ပအိုဝ်းလူငယ်ကွန်ယက်(PYN)နှင့် ငြိမ်းဖောင်ဒေးရှင်အဖွဲ့တို့မှ ပူးပေါင်းကျင်းပသော၊ မဲဆန္ဒရှင်ပြည်သူများ မဲပညာရပ်ဆိုင်ရာ အသိပေးခြင်း

 တောင်ကြီး၊ ၂၀၁၅ ခုနှစ်၊ ဇူလိုင်လ (၂၇) ရက်
ပအိုဝ်းလူငယ်ကွန်ယက်(PYN)နှင့် ငြိမ်းဖောင်ဒေးရှင်အဖွဲ့တို့မှ ပူးပေါင်းကျင်းပသော၊ မဲဆန္ဒရှင်ပြည်သူများ မဲပညာရပ်ဆိုင်ရာ အသိပေးခြင်းသင်တန်းကို ၂၀၁၅ ခုနှစ်၊ ဇူလိုင်လ (၂၈) ရက်နေ့တွင် ပေါမူ၊ တောင်ကြီးမြို့နယ်၊ ဇူလိုင်လ (၂၉) ရက်နေ့တွင် ပင်လောင်းမြို့နယ်၊ ဇူလိုင်လ (၃၀) ရက်နေ့တွင် နောင်တရားမြို့နယ်၊ ဇူလိုင်လ (၃၁) ရက်နေ့တွင် ဟိုပုံးမြို့နယ် တို့တွင် ပို့ချသွားမည်ဖြစ်ကြောင်းသိရှိရပါသည်။ ပိုချမည့်အကြောင်းအရာများကို အောက်ပါတွင် အပြည့်အစုံဖော်ပြထားသည်။
မဲဆန္ဒရှင် (သို့) မဲပေးသူများ၏ အခန်းကဏ္ဍ
ဆန္ဒမဲပေးပိုင်ခွင့်ရှိသူများ
အောက်ပါအရည်အချင်း နှင့်ပြည့်စုံသူများသည်
အမျိုးသား၊ အမျိုးသမီးမရွေး၊ ဘာသာမရွေးရွေးကောက်ပွဲတွင် ဆန္ဒမဲပေးပိုင်ခွင့်ရှိသည်။ရွေးကောက်ပွဲကျင်းပသည့် နေ့တွင် အသက် (၁၈)နှစ်ပြည့်ပြီးဤဥပဒေပါပြဌာန်းချက်များ နှင့် မဆန့် ကျင်သော
နိုင်ငံသား၊ ဧည့်နိုင်ငံသား၊ နိုင်ငံသားပြုခွင့်ရသူသက်ဆိုင်ရာမဲစာရင်းတွင်ပါဝင်သူ
ူအမျိုးသားလွှတ်တော်၊ ပြည်သူလွှတ်တော်၊ ပြည်နယ်/တိုင်းဒေသကြီးလွှတ်တော်ရွေးကောက်ပွဲဥပဒေ ပုဒ်မ-၆။(က)၊(ခ)]
ဆန္ဒမဲပေးပိုင်ခွင့်မရှိသူများ၊
အောက်ပါပုဂ္ဂိုလ်များသည် ရွေးကောက်ပွဲတွင်ဆန္ဒမဲပေးပိုင်ခွင့်မရှိစေရ-
    (က)သာသနာ့ဝန်ထမ်း
(ခ) ထောင်ဒဏ်ကျခံနေရသူ
(ဂ) စိတ်ပေါ့သွပ်နေသူ
(ဃ) လူမွဲအဖြစ်ကြေငြာခြင်းခံရသူ
(င) ရွေးကောက်တင်မြှောက်ခြင်းဆိုင်ရာဥပဒေအရတားမြစ်ခြင်းခံရသူ
(စ) နိုင်ငံခြားသား (သုို့) နိုင်ငံခြားသားအဖြစ်ခံယူထားသူ

မဲစာရင်းပြုစုခြင်းနှင့် မဲဆန္ဒရှင်များ၏အခန်းကဏ္ဍ

•    လွှတ်တော်ကိုယ်စားလှယ်များအားရွေးကောက်တင်မြှောက်ရန် ဆန္ဒမဲပေးပိုင်ခွင့်ရှိသူများ၏စာရင်းကိုမြို့နယ်ကော်မရှင်အဖွဲ့ခွဲများနှင့် ရပ်ကွက် သို့မဟုတ် ကျေးရွာအုပ်စုကော်မရှင်အဖွဲ့ခွဲများက ပြုစုမည်။
o    (ရွေးကောက်ပွဲ ဥပဒေ ပုဒ်မ-၁၃။)

•    ဥပဒေနှင့်ညီညွှတ်သော နိုင်ငံသား၊ဧည့်နိုင်ငံသား၊ နိုင်ငံသားပြုခွင့်ရသူတိုင်းရွေးကောက်ပွဲကျင်းပသည့်နေ့တွင် အသက်(၁၈)နှစ်ပြည့်သူတိုင်းကိုရပ်ကွက်(သို့)ကျေးရွာအုပ်စုကော်မရှင်အဖွဲ့ခွဲအသီးသီးက သက်ဆိုင်ရာမဲစာရင်းတွင်ထည့်သွင်းဖော်ပြရမည်။
o    [ရွေးကောက်ပွဲဥပဒေပုဒ်မ-၁၄။(က)]

•    တပ်မတော်သားများ၊ နိုင်ငံပြင်ပရောက်ရှိနေသောနိုင်ငံသား၊ သံဝန်ထမ်းများနှင့် ပညာတော်သင်များ၊ အစိုးရခွင့်ပြုချက်ဖြင့်နိုင်ငံပြင်ပရောက်ရှိနေသော နိုင်ငံသားများကိုရပ်ကွက်/ကျေးရွာအုပ်စုကော်မရှင် အဖွဲ့ခွဲကသတ်မှတ်ထားသည့်အတိုင်းသက်ဆိုင်ရာမဲစာရင်းတွင်ထည့်သွင်းဖော်ပြမည်။
o    [ရွေးကောက်ပွဲဥပဒေ ပုဒ်မ-၁၄။(ခ)]

•    မဲဆန္ဒနယ်တစ်ခု၏ မဲစာရင်းမှ အခြားမဲဆန္ဒနယ်တစ်ခု၏ မဲစာရင်းသို့ ခိုင်လုံသောအကြောင်းပြချက်ဖြင့် သက်ဆိုင် ရာရွေးကောက်ပွဲကော်မရှင်သို့လျှောက်ထားကာရွေ့ပြောင်းပိုင်ခွင့်ရှိသည်။
o    [ရွေးကောက်ပွဲဥပဒေ ပုဒ်မ-၁၅။(ခ)]
•    ဆန္ဒမဲပေးခွင့်ရှိသူတစ်ဦးသည် သက်ဆိုင်ရာမဲဆန္ဒနယ်၏မဲစာရင်းမှအပအခြားမဲဆန္ဒနယ်၏မဲစာရင်းတွင်အမည်ပါဝင်ခြင်းမရှိစေရ။
o    [ရွေးကောက်ပွဲဥပဒေ ပုဒ်မ-၁၅။(ဂ)]

•    ရွေးကောက်ပွဲကော်မရှင်အဖွဲ့ခွဲသည် မဲစာရင်းကိုရွေးကောက်ပွဲမတိုင်မီသည်နည်းလမ်းအတိုင်းကြေငြာမည်။
o    [ရွေးကောက်ပွဲဥပဒေ ပုဒ်မ-၁၆။]

•    ဆန္ဒမဲပေးပိုင်ခွင့်ရှိသူများသည် သက်ဆိုင်ရာမဲစာရင်းတွင် မိမိအမည်ပါဝင်ခြင်းရှိမရှိကိုလာရောက်ကြည့်ရှုရန် တာဝန်ရှိသည်။
o    [ရွေးကောက်ပွဲဥပဒေ ပုဒ်မ-၉]

သို့မှသာမဲစာရင်းတွင်မပါဝင်သင့်သူများ၊ ပါဝင်သင့်လျှက် နှင့် မပါဝင်သူများကိုသိရှိနိုင်မည်။ ထိုသို့ဖြစ်ပါကသက်ဆိုင်ရာကော်မရှင်သို့သွားရောက်ကန့်ကွက်နိုင်မည်ဖြစ်သည်။ထိုပြင် မိမိအမည်မဲစာရင်းတွင်ပါဝင်သင့်ပါလျှက်မပါဝင်ပါကလည်းဥပဒေနှင့် အညီမဲစာရင်းတွင်ထည့်သွင်းပေးနိုင်ရန်အတွက် လျှောက်ထားနိုင်မည် ဖြစ်သည်။

မဲစာရင်းတွင် မိမိအမည်မပါဝင်ပါကဆောင်ရွက်ရန်နည်းလမ်းများ

ရပ်ကွက် (သို့) ကျေးရွာအုပ်စုကော်မရှင်အဖွဲ့ခွဲကမဲစာရင်းများကိုကြေငြာပြီးနောက်မိမိအမည်ပါဝင်ခြင်းမရှိပါက-

   မဲစာရင်းတွင်ထည့်သွင်းပေးရန်တောင်းဆိုလွှာကိုပုံစံ (၃) ဖြင့်ရပ်ကွက်နှင့် ကျေးရွာကော်မရှင်အဖွဲ့ခွဲသို့ တင်သွင်းနိုင်သည်။တောင်းဆိုလွှာတင်သွင်းသူများ၏အမည်စာရင်းကိုသက်ဆိုင်ရာကော်မရှင်အဖွဲ့ခွဲက စိစစ်ပြီးဥပဒေနှင့်ညီညွှတ်လျှင်မဲစာရင်း၌ဖြည့်စွက်ဖော်ပြမည်။
   အကယ်၍ ရပ်/ကျေးကော်မရှင်ကထည့်သွင်းပေးခြင်းမရှိလျှင် မြို့နယ်ကော်မရှင်သို့ အယူခံပိုင်ခွင့်ရှိသည်။[ရွေးကောက်ပွဲဥပဒေပုဒ်မ-၁၆။]
  မဲစာရင်းတွင်ဆန္ဒမဲပေးပိုင်ခွင့်ရှိသူအချို့၏အမည်များအစုအဝေးလိုက်ကျန်ရစ်ခဲ့ကြောင်းတွေ့ရှိလျှင်   ရွေးကောက်ပွဲမကျင်းပမီ(၇)ရက်ထက်နောက်မကျဘဲနောက်ဆက်တွဲမဲစာရင်းတွင် ထည့်သွင်းနိုင်ရန်ခွင့်ပြုနိုင်သည်။[ရွေးကောက်ပွဲဥပဒေ ပုဒ်မ-၁၄။(က)]
မဲဆန္ဒနယ်ပြင်ပရောက် မဲဆန္ဒရှင်များမဲဆန္ဒနယ်ရွေ့ပြောင်းခြင်း။

အနည်းဆုံးရက်ပေါင်း ၁၈၀ ထက်မနည်းမဲဆန္ဒနယ်ပြင်ပရောက် မဲဆန္ဒရှင်များသည် မိမိတို့အမြဲတမ်းနေရပ်သို့ သွားရောက်ပြီးမဲပေးလိုခြင်း၊ မရှိပါကမိမိတို့ရောက်ရှိနေသောနေရာတွင်မဲပေးခွင့်ရရှိစေရန်မဲစာရင်းသွင်းခြင်းကိုအောက်ပါအတိုင်းေ ဆာင်ရွက်ရမည်။
o    ဝန်ထမ်းဖြစ်ပါကသက်ဆိုင်ရာနယ်မြေရှိလုပ်ငန်းတာဝန်ခံ၏ ထောက်ခံချက်၊ အလုပ်သမားဖြစ်ပါကသက်ဆိုင်ရာလုပ်ငန်းရှင်(သို့)အလုပ်ရှင်ကိုယ်စားလှယ်၏ ထောက်ခံချက်၊ အခြားပုဂ္ဂိုလ်ဖြစ်ပါကကိုယ်တိုင်ဝန်ခံချက်ကိုဖော်ပြ၍သက်ဆိုင်ရာရပ်ကျေးအုပ်ချုပ်ရေးမှူး၏ ထပ်ဆင့်ထောက်ခံချက်ဖြင့် မဲစာရင်း၌မိမိအမည်ထည့်သွင်းပေးရန်ရွေးကောက်ပွဲမကျင်းပမီရက်ပေါင်း (၃၀) ထက် နောက်မကျစေဘဲသက်ဆိုင်ရာရပ်ကျေးကော်မရှင်သို့ လျှောက်ထားရမည်။
o    သတ်မှတ်ထားသောအရည်အချင်းများ နှင့် ပြည့်စုံပါကသက်ဆိုင်ရာရပ်ကျေးကော်မရှင်က သတ်မှတ်ချက်များ နှင့်အညီဆောင်ရွက်၍ မဲစာရင်းတွင်ထည့်သွင်းရမည်။
o    နည်းဥပဒေခွဲ (ခ)အရမဲစာရင်းတွင် အမည်စာရင်းထည့်သွင်းခံရသူ၏ အမည်ကိုအမြဲတမ်းနေရပ်၏ ရပ်ကွက် (သို့)  ကျေးအုပ်စုရှိမဲစာရင်းမှ ပယ်ဖျက်နိုင်ရေးအတွက် မိမိမြို့နယ်ကော်မရှင်အဖွဲ့ခွဲကလည်းထိုတင်ပြချက်ကိုလိုအပ်သလိုအရေးယူဆောင်ရွက်နိုင်ရန် သက်ဆိုင်ရာမဲဆန္ဒရှင်၏ နေရင်းဒေသမြို့နယ်ကော်မရှင်အဖွဲ့ခွဲသို့ပုံစံ(၃-ခ) သုံးစောင်ဖြင့်အမြန်ဆုံးဆက်လက်အကြောင်းကြားရမည်။[ရွေးကောက်ပွဲဥပဒေ ပုဒ်မ-၁၀။]

မဲဆန္ဒရှင်တစ်ဦး ၏အမည်စာရင်းသည်မဲဆန္ဒနယ်တစ်ခုထက် ပို၍ ပါဝင်နေခြင်း။

-    မဲဆန္ဒရှင်တစ်ဦး၏ အမည်စာရင်းသည်မဲဆန္ဒနယ်တစ်ခုပိုသောမဲဆန္ဒနယ်များ၏ မဲစာရင်းတွင်ပါရှိနေပါကမဲဆန္ဒရှင်၏ ဆန္ဒနှင့်အညီ ၎င်းမဲပေးလိုသည့် မဲဆန္ဒနယ်တွင်မဲပေးနိုင်ရန်အတွက် အဆိုပါမဲပေးလိုသည့်မဲဆန္ဒနယ်နှင့်သက်ဆိုင်သည့်မြို့နယ်ကော်မရှင်အဖွဲ့ခွဲကစီစဉ်ဆောင်ရွက်ပေးရမည်။
-    ယင်းမြို့နယ်ကော်မရှင်အဖွဲ့ခွဲသည် ထိုသူ၏အမည်အားမိမိမဲဆန္ဒနယ်၏မဲစာရင်းတွင်ထည့်သွင်းပြီးကြောင်းနှင့်အခြားမဲဆန္ဒနယ်များရှိ မဲစာရင်းများတွင်ထိုသူ၏အမည်ကိုပယ်ဖျက်ပေးရန်အမည်စာရင်းပါရှိသည့် သက်ဆိုင်ရာမြို့နယ်ကော်မရှင်အဖွဲ့ခွဲ အသီးသီးထံသို့အကြောင်းကြားရမည်။
[ရွေးကောက်ပွဲနည်းဥပဒေ ပုဒ်မ-၁၄။(ဂ)]

ဆန္ဒမဲပေးပိုင်ခွင့်ရှိသူတစ်ဦးသည် ဒေသတစ်ခုမှ အခြားဒေသတစ်ခုသို့ ရွေ့ပြောင်းခြင်း။

ဆန္ဒမဲပေးပိုင်ခွင့်ရှိသူတစ်ဦးသည် ဒေသတစ်ခုမှ အခြားဒေသတစ်ခုသို့ပြောင်းရွေ့သည့်အခါ မဲဆန္ဒနယ်တစ်နယ်၏ မဲစာရင်းမှ အခြားမဲဆန္ဒနယ်တစ်နယ်၏ မဲစာရင်းသို့အမည်ပြောင်းရွေ့လိုလျှင်-
o    ၁၉၅၁ ပြည်ထောင်စုမြန်မာနိုင်ငံတော်အတွင်းနေထိုင်သူများမှတ်ပုံတင်ရေးနည်းဥပဒေ ၂၆(၂) နှင့် နည်းဥပဒေ ၂၇ (၁) တို့အရထုတ်ပေးသောပုံစံ (၁၀) သို့မဟုတ် ပုံစံ (၉၀/၁/၃(၁)) နှင့်အတူလက်ရှိမဲဆန္ဒနယ်မဲစာရင်း၌မိမိအမည်ပယ်ဖျက်၍အခြားမဲဆန္ဒနယ်သို့ ပြောင်းရွေ့ပေးရန်တောင်းဆိုလွှာပုံစံ(၄-က)ဖြင့်သက်ဆိုင်ရာရပ်ကျေးကော်မရှင်သို့တင်သွင်းရမည်။
o    ယင်းတင်ပြချက်မှန်ကန်လျှင် သက်ဆိုင်ရာကော်မရှင်အဖွဲ့ခွဲကခွင့်ပြု၍ ယင်းအမည်ကိုမဲစာရင်းမှပယ်ဖျက်ပြီး ဖြစ်ကြောင်းအထောက်အထားဖြစ်သည့် ပုံစံ (၄-ခ) ကိုထိုသူအားထုတ်ပေးရမည်။
o    ထိုသူသည်မိမိပြောင်းရွေ့နေထိုင်ရာဒေသ၏ မဲစာရင်းတွင် မိမိအမည်ထည့်သွင်းပေးရန်ပြောင်းရွေ့ရောက်ရှိရာနေရာ၏ အိမ်ထောင်စုဇယားနှင့်ပုံစံ(၄-ခ)တို့ကိုပူးတွဲ၍ တောင်းဆိုလွှာ (ပုံစံ-၃) ကိုတင်သွင်းလျှင်သက်ဆိုင်ရာရပ်ကျေးကော်မရှင်အဖွဲ့ခွဲကမဲစာရင်း၌ထည့်သွင်းပေးမည်။
o    ယင်းပြောင်းရွေ့လာသည့်မဲဆန္ဒနယ်၌ထိုသူသည်မဲပေးခွင့်ရှိသည်။[ရွေးကောက်ပွဲဥပဒေ ပုဒ်မ-၁၄။(င)]
       
ကန့်ကွက်ခြင်း နှင့် ပြင်ဆင်ခြင်း

-    မဲစာရင်းပါ အမည်နှင့် အခြားအချက်အလက်များကိုကန့်ကွက်ရန်ရှိပါကကန့်ကွက်လွှာကိုပုံစံ (၄) ဖြင့်လည်းကောင်း၊
-    ပြင်ဆင်ရန်ရှိပါကပြင်ဆင်လွှာကိုပုံစံ(၄-ဂ)ဖြင့်လည်းကောင်းမဲစာရင်းထုတ်ပြန်ကြေငြာပြီးသည့်နေမှစ၍ (၁၄)ရက်အတွင်းရပ်ကျေးကော်မရှင်သို့တင်သွင်းရမည်။[ရွေးကောက်ပွဲနည်းဥပဒေ ပုဒ်မ-၁၁။(က)]
-    မဲစာရင်းတွင်မဲပေးခွင့်မရှိသူ၏ အမည်စာရင်းပါဝင်နေလျှင် ရပ်/ကျေးကော်မရှင်အဖွဲ့ခွဲ သို့ ပုဒ်မ(၄) အရကန့်ကွက်လွှာတင်သွင်းနိုင်သည်။ (ပုံစံ-၄ ဖြင့်)
-    အကယ်၍ရပ်/ကျေးကော်မရှင်ကထိုကန့်ကွက်လွှာကိုအရေးယူဆောင်ရွက်ခြင်းမရှိလျှင် မြို့နယ်ကော်မရှင်အဖွဲ့သို့ကန့်ကွက်လွှာတင်သွင်းနိုင်သည်။
-    မြို့နယ်ကော်မရှင်အဖွဲ့ခွဲ၏ ဆုံးဖြတ်ချက်သည် အပြီးအပြတ်ဖြစ်သည်။[ရွေးကောက်ပွဲဥပဒေပုဒ်မ-၁၈။(က)]
-    မိမိအမည်ပါဝင်ခြင်းမရှိသောအခြားရပ်ကွက် (သို့မဟုတ်) ကျေးရွာအုပ်စုမဲစာရင်း၌ပါရှိသောပုဂ္ဂိုလ်များကိုကန့်ကွက်ခြင်းမပြုရ။[ရွေးကောက်ပွဲနည်းဥပဒေ ပုဒ်မ-၁၁။(က)]

မဲပေးခြင်းနှင့် ရွေးကောက်ပွဲဆိုင်ရာလုပ်ငန်းစဉ်များ
ရွေးကောက်ပွဲကျင်းပခြင်း။
ကော်မရှင်သည်
(က) ရွေးကောက်ပွဲကို ဖြစ်နိုင်သရွေ့တစ်နေ့တည်းတွင်တစ်ပြိုင်နက်ကျင်းပရမည်။
(ခ) ဖြစ်နိုင်သရွေ့အများပြည်သူအလုပ်ပိတ်ရက်တွင်ကျင်းပရမည်။
(ဂ) ရွေးကောက်ပွဲကျင်းပမည့်နေ့ရက်ကိုကြိုတင်၍သတ်မှတ်ကြော်ငြာရမည်။
[ရွေးကောက်ပွဲဥပဒေပုဒ်မ-၃၄။]
-    မဲဆန္ဒနယ်တစ်နယ်တွင်ရွေးကောက်တင်မြှောက်ခံမည့်ကိုယ်စားလှယ် တစ်ဦးတည်းသာရှိလျှင်ထိုမဲဆန္ဒနယ်တွင်ရွေးကောက်ပွဲမကျင်းပတော့ဘဲထိုပုဂ္ဂိုလ်ကို လွှတ်တော်ကိုယ်စားလှယ်ဖြစ်ကြောင်းပြည်နယ်/တိုင်းဒေသကြီးကော်မရှင်ကကြော်ငြာမည်။
-    မဲဆန္ဒနယ်တစ်နယ်တွင်လွတ်တော်ကိုယ်စားလှယ်လောင်းတစ်ဦးထက်ပိုခဲ့လျှင်မဲပုံးနှင့် ဆန္ဒမဲလက်မှတ်များကိုနည်းဥပဒေပြဌာန်းချက်များအတိုင်းပြုလုပ်စီစဉ်၍ဆန္ဒမဲပေးစေရမည်။
[ရွေးကောက်ပွဲဥပဒေပုဒ်မ-၄၁။]
ရွေးကောက်ပွဲကျင်းပချိန် (မဲရုံဖွင့်ချိန်နှင့်ပိတ်ချိန်)
-    မဲရုံကိုမနက် (၆) နာရီ မှ ညနေ (၄) နာရီအထိဖွင့်လှစ်ထားမည်။
-    ညနေ(၄)နာရီတိတိတွင် မဲရုံပိတ်သည့်အခါမဲရုံပရဝုဏ်အတွင်း ဆန္ဒမဲမပေးရသေးသူများရှိပါကစာရင်းကောက်၍ ထိုစာရင်းပါဝင်သူများကိုမဲပေးချိန်လွန်နေစေကာမူမဲပေးခွင့် ပြုရမည်။
-    ဆန္ဒမဲပေးပြီးသူအားလုံး ဆန္ဒပေးပြီးပါကမဲရုံများကိုညနေ (၄) နာရီထက်စော၍ ပိတ်နိုင်သည်။
[ရွေးကောက်ပွဲဥပဒေပုဒ်မ-၄၂။]


ဆန္ဒမဲပေးခြင်း။
တပ်မတော်သားလွတ်တော်ကိုယ်စားလှယ်များမှအပလွှတ်တော်ကိုယ်စားလှယ်များကို သက်ဆိုင်ရာမဲဆန္ဒနယ်တွင်နေထိုင်ကြသော ဆန္ဒမဲပေးပိုင်ခွင့်ရှိသူများကလျို့ဝှက်ဆန္ဒမဲဖြင့် ရွေးကောက်တင်မြောက်ရမည်။
[ရွေးကောက်ပွဲဥပဒေပုဒ်မ-၃၅။]
သက်ဆိုင်ရာလွှတ်တော်အလိုက် အရွေးချယ်ခံမည့် လွတ်တော်ကိုယ်စားလှယ်များကိုဆန္ဒပြုရာတွင် သက်ဆိုင်ရာလွှတ်တော်တစ်ရပ်အတွက်ကိုယ်စားလှယ်လောင်းတစ်ဦးစီတွင် တစ်ကြိမ်သာဆန္ဒပြုနိုင်သည်။ တစ်ဦးစီအတွက် တစ်ကြိမ်ထက်ပို၍ဆန္ဒမဲပေးခွင့်မရှိပါ။
[ရွေးကောက်ပွဲဥပဒေပုဒ်မ-၄၄။]
ကြိုတင်ဆန္ဒမဲလက်မှတ်ဖြင့်ဆန္ဒမဲပေးသူများမှအပဆန္ဒမဲပေးပိုင်ခွင့်ရှိသူများသည် သက်ဆိုင်ရာမဲရုံအသီးသီးတွင်မဲလက်မှတ်များကိုကိုယ်တိုင်လာရောက်ထုတ်ယူပြီးလျို့ဝှက်ဆန္ဒပြု၍ သက်ဆိုင်ရာမဲပုံးအတွင်းသို့ကိုယ်တိုင်ထည့်ရမည်။ ကိုယ်စားစေလွှတ်၍ဆန္ဒမဲပေးခြင်းမပြုရ။
[ရွေးကောက်ပွဲဥပဒေပုဒ်မ-၄၃။]
ကြိုတင်ဆန္ဒမဲပေးခွင့်ရှိသူများ
(က) မဲဆန္ဒနယ် ပြင်ပရောက်တပ်မတော်သားများ၊ ကျောင်းသာများသင်တန်းသားများ၊ အချုပ်ကျခံနေသူများ၊
(ခ) ရွေးကောက်ပွဲကျင်းပသည့်နေ့တွင် မိမိအမည်စာရင်းပါမဲဆန္ဒနယ်မှကျော်လွန်ခရီးသွားရန်ရှိသူများ၊
(ဂ) မဲဆန္ဒနယ်အတွင်းရှိသော်လည်းအနာကြီးရောဂါသည်များ၊ ဂေါရာဝေဒနာပြင်းထန်စွာခံစားနေရသူများ၊ အသက်အရွယ်ကြီးရင့်သူများ၊ သားဖွားနေသူများ၊ အချုပ်ကျခံနေရသူများဆေးရုံတက်နေသူများ၊ ယာယီတာဝန်ဖြင့်မဲဆန္ဒနယ်ပြင်ပရောက်ဝန်ထမ်းများ၊ တပ်မတော်သား၊ ရဲတပ်ဖွဲ့ဝင်များ၊
[ရွေးကောက်ပွဲဥပဒေပုဒ်မ-၄၅။]
ဆန္ဒမဲပေးခြင်းစနစ် နှင့် မဲထည့်ပုံ။
-    ရွေးကောက်ပွဲတွင်လျှို့ဝှက်မဲပေးစနစ်ကိုကျင့်သုံးမည်။ [ရွေးကောက်ပွဲဥပဒေပုဒ်မ-၃၅။]
(က) မဲရုံတာဝန်ရှိသူကမဲလက်မှတ်မထုတ်ပေးမီမဲပေးသူ၏အမည်နှင့် မဲစာရင်းမှန်ကန်ပါကမဲစာရင်းတွင်လက်မှတ်ရေးထိုးခြင်း၊ လက်မလက်ဗွေနှိပ်ခြင်းတို့ ပြုလုပ်စေပြီးနောက်ထိုသူအားမဲလက်မှတ်ကိုထုတ်ပေးမည်
(ခ) မဲလက်မှတ်ရရှိလျှင် မဲပေးသူသည်လျှို့ဝှက်မဲပေးခန်းသို့ဝင်၍ မဲလက်မှတ်ပေါ်တွင် မိမိမဲပေးလိုသောကိုယ်စားလှယ်လောင်း၏အမည်နှင့် သင်္ကေတအမှတ်အသားတည့်တည့်ရှိလေးထောင့်အကွက်အတွင်းအမှန်အမှတ်အသားပါတံဆိပ်တုံးကို   နှိပ်၍ဆန္ဒပြုရမည်။
ထို့နောက် မိမိဆန္ဒပြုထားသည်ကိုသူတစ်ပါးမမြင်နိုင်စေရန်ဆန္ဒမဲလက်မှတ်ကိုခေါက်၍ သတ်မှတ်ထားသောပုံးတွင်ထည့်ရမည်။မဲလက်မှတ်တွင် မဲရုံမှူးလက်မှတ်နှင့် ဆန္ဒမဲလက်မှတ်ပါလေးထောင့်ကွက်အတွင်း၌ မဲဆန္ဒရှင်ဆန္ဒပြုထားသောအမှတ်အသားတို့မှတစ်ပါးအခြားမည်သည့်အမှတ်အသားမျှမပါဝင်စေရ။
(ဂ) မဲပေးပြီးသူတိုင်းကိုနောက်တစ်ကြိမ်ဆန္ဒမဲပေးခြင်းမရှိစေရန် သတ်မှတ်ညွှန်းကြားချက်အတိုင်းမှင်တို့သည့်စနစ်ကိုကျင့်သုံးရမည်။
[ရွေးကောက်ပွဲနည်းဥပဒေပုဒ်မ-၄၅။]
မဲဆန္ဒနယ်ပြင်ပရောက်ရှိနေသူများကြိုတင် ဆန္ဒမဲပေးခြင်း
မဲဆန္ဒနယ်ပြင်ပတွင်ရောက်ရှိနေသောမဲဆန္ဒပေးပိုင်ခွင့်ရှိသောသူများသည်သက်ဆိုင်ရာမဲဆန္ဒနယ် အသီးသီးအတွက်ကြိုတင်ဆန္ဒမဲလက်မှတ်ဖြင့် ကြိုတင်ဆန္ဒမဲပေးနိုင်သည်။
    တပ်မတော်သားများနှင့် အတူနေအိမ်ထောင်စုဝင်များ
    မဲဆန္ဒနယ်ပြင်ပရောက် အခြားမဲဆန္ဒရှင်များ
    မဲဆန္ဒနယ်ပြင်ပရောက် အခြားမဲဆန္ဒရှင်များ
-    အချုပ်ခံနေရသူများ(အမှုရင်ဆိုင်နေသောစွပ်စွဲခံရသူ/ထောင်ချမှတ်ခြင်းမခံသေးသောစွပ်စွဲခံရသူ)
-    အတွင်းလူနာ
-    အစိုးရခွင့်ပြုချက်ဖြင့် နိုင်ငံခြားရောက်ရှိနေသူ
ခိုင်လုံမဲနှင့်ပယ်မဲ
-    ဆန္ဒမဲလက်မှတ်များကိုရေတွက်ရာတွင်ဆန္ဒမဲလက်မှတ်တစ်စောင်ခြင်းစီအားမဲရုံအဖွဲ့ဝင်များ၊ သက်သေများ၊ မဲရုံကိုယ်စားလှယ်များကိုပြသ၍ရေတွက်ရမည်။ အောက်ပါဆန္ဒမဲလက်မှတ်မျိုးကိုပယ်ရမည်။
(၁) ကော်မရှင်ကအတည်ပြုထားသောအမှတ်အသားမပါသည့်မဲလက်မှတ်
(၂) မဲရုံမှူးလက်မှတ်မပါသည့်မဲလက်မှတ်
(၃) ကိုယ်စားလှယ်လောင်းတစ်ဦးထက်ပို၍ ဆန္ဒပြုထားသည့်မဲလက်မှတ်
(၄) ဆန္ဒပြုထားခြင်းမရှိသောမဲလက်မှတ်
(၅) ဆန္ဒပြုထားခြင်းမသေချာမထင်ရှားသောမဲလက်မှတ်
(၆) မဲလက်မှတ်အတုဟုမဲရုံးမှူးကဆုံးဖြတ်သည့်မဲလက်မှတ်
(၇) ဆန္ဒမဲပေးသူကိုသိနိုင်ရန် အမှတ်အသားပြုထားသည့်မဲလက်မှတ်
(၈) ဆုတ်ဖြဲထားသောမဲလက်မှတ်
(၉) ကော်မရှင်ကပယ်မဲအဖြစ်သတ်မှတ်ရန် ထုတ်ပြန်ထားသောမဲလက်မှတ်
[ရွေးကောက်ပွဲနည်းဥပဒေပုဒ်မ-၆၆။]
-    ကြိုတင်မဲလက်မှတ်များကိုရေတွက်ရာတွင်ကြိုတင်မဲလက်မှတ်တစ်စောင်ချင်းစီအားမဲရုံအဖွဲ့ဝင်များ၊ သက်သေများ၊မဲရုံကိုယ်စားလှယ်များကိုပြသ၍ရေတွက်ရမည်။အောက်ပါကြိုတင် ဆန္ဒမဲလက်မှတ်များကိုပယ်ရမည်။
(၁) ကော်မရှင်အမှတ်အသားမပါသည့်မဲလက်မှတ်
(၂) ကော်မရှင်အဖွဲ့ခွဲ တံဆိပ်မပါသည့်မဲလက်မှတ်
(၃) တာဝန်ခံထုတ်ပေးသူအမည်နှင့် လက်မှတ်မပါသည့်မဲလက်မှတ်
(၄) လွှတ်တော်ကိုယ်စားလှယ်လောင်းတစ်ဦးထက်ပို၍ဆန္ဒပြုထားသည့်မဲလက်မှတ်
(၅) ဆန္ဒပြုထားခြင်းမရှိသည့်မဲလက်မှတ်
(၆) ဆန္ဒပြုထားခြင်းမထင်ရှားသည့်မဲလက်မှတ်
(၇) ကြိုတင်ဆန္ဒမဲလက်မှတ်အတုဖြစ်သည်ဟုမဲရုံမှူးမှ ဆုံးဖြတ်သည့်မဲလက်မှတ်
(၈) ဆန္ဒမဲပေးသူကိုသိရှိရန် အမှတ်အသားပြုထားသည့် မဲလက်မှတ်
(၉) ဆုတ်ဖြဲထားသောမဲလက်မှတ်
(၁၀) ကော်မရှင်ကပယ်မဲအဖြစ်သတ်မှတ်ရန်ထုတ်ပြန်ထားသောမဲလက်မှတ်
[ရွေးကောက်ပွဲဥပဒေပုဒ်မ-၆၆(ဃ)။]
-    ဆန္ဒမဲလက်မှတ်(သို့)ကြိုတင်မဲလက်မှတ်တစ်ခုသည် ခိုင်လုံမဲဖြစ်သည် ပယ်မဲဖြစ်သည်ကိုအောက်ပါပုဂ္ဂိုလ်အဖွဲ့အစည်းကဆုံးဖြတ်ရမည်။
(က)မဲရုံတွင် ရေတွက်သောမဲလက်မှတ်နှင့် ကြိုတင်မဲလက်မှတ်ဖြစ်လျှင် မဲရုံမှူး
(ခ) မြို့နယ်ကော်မရှင်တွင်ရေတွက်သောကြိုတင်မဲလက်မှတ်ဖြစ်လျှင် မြို့နယ်ကော်မရှင်

အမျိုးသားလွှတ်တော်၊ ပြည်သူ့လွှတ်တော်၊ ပြည်နယ်/တိုင်းဒေသကြီးလွှတ်တော်ဖွဲ့စည်းပုံ
နှင့် လွှတ်တော်ကိုယ်စားလှယ်များ၏ အရည်အချင်းများ။
အမျိုးသားလွှတ်တော်
ပြည်နယ်/တိုင်း ၁၄ ခု × ၁၂ ဦး    = ၁၆၈ ဦး
တပ်မတော်သားကိုယ်စားလှယ်    =   ၅၆ ဦး
                       ၂၂၄ ဦး
-    မဲပေးပိုင်ခွင့်ရှိသော နိုင်ငံသားမဲဆန္ဒရှင်များသည် မိမိမဲဆန္ဒနယ်ကိုကိုယ်စားပြုသောအမျိုးသားလွှတ်တော် ကိုယ်စားလှယ်ကို ဆန္ဒမဲပေးရွေးချယ်ပိုင်ခွင့်ရှိသည်။
ပြည်သူ့လွှတ်တော်
တစ်မြို့နယ်လျှင်ကိုယ်စားလှယ် (၁)ဦး×၃၃၀ မြို့နယ်     = ၃၃၀ ဦး
တပ်မတော်သားကိုယ်စားလှယ်            = ၁၁၀ ဦး
                          ၄၄၀ ဦး
-    ဥပဒေ နှင့်အညီမဲပေးပိုင်ခွင့်ရှိသောမဲဆန္ဒရှင်များသည် မိမိမဲဆန္ဒနယ်ကိုကိုယ်စားပြုသောပြည်သူ့လွှတ်တော် ကိုယ်စားလှယ်ကို ဆန္ဒမဲပေးရွေးချယ်ပိုင်ခွင့်ရှိသည်။
တိုင်းဒေသကြီးလွှတ်တော် (သို့မဟုတ်) ပြည်နယ်လွှတ်တော်ဖွဲ့စည်းခြင်း။
-    တိုင်းဒေသကြီး (သို့မဟုတ်) ပြည်နယ်များတွင် မြို့နယ်တစ်မြို့နယ်လျှင် နှစ်ဦးကျရွေးကောက်တင်မြှောက်သည့် လွှတ်တော်ကိုယ်စားလှယ်များ။
-    တိုင်းဒေသကြီး နှင့် ပြည်နယ်များတွင်ကိုယ်ပိုင်အုပ်ချုပ်ခွင့်ရ စီရင်စုရှိပြီးသောတိုင်းရင်းသားလူမျိုးများမှအပကျန်တိုင်းရင်းသားလူမျိုးများအနက်လျှော်ကန်သင့်မြတ်သည့် လူဦးရေဖြစ်သည့် နိုင်ငံတော်ရှိလူဦးရေစုစုပေါင်း ၏ သုညဒဿမတစ်ရာခိုင်နှုန်းအထက်ရှိကြောင်းကော်မရှင်ကသတ်မှတ်သောတိုင်းရင်းသားလူမျိုးအသီးသီးက လူမျိူးတစ်မျိုးအတွက် တစ်ဦးကျစီရွေးကောက်တင်မြှောက်သည့်လွှတ်တော်ကိုယ်စားလှယ်များ။
-    ရွေးကောက်တင်မြှောက်သည့်လွှတ်တော်ကိုယ်စားလှယ် စုစုပေါင်း၏ သုံးပုံတစ်ပုံနှင့်ညီမျှသောကွာကွယ်ရေးဦးစီးချုပ်ကဥပဒေ နှင့် အညီအမည်စာရင်းတင်သွင်းသည့် တပ်မတော်သားလွှတ်တော်ကိုယ်စားလှယ်များ။
[တိုင်းဒေသကြီးနှင့် ပြည်နယ်လွှတ်တော်ရွေးကောက်ပွဲဥပဒေပုဒ်မ- ၃။ (က)၊(ခ)၊(ဂ)၊(ဃ)]
ရွေးကောက်တင်မြှောက်ခံပိုင်ခွင့်မရှိသူများ။
အောက်ပါပုဂ္ဂိုလ်များသည်ရွေးကောက်တင်မြှောက်ခံပိုင်ခွင့်မရှိစေရ
(က)    ထောင်ဒဏ်ကျခံနေသူများ။
(ခ)    လွှတ်တော် ကိုယ်စားလှယ်အရည်အချင်းပျက်ယွင်းသူ၊ ရွေးကောက်ခံပိုင်ခွင့်မရှိကြောင်းသတ်မှတ်ထားသည့် ကာလကုန်ဆုံးခြင်းမရှိသေးသူ။
(ဂ)    စိတ်ပေါသွပ်သူ
(ဃ)    လူမွဲအဖြစ်တရားရုံးမှ ကြေငြာခြင်းခံနေရသူ။
(င)    မွေးဖွားစဉ်က နိုင်ငံသားမဖြစ်သေးသောမိဘ(၁)ပါးမှ ဖြစ်စေ၊ (၂)ပါးလုံးမှ ဖြစ်စေမွေးဖွားသောနိုင်ငံသား
(စ)    နိုင်ငံခြားအစိုးရ၏ သစ္စာခံ၊ သြဇာခံ၊ လက်အောက်ခံ၊ တိုင်းတစ်ပါး၏နိုင်ငံသားဖြစ်သူ
(ဆ)    နိုင်ငံခြားအစိုးရ၏ လက်အောက်ခံ၊ နိုင်ငံသားအဖြစ်အခွင့်အရေး၊ ခံစားပိုင်ခွင့်များခံစားခွင့်ရှိသူ
(ဇ)    နိုင်ငံခြားအစိုးရ (သို့)အဖွဲ့အစည်းတစ်ခုခု (သို့) ပုဂ္ဂိုလ်တစ်ဦးဦးထံမှ တိုက်ရိုက်ဖြစ်စေ၊ သွယ်ဝိုက်၍ ဖြစ်စေအထောက်အပံ့အကူအညီရယူသူ
(ဈ)    နိုင်ငံရေးအတွက်ဘာသာရေးကိုအကြောင်းပြ၍ မဲဆွယ်စည်းရုံးသူ
(ည)    သာသနာ့ဝန်ထမ်း
(ဋ)    နိုင်ငံဝန်ထမ်း
(ဌ)    နိုင်ငံတော်ပိုင် ပစ္စည်း၊ ငွေကြေးတို့ကိုတိုက်ရိုက်ဖြစ်စေသွယ်ဝိုက်၍ဖြစ်စေရယူသုံးစွဲသူ (သို့) အဖွဲ့
(ဍ)    ဧည့်နိုင်ငံသား၊ နိုင်ငံသားပြုခွင့်ရသူ၊ နိုင်ငံခြားသား (သို့) နိုင်ငံခြားသားအဖြစ်ခံယူထားသူ။
(ဎ)    တည်ဆဲဥပဒေတစ်ရပ်ရပ်အရမတရားအသင်းကြေငြာခံရသောအဖွဲ့အစည်း၊ အကြမ်းဖက်အဖွဲ့ အစည်း (သို့) ပုဂ္ဂိုလ်များ၊ နိုင်ငံတော်အားလက်နက်ကိုင်ဆန့်ကျင်နေသောအဖွဲ့အစည်းများ နှင့် ယင်းအဖွဲ့ဝင်များ နှင့်ဆက်သွယ်ကြောင်းခိုင်လုံသောအထောက်အထားရှိသူ
(အမျိုးသားလွှတ်တော်၊ပြည်သူ့လွှတ်တော်၊ပြည်နယ်တိုင်းဒေသကြီးလွှတ်တော်ရွေးကောက်ပွဲဥပဒေ ပုဒ်မ-၁၀။)