တောင်ကြီးမြို့ရှိ၊ ပထမတောင်ကျောင်းကြီးကျောင်းတိုက်တွင် ပအိုဝ်းပိဋကတ် ပအိုဝ်းဘာသာ ပြန်အဖွဲ့ (၆)လပတ်အစည်းအဝေးကို ၂၀၁၇၊ ဒီဇင်ဘာလ (၁၅)ရက်နေ့၌ ကျင်းပပြုလုပ်ခဲ့ကြောင်းသိရသည်။
အစည်းအဝေးတွင် နမောတဿ သုံးကြိမ်ရွတ်ဆို၍ အခမ်းအနားကိုဖွင့်လှစ်ပြီးနောက် သဘာပတိဆရာတော်ဖြစ်သည့် ပင်လုံ(၀ါးခြာ)ကျောင်းဆရာတော် ဘဒ္ဒန္တ ပညာဝံသ၊ သြ၀ါဒါစရိယဆရာတော်ဖြစ်သည့် ပထမတောင်ကျောင်းကြီးဆရာတော် ဘဒ္ဒန္တ ကောသိယ၊ ပိဋကတ်ပအိုဝ်းဘာသာပြန်အဖွဲ့ ဥက္ကဋ္ဌဖြစ်သည့် ဆီဆိုင် ဇ၀နာရာမပရိယတ္တိစာသင်တိုက် ဆရာတော် ဘဒ္ဒန္တကောဝိဒါဘိဝံသ၊ ဒု-ဥက္ကဋ္ဌ ဖြစ်သည့် ဘဒ္ဒန္တလက္ခဏသာမီဘိဝံသ (အေးစေတီကျောင်းတိုက်ဆရာတော်)တို့မှ သြ၀ါဒစကားများအသီးသီး မြွက်ကြားခဲ့ကြောင်း သိရသည်။
ဆက်လက်ပြီး ပိဋကတ်ပအိုဝ်းဘာသာပြန်အဖွဲ့၊ အတွင်းရေးမှူး(၁) စန္ဒာရာမကျောင်း ဆရာတော် ဘဒ္ဒန္တစန္ဒာဝရက လက်ရှိလုပ်ဆောင်နေသည့် ပိဋကတ်ပအိုဝ်းဘာသာပြန်အဖွဲ့ လုပ်ငန်းအခြေနေကို ရှင်းလင်းပြီးနောက် ပြင်ဆင်ရန် လိုအပ်သည့် ကျမ်းစာများကို လက်ထောက်အယ်ဒီတာအဖွဲ့သို့ ပေးအပ်ခဲ့ကြောင်းသိရသည်။
ထို့နောက် အထွေထွေကိစ္စရပ်များကိုတက်ရောက်လာသည့် ပိဋကတ်ပအိုဝ်းဘာသာ ပြန်အဖွဲ့ဝင်များက တက်ရောက်ဆွေးနွေးကာ ဆုံးဖြတ်ချက်များကိုကြေညာပြီး ဗုဒ္ဓသာသနံစိရံတိဋ္ဌတုသုံးကြိမ်ရွတ်ဆို၍ အခမ်းအနားကို ရုပ်သိမ်းခဲ့ကြောင်းသိရသည်။
ပိဋကတ်ပအိုဝ်းဘာသာပြန်အဖွဲ့ကို တည်ထောင်ခဲ့သည်မှာ (၆)နှစ်ခွဲရှိပြီဖြစ်ပြီး လက်ရှိအချိန်တွင် ဘာသာပြန်(၅)စောင် စာအုပ်အဖြစ် ထုတ်ဝေပြီးစီးကာ (၆၂)ကျမ်းကို ပအိုဝ်းဘာသာသို့ ဘာသာပြန်ပြီးဖြစ်ကြောင်းသိရသည်။ ကျန်ရှိသည့် (၅၂)ကျမ်းကိုယခု တာဝန်အသီးသီးယူထားသည့် ပုဂ္ဂိုလ်များက ပအိုဝ်းဘာသာသို့ ဘာသာပြန်ဆဲဖြစ်ကြောင်းသိရသည်။
ခွန်ဓဇ
Like On Facebook
Follow On Twitter
Subscribe On RSS