တောင်ကြီး၊ ၂၀၁၆ ခုနှစ်၊ ဇွန်လ (၁၇) ရက်
ကမ္ဘာ့ကုလသမဂ္ဂ(United Nations)သည် နိုင်ငံတကာပူးပေါင်းဆောင်ရွက်မှုကို မြှင့်တင်နိုင်ရေးအတွက် ကမ္ဘာ့နိုင်ငံအချင်းချင်းဖွဲ့စည်းထားသော အဖွဲ့အစည်းတစ်ခုဖြစ်သည်။ ဒုတိယကမ္ဘာစစ်ကြီးဖြစ်ပွားပြီးနောက် အလားတူကမ္ဘာစစ်ကြီးပဋိပက္ခ ထပ်မဖြစ်ပွားအောင် ကာကွယ်နိုင်ရေးအတွက် ထိရောက်မှုမရှိတော့သော နိုင်ငံပေါင်းချုပ်အသင်းကြီး(League of Nations)ကို အစားထိုးနိုင်ရန် ကမ္ဘာ့ကုလသမဂ္ဂကို ၁၉၄၅ခုနှစ်၊ အောက်တိုဘာလ (၂၄)နေ့တွင် စတင်ဖွဲ့စည်းထူထောင်ခဲ့သည်။ စတင်ဖွဲ့စည်းချိန်တွင် အဖွဲ့ဝင်နိုင်ငံပေါင်းမှာ (၅၁)နိုင်ငံသာ ရှိခဲ့ပါသည်။
ယခုအခါတွင် အဖွဲ့ဝင်နိုင်ငံပေါင်း (၁၉၃)နိုင်ငံရှိနေပြီဖြစ်သည်။ ကမ္ဘာ့ကုလသမဂ္ဂအဖွဲ့ဝင်နိ်ုင်ငံများတွင် ကမ္ဘာပေါ်ရှိနိုင်ငံများအားလုံးနီးပါး ပါဝင်နေခြင်းဖြစ်သည်။ ကမ္ဘာ့နိ်ုင်ငံစုစုပေါင်း(၂၀၆)နိုင်ငံရှိသည့်အနက် ကမ္ဘာ့ကုလသမဂ္ဂအဖွဲ့ဝင်ဖြစ်သည့်နိ်ုင်ငံမှာ (၁၉၃)နိုင်ငံ၊ ကမ္ဘာ့ကုလသမဂ္ဂလေ့လာသူအဖြစ် ရပ်တည်သည့်နိုင်ငံမှာ (၂)နိုင်ငံ[ပါလက်စတိုင်း(State of Palestine)နှင့် ဟိုးလီးစီး(Holy See)]နှင့် ကမ္ဘာ့ကုလသမဂ္ဂအဖွဲ့ဝင်လည်းမဟုတ်သော၊ လေ့လာသူအဖြစ် ရပ်တည်သည်လည်း မဟုတ်သော နိုင်ငံမှာ (၁၁)နိုင်ငံရှိသည်။ ထိုကမ္ဘာ့ကုလသမဂ္ဂအဖွဲ့ဝင်နိုင်ငံမဟုတ်သော၊ လေ့လာသူအဖြစ်လည်း မရပ်တည်သောနိုင်ငံ(၁၁)နိုင်ငံအနက် (၉)နိုင်ငံမှာ အချုပ်အခြာအာဏာအငြင်းပွားမှုများရှိသည့် နိုင်ငံများဖြစ်သည်[ဥပမာ - ထိုင်ဝမ်(တရုတ်ပြည်သူ့သမ္မတနိုင်ငံနှင့် အချုပ်အခြာအာဏာအငြင်းပွားမှုရှိသည်)]။
ကမ္ဘာ့ကုလသမဂ္ဂတွင် ရည်ရွယ်ချက်(၄)ချက်ရှိသည်။ ၎င်းတို့မှာ (၁) နိုင်ငံတကာငြိမ်းချမ်းရေးနှင့်လုံခြုံရေးကို ထိန်းသိမ်းရန်၊ (၂) ကမ္ဘာ့နိုင်ငံများအချင်းချင်း ချစ်ကြည်ရင်းနှီးမှုကို မြှင့်တင်ရန်၊ (၃) နိုင်ငံတကာပြဿနာများ ဖြေရှင်းရေးနှင့် လူ့အခွင့်အရေးလေးစားတန်ဖိုးထားမှုမြှင့်တင်ရေးတို့တွင် ပူးပေါင်းဆောင်ရွက်ရန်နှင့် (၄) ကမ္ဘာ့နိုင်ငံများ၏ လှုပ်ရှားမှုများသင့်မြတ်စေရေးတွင် ဗဟိုအဖွဲ့အစည်းအဖြစ် ရပ်တည်ရန်တို့ဖြစ်သည်။ ကမ္ဘာ့ကုလသမဂ္ဂ၏ဖွဲ့စည်းပုံတွင် အဆိုပါရည်ရွယ်ချက်တို့ဖြင့် ပူးပေါင်းဆောင်ရွက်ရန် ဖွဲ့စည်းထားသော အဖွဲ့အစည်းပေါင်းမှာ (၃၀)ကျော်ရှိပါသည်(ဥပမာ - WHO, UNESCO, UNODC)။ ကမ္ဘာ့ကုလသမဂ္ဂ၏ဖွဲ့စည်းပုံသည် အဓိကအစိတ်အပိုင်း(၅)ပိုင်းအပေါ် အခြေခံထားသည်။ ၎င်းတို့မှာ အထွေထွေညီလာခံ၊ လုံခြုံရေးကောင်စီ၊ စီးပွားရေးနှင့်လူမှုရေးကောင်စီ၊ အတွင်းဝန်များရုံးနှင့် အပြည်ပြည်ဆိုင်ရာတရားစီရင်ရေးရုံးတို့ဖြစ်သည်။ ကမ္ဘာ့ကုလသမဂ္ဂ၏ဘဏ္ဍာငွေသည် အဖွဲ့ဝင်နိုင်ငံများ၏ သတ်မှတ်ထားသည့်ထည့်ဝင်ငွေနှင့် စေတနာအလျှောက် ထည့်ဝင်ငွေတို့မှ ရရှိသည်။
ကမ္ဘာ့ကုလသမဂ္ဂသည် ကမ္ဘာ့အစိုးရ မဟုတ်ပါ။ ဥပဒေများကိုလည်း မပြဌာန်းပါ။ သို့သော် နိုင်ငံတကာပဋိပက္ခများကို ကူညီဖြေရှင်းရာတွင်မူ နည်းလမ်းများဖန်တီးပေးပြီး ကျွန်တော်တို့ ကမ္ဘာသူကမ္ဘာသားများအားလုံးအပေါ် အကျိုးသက်ရောက်မှုရှိစေသော အရေးကိစ္စများအပေါ်တွင်လည်း မူဝါဒများကို ဖော်ထုတ်ပေးသည်။
ကမ္ဘာ့ကုလသမဂ္ဂအဖွဲ့ဝင်နိုင်ငံများသည် ကြီးသည်ဖြစ်စေ၊ ငယ်သည်ဖြစ်စေ၊ ချမ်းသာသည်ဖြစ်စေ၊ ဆင်းရဲသည်ဖြစ်စေ၊ နိုင်ငံရးအမြင်များနှင့်လူမှုရေးစနစ်များကွဲပြားသည်ဖြစ်စေ ကမ္ဘာ့ကုလသမဂ္ဂအရေးကိစ္စများတွင် တူညီသော ဆွေးနွေးခွင့်နှင့် ဆုံးဖြတ်ချက်ချမှတ်ရာတွင် တူညီသောမဲပေးပိုင်ခွင့် ရရှိကြသည်။ ကမ္ဘာ့ကုလသမဂ္ဂသည် နိုင်ငံတကာပြဿနာများကိုင်တွယ်ဖြေရှင်းရာတွင် နိုင်ငံများ၏အခွင့်အရေးကို
လေးစားထောက်ရှု၍ နိုင်ငံအချင်းချင်းအပြန်အလှန်မှီခိုမှုနှင့် နိုင်ငံ့/အမျိုးသားအကျိုးစီပွားတို့အကြား ချိန်ခွင်လျှာညီမျှစေပြီး ဖြေရှင်းဆောင်ရွက်ပေးသည်။
ကမ္ဘာ့ကုလသမဂ္ဂသည် လူ့အခွင့်အရေးများလေးစားတန်ဖိုးမှုကို မြှင့်တင်သည်။ ဆင်းရဲနွမ်းပါးမှုကို လျှော့ချသည်။ အနာရောဂါများကို တိုက်ဖျက်သည်။ သဘာဝပတ်ဝန်းကျင်ကို ထ်ိန်းသိမ်းစောင့်ရှောက်သည်။ ကမ္ဘာ့ကုလသမဂ္ဂသည် မူးယစ်ဆေးဝါးကူးသန်းရောင်းဝယ်မှုနှင့် အကြမ်းဖက်မှုဝါဒတို့ကို ဆန့်ကျင်သော နိုင်ငံတကာလှုံ့ဆော်ရေးအဖွဲ့အစည်းများကို ဦးဆောင်သည်။
တစ်ကမ္ဘာလုံးအနေဖြင့် ကမ္ဘာ့ကုလသမဂ္ဂနှင့် ၎င်းကိုယ်စားလှယ်လုပ်ငန်းများ၏ ကူညီမှုများအနက်မှ အချို့ကို တင်ပြရသော် အစားအသောက်ထုတ်လုပ်မှုတိုးချဲ့ခြင်းကိုကူညီပေးခြင်း၊ ဒုက္ခသည်များကို ကူညီခြင်း၊ AIDSရောဂါတိုက်ဖျက်ရေးကို ဦးဆောင်ပေးခြင်း၊ မြေမြုပ်မိုင်းရှင်းလင်းရေး အစီအစဉ်များချမှတ်ပေးခြင်းတို့ဖြစ်သည်။
ကမ္ဘာ့ကုလသမဂ္ဂအတွင်းဝန်ရုံးကို ဦးစီးဦးဆောင်ပြုသူမှာ အထွေထွေအတွင်းရေးမှူးချုပ်ဖြစ်သည်။ ၁၉၄၆ခုနှစ်မှ ယနေ့အချိန်အထိ ကမ္ဘာ့ကုလသမဂ္ဂအထွေထွေအတွင်းရေးမှူးချုပ်(၈)ဦးရှိပြီ ဖြစ်သည်။ ထို(၈)ဦးအနက် (၃)ဦးမြောက် ကမ္ဘာ့ကုလသမဂ္ဂအထွေထွေအတွင်းရေးမှူးချုပ်မှာ မြန်မာနိုင်ငံသား ဦးသန့်(၁၉၆၂-၇၁) ဖြစ်သည်။ ၂၀၀၇ခုနှစ်မှ ယနေ့အချိန်အခါအထိ တာဝန်ထမ်းဆောင်နေသော ကမ္ဘာ့ကုလသမဂ္ဂအထွေထွေအတွင်းရေးမှူးချုပ်မှာ တောင်ကိုးရီးယားနိုင်ငံသား ဘန်ကီမွန်း ဖြစ်သည်။ ကမ္ဘာ့ကုလသမဂ္ဂအထွေထွေအတွင်းရေးမှူးချုပ်သက်တမ်းမှာ တိကျသော သတ်မှတ်ထားမှုမရှိသော်လည်း ငါးနှစ်သက်တမ်းတစ်ကြိမ်မှနှစ်ကြိမ်အထိ ခန့်အပ်သင့်သည်ဟု လက်ခံလာကြသည်။ ယခုတာဝန်ထမ်းဆောင်နေသော ကမ္ဘာ့ကုလသမဂ္ဂအထွေထွေအတွင်းရေးမှူးချုပ် ဘန်ကီမွန်းသည် ဒီနှစ် ၂၀၁၆ခုနှစ် နှစ်ကုန်ပိုင်းတွင် အထွေထွေအတွင်းရေးမှူးချုပ်သက်တမ်းကုန်မည်ဖြစ်သည်။
ကိုးကားချက် -
https://en.wikipedia.org/wiki/United_Nations
https://en.wikipedia.org/wiki/Secretary-General_of_the_United_Nations
http://unic-ir.org/EngaboutUn.pdf
ခွန်လှစိုး
Like On Facebook
Follow On Twitter
Subscribe On RSS