ခုနှစ်ရက်သားသမီးများ ကုသိုလ်ပွားနိုင်ရန် ရည်ရွယ်၍ ၁၃၇၉ခုနှစ်၊ သီတင်းကျွတ်လပြည့်နေ့တွင် နောင်တောင်းပရဟိတဘုန်းတော်ကြီးသင်ပညာရေးကျောင်းမှ ဆရာတော် ဘဒ္ဒန္တဦးရာဇိန္ဒသီရိနှင့် နောင်ခမ်းအောင်ဆုပန်ပရဟိတကျောင်းမှဆရာတော်ဦးကောသလ္လတို့ဦးဆောင်သောသံဃာများကမြေသန့်မင်္ဂလာပြုလုပ်ကာ ပန္နက်တော်တင်စတင်ဆောက်လုပ်တည်ထားကြောင်းသိရပြီး ‘၀’ ကိုယ်ပိုင်အုပ်ချုပ်ခွင့်တိုင်း၊ မိုင်းဖျန်းမြို့နေ ဘုရားဒါယကာဦးပေါက်အိုက်လေး၊ ဘုရားဒါယိကာမဝေယေကီ+ဘုရားဒါယိကာမမွိုးခံပေတို့က မတည်တာဝန်ယူလှူဒါန်းကာ ခုနှစ်ရက်သားသမီးအလှူရှင်များစုပေါင်းလှူဒါန်းထားကြောင်းသိရသည်။
ကဆုန်လပြည့်နေ့မနက်ပိုင်းတွင် သိမ်မြေနုတ်ခြင်း၊ ထီးတော်တင်ပူဇော်ခြင်းအစီအစဉ်များ ပြုလုပ်ခဲ့ပြီး နေ့လည်ပိုင်းတွင် အိုးစည်ဗုံမောင်းဖြင့် အလှူပဒေသာပင်များ လှည့်လည်ပူဇော်ခြင်းများ ပြုလုပ်ကာတရားတော်နာရေစက်ချအခမ်းအနားပြုလုပ်ခဲ့ကြောင်းသိရသည်။
အခမ်းအနားတွင် ဧည့်ပရိတ်သတ်များက တောင်ကြီးမြို့၊ နိုင်ငံတော် သြ၀ါဒါစရိယ ပထမတောင်ကျောင်းကြီးဆရာတော်ထံတွင် သရဏဂုံသုံးပါးနှင့်တကွ ငါးပါးသီလခံယူပြီး တရားတော်များနာယူကာ လှူဒါန်းသည့်ကုသိုလ်အစုစုအဖို့ဘာဂကို ရေစက်သွန်ချအမျှပေးဝေခဲ့ကြောင်းသိရသည်။
ဧည့်ပရိတ်သတ်များအား ပအိုဝ်းအနုပညာရှင်များက ဧပြီ ၂၈/၂၉ ညနေပိုင်းတွင် သီချင်းများဖြင့် သီဆိုဖျော်ဖြေပြီး နောင်တောင်းပရဟိကျောင်းမှ ဆရာ/ဆရာမအဖွဲ့များနှင့် နောင်ခမ်းအောင်ဆုပန်ပရဟိတကျောင်းမှ ကျောင်းသား/သူများက အကများဖြင့် ဖျော်ဖြေတင်ဆက်ခဲ့ကြောင်းသိရသည်။ ပွဲတော်သို့ ပင့်ကျောင်း (၇၅) ကျောင်းမှ သံဃာ (၁၆၀) ပါး ကြွရောက်ချီးမြှင့်ပြီး အနယ်နယ်အရပ်ရပ်မှ အလှူရှင်များ ဖိတ်ကြားထားသည့်ဧည့်သည်တော်များ လာရောက်ကြည်ညိုခဲ့ကြကြောင်းသိရသည်။
ခွန်ဓဇ
Like On Facebook
Follow On Twitter
Subscribe On RSS