ ပညာရေး၊ ကျန်းမာရေးအတွက်  အပြည့်အဝခံစားနိုင်စေရန် လူသားအချင်းချင်း စာနာထောက်ထားမှု၊ ရိုင်းပင်းကူညီမှုစိတ်ထား အားနည်းလာသကဲ့သို့ လူတို့၏ အကျင့်သီလသိက္ခာ သည်လည်း ပျက်စီးလာပြီဖြစ်သည်။ အချို့တွင် စားဝတ်နေရေးအတွက် လောဘစိတ်ဝင်ပြီး လုယူခြင်းနှင့် ခိုးယူခြင်းများ ဖြစ်ပေါ်လာခဲ့ပါသည်။ အချို့တွင် စားဝတ်နေရေး၊ ပညာရေး၊ ကျန်းမာရေး အပြည့်အဝခံစားနိုင်စေရန်နှင့် လူအများနည်းတူ လူနေထိုင်မှုအဆင့်အတန်းမြင့်စွာ နေထိုင်နိုင်ရန်အတွက် ပြည်ပသို့ ရွှေ့ပြောင်းလုပ်သားများဖြင့် ဝင်ငွေကွာဟမှုပြဿ   နာဖြေရှင်းနေရပါသည်။ ဤကဲ့သို့ အခြေအနေသည် တို့ရပ်ရွာအတွက် စိုးရိမ်စရာတစ်ခုဖြစ်လာခဲ့ပါသည်။

လူလတ်ပိုင်းအများစုသည် ပြည်ပသို့ထွက်ခွာ၍ အလုပ်အကိုင်များလုပ်ကိုင်ကြသည်မှာ ဝင်ငွေ ကွာဟမှုပြဿနာကို ဖြေရှင်းကောင်းဖြေရှင်းနိုင်ပါသည်။ မည်သည့်အရာတွင် အဆိုးအကောင်းဒွန်တွဲနေသည်မှာ သဘာဝတရားပင်ဖြစ်ပါသည်။ မိမိတို့ ဗုဒ္ဓဘာသာမြန်မာလူမျိုးတို့သည် ဘုရား၊ တရား၊သဃာင်္၊ မိဘ၊ ဆရာများအပေါ် ရိုသေလေးစားပြီး အလှူအတန်းရက်ရောသည့် လူမျိုးဖြစ်သကဲ့သို့ ယဉ်ကျေးမှုအမွေ အနှစ်တန်ဖိုးထားသည့် လူမျိုးဖြစ်ပါသည်။ ဤနေရာတွင် မိမိအနေဖြင့် စိုးရိမ်စရာတွေအပြင် ဝမ်းနည်းမှုများစွာဖြစ်နေရပါသည်။ လက်ရှိဖြစ်ပေါ်နေသည့်အခြေအနေသည် တစ်နိုင်ငံလုံးအတိုင်းအတာထိ မကြည့်ဘဲ ပအိုဝ်းလူမျိုးအများဆုံးနေထိုင်သည့် ဒေသများတွင် အရွယ်ရောက်သည် လူငယ်(လူပျို၊အပျို)နှင့် လူလတ်ပိုင်းအများစုသည် ပြည်ပနိုင်ငံများသို့ ရွှေ့ပြောင်းလုပ်သားအဖြစ် အလုပ်အကိုင်များ သွားရောက် လုပ်ကိုင်နေသည်မှာ တစ်နေ့ထက်တစ်နေ့ ပိုမိုများပြားလာခဲ့ပါသည်။ ရွှေ့ပြောင်းလုပ်သားများ တစ်နေ့ထက်တစ်နေ့များပြားလာသောကြောင့် ပအိုဝ်းလူမျိုးတို့၏ ရိုးရာယဉ်ကျေးမှုအမွေအနှစ်များကို ထိန်းသိမ်းနိုင်ရန် စိုးရိမ်ရသည့်အခြေအနေတစ်ရပ်သို့ရောက်ရှိနေပြီး ဝါတွင်းကာလ ပအိုဝ်းလူမျိုးတို့၏ ဓလေ့ထုံတမ်းလုပ်ငန်းများလုပ်ဆောင်ရာတွင်လည်း အခက်အခဲများရှိလာခဲ့ပါသည်။

ပအိုဝ်းတိုင်းရင်းသားတို့သည် မိမိလူမျိုး၊ ဘာသာ၊ စကား၊ စာပေ၊ ယဉ်ကျေးမှု၊ ဓလေ့ထုံးတမ်းများကို အလွန်ပင် ချစ်ခင်မြတ်နိုးတန်ဖိုးတတ်သည့် လူမျိုးတစ်မျိုးဖြစ်သည်။ လူမျိုးတစ်မျိုး ရေရှည်တည်တံ့ရန် ဘာသာစကား၊ စာပေနှင့် ယဉ်ကျေးမှုသည် အသက်သွေးကြောပင် ဖြစ်ပါသည်။ ၀ါတွင်းအခါသမယတွင်လည်း ပအိုဝ်းလူမျိုးများသည် ၀ါဆိုသင်္ကန်းကပ်လှူခြင်း၊ ဘုန်းကြီးကျောင်းတက် ဥပုပ်စောင့်ခြင်း၊ သက်ကြီးရွယ်အိုများကန်တော့ခြင်း၊ လပြည့်လကွယ်နေ့တိုင်း ဆွမ်းတော်ပြင်ပြီး ဘုရား၊ ကျောင်းကန်များ၊ စေတီပုထိုးများသို့ ကပ်လှူခြင်းများဖြင့် ကောင်းမှုကုသိုလ်ပြုလုပ်ကြသည်ကို တွေ့မြင်ရပါသည်။

ဝါတွင်းကာလ လူပျိုအပျိုများသည် အဖိတ်နေ့ညတွင် ဆွမ်းတော်ပြင်ရန် တာဝန်အသိစိတ်ဖြင့် စည်းလုံး ညီညွတ်စွာ ရွာရှိစုပေါင်းဓမ္မာရုံ(သို့မဟုတ်) အချို့ကျေးရွာများတွင် ရွာသူကြီးအိမ်သို့ လာရောက်ပြီး လူပျို များက မိမိတို့ရိုးရာဓလေ့ဖြစ်သည့် အိုးစည်၊ ဗုံ၊ မောင်းများတီး၍ ပျော်ရွှင်စွာ၊ စည်းလုံးညီညွတ်ရှိစွာဖြင့် ဆွမ်းတော်ကပ်ရန်ပြင်ဆင်နေကြပါသည်။ လပြည့်လကွယ်နေ့ဖြစ်သည့် နေ့ထူးနေ့မြတ်တွင် သက်ကြီး ရွယ်အိုမရွေး ဘုန်းကြီးကျောင်းတက်ပြီး ရဟန်း သံဃာ ဆရာတော်ကြီးများ၏ တရားဒေသနာတော်များကို အထူးကြည်ညို လေးစားစွာ နာယူခြင်းအပြင် ဗုဒ္ဓဝေယျာဝစ္စ၊ ဓမ္မဝေယျာဝစ္စ၊ သံဃာ့ဝေယျာဝစ္စများကို ကျေပွန်စွာလုပ်ဆောင်ခြင်း စသည်တို့ကို ဥပုပ်ထွက်ပြီး နောက်နေ့နံနက်ပိုင်းတွင် လူငယ်များက ရဟန်း သံဃာတော်များကို ဆွမ်းကပ်ခြင်း ဥပုဒ်သည်များကို ဧည့်လံကျွေးမွေးခြင်းနှင့် အလှူဒါနများ ပြုလုပ်ပြီးတိုင်း နိဗ္ဗာန်ကိုမျှော်ကိုးပြီး ရေစက်သွန်းချ အမျှပေးဝေကြပါသည်။ ဤကဲ့သို့ ပအိုဝ်းလူမျိုးတို့၏ ချစ်စရာ ကောင်းသော ရိုးရာဓလေ့ထုံးတမ်းများမြင်တွေ့ရသည်မှာ ကြည်နူး၍အတုယူဖွယ်ရာ ကောင်းလှပါသည်။

ယခုအခါ ပအိုဝ်းဒေသအတွင်းရှိ ကျေးရွာအများစုသည်  သက်ကြီးရွယ်အို လူအိုများနှင့် ကလေးများသာကျန်ရှိတော့သည်။ ရွာတစ်ရွာ၏ စည်းလုံးညီညွတ်မှု၊ ဖွံ့ဖြိုးတိုးတက်မှုအခြေအနေကို ကြည့်ရမည်ဆိုလျှင် လူငယ်၏အခန်းကဏ္ဍသည် လွန်စွာမှ အရေးပါလှပါသည်။ လက်ရှိတွင် ရပ်ရွာအတွင်း လူငယ်များ နည်းပါးခြင်းကြောင့် ပွဲလမ်းသဘင်၊ နာရေး၊ သာရေး ကိစ္စများဆောင်ရွက်ရာတွင် အခက်အခဲများစွာ ကြုံတွေ့နေရပါသည်။ အထက်တွင်ဖော်ပြခဲ့သည့်အတိုင်း ဝါတွင်းကာလတွင် ဆွမ်းတော်ပြင်ဆင်သည့်အခါ အိုးစည်ဗုံမောင်းသံများတိတ်ဆိတ်နေပြီး ပအိုဝ်းလူမျိုးတို့၏ ရိုးရာဓလေ့ထုံးတမ်းများလည်း မြင်တွေ့နိုင်ရန် အနိုင်နိုင်ပင်ဖြစ်သည်။

ထို့ကြောင့် ပအိုဝ်းတိုင်းရင်းသားတို့သည် မိမိတို့၏ ယဉ်ကျေးမှု၊ ရိုးရာဓလေ့ တိမ်ကောပျောက်ကွယ် မသွားစေရန် မျိုးချစ်စိတ်၊ ရိုးရာကိုချစ်သည့်စိတ်များဖြင့် အစွန့်ရှည်တည်တံ့ခိုင်မြဲအောင် ဆက်လက်ထိန်းသိမ်းတတ်ကြပါစေ။ နှောင်လာမည့် ပအိုဝ်းလူငယ်မျိုးဆက်သစ်များသည်လည်း ချစ်စရာကောင်းသည့် မိမိလူမျိုးတို့၏ ရိုးရာယဉ်ကျေးမှုဓလေ့ထုံးတမ်းများ မတိမ်ကော မပပျောက်စေရန် မိမိတို့၏ ပခုံးပြောင်း တာဝန်ဟုမှတ်ယူပြီး ထိန်းသိမ်းနိုင်ကြပါစေ။ စားဝတ်နေရေးအတွက် ပြည်ပနိုင်ငံများသို့ သွားရောက် အလုပ်လုပ်ကိုင်နေသည့် ပအိုဝ်းသွေးချင်းညီနှောင်များအတွက် မိမိတို့၏ ရိုးရာဓလေ့ထုံတမ်းများကို ချစ်မြတ်နိုးတန်ဖိုးထားတတ်စေရန်အလို့ငှာ ထုတ်ဖော်တိုင်တွန်း ရေးသားတင်ပြလိုက်ပါသည်။

ခွန်ထင်မို့
တောင်ကြီး

Sunday, September 15, 2019

“သင်၏ဝန်ထမ်းများကို ဂရုစိုက်ပါ”

တောင်ကြီး၊ ၂၀၁၉ ခုနှစ်၊ စက်တင်ဘာလ (၁၆)ရက်


အလုပ်ခွင်ဝန်းကျင်တစ်ခုသည် ရုပ်ပိုင်းဆိုင်ရာတစ်ခုတည်းသာ မဟုတ်ပေ။ ၎င်းနေရာသည် အဖွဲ့အစည်း၊ ကုမ္ပဏီ၏ ပြယုဂ်တစ်ခုပင်ဖြစ်သည်။ အဖွဲ့အစည်း(သို့) ကုမ္ပဏီ၏လုပ်ငန်းခွင်တွင် အဆင်ပြေချောမွေ့ပါက အလုပ်ဌာနရှိဝန်ထမ်းများသည်လည်း စွဲစွဲမြဲမြဲရေရှည်လုပ်ကိုင်ရန် အခြေအနေကောင်းမည်ဖြစ်သည်။ လုပ်ငန်းခွင်တွင် ဝန်ထမ်းကြီးကြပ်သူများက ထူးချွန်သည့်ဝန်ထမ်းများ၏ အလုပ်စွမ်းရည်ကို အခြေခံပြီး သင့်တော်သည့် စီမံအုပ်ချုပ်မှုအပိုင်းများ၊ အချိန်ပိုင်းအလုပ်သမားအဆင့်မှ မန်နေဂျာအဆင့်သို့ ရာထူးတိုးမြှင့်ခန့်အပ်ခြင်းတို့ကို ပြုလုပ်ပေးခြင်းဖြင့် ထူးချွန်သည့်ဝန်ထမ်းများကဲ့သို့ သာမန်ဝန်ထမ်းများက နမူနာကြည့်ပြီး တစ်နေ့၎င်းတို့ကဲ့သို့ အဆင့်မြင့်ရာထူးနေရာသို့ ရောက်နိုင်သည်ဆိုသည့်စိတ်ဓာတ်ဖြင့် တက်ကြွမှုများနှင့်အတူ ဆွဲဆောင်မှုကိုပါ ပေါ်ပေါက်လာစေသည်။ ကောင်းမွန်သည့် အလုပ်ခွင်ဝန်းကျင် တစ်ခုကိုဖန်တီးခြင်းသည် တီထွင်ဆန်းသစ်မှုပြုလုပ်ချင်သည့် စိတ်ဆန္ဒကိုတိုးတက်အောင် လှုံ့ဆော်ပေးခြင်းပင်ဖြစ်သည်။

အောင်မြင်ကျော်ကြားသည့် အဖွဲ့အစည်း၊ ကုမ္ပဏီများသည် ထူးချွန်သည့်ဝန်ထမ်းများကိုအခြေခံပြီး လက်ရှိအောင်မြင်သည့် အခြေအနေမျိုးသို့ ရောက်လာကြသည်ကို ခေါင်းဆောင်တိုင်းလိုလိုက လက်ခံထားကြသည်။ အဖွဲ့အစည်း၊ ကုမ္ပဏီ၏ အောင်မြင်သည့်လုပ်ဆောင်မှုနှင့် ဆန်းသစ်သည့် အတွေးအခေါ်များသည် ၎င်းတို့၏ဝန်ထမ်းများဆီက ထွက်ပေါ်လာကြခြင်းပင်သည်။ ထူးချွန်သည့်ဝန်ထမ်းများ အလုပ်ခွင်တွင် ရေရှည်တည်မြဲဖို့သည် ဝန်ထမ်းများအပေါ် ခေါင်းဆောင်အကြီးအကဲများ၏ ပြုမူဆက်ဆံပုံ၊ လေ့ကျင့်သင်ကြားပေးပုံနှင့် ဝန်ထမ်းတို့ရသင့်ရထိုက်သည့် လခကို အဆင်ပြေပြေနှင့် ပေးအပ်မှုများအပေါ်တွင်မူတည်သည်။ ဝန်ထမ်းအများစုသည် သူတို့၏တန်ဖိုး၊ သူတို့၏အဖွဲ့အစည်းကို ဘယ်လောက်အကျိုးပြုနိုင်သည်ဆိုသည့်အတိုင်းအတာကို သိချင်သည့်ဆန္ဒများရှိကြသည်။ ထို့ကြောင့် ခေါင်းဆောင်အကြီးအကဲများအနေနှင့် ထူးချွန်သည့်ဝန်ထမ်းများကို အလုပ်ခွင်တွင် ရေရှည်တည်မြဲနေစေချင်ပါက ဝန်ထမ်းနှင့်ထိုက်တန်သည့် အခွင့်အရေးများ ပေးအပ်ရန်လိုအပ်သည်။

လုပ်ငန်းခွင်တွင် ကျွမ်းကျင်မှုနှင့် စိတ်ရှည်ကြိုးပမ်းအားထုတ်မှုများ လိုအပ်သည့်အပြင် အလုပ်ချိန်လည်းသာမန်လုပ်နေကျ အချိန်မျိုးမဟုတ်ပါက လုပ်ငန်း၏သဘာဝနှင့်ကိုက်ညီသည့် လုပ်ခလစာကို ထိုက်ထိုက်တန်တန်ပေးအပ်ဖို့ လိုပါသည်။ အဖွဲ့အစည်း၊ ကုမ္ပဏီတွင် လိုအပ်သည့်ဝန်ထမ်းကို ရေရှည်ထိန်းထားနိုင်ရန်အတွက် ရင်းနှီးမြှုပ်နှံမှုများမရှိပါက ၎င်းအဖွဲ့အစည်း၊ ကုမ္ပဏီသည် ဝန်ထမ်းများ၏ အရည်အချင်းနှင့် ထက်မြက်သည့်စွမ်းရည်ကို ယှဉ်ပြိုင်ပါက ရှုံးနိမ့်ကြရစမြဲဖြစ်သည်။ ဝန်ထမ်းများသည် သူတို့လိုအပ်သည့် လေ့ကျင့်သင်ယူမှုများမရသော်လည်း ဘဝကိုတိုးတက်အောင်မြင်ချင်သည့်ဝန်ထမ်းများ ဖြစ်ချင်ကြသည်။ ထို့ကြောင့် သူတို့၏ကျွမ်းကျင်မှုနှင့် စွမ်းရည်ကို တိုးတက်အောင် လေ့ကျင့်သင်ကြားပေးမည့် အလုပ်ရှင်မျိုးကိုသာ ရှာဖွေကြမည်ဖြစ်သည်။ လုပ်ငန်းခွင်တွင် တန်ဖိုးရှိဝန်ထမ်းများသည် လုပ်ငန်းခွင်၏လုပ်ဆောင်မှုအတွက် ထိုက်တန်သည့် လုပ်ခလစာကို ရချင်ကြသည်မှာ သဘာဝပင် ဖြစ်သည်။ ဝန်ထမ်းများအနေနှင့်လည်း လက်ရှိလုပ်ကိုင်နေသည့် အဖွဲ့အစည်း၊ ကုမ္ပဏီတွင် ဘယ်လို ခံစားခွင့်ရှိသည်ကို နားလည်ထားရန်လိုအပ်သကဲ့သို့ အဖွဲ့အစည်း၊ ကုမ္ပဏီတို့၏ တုံ့ပြန်မှုစေတနာကိုလည်း သိထားရန်လိုအပ်သည်။ အကယ်၍ လက်ရှိလုပ်ကိုင်နေသည့် အဖွဲ့အစည်း၊ ကုမ္ပဏီမှရသည့် အကျိုးခံစားခွင့်မျိုးကို တခြားအဖွဲ့အစည်း၊ ကုမ္ပဏီမှာမရကြောင်း မသိပါက ၎င်းခံစားခွင့်ကို ဝန်ထမ်းများ တန်ဖိုးထားတတ်မည်မဟုတ်ပေ။ ထို့ကြောင့် ခေါင်းဆောင်အကြီးအကဲများ၊ ဝန်ထမ်းကြီးကြပ်သူများက ဝန်ထမ်းများရရှိနိုင်မည့် အကျိုးခံစားခွင့် အသေးစိတ်ကို ပြောပြထားရန်လိုအပ်သည်။

ထို့ကြောင့် ဝန်ထမ်းများအတွက် လက်တွေ့အကောင်အထည်ဖော်နိုင်သည့် စီမံချက်မျိုးကို ပြုလုပ်ပေးရမည်။ တော်သည့်ခေါင်းဆောင်အကြီးအကဲများသည် သူတို့ဝန်ထမ်းများကို ပိုပြီး တော်လာအောင်၊ တိုးတက်လာအောင် ပြုလုပ်ပေးသည်။ တချို့ခေါင်းဆောင်သည် ဝန်ထမ်းများ၏ ဦးတည်ချက်၊ ရည်မှန်းချက်ကို ရှင်းရှင်းလင်းလင်း၊ ပြတ်ပြတ်သားသားမြင်အောင် စီမံပေးသည်။ စီမံပေးသည့်ပုံစံမှာ ဝန်ထမ်းတိုင်း၏စွမ်းဆောင်ရည်ကို အကောင်းဆုံးမြှင့်တင်နိုင်အောင် စီမံဆောင်ရွက် ပေးခြင်း၊ စီမံခန့်ခွဲမှုစနစ်မှာ လွတ်လွတ်လပ်လပ် ပြောင်းလွယ်ပြင်လွယ်ရှိခြင်း၊ အလုပ်သဘောမဆန်ဘဲ ဝန်ထမ်းများနှင့် လွတ်လွတ်လပ်လပ်၊ ရင်းရင်းနှီးနှီး ပြောဆိုဆွေးနွေးခြင်းများ ပြုလုပ်ပေးခြင်းသည် အခြားအရာများထက် သာလွန်သည့်အခွင့်အရေးများဖြစ်သည်။ အကယ်၍ လုပ်ငန်းအတွေ့အကြုံ မရှိသေးသည့် ဝန်ထမ်းသစ်များ၊ များလာလေလေ စနစ်တကျရေးဆွဲထားသည့် လုပ်ငန်းစီမံချက်နှင့် လုပ်ငန်းအဆင့်သတ်မှတ်ချက်များရှိမှသာ ဝန်ထမ်းအသစ်များလည်း သူတို့တာဝန်ယူရမည့် လုပ်ငန်းနှင့် ပတ်သက်၍ ဆုံးဖြတ်ချက်များ ပြုလုပ်ရသည့်အခါ မှန်မှန်ကန်ကန်ဆုံးဖြတ်နိုင်ရန် လမ်းညွှန်မှုများ ရရှိမည်ဖြစ်သည်။

ဆက်လက်၍ ဝန်ထမ်းကြီးကြပ်သည့်ခေါင်းဆောင်များအနေဖြင့် လက်ရှိဝန်ထမ်းများကို လည်းကောင်း၊ ဝန်ထမ်းအသစ်များကိုလည်းကောင်း သူတို့အတွက် စွမ်းရည်သစ်များရရှိအောင် လေ့ကျင့်ပျိုးထောင်မှုကို အားပေးကူညီခြင်း၊ အကောင်းဆုံးသော အတွေ့အကြုံသစ်များရရှိအောင် စီမံပေးခြင်း၊ အကောင်းဆုံးအခွင့်အလမ်းကိုလည်း ရှာဖွေပေးခြင်းများ ပြုလုပ်ပေးပါက ဝန်ထမ်းများအတွက် အကျိုးရှိသကဲ့သို့ အဖွဲ့အစည်း၊ ကုမ္ပဏီအတွက်လည်း လုပ်ငန်းအောင်မြင်မှုများ ရရှိမည်။ ထို့ကြောင့် သင်၏ဝန်ထမ်းများကို ဂရုစိုက်ပေးပါ။ ဝန်ထမ်းတို့အတွက် ကောင်းမွန်သည့် အလုပ်ခွင်ပတ်ဝန်းကျင်မျိုးကို ဖန်တီးပေးပါ။ အဖွဲ့အစည်းလုပ်ငန်းအတွက် အကျိုးများစွာရရှိသလို ဝန်ထမ်းများအတွက်လည်း သက်သာချောင်ချိမှုအပါအဝင် အစစအရာရာအဆင်ပြေစေသည့် အစီအစဉ်ကို စီမံဆောင်ရွက်ပေးရန် လိုအပ်ကြောင်း အလုပ်ရှင်များအား တိုက်တွန်းအပ်ပါသည်။

နင်,တဲုင်ဗန်သွောင်း
ခမ်းစန္တာ;ဟေ့,

Thursday, September 12, 2019

တောင်သူများ စဉ်းစားချိန်တန်ပြီ

တောင်ကြီး၊ ၂၀၁၉ ခုနှစ်၊ စက်တင်ဘာလ (၁၂)ရက်


ယနေ့သည် စိုက်ပျိုးရေးသုံးဓာတုဆေးဝါးနဲ့ပတ်သက်ပြီး ကြားခဲ့ရသည့်တောင်သူများ ညည်းတွားသံများကုို ဖော်ပြလိုပါသည်။ လွန်ခဲ့သည့် ဆယ်နှစ် နှစ်နှစ်ဆယ်ခန့်သည် သဘာဝအတိုင်း သဘာဝတရားကို အထောက်အကူပြု၊ ကောင်းကျိုးပြုစေနိုင်ပြီး သဘာဝပတ်ဝန်းကျင်ရှိသက်ရှိသက်မဲ့များကို အပြန်အလှန်အကျိုးပြုစေသည့် နည်းလမ်းများဖြင့် စိုက်ပျိုးလုပ်ကိုင်ဆောင်ရွက်ကြပါသည်။

ထို့ပြင် ဟင်းသီးဟင်းရွက်များ၏ အသီးအပွင့်အာနိသင်အားကောင်းစေရန်၊ ကျွဲ၊ နွား၊ ကြက်၊ ဝက် စသည့် တိရိစ္ဆာန်များ၏ အညစ်အကြေးများကို အားကိုးအသုံးပြုခဲ့ကြပြီး၊ သဘာဝအတိုင်းရရှိလာသည့် အသီးပွင့်များသည် သဘာဝကပေးသည့် ရနံ့များ၊ အာနိသင်များသည် လူသားများကို ချမ်းသာသုခများ ရရှိခံစားစေပါသည်။ ထိုကဲ့သို့ သဘာဝအသီးအဟင်းရွက်များကို ခူးဆွတ်စားသုံးနေရခြင်းသည် မည်သည့် အဆိပ်အတောက်များမှ စိုးရိမ်စရာမလိုခဲ့ပေ။

ယနေ့ မိမိတို့ပတ်ဝန်းကျင်ကို လေ့လာကြည့်လျှင် စိုက်ပျိုးရေးသုံး ဓာတုဆေးဝါးနှင့်ကင်းလွတ်သည့် စိုက်ပျိုးရေးတောင်သူများ ကင်းသူမရှိတော့သည့် အခြေအနေဖြစ်နေပါသည်။ ဓာတုဆေးဝါးအားကိုးသော စိုက်ပျိုးရေးလုပ်ငန်းသည် ကုမ္ပဏီကြီးနှင့် ကော်ပရေးရှင်းများကို ချမ်းသာသထက် ချမ်းသာလာအောင် အားပေးသလိုဖြစ်နေပြီး တောင်သူလယ်သမားများ  အကျိုးအမြတ်အနည်းငယ်သာ ခံစားရမည်ဖြစ်သည်။ တောင်သူများသည် စိုက်ပျိုးရေးသုံး ဓာတုဆေးဝါးများကို သုံးစွဲရာတွင် နည်းလမ်းမှန်ကန်မှုမရှိသောကြောင့် ခန္ဒာကိုယ်ကို အဆိပ်အတောက်ဖြစ်စေပြီး နာတာရှည်ကျန်းမာရေးချို့ယွင်းမှုများနှင့် ဇီဝစုံမျိုးကွဲစုံလင်စွာ တည်ရှိနေသည့် သဘာဝပတ်ဝန်းကျင်ကို ထိခိုက်နိုင်သည့် နောက်ဆက်တွဲဆိုးကျိုးများကို တောင်သူများ နားလည်သဘောပေါက်လာစေရန် အရပ်ဘက်လူ့မှုအဖွဲ့အစည်းများမှ လူထုအသိပညာပေးလုပ်ငန်းများ၊ အလုပ်ရုံဆွေးနွေးပွဲများ၊ အမြင်ဖွင့်သင်တန်းများ ဦးဆောင်ကျင်းပပေးသည်ကို  ကြားမြင်နေရမည်ဖြစ်သည်။

ပုံမှန်အားဖြင့် လက်ဖက်တောင်သူများသည် တစ်နှစ်တစ်ခါ မြေပေါင်းရှင်းမှုများ နှစ်စဉ်ပြုလုပ်ပေးရမည်သို့သော် နောက်ပိုင်းတွင် လက်ဖက်ညွန့်မြန်မြန်နုထွက်လာစေရန်သော်လည်းကောင်း ပေါင်းရှင်းရာတွင်လည်းကောင်း ပေါက်တူးဖြင့်ပေါင်းမြတ်မရှင်းကြတော့ဘဲ ရွက်ဟောင်းကြွေစေတဲ့ဆေးနှင့် ပေါင်းသတ်ဆေးဖြင့်ဖျန်းလာကြပါသည်။ စတင်သုံးစွဲချိန် နှစ်နှစ်၊ သုံးနှစ်အတွင်း ထွက်အားကောင်သော်လည်း နောက်ပိုင်းနှစ်များတွင် ပုံမှန်အထွက်နုန်းထက် လက်ဖက်ညွန့်များ ထွက်အားကျလာကြပါသည်။ ဓာတုဆေးဝါးအခြေပြုစိုက်ပျိုးရေး၏ ရေရှည်တွင် ကောင်းကျိုးထက်၊ ဆိုးကျိုးပိုဖြစ်စေနိုင်ကြောင်း တောင်သူများ နားလည်ရန်လိုအပ်လှပါသည်။

ထို့အပြင် စိုက်ပျိုးရေးသုံး ဓာတုဆေးဝါးများ၏ ဖော်စပ်အသုံးပြုရာတွင် သတ်မှတ်အချိုးအစားနှင့် ပမာဏများ သေချာစွာနားလည်ခြင်းမဟုတ်ပဲ ခန့်မှန်းအချိန်အဆဖြင့်သာ သုံးစွဲနေကြခြင်းဖြစ်ပါသည်။ ယိုးဒယားနိုင်ငံမှာ တင်သွင်းလာသည့် စိုက်ပျိုးရေးသုံးဓာတုဆေးဝါးများတွင် တောင်သူများနားလည်သည့် ဆေးညွန်းတစ်လုံးမျှပါဝင်ခဲ့ခြင်းမရှိပါ အဆိုပါနိုင်ငံမှ တင်သွင်းသည့်ဆေးဝါးများကို  စနစ်တကျကိုင်တွယ် အသုံးပြုခြင်းမဟုတ်ပဲ တစ်ဆင့်စကား တစ်ဆင့်နားအတိုင်းသာ သုံးစွဲခြင်းဖြစ်သည့်အတွက် ကျန်းမာရေးကို မသိမသာတစ်မျိုး၊ လုံးဝသိသိသာသာကြီး ရင်ဆိုင်နေရသည့်သူများလည်းရှိလာပြီဖြစ်သည်။ စိုက်ပျိုးရေးသုံး ဓာတုဆေးဝါးအသုံးပြုခြင်းကြောင့် ခေါင်းမူး၊ ခေါင်းကိုက်၊ ခါးနာ၊ မောပန်းလွယ်၊ အသက်ရှူမဝခြင်းနှင့် မအီမသာဖြစ်ခြင်းစသည့် နာတာရှည်ရောဂါများခံစာလာရပါသည်။

ထိုကဲ့သို့ ကြုံတွေလာလျှင် ဖြေဆေးများအဖြင့် ဆေးဆိုင်များတွင် ပေါင်းသတ်ဆေးနှင့် ပိုးသတ်ဆေးသုံးစွဲသူများအတွက် အဖြူရောင်သံပုရာအနံ့လေးဖြင့် ခံတွင်းရှင်းပြီး လူကိုပေါ့ပါးသွားစေမည့် ဖြေဆေးများ ပေါ်ထွက်လာပြီဖြစ်ပါသည်။၊ ဖြေဆေး၏အကျိုးသက်ရောက်မှုများ ဆေးဗူးအညွန်းတွင် မြန်မာလိုရေးသား ဖော်ပြထားခြင်းမရှိပါ၊ ၎င်းဆေးကို ဆေးဝါးမျိုးစုံရောင်သည့် ရှမ်းတရုတ်ဆိုင်များတွင် တစ်ဗူး(၁၀၀၀၀)ဖြင့် ဝယ်ယူနိုင်သည်ဟု ကြားသိရပါသည်။ တစ်ချို့တောင်သူများသည် အဆိပ်ဖြေဆေးအဖြင့် သွေးသန့်ဆေး ၊ ထန်းလျက်နှင့်လက်ဖက်ကိုငုံထားခြင်း စသည်ဖြင့် ဆေးမဖျန်းမီနဲ့၊ ဆေးဖျန်းပြီးချိန်တွင် အသုံးပြုကြသည်။

ပြောင်းလဲလာသည့် ခေတ်သစ်စိုက်ပျိုးရေးပုံစံများကြောင့် အခြားရွေးချယ်စရာနည်းလမ်းမရှိသည့် တောင်သူများသည်။ မိသားစု၏ လတ်တလောစားဝတ်နေရေးပြဿ   နာများကို ဖြေရှင်းရန် သဘာဝအတိုင်း လုပ်ဆောင်၍ မရနိုင်သောကြောင့် စိုက်ပျိုးရေးသုံးဓာတုဆေးဝါးများကိုသာ အားထားမှီခိုရခြင်းဖြစ်ပါသည်။

ဓာတုဆေးဝါးသုံးစွဲမှုအပေါ် တောင်သူတချို့ရဲ့ ခံစားချက်ကိုလည်းမျှဝေဖော်ပြလိုပါသည်။

စိုက်ပျိုးရေးပညာရှင်
‘‘တောင်သူတွေက ၀မ်းစာဖူလုံဖို့အတွက်ပဲတွေးတယ် ရေရှည်အတွက် မတွေးမိကြဘူး အထွက်တိုးရမယ်ဆိုတဲ့ပစ်မှတ်ပဲထားတယ်’’

စိုက်ပျိုးရေးတောင်သူ
‘‘တကယ်လိုအပ်လို့သာ ဒီဓာတုဆေးဝါးတွေ ဝယ်သုံးတာပါ မလိုအပ်ဘူးဆိုရင် ဘယ်သူမှငွေကုန်ခံပြီး ၀ယ်သုံးတော့မှာမဟုတ်ဘူး ဒါတွေပဲသုံး ရမှာပဲတဲ့’’

လူမှု့ဖွံ့ဖြိုးရေးအဖွဲ့တစ်ဖွဲ့ ၀န်ထမ်းအမြင်
‘‘ဓာတ်မြေသြဇာ သုံးရင်မြေပျက်မယ်ဆိုတာ တောင်သူတိုင်းသိတယ် မသိတာမဟုတ်ဘူး ကိုယ့်မှာ ရွေးချယ်စရာမရှိလို့ ဒါကိုသုံးနေရတာပါ’’

ရှမ်းမြောက်တောင်သူတစ်ဦး
‘‘အသီးအပွင့်အားတိုးဆေး ဓာတ်မြေသြဇာတွေထဲမှာ ဓာတုပစ္စည်း အများကြီးပြီးသား ဒါတွေသုံးရင် နောက်ပိုင်း ဆိုးကျိုးဖြစ်လာမယ် ခံစားရမည်ဆိုတာလည်း ယုံကြည်ပြီးသားပါ ကိုယ်ကအမြန်နည်းဖြင့် သက်သာတဲ့နည်းလမ်းကိုပဲ ရှာလို့ ဒီဆေးဝါးတွေကို သုံးနေတာ’’

ဆီဆိုင်မြို့နယ် တောင်သူတစ်ဦး
‘‘ရေရှည်ကြည့်ရင်တော့ အရင်တစ်ချိန်က ဘိုးဘွားများစိုက်ပျိုးသလို ပြန်စိုက်လို့ရတော့မှာမဟုတ်ဘူး ခုဆိုရင်မြေဆီမြေနှစ်တွေ သိပ်မရှိတော့ဘူး ရေရှည်မှာလည်း ကိုယ့်ကျန်းမာရေးကို ထိခိုက်လာနိုင်တယ်။ အကောင်းဆုံးက ရိုးရိုးပဲစိုက်တာ ကောင်းပါတယ်’’

စိုက်ပျိုးရေးတောင်သူတစ်ဦး
‘‘ဓာတုဆေးဝါးကို ရေရှည်သုံးစွဲလို့တော့မဖြစ်ဘူး မြေကြီးမှာ မြေဆီလွှာ၊ မြေသြဇာဓာတ်တွေ အရမ်းအားနည်းလာတယ်။ လက်ရှိအနေထားအရ သဘာဝမြေသြဇာ ထည့်ဖို့လည်းမဖြစ်နိုင်ဘူး ရေရှည်သုံးလို့မဖြစ်ပေမဲ့ ဆက်သုံးနေရမှာပဲ’’

လက်ရှိမိမိတို့ နေထိုသည့် ဒေသဝန်းကျင်ရှိ စိုက်ပျိုးရေးတောင်၏ သူစကားသံများ ‘‘ ဒီဓာတုစိုက်ပျိုး ရေးသုံး ဆေးဝါးများကိုမသုံးရင် ငါတို့ရေတိုအကျိုးအမြတ်ဘယ်လိုလုပ်ရနိုင်မလည်း ဓာတုဆေးဝါးများက ကျန်းမာရေးကို ထိခိုက်စေတယ်ဆိုတာသိတယ် ဒါပေမယ့် ငါတို့အကျိုးအမြတ်လိုချင်တယ်လေ ဒါတွေ မသုံးရင် စားဝတ်နေရေး မလုံမလောက်ဖြစ်သွားမှာပေါ့၊ ဒါကိုသုံးရင် ရေရှည်မှာမြေဆီလွှာ မြေဆီ မြေနှစ်များ ပျက်သုဉ်းမည်၊ ကျန်းမာရေးထိခိုက်မည် စသည့်ဆိုးကျိုးအားလုံးကိုသိတယ် နားလည်သည် သုံးရလွယ်ကူတဲ့အတွက် သုံးသင့်ရင်သုံးသွားဦးမည် စသည်ဖြင့် ဝမ်းနည်းစွာ ကြားနေရပါသည်။

စိုက်ပျိုးရေးသုံးဓာတုဆေးဝါးများ အလေးထားသုံးစွဲမှုသည် လူသားများအတွက်သာမက သဘာဝလောကြီးတစ်ခုလုံး ထိခိုက်လာမည်ဖြစ်သည်။ ထို့အပြင် မြို့ပြနှင့် ကျေးလက်နေပြည်သူများ အဆက်ရှင် နေထိုင်ရေးအတွက် လိုအပ်သည့်အစားအစာများ၏ ဘေးကင်းလုံခြုံမှုကင်းမဲ့သည့် စိန်ခေါ်ချက်များနှင့် ရင်ဆိုင်နေရပြီဖြစ်သည်။ စိုက်ပျိုးရေးသုံးဓာတုဆေးဝါးများသည် ကော်ပိုရေးရှင်းများအတွက်သာ အကျိုးအမြတ်များစေမည်ဖြစ်ပြီး တောင်သူများအသက်ရူချောင်ယုံသာခံစားရမည်ဖြစ်သည်။ သဘာပတ်ဝန်းကျင်၏ ဘေးကင်းလုံခြုံမှု၊ အစားအစာဘေးကင်လုံခြုံမှုနှင့် မြေဆီလွှာများထိခိုက်လာနိုင်၍ ဓာတုအခြေပြု စိုက်ပျိုးရေးနည်းလမ်း အတိုင်းဆက်သွားလျှင် အနာဂါတ်တွင်မည်သည့် အကျိုးဆက်များ ဖြစ်သွားနိုင်သည်ကို စိုက်ပျိုးရေးတောင်သူများအနေဖြင့် ယနေ့အသုံးပြုနေသည့် စိုက်ပျိုးရေးနည်းလမ်းများ စဉ်းစားရန်လိုအပ်လာပြီဖြစ်သည်။

ဗွေခူ

Wednesday, September 11, 2019

သတ္တမအကြိမ်မြောက် မြန်မာနိုင်ငံလူကုန်ကူးမှုတိုက်ဖျက်ရေးနေ့အခမ်းအနားကျင်းပ

တောင်ကြီး၊ ၂၀၁၉ ခုနှစ်၊ စက်တင်ဘာလ (၁၂)ရက်




"လူကုန်ကူးမှုအန္တရာယ် ဝိုင်းဝန်းပူးပေါင်းတို့ကာကွယ်" ဆောင်ပုဒ်နှင့်အညီ လာမည့်စက်တင်ဘာ (၁၃) ရက်နေ့တွင် တစ်နိုင်ငံလုံးကျင်းပသွားမည်ဖြစ်ပြီး စက်တင်ဘာ (၁၁) ရက် နံနက် (၉) နာရီက သတ္တမအကြိမ်မြောက် မြန်မာနိုင်ငံလူကုန်ကူးမှုတိုက်ဖျက်ရေးနေ့အခမ်းအနားကို ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ဟိုပုံးမြို့၊ မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့သည်။

ရှေးဦးစွာ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးခွန်စံလွင်က ဟိုပုံးမြို့နယ်တွင် လူကုန်ကူး ခံရမှုနှင့်ပတ်သက်၍ ၂၀၁၆ ခုနှစ်အတွင်း၊ ဘော်ကုန်းကျေးရွာအုပ်စု၊ ယုတ်ကျေးရွာမှ (၁)ဦးရှိခဲ့ကြောင်း၊ ဟိုပုံးမြို့နယ်အတွင်း လူကုန်ကူးမှုတားဆီးကာကွယ်ရေးလုပ်ငန်း များနှင့်ပတ်သက်၍ ဟောပြောပွဲများ လစဉ်ပြုလုပ် လျက်ရှိကြောင်း ပြည်သူများသိကြသည့် လူကုန်ကူးခံရခြင်း၊ လူမှောင်ခိုပြုလုပ်ခြင်းဆိုသည်မှာ တစ်ခုနှင့်တစ်ခု မတူညီပါကြောင်း၊ လူကုန်ကူးဆိုသည်မှာ လူတစ်ဦးဟာမိမိရဲ့ ကိုယ်ကျိုးစီးပွားတစ်ခုထဲအတွက် တစ်ခြားသူတစ်ဦးရဲ့ ကိုယ်ခန္ဓာ (သို့မဟုတ်) လုပ်အားကို ခေါင်းပုံဖြတ်ပြီး အကျိုးအမြတ်ရယူခြင်းပဲ ဖြစ်ပါကြောင်း၊ လက်ရှိဖြစ်ပွား နေသော လူကုန်ကူးမှုအမျိုးအစားများတွင် တရုတ်နိုင်ငံနှင့် အများဆုံးပတ်သက်နေပြီး တရုတ်အမျိုးသားများနှင့် လက်ထပ်ရန် မြန်မာအမျိုးသမီးများအား ရောင်းစားခြင်း၊ တရုတ်နိုင်ငံ သို့ မွေးစားရန်ကလေးများအားရောင်းစားခြင်း၊ ထိုင်းငါးဖမ်းလှေများတွင် အဓမ္မခိုင်းစေရန် ရောင်းစားခြင်း၊ ကလေးသူငယ်များအား လိင်ပိုင်းဆိုင်ရာအလွဲသုံးစား ပြုခြင်းနှင့် ကလေးများကို ကြမ်းတမ်းပြီး အန္တရာယ်ရှိသောအလုပ်များ ခိုင်းစေခြင်းတို့ ဖြစ်ပွားလျက်ရှိပါကြောင်း၊ မိမိတို့ပတ်ဝန်းကျင်တွင် လူကုန်ကူးမှုခံရနိုင်မည့် မသင်္ကာဖွယ်ရာ၊ သံသယရှိဖွယ်တစ်စုံတစ်ရာရှိပါက နီးစပ်ရာ ကျေးရွာအုပ်စု အုပ်ချုပ်ရေးမှူး၊ ရဲစခန်းများတွင် သတင်းပေးတိုင်ကြားနိုင်ပါကြောင်း ထည့်သွင်းပြောကြားခဲ့သည်။

ထို့နောက် ဟိုပုံးမြို့နယ်မြန်မာနိုင်ငံရဲတပ်ဖွဲ့၊ မြို့မရဲစခန်းမှ ဒုရဲမှူးကိုဦးက လူကုန်ကူးမှုနှင့် ပတ်သက်သည့် အကြောင်းအရာများကို လည်းကောင်း၊ ဒုမြို့နယ်ဉပဒေအရာရှိ ဒေါ်အေးအေးငြိမ်းက လူကုန်ကူးဉပဒေအကြောင်း သိကောင်းစရာများကိုလည်းကောင်း ရှင်းလင်းပြောကြားခဲ့ကြောင်း သိရသည်။

ဆက်လက်၍ အခြေခံပညာကျောင်းများမှ ၂၀၁၉ ခုနှစ်၊ လူကုန်ကူးမှုတားဆီးကာကွယ်ရေး စာစီစာကုံးပြိုင်ပွဲတွင် ဆုရရှိသည့် ကျောင်းသား/ကျောင်းသူများအား ဒေသဦးစီးအဖွဲ့ဥက္ကဋ္ဌ ဦးခွန်စံလွင်၊ ပြည်နယ်လွှတ်တော်ကိုယ်စားလှယ် ဦးခွန်မောင်ဖြူ၊ မြို့နယ်အုပ်ချုပ်ရေးမှူး ဦးနန်းတင့်နှင့် တာဝန်ရှိသူများက အသီးသီးဆုများချီးမြှင့်ပေးအပ်ခဲ့ကြောင်း သိရသည်။

အဆိုပါအခမ်းအနားတွင် မြို့နယ်ပြန်/ဆက်ဦးစီးဌာနမှ ပြသထားသည့် ဒေသဖွံ့ဖြိုးရေး လှုပ်ရှားမှုမှတ်တမ်း ဓါတ်ပုံများ၊ လူကုန်ကူးမှုအသိပညာပေးနံရံကပ်စာစောင်နှင့် မှတ်တမ်းဓါတ်ပုံများကို တက်ရောက်လာသူများက လေ့လာကြည့်ရှုကြကြောင်း သိရသည်။

ခွန်ရဲထွေး(ဆီဆိုင်)

နို;ဆော;လိတ်တမာ

တောင်ကြီး၊ ၂၀၁၉ ခုနှစ်၊ စက်တင်ဘာလ (၁၁)ရက်


PNO (Media)

Powered by Blogger.