ရှေးဦးစွာ အခမ်းအနားတွင် ပြည်ထောင်စုသမ္မတမြန်မာနိုင်ငံတော်အလံ၊ ပအိုဝ်းအမျိုးသားအလံနှင့် ကျဆုံးလေပြီးသော အာဇာနည်ခေါင်းဆောင်ကြီးများကို အလေးပြုကာ ပအိုဝ်းအမျိုးသားသီချင်းအဖြစ် အတည်ပြုထားသော 'ဇာ;တိသွီ; နီအသက်သွီ;ဖြီ,'သီချင်းကို သီဆိုခဲ့ကြပါသည်။ ထို့နောက် PNO နာယကကြီး ဦးခွန်မောင်တုတ်က အဖွင့်အမှာစကား ပြောကြားပြီး ဆက်လက်၍ ပအိုဝ်းအမျိုးသားအဖွဲ့ချုပ် (PNO) အတွင်းရေးမှူး ဦးခွန်သိန်းဖေက အစည်းအဝေး ခေါ်ယူရခြင်းအကြောင်းကို ရှင်းလင်းတင်ပြခဲ့ပါသည်။
ဆက်လက်၍ တက်ရောက်လာကြသော (၆) မြို့နယ်ကိုယ်စားလှယ်များက မိမိတို့မြို့နယ်တွင် ရွေးကောက်ပွဲနှင့် ပတ်သက်၍ ဆောင်ရွက်ဆဲ/ ထပ်မံ ဆောင်ရွက်သင့်သည့် လုပ်ငန်းများ များကို တင်ပြဆွေးနွေးခဲ့ကြကာ၊ ၄င်းတင်ပြချက်များအပေါ် ဆွေးနွေးသုံးသပ်၊ ဆုံးဖြတ်ချက်များချမှတ်ပြီး ၂၀၁၅ ရွေးကောက်ပွဲတွင် မိမိတို့ ပါတီ ၀င်ရောက်ယှဉ်ပြိုင်မည့် မြို့နယ်များတွင် ပြည်သူများ မှန်မှန်ကန်ကန် ဆန္ဒမဲထည့်တတ်ရန် အတွက် ကွင်းဆင်းသရုပ်ပြ၊ သင်တန်းပေးခြင်းများ ဆောင်ရွက်သွားမည် ဖြစ်ကြောင်း သိရှိရပါသည်။
ခွန်ထင်းလေအောင်း
Like On Facebook
Follow On Twitter
Subscribe On RSS