လူတိုင်းသည် မည်သည့်နိုင်ငံ၊ မည်သည့်ဒေသတွင် နေထိုင်သည်ဖြစ်စေ ၎င်းနိုင်ငံ ဒေသဖွံ့ဖြိုး တိုးတက်ရန်နှင့် တည်ငြိမ်အေးချမ်းအေးချမ်းစေရန် ထိုနိုင်ငံဒေသနှင့် လိုက်လျောညီထွေမှုရှိသည့် နိုင်ငံရေး၊ စီးပွားရေး၊ ကျန်းမာရေး၊ လူမှုရေး၊ စိုက်ပျိုးရေး စသည့်လူမှုကိစ္စ အဝဝကို ဆောင်ရွက်ကြရမည် ဖြစ်သည်။
ထိုသို့လောကရေးရာ လုပ်ငန်းများကို အကောင်အထည်ဖော်ဆောင်ရွက်ရာတွင် တိုင်းပြည်ချစ်စိတ်ဖြင့် လည်းကောင်း၊ လူမျိုး၊ ဘာသာ၊ သာသနာချစ်စိတ်များသာမက တိုင်းပြည်၏ တိုးတက်ရေးကို မေတ္တာ၊ စေတနာ၊ ဝါသနာအရင်းခံသော မျိုးချစ်စိတ်ဖြင့် ဆောင်ရွက်ကြမှသာလျင် မိမိနေထိုင်သည့်ဒေသနှင့် မိမိတိုင်းပြည်အတွင်းရှိ မိဘပြည်သူများလည်း ကိုယ်စိတ်နှစ်ဖြာ ကျန်းကျန်းမာမာဖြင့် နေထိုင်နိုင်ပြီး နိုင်ငံရေး လောကတွင် လူအချင်းချင်း နှိပ်စက်ခြင်းဘေးမှလည်းကောင်း၊ စီးပွားရေးလောကတွင် လူအချင်းချင်း ညှင်းဆဲခြင်းဘေးမှလည်းကောင်း၊ ကျန်းမာရေးလောကတွင် လူအချင်းချင်း သတ်ဖြတ်ခြင်းဘေးမှလည်း ကောင်း၊ စိုက်ပျိ်ုးရေးလောကတွင် လူအချင်းချင်း လှဥ့်ပတ်ခြင်းဘေးတို့မှ ကင်းဝေးကြမည်ဖြစ်သည်။
လူသားတို့သည် သိပ္ပံပညာထွန်းကားလာသည်နှင့်အမျှ လူသားတို့ စားသုံးဖို့အတွက် တစ်နိုင်ငံမှ တစ်နိုင်ငံသို့ စားကုန်၊ သောက်ကုန် တင်ပို့ရောင်းချရာတွင် လူသားမျိုးချစ်စိတ်ကို ပဓာနမထားတော့ပဲ စီးပွားရေး တွက်ချေကိုက်အောင် ဓါတုဆေးဝါးအသုံးပြုပြီး စားသောက်ဖွယ်ရာ အမျိုးမျိုးတို့ကို ဖန်တီးပြုလုပ်ကြရာ ဆရာဝန်များ၊ ဆေးရုံ၊ ဆေးပေးခန်းများပြားလာသော်လည်း ဆေးဝါးနှင့် အစားအသောက်ဖြင့် အင်အား မဖြစ်စေပဲ များသောအားဖြင့် အစာအဟာရချို့တဲ့ရောဂါ၊ အဝလွန်ရောဂါ၊ ကင်ဆာရောဂါစသည့် ဝေဒနာများကို နိုင်ငံတိုင်းလိုလိုခံစားနေကြရသည်။ အထူးသဖြင့် ဖွံ့ဖြိုးမှု နောက်ကျသည့်နိုင်ငံများသည် လူမှုကွန်ယက်မှာ ဖြစ်စေ၊ သတင်းစာဂျာနယ်များမှာဖြစ်စေ နိစ္စဓူဝ အနာရောဂါခံစားနေရသည်ကို တွေ့မြင်ကြရလေသည်။
မိမိတို့တိုင်းပြည်တွင် နေထိုင်ကြသည့် လူသားတိုင်း သက်စေ့နေနိုင်အောင် စီးပွားရေး သမားများ အနေဖြင့် မိမိတို့ပြည်တွင်းထုတ်ကုန်ဖြစ်စေ၊ ပြည်ပသွင်းကုန်ဖြစ်စေ ဝိသမလောဘဖြင့် ကိုယ့်ကျိုးစီးပွားတစ်ခု တည်းသာ မကြည့်ပဲ မိမိ၏တိုင်းပြည်ချစ်စိတ် ၊ မျိုးချစ်စိတ်ဖြင့် ပစ္စည်းအစစ်အမှန်ကိုသာ ထုတ်လုပ်ရောင်းချ တင်သွင်းစေလိုပါသည်။ ထိုကဲ့သို့ ထုတ်လုပ်၊ တင်သွင်းရောင်းချမှာသာလျင် မိမိအကျိုး၊ တိုင်းပြည်အကျိုး ပစ္စုပ္ပန်သံသရာ နှစ်ဖြာသောအကျိုးစီးပွားကို ဆောင်ရွက်ပြီးသားဖြစ်ကြောင်း သိစေလိုပါသည်။
စစ်အေးကာလတွင် လူမျိုးတစ်မျိုးနှင့်တစ်မျိုး၊ ဘာသာတစ်ခုနှင့်တစ်ခု တိုက်ဖျက်ရာတွင်ဖြစ်စေ၊ သူတစ်ပါးတိုင်းပြည်ပျက်စီးလို ပျက်စီးကြောင်း ကြံစည်ရာတွင်ဖြစ်စေ၊ သိမ်းပိုက်ဖို့ရာ ကြံစည်ရာတွင်ဖြစ်စေ တစ်နိုင်ငံနှင့် တစ်နိုင်ငံအတွင်း နေထိုင်ကြသည့် လူသားများနှင့် မျိုးနွယ်စု လူသားအချင်းချင်းကို ဂရုဏာတရားမထားကြတော့ပဲ အစားအသောက်ဘက်ဆိုင်ရာ ကုန်စည်များကို လူသတ်ဆိုးဆေး၊ ဓါတုဆိုးဆေး၊ အသားငါး၊ အသီးအရွက်စသည့် ကုန်အတုများဖြင့် တင်သွင်း ရောင်းချလျက်ရှိကြောင်း လူမှုကွန်ယက်စာမျက်နှာတွင်လည်းကောင်း၊ လက်တွေ့လောကမှာလည်းကောင်း တွေ့ရှိရပါသည်။
စီးပွားရေးပညာရှင်များ၊ နိုင်ငံတော်တွင် ပို့ကုန်သွင်းကုန်ဆိုင်ရာ တာဝန်ရှိပုဂ္ဂိုလ်အကြီးအကဲများ အနေဖြင့် နိုင်ငံတော်၏ ဖွံ့ဖြိုးတိုးတက်မှု အဘက်ဘက်မှ အကောင်အထည်ဖော် ဆောင်ရွက်ကြရာတွင် ကိုယ်ကျိုးမကြည့်ပဲ မျိုးချစ်စိတ်ဖြင့် စီမံခန့်ခွဲကြမှသာလျင် တည်ငြိမ်အေးချမ်းသော တိုင်းပြည်ကို တည်ဆောက် နိုင်မည်ဖြစ်ပြီး တိုင်းသူပြည်သားမိဘပြည်သူများအနေဖြင့်လည်း ရောဂါဘေးဘယအပေါင်းနှင့် ခညောင်း နေမည်ဖြစ်သည်။
ဒီမိုကရေစီ အသွင်ပြောင်းကာလ ဖွံ့ဖြိုးစ မိမိတို့တိုင်းပြည်သည် အုပ်ချုပ်ရေးကအစ အားနည်းနေ သည့်အတွက် လိုအပ်ချက်များရှိသည်နှင့်အညီ မိဘပြည်သူများအနေဖြင့်လည်း နားလည်ခွင့် လွတ်ကာ တိုင်းပြည် တိုးတက်ရေးကို အစိုးရနှင့်ပြည်သူ လက်တွဲညီစွာ မျိုးချစ်စိတ်ဖြင့် မိမိတို့မျော်မှန်းထားသည့် မြန်မာနိုင်ငံတော်၏ ဖက်ဒရယ်ဒီမိုကရေစီနိုင်ငံပန်းတိုင်ကို တည်ဆောက်ကြပြီး အောင်မြင်မှု သရဖူပေါင်းများစွာ ရောက်ရှိလာ နိုင်ပါစေကြောင်း တင်ပြရင်း အဆုံးသတ်လိုက်ရပါသည်။
ခွန်အောင်ထွိုက်ဗွေ
Like On Facebook
Follow On Twitter
Subscribe On RSS