ပြည်ထောင်စုသမ္မတမြန်မာနိုင်ငံသည် တည်နေရာနယ်နိမိတ်အရ ကမ္ဘာ့အင်အားကြီးနိုင်ငံ နှစ်နိုင်ငံကြားတွင် တည်ရှိပြီး မတူညီသောတိုင်းရင်းသားလူမျိုးများ၊ မတူညီသောယဉ်ကျေးမှုများ၊ မတူညီသော ဓလေ့ထုံးစံများ၊ မတူညီသောဘာသာစကားများဖြင့် အရောင်အသွေးစုံလင်သော ပန်းမျိုးစုံဖြင့် အမိဥယျာဉ်ကြီးဟုခေါ်သော အမိမြန်မာနိုင်ငံကို ကိုယ်စီအလှခြယ်နေကြပါသည်။ ထို့အပြင် မြန်မာနိုင်ငံသူနိုင်ငံသားများသည်လည်း ခေတ်အဆက်ဆက်မှ သက်ဦးဆံပိုင်ဘုရင်စနစ်၊ ကိုလိုနီနယ်ချဲ့စနစ်၊ ပဒေသရာဇ်စနစ်၊ စစ်အာဏာရှင်စနစ် စသောစနစ်ဆိုးပေါင်းမြောက်များစွာ၏ နှိပ်စက်မှုဒဏ်ကို နှစ်ပေါင်းမြောက်များစွာ ခါးစည်းခံခဲ့ရသည်။ ထို့အပြင် နိုင်ငံ့ခေါင်းဆောင်များ၏ ၀ိုင်းဝန်းကြိုးပမ်းမှုများကြောင့် ၁၉၄၈-ခုနှစ်၊ ဇန်န၀ါရီလ(၄) ရက်နေ့တွင် ကိုလိုနီိနယ်ချဲ့အုပ်ချုပ်ရေးစနစ်အောက်မှ လွတ်မြောက်လာခဲ့ရသည်။ သို့သော် နိုင်ငံရေးမတည်ငြိမ်မှုများကြောင့် စစ်အစိုးရက နိုင်ငံတော်၏အာဏာကို သိမ်းယူခဲ့ပြီး နိုင်ငံတော်နှင့် ပြည်သူလူထုများသည် စစ်အုပ်ချုပ်မှုစနစ် အောက်သို့ နှစ်ပေါင်းများစွာတစ်ဖန်ကျရောက်ခဲ့ပြန်သည်။ ထို့ကြောင့် ကမ္ဘာ့အလယ်တွင် ချွတ်ခြုံကျနေသောနိုင်ငံတော်ကြီးကို ပြန်လည်ဦးမော့လာနိုင်စေရန် ပြည်သူတို့၏ ပူးပေါင်းကြိုပမ်း အားထုတ်မှုနှင့် နိုင်ငံတော်အစိုးရ၏အမြော်အမြင်ကြီးမားမှုကြောင့် နိုင်ငံတော်၏ အသက်သွေးကြောဖြစ်သော၂၀၀၈ - ဖွဲ့စည်းပုံအခြေခံဥပဒေကို ရေးဆွဲအတည်ပြုနိုင်ခဲ့ပြီး ၂၀၁၀-ခုနှစ် နိုဝင်ဘာလ(၇) ရက်နေ့တွင် ပါတီစုံဒီမိုကရေစီရွေးကောက်ပွဲကြီးကိုလည်း အောင်မြင်စွာကျင်းပနိုင်ခဲ့သည်။ ၂၀၁၀ အလွန် ၂၀၁၅ အထွေထွေရွေးကောက်ပွဲတွင် ပြည်သူများ၏ မဲပေးရွေးချယ်တင်မြှောက်မှုနှင့်အတူ ဒီမိုကရေစီအစိုးရ(အရပ်သားစစ်စစ်အစိုးရ)က အာဏာရလာခဲ့ပြန်သည်။ ၄င်းကိုကြည့်ခြင်းအားဖြင့် ပုဂံခေတ် သက်ဦးဆံပိုင်ဘုရင်စနစ်မှ ယနေ့ ဒီမိုကရေစီခေတ် ဒီမိုကရေစီအစိုးရ လက်ထက်အထိ အစိုးရတစ်ဆက်ပြီးတစ်ဆက် ပြောင်းလဲအုပ်ချုပ်နေကြကာ အုပ်ချုပ်မှုစနစ်လည်း ကောင်းသထက်ကောင်းအောင် တစ်မျိုးပြီးတစ်မျိုး ပြောင်းလဲစမ်းသပ်အုပ်ချုပ်နေကြသည်ကိုလည်း စာဖတ်သူတို့ အသိပင်ဖြစ်ပါလိမ့်မည်။
သို့သော် ခေတ်နှင့်အစိုးရမည်မျှပင်ပြောင်းလဲစေကာမူ မိမိတို့ပအိုဝ်းလူမျိုးတို့အချင်းချင်းတို့၏ တွဲထားသောလက်သည် မြဲသည်ထက်မြဲအောင် ယနေ့တိုင်ဆက်လက်တွဲထားနေကြသေးသကဲ့သို့ ဆုပ်ကိုင်ရရှိနေသောအခွင့်အရေးများကိုလည်း မိမိရရဆုပ်ကိုင်ရင်း မိမိတို့ရောက်ရှိလိုသော ပန်းတိုင်ကို အရှိန်အဟုန်မပျက် တစိုက်မတ်မတ်ဦးတည်နေသည်ကိုလည်း မိမိတို့မျက်မြင်ကိုယ်တွေ့ပင်ဖြစ်လိမ့်မည်။ မိမိအဘယ်ကြောင့် ယခုကဲ့သို့ပြောဆိုနေသနည်းဟု မေးလာလျှင်လည်း သက်သေပြရန်အဆင်သင့်ပင်ဖြစ်သည်။ ပထမအချက်အနေဖြင့် ခေတ်အဆက်ဆက်အစိုးရက ကျင်းပပြုလုပ်ပေးခဲ့သော ရွေးကောက်ပွဲတိုင်းတွင် အနိုင်မရရှိဘဲ လက်ဗလာဖြင့်ပြန်လာရသည့် သမိုင်းမရှိခြင်းသက်သေသည် မိမိတို့လူမျိုးတို့၏ တွဲထားသောလက်မဖြုတ်ဘဲ မြဲသည်ထက်မြဲအောင် ဆက်လက်တွဲထားခြင်းပင်ဖြစ်သည်။ ဒုတိယအချက်အနေဖြင့် အစိုးရမည်မျှပင်ပြောင်းလဲစေကာမူ ခေတ်အဆက်ဆက်က မိမိတို့ပအိုဝ်းအမျိုးသားခေါင်းဆောင်တို့သည် ဆိုးတူကောင်းဘက်ပူးပေါင်းကာ လက်တွဲမဖြုတ်ဘဲ ရသမျှအခွင့်အရေးကို နိုင်ငံရေးနည်းလမ်းဖြင့် မိမိရရဆုပ်ကိုင်တတ်ခြင်းသည်လည်း အခွင့်အရေးများ ဆုပ်ကိုင်ထားသောလက်မဖြုတ်ဘဲ မိမိရရဆုပ်ကိုင်ထားတတ်ကြသည်ဟူသော သက်သေများဖြင့် သက်သေပြသွားမည်ဖြစ်သည်။
ပထမအချက်ကို သက်သေပြရလျှင် ၁၉၅၂ - ခုနှစ်တွင် ကျင်းပပြုလုပ်သော ပထမအကြိမ် ပါလီမန်ရွေးကောက်ပွဲတွင် ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)မှ ပါလီမန်အမတ်(၃)ဦး ဖြစ်သော ညောင်ရွှေအရှေ့ဘက် မဲဆန္ဒနယ်မှ ဦးအောင်သာ၊ မိုင်းပွန်တောင် မဲဆန္ဒနယ်မှ ဦးရှမ်းခင်နှင့် ရပ်စောက် မဲဆန္ဒနယ်မှ ဦးစံအောင်တို့က အသီးသီးအနိုင်ရရှိခဲ့သည်။ ထို့အပြင် ၁၉၅၆-ခုနှစ် ဒုတိယအကြိမ် ပါလီမန်ရွေးကောက်ပွဲတွင်လည်း ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)မှ ပါလီမန်အမတ်တစ်ဦးဖြစ်သော လွယ်လုံသာမိုင်းခမ်း မဲဆန္ဒနယ်မှ ဦးထွေးလုံက အနိုင်ရရှိခဲ့သည်။ ၁၉၆၀-ခုနှစ်တွင် ကျင်းပပြုလုပ်သော တတိယအကြိမ် ပါလီမန်ရွေးကောက်ပွဲတွင် ပြည်ထောင်စုပအိုဝ်း အမျိုးသားအဖွဲ့ချုပ်(ပအမဖ)မှ အမတ်(၃)ဦးဖြစ်သော လွယ်လုံသာမိုင်းခမ်း မဲဆန္ဒနယ်မှ ဦးကျော်စိန်၊ ညောင်ရွှေအရှေ့ဘက်မဲဆန္ဒနယ်မှ ဦးလှဖေနှင့် လွိုင်လင်မဲဆန္ဒနယ်မှ ဦးဖြူတို့က အသီးသီးအနိုင်ရရှိ ခဲ့ပါသည်။ ၁၉၉၀-ခုနှစ်၊ နိုဝင်ဘာလ(၂၇)ရက်နေ့တွင် ကျင်းပသော ပါတီစုံဒီမိုကရေစီအထွေထွေ ရွေးကောက်ပွဲတွင် ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ)မှ ကိုယ်စားလှယ်(၁၅)ဦး ၀င်ရောက်ယှဉ်ပြိုင်ခဲ့ရာ ပင်လောင်းမဲဆန္ဒနယ်မှ ဦးမောင်ကြီး၊ ဆီဆိုင်မဲဆန္ဒနယ်မှ ဦးခွန်စိန်ဝင်းနှင့် ဟိုပုံးမဲဆန္ဒနယ်မှ ဦးစံလှ စုစုပေါင်းပါလီမန်အမတ်(၃)ဦးတို့က အနိုင်ရရှိခဲ့ပါသည်။ ထို့အပြင် ၁၉၅၀-ခုနှစ်၊ မတ်လ(၂)ရက်နေ့တွင် စတင်ဖွဲ့စည်းခဲ့သော ပြည်ထောင်စုပအိုဝ်းအမျိုးသားအဖွဲ့ချုပ်(ပအမဖ) မှ ၂၀၁၀-ခုနှစ်၊ မတ်လ(၂၄)နှင့်(၂၅)ရက်နေ့တွင် ကျင်းပပြုလုပ်သော ပဉ္စမအကြိမ် ပအိုဝ်းအမျိုးသား ညီလာခံ၏ ဆုံးဖြတ်ချက်အရ ပအိုဝ်းအမျိုးသားအဖွဲ့ချုပ်(PNO)ပါတီအဖြစ် ပြောင်းလဲဖွဲ့စည်းကာ စာရေးသူတို့ သိတတ်သောအရွယ်ရောက်လာသည်သာမက မိမိတို့မျက်စိရှေ့တွင် ကိုယ်တိုင် ကိုယ်ကျမြင်တွေ့ခွင့်ရခဲ့သော ၂၀၁၀ - ခုနှစ်၊ နိုဝင်ဘာလ(၇)ရက်နေ့တွင် ကျင်းပပြုလုပ်သော သမိုင်းဝင် အထွေထွေရွေးကောက်ပွဲကြီးကို ၀င်ရောက်ယှဉ်ပြိုင်ခဲ့ရာ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ရှမ်းပြည်နယ် အမျိုးသားလွှတ်တော်မဲဆန္ဒနယ်အမှတ်(၉)မှ ဦးနေ၀င်းထွန်း၊ ပြည်သူ့လွှတ်တော် ကိုယ်စားလှယ်များဖြစ်သော ပင်လောင်းမြို့နယ်မှ ဦးခွန်မောင်သောင်း၊ ဟိုပုံးမြို့နယ်မှ ဦးခွန်သိန်းဖေ နှင့် ဆီဆိုင်မြို့နယ်မဲဆန္ဒနယ်မှ ဦးခွန်ဝင်းကို၊ ပြည်နယ်လွှတ်တော် ကိုယ်စားလှယ်များ ဖြစ်သော ပင်လောင်းမြို့နယ် မဲဆန္ဒနယ်(၁)မှ ဦးခွန်လှဆန်းနှင့် မဲဆန္ဒနယ်(၂)မှ ဦးခွန်အောင်နိုင်ဦး၊ ဟိုပုံးမြို့နယ် မဲဆန္ဒနယ်(၁)မှ ဦးခွန်အေးမောင်နှင့် မဲဆန္ဒနယ်(၂)မှ ဦးခွန်စံလွင်၊ ဆီဆိုင်မြို့နယ် မဲဆန္ဒနယ်(၁)မှ ဦးခွန်လှသိန်းနှင့် မဲဆန္ဒနယ်(၂)မှ ဦးခွန်မောင်ပယ် စုစုပေါင်းအမတ်(၁၀)ဦးဖြင့် ၀င်ရောက်ယှဉ်ပြိုင်ခဲ့ပြီး ယှဉ်ပြိုင်ခဲ့သည့်မဲဆန္ဒတိုင်းတွင်ပြိုင်ဘက်ပါတီများကို အပြည့်(သို့) (၁၀၀) ရာခိုင်နှုန်း အပြတ်အသတ် အနိုင်ရရှိခဲ့သည်။ ထို့အပြင် လွန်လေပြီးသော ၂၀၁၅-ခုနှစ်၊ နိုဝင်ဘာလ(၈) ရက်နေ့တွင် ကျင်းပပြုလုပ်ခဲ့သော ပါတီစုံဒီမိုကရေစီရွေးကောက်ပွဲတွင် တစ်နိုင်ငံလုံးအနေဖြင့် နိုင်ငံရေးပါတီပေါင်း (၉၁)ခုဝင်ရောက်ယှဉ်ပြိုင်ကြရာ၊ ရှမ်းပြည်နယ်တွင် နိုင်ငံရေးပါတီပေါင်း(၂၀)နှင့် တစ်သီးပုဂ္ဂလပါတီ (၁)ခု ၀င်ရောက်ယှဉ်ပြိုင်ခဲ့ကြသည်။ သို့သော်နိုင်ငံရေးပါတီပေါင်းမြောက်များစွာ ၀င်ရောက်ယှဉ်ပြိုင် ကြသော်လည်း နိုင်ငံရေးပါတီပေါင်း(၂၂)ပါတီနှင့် တစ်သီးပုဂ္ဂလပါတီ(၁)ခုသာ အနိုင်ရရှိကြသည်။ အခြားညီနောင်တိုင်းရင်းသားအချို့သည် ၄င်းတို့၏ ဘူမိနက်သန်နယ်မြေများတွင် ပြိုင်ဘက်ပါတီများ၏ အလှဲထိုးခြင်းကိုခံခဲ့သော်လည်း ပအိုဝ်းလူမျိုးတို့သည် မိမိတို့၏ ဘူမိနက်သန်နယ်မြေဖြစ်သော ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းရှိ မဲဆန္ဒနယ်တိုင်းတွင် ပြိုင်ဘက်များကို အလှဲထိုးကာ ပအိုဝ်းလူမျိုးများ၏ စည်းလုံးညီညွတ်မှုကို သက်သေပြကာ ပြိုင်ဘက်ပါတီများအား သတိပေးခေါင်းလောင်းသံထိုးပြလိုက်သည်ကိုကြည့်ကာ ပအိုဝ်းလူမျိုးဖြစ်ရသည်ကို မိမိကိုယ်ကိုမိမိ ပြန်လည်ဂုဏ်ယူ၍မဆုံးပင်ဖြစ်မိသည်။ အခြားပြိုင်ဘက်ပါတီများက ရွေးကောက်ပွဲပြီးသွားသော် “ပအိုဝ်းလူမျိုးတို့သည် ခေါင်းဆောင်စကားသည်သာအမှန်ဟုမှတ်ယူကြကာ အမှားအမှန်ကို ခွဲခြမ်းစိတ်ဖြာတတ်သော အသိပညာနည်းပါးသည်” ဟု မနာလိုမရှုစိမ့်သောစိတ်ဖြင့် တစ်ဖက်သတ်စွပ်စွဲကြသည်လည်းရှိခဲ့သည်။ သို့သော် မိမိအနေဖြင့် အသိပညာနည်းပါးသည် ဟုစွပ်စွဲ ကြသည်မှာ လက်မခံပေ။ ခေါင်းဆောင်စကားကို မြေ၀ယ်မကျတန်ဖ်ိုးထားကာ နားထောင်ကြသည်။ စည်းလုံးကြသည်ဟုသာမှတ်ယူကာ ပအိုဝ်းလူမျိုးဖြစ်ရသည်ကိုပင် မိမိကိုယ်မိမိပို၍ ပီတိဖြာနေမိပြန်သည်။ ထိုသက်သေသည် ပထမအချက်ဖြစ်သော ခေတ်အဆက်ဆက်အစိုးရက ကျင်းပပြုလုပ်ပေးခဲ့သော ရွေးကောက်ပွဲတိုင်းတွင် အနိုင်မရရှိဘဲ လက်ဗလာဖြင့်ပြန်လာရသည့် သမိုင်းမရှိခြင်းသက်သေပင်ဖြစ်သည်။
ဒုတိယအချက်ဖြစ်သော အစိုးရမည်မျှပင်ပြောင်းလဲစေကာမူ ခေတ်အဆက်ဆက်က မိမိတို့ ပအိုဝ်းအမျိုးသားခေါင်းဆောင်တို့သည် ဆိုးတူကောင်းဘက်ပူးပေါင်းကာ လက်တွဲမဖြုတ်ဘဲ ရသမျှအခွင့်အရေးများကို မိမိရရဆုပ်ကိုင်တတ်ခြင်းဟူသော အချက်များဖြင့် သက်သေပြသွားမည်ဖြစ်သည်။ ပြည်ထောင်စုမြန်မာနိုင်ငံကို အုပ်ချုပ်မင်းလုပ်ခဲ့သော အစိုးရများဖြစ်ကြသည့် သက်ဦးဆံပိုင်ဘုရင်စနစ်၊ ကိုလိုနီနယ်ချဲ့စနစ်၊ ဖက်ဆစ်စနစ်၊ ပဒေသရာဇ်စနစ်၊ စစ်အာဏာရှင်စနစ်မှသည် ယနေ့ဒီမိုကရေစီစနစ်ထိ မိမိတို့ပအိုဝ်းအမျိုးသားခေါင်းဆောင်တို့သည် တက်လာသော မည်သည့် အစိုးရမဆို ယနေ့တိုင်လက်တွဲဆဲ၊ လက်တွဲမြဲဖြစ်သည်။ ပအိုဝ်းအမျိုးသားခေါင်းဆောင်တို့သည်လည်း “မည်သည့်အစိုးရတက်သည်ဖြစ်စေ မိမိတို့နိုင်ငံတိုးတက်ရန်အလို့ငှာ မိမိတို့ပူးပေါင်းဖို့ အဆင်သင့်” ဟုပြောကြားခဲ့ဖူးသည်။ အဓိက မိမိတို့လူမျိုး၊ မိမိတို့ဒေသဖွံ့ဖြိုးတိုးတက်ရန်သာဖြစ်သည်ဟု မိမိတို့ခေါင်းဆောင်များက နှလုံးသွင်းထားကြသည်။ ပအိုဝ်းအမျိုးသားခေါင်းဆောင်တို့သည်လည်း “သန်မာ၍ထောင်ထောင်မောင်းမောင်းရှိသော ကုက္ကိုပင်ထက် လေတိုက်ရာလိုက်ယိမ်းတတ်သော ၀ါးရုံပင်က လေမုန်တိုင်းဒဏ်ပို၍ ခံနိုင်ရည်ရှိသည်” ဟူသောမူကို နှလုံးသွင်းထားဟန်တူပါသည်။ မိမိတို့ခေါင်းဆောင်တို့သည်လည်း ခေတ်မည်မျှပင် ပြောင်းလဲစေကာမူ အစိုးရနှင့် မိမိတို့ပအိုဝ်း လူမျိုးတို့၏ တွဲထားသောလက်သည်မြဲသည်ထက်မြဲကာ အစိုးရထံမှမိမိတို့ဆုပ်ကိုင်ရရှိနေသော အခွင့်အရေးများကိုလည်း မိမိရရဆုပ်ကိုင်ရင်း မိမိတို့လိုချင်သောပန်းတိုင်ကို အရှိန်အဟုန်မပျက် တစိုက်မတ်မတ် ဆက်လက်ဦးတည်နေပါလိမ့်မည်ဟု မိမိယုံကြည်သည်။
ထို့ကြောင့် မိမိတို့ပအိုဝ်းလူးမျိုးတို့၏ စည်းလုံးမှုအားကောင်းခြင်းကြောင့် မြန်မာနိုင်ငံတွင် ခေတ်အဆက်ဆက် အစိုးရမည်မျှပင်ပြောင်းလဲစေကာမူ အစိုးရမှကျင်းပပြုလုပ်ပေးသော ရွေးကောက်ပွဲတိုင်းတွင် လက်ဗလာဖြင့် ပွဲပြီး၍ဖျာသိမ်းကာပြန်ရသည့် အဖြစ်မျိုးနှင့်တစ်ခါမှ မကြုံဖူးသေးပေ။ အနိုင်ကိုရင်ခွင်ပိုက်၍ ပြန်လာခဲ့သည့်အဖြစ်မျိုးဖြင့်သာ ကြုံတွေ့ရခြင်းသည် စည်းလုံးခြင်း၏ အကျိုးတရားများပင်ဖြစ်သည်။ ထို့ကြောင့် မိမိတို့လိုချင်သောအခွင့်အရေး၊ မိမိတို့ ရောက်လိုသောပန်းတိုင်ကို တစ်နေ့တစ်ခြားသွေဖယ်မသွားစေရန်နှင့် တစ်နေ့တစ်ခြား ပိုမိုနီးကပ်လာစေရန် ဆက်လက်စည်းလုံးကြပါ။ ခေါင်းဆောင်စကားကို ဆက်လက်နားထောင်ကြပါဟု တိုက်တွန်းလိုပါသည်။ မိမိတို့သာ ဆက်လက်စည်းလုံးမည်ဆိုလျှင် မည်သည့်ရွေးကောက်ပွဲမဆို ယခုကျင်းပ ပေးလျှင် ယခုလည်းဖြတ်ကျော်နိုင်မည်။ နောင်မှကျင်းပပေးလျှင် နောင်လည်း ဆက်လက်ဖြတ်ကျော် နိုင်မည်ဟု မိမိအပြည့်အ၀ယုံကြည်သည်။ ဆက်လက်စည်းလုံးမည်ဆိုလျှင် “မည်သည့်ပြိုင်ဘက်မဆို အလှဲထိုးဖို့ အင်အားများကို ကျွန်ုပ်တို့ပိုင်ဆိုင်နေပြီ” ဟု ပြိုင်ဘက်များကို ယခုကတည်းကပင် ကြွေးကြော်၍စိန်ခေါ်လိုက်ချင်ပါသည်။ ထို့ကြောင့် မိမိတို့ပအိုဝ်းလူမျိုးများသည်လည်း မည်သည့် အဆောင်အယောင်၊ မည်သည့်နည်းလမ်းများနှင့်မဆို ဖြားယောင်းလာလျှင် “ပအိုဝ်းလူမျိုးများသည် ခရစ်နှစ်(၁၀၅၇)ခုနှစ်ကတည်းကပင် သထုံပြည်ပျက်ပြီး မနုဟာမင်း၊ မိဖုရား၊ အခြွေအရံများ၊ ရဟန်းပညာရှိ၊ လူပညာရှိများပါတော်မူသွားပြီး ဦးဆောင်သူမရှိသည့်နောက်ပိုင်း လူမျိုးခြားများ၏ ဖိနှိပ်မှုဒဏ်ကိုမခံနိုင်၍ စစ်ပြေးဘ၀၊ အပယ်ခံဘ၀ဖြင့် ရန်သူများကို တိမ်းရှောင်ထွက်ပြေး နေခဲ့ရသည်မှာ နှစ်ပေါင်း(၁၀၀၀)ပြည့်တော့မည်ပါလား” ဟူသောသမိုင်းကို ပြန်လည်အမှတ်ရကာ နားထောင်သင့်နားမထောင်သင့်ကို မိမိကိုယ်ကို ပြန်လည်ဆုံးဖြတ်စေလိုပါသည်။ ထို့ကြောင့် နောင်အနာဂါတ်တွင် မိမိတို့လူမျိုးကို မိမိလူမျိုးသာပြန်အုပ်ချုပ်ပြီး ဒေသဖွံ့ဖြိုးရေးလုပ်ငန်းကို ပိုမိုလုပ်ကိုင်လာနိုင်စေရန်အလို့ငှာ ခေတ်အဆက်ဆက်က ပအိုဝ်းလူမျိုးများသည် စည်းစည်းလုံးလုံး ဖြင့်နေထိုင်လာခဲ့ကြသည်ဟူသောသမိုင်းကို ခြေနှင့်မဖျက်မိပါစေနှင့်။ သမိုင်းကပေးသော သင်ခန်းစာများကို ပြန်လည်အမှတ်ရ၍ တစ်ယောက်နှင့်တစ်ယောက် တွဲထားသောလက်များကို မဖြုတ်ကြပါနှင့်။ မြဲသထက်မြဲအောင် ဆက်လက်တွဲထားပါ။ မိမိတို့လူမျိုးများလိုချင်တောင့်တနေသော မိမိတို့၏ အန္တိမပန်းတိုင်ကို တည့်တည့်မတ်မတ်ဖြင့် အမြန်ရောက်ရှိလိုမည်ဆိုပါက မိမိတို့လူမျိုးကို ဦးဆောင်နေသော ခေါင်းဆောင်တို့သည်လည်း နောက်တက်လာမည့် မည်သည့်အစိုးရပင်ဖြစ်စေကာမူ အတူတကွ လက်တွဲ၍ မိမိတို့လူမျိုး၊ မိမိတို့ဒေသဖွံ့ဖြိုးတိုးတက်စေရန်အလို့ငှာ မိမိတို့လက်ဝယ်တွင် ရရှိနေသော အခွင့်အရေးများကို မဆုံးရှုံးစေရန်နှင့် ၄င်းအခွင့်အရေးများဆုပ်ကိုင်ထားသောလက်များကိုလည်း မဖြည်ကြပါနှင့်။ တင်းသည်ထက်တင်းနေအောင် ဆက်လက်ဆုပ်ကိုင်ထားပါ။ နောက်လိုက်ဖြစ်သော မိမိတို့ပအိုဝ်းပြည်သူတို့သည်လည်း စည်းစည်းလုံးလုံးဖြင့်ဆက်လက်နေထိုင်ကြ၍ “လာမည့်မည်သည့် ရွေးကောက်ပွဲမဆို အနိုင်ရမှဖြစ်မည်” ဟူသော အတွေးများကို မိမိတို့စိတ်နှလုံးထဲတွင်သွင်းထားကြပါ။ မိမိတို့လူမျိုး၊ မိမိတို့ဒေသပိုမိုဖွံ့ဖြိုးတိုးတက်လာအောင် ဦးဆောင်နေသူများကိုလည်း အပြုသဘော ဆောင်သော အကြုံချက်များဖြင့် ဝေဖန်သုံးသပ်ပေးကြပါ။ အကြံဥာဏ်ကောင်းများကို ၀ိုင်းပေးကြပါ။ နည်းပေးလမ်းပြများပြုလုပ်ပေးကြပါ။ ပအိုဝ်းဆိုတာ “တစ်အိုဝ်းတည်း၊ တစ်သွေးတည်း တစ်သံတည်း၊ တစ်မိန့်တည်းသာဖြစ်ကြောင်း၊ စည်းလုံးမှုအားကောင်းကြောင်း၊ မိမိတို့ခေါင်းဆောင် ပြောသောစကားကို မြေ၀ယ်မကျနားထောင်ကြပါကြောင်း” ဟူသောသမိုင်းသက်သေကို ဆက်လက်ထိန်းသိမ်းကြပါ။ လက်ဆင့်ကမ်းကြပါ။ ဆီဆိုင်မြို့၊ ဇ၀နာရာမပရိယတ္တိစာသင်တိုက်၊ ဆရာတော်ဘဒ္ဒန္တကောဝိဒ မိန့်ကြားတော်မူသော “ဖြွမ်းဗူ;ရောင်းရျူ; ပ,လီဝ,သီ” ဟူသော သြ၀ါဒစကားကိုနှလုံးမူကြပါကုန်လော။ ပအိုဝ်းပြည်သူတို့သည်လည်း တွဲထားသောလက်များကို မဖြုတ်ကြပါနှင့်။ မြဲသည်ထက်မြဲအောင် ဆက်လက်တွဲထားပါ။ ပအိုဝ်းလူမျိုးအတွက်ဦးဆောင်သူတို့သည်လည်း မိမိတို့လူမျိုး၊ မိမိတို့ဒေသဖွံ့ဖြိုး တိုးတက်စေရေးအတွက် အစိုးရထံမှ နိုင်ငံရေးနည်းလမ်းများဖြင့်ရရှိသော အခွင့်အရေးများ ဆုပ်ကိုင်ထားသောလက်များကို မဖြည်ကြပါနှင့်။ တင်းသည်ထက်တင်းအောင် ဆက်လက်ဆုပ်ကိုင်ထားပါ။ သို့မှသာလျှင် မိမိတို့လူမျိုးများ မြင်လိုသော၊ မိမိတို့ဖြစ်စေလိုသော၊ မိမိတို့တောင့်တနေသော မိမိတို့အနာဂါတ် ပန်းတိုင်ကိုအကွေ့အကောက်မရှိ ဖြောင့်ဖြောင့်ဖြူးဖြူးဖြင့် တစ်ရက်တစ်ခြား ပိုမိုနီးကပ်လာပါလိမ့်မည်ဟု တိုက်တွန်းရေးသားလိုက်ရပါသည်။
သာ;ယာ;လေလင်း နီ,ပအိုဝ်;ခမ်း
ခွန်ယွေးယဲင်
(ခမ်းစန္တာ;ဟေ့,)
Like On Facebook
Follow On Twitter
Subscribe On RSS