၂၀၁၆ ခုနှစ်၊ နိုဝင်ဘာလ (၁၀) ရက်၊ ကြာသပတေးနေ့၊ နံနက် (၁၀း၃၀) အချိန်တွင် ပအိုဝ်းအမျိုးသားတပ်မတော် (PNA) ရုံးချုပ်၌ နောင်ကားပအိုဝ်းအမျိုးအသားအဖွဲ့ချုပ်ဘောလုံးပြိုင်ပွဲစည်ကားသိုက်မြိုက်စွာကျင်းပနိုင်ရေးအတွက် ညှိနှိုင်းဆွေးနွေးကြောင်းသိရှိရပါသည်။
အဆိုပါနှစ်တွင် အကြီးတန်း၊ အငယ်တန်း ဘောလုံးပြိုင်ပွဲသာမက ဘော်လီဘောပြိုင်ပွဲနှင့် ပိုက်ကျော်ခြင်းပြိုင်ပွဲများကိုသာ ပါဝင်ယှဉ်ပြိုင်ကြမည်ဖြစ်ပြီး (၁၄.၁၂.၂၀၁၆) ရက်နေ့မှစ၍ စည်ကားသိုက်မြိုက်စွာကျင်းပသွားမည်ဖြစ်ကြောင်း သိရှိရပါသည်။ အားကစားဝါဿ နာရှင်များနှင့် အားကစားသမားများ ကြိုတင်ပြင်ဆင်နိုင်ရန်အတွက် စာရင်းပေးသွင်းရမည့်နေရာများ ပအိုဝ်းအမျိုးသားတပ်မတော် (PNA) ရုံးချုပ်၊ နောင်ကားဒေသဖွံ့ဖြိုးရေးရုံး၊ ရွှေပအိုဝ်းအားကစားပစ္စည်းဆိုင်သို့ (၉.၁၂.၂၀၁၆) ရက်နေ့နောက်ဆုံးပေးပြီး စာရင်းသွင်းနိုင်ပါကြောင်း ပြောကြားခဲ့ပါသည်။ ပြိုင်ပွဲဝင်များ အကြီးတန်းဘောလုံး ပထမဆု (၂၀)သိန်း၊ ဒုတိယဆု (၁၅)သိန်း၊ အငယ်တန်းဘောလုံး ပထမဆု (၁၅)သိန်း၊ ဒုတိယဆု (၁၀)သိန်း ၊ ဘော်လီဘော ပထမဆု (၅)သိန်း၊ ဒုတိယဆု (၃)သိန်း၊ ပိုက်ကျော်ခြင်း ပထမဆု (၂)သိန်း ၊ ဒုတိယဆု (၁)သိန်း စသည့်ရရှိသော ဆုအသီးသီးများကို ချီးမြှင့်ပေးသွားမည်ဖြစ်ကြောင်းသိရှိရပါသည်။
အဆိုပါညှိနှိုင်းအစည်းအဝေးပွဲတွင် ပအိုဝ်းအမျိုးသားဘောလုံးအဖွဲ့ချုပ် ဥက္ကဌ ဦးပီတာထွန်းနိုင်၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီး ဥက္ကဌ ဦးခွန်စံလွင်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ အမျိုးသားလွှတ်တော် ဦးခွန်သိန်းဖေ၊ ပအိုဝ်းစာပေနှင့်ယဉ်ကျေးမှု (ဗဟို) ဥက္ကဌ ဦးခွန်ဝင်းကို စသည့်တာဝန်ရှိပုဂ္ဂိုလ်များတက်ရောက်ပြီး တက်ရောက်သူဦးရေ (၂၆) ဦးတက်ရောက်ကြောင်းသတင်းရရှိပါသည်။
နန်းရက်ခွိုမူးပေး
Like On Facebook
Follow On Twitter
Subscribe On RSS