Wednesday, August 15, 2018

ရှမ်းပြည်နယ် ပအိုဝ်းအမျိုးသား သဘာဝဘေးအန္တရာယ်ကူညီရေးအဖွဲ့မှ မွန်ပြည်နယ်အတွင်းရှိ ရေဘေးသင့်ပြည်သူများ အလှူငွေများနှင့်ပစ္စည်းများ လှူဒါန်းပွဲပြုလုပ်

တောင်ကြီး၊ ၂၀၁၈ ခုနှစ်၊ သြဂုတ်လ (၁၆)ရက်


 








ရှမ်းပြည်နယ်တောင်ပိုင်း၊ ပအိုဝ်းအမျိုးသားသဘာဝဘေးအန္တရာယ်ကူညီရေးအဖွဲ့မှ မွန်ပြည်နယ်အတွင်းရှိ ရေဘေးသင့်ပြည်သူများ အလှူငွေများနှင့် ပစ္စည်းများလှူဒါန်းပွဲကို ၂၀၁၈ ခုနှစ်၊ သြဂုတ်လ (၁၆) ရက်၊ နံနက် (၉း၀၀) အချိန်တွင် မွန်ပြည်နယ်၊ သထုံမြို့၊ ပုဗ္ဗာရုံကျောင်းတိုက်တွင် အလှူငွေများနှင့် ပစ္စည်းများလှူဒါန်းပွဲပြုလုပ်ကြောင်းသိရသည်။

ရှေးဦးစွာ နာမောတဿ (၃) ကြိမ်ရွတ်ဆိုပြီး အခမ်းအနားဖွင့်လှစ်ရာ သထုံမြို့၊ ပုဗ္ဗာရုံကျောင်းထိုင်ဆရာတော်က သြ၀ါဒစကားမွက်ကြားပေးပြီး  မွန်ပြည်နယ်အစိုးရအဖွဲ့ဝင် ပအိုဝ်းတိုင်းရင်းသားရေးရာဝန်ကြီး ဒေါ်နန်းစံဝင့်ခိုင်နှင့် ပအိုဝ်းအမျိုးသားသဘာဝဘေးအန္တရာယ်ကူညီရေးအဖွဲ့မှ ဥက္ကဋ္ဌဖြားခွန်လာတို့ က အသီးသီးအမှာစကားပြောကြားပေးခဲ့ပါသည်။

ဆက်လက်ပြီး ရှမ်းပြည်နယ်တောင်ပိုင်း ပအိုဝ်းအမျိုးသားသဘာဝဘေးအန္တရာယ်ကူညီရေးအဖွဲ့မှ ထောက်ပံ့ကူညီသော အလှူငွေသိန်း (၅၀)၊ ကြာဇံ (၂၆) အိတ်၊ အသားတု (၃) အိတ်၊ ဆပ်ပြာ (၆) အိတ်၊ ကြက်သွန်ဖြူ (၂၀) အိတ်၊ ဆန် (၇၀) အိတ်၊ လက်ဖက်ခြောက် (၃) အိတ်၊ ဆား (၈) အိတ်၊ ကုလားပဲ (၁) အိတ်၊ ဆီပုံးကြီး (၂) ပုံး၊ ဆီပုံးငယ် (၆) ပုံး၊ အင်္ကျီဖာငယ် (၄) အိတ်၊ အင်္ကျီဖာအိတ်ကြီး (၄၂) အိတ်၊ မာမီးခေါက်ဆွဲ (၇) ဖာ၊ ဆီပုလင်းငယ် (၁၀) ဖာ၊ ဖိနပ်အိတ်ငယ် (၁) ဖာ၊ မုန့်စုံ (၃) ဖာ၊ စုစုပေါင်းပစ္စည်းတန်ဖိုး သိန်း (၁၀၀) ခန့်၊ ငွေသား သိန်း (၅၀) ၊ အားလုံးစုစုပေါင်း သိန်း (၁၅၀) ခန့် လှူဒါန်းကြောင်းသိရှိရပါသည်။

မွန်ပြည်နယ်အတွင်းရှိ ရေဘေးသင့်ပအိုဝ်းကျေးရွာများမှာ ဘီးလင်းမြို့နယ်၊ ဒေါက်ရပ်ရွာကြီး၊ အိမ်ခြေ (၂၀၀)( ၇၅%) မြုပ်၊ ခဲမောက်ရွာ ၊ အိမ်ခြေ (၇၀) အကုန်လုံးမြုပ်၊ ရွှေအင်ဒုံရွာ၊ အိမ်ခြေ (၅၀) (၃၀%) မြုပ်၊ ညောင်ပလ္လင်ရွာ ၊ အိမ်ခြေ (၅၀) (အနိမ့်ပိုင်း) မြုပ်၊ တဘက်ဆွဲရွာ၊ အိမ်ခြေ (၅၀)၊ (၅၀%) မြုပ်၊ သထုံမြို့နယ်၊ ဒုံဝန်းရွာကြီး၊ အိမ်ခြေ (၃၀၀)၊ (၃၀%) မြုပ်၊ ငါးကြီးအင်းရပ်ကွက် ၊အိမ်ခြေ (၅၀) (အနိမ့်ပိုင်း )မြုပ်၊ ဆင်ကျုံးရွာ၊ အိမ်ခြေ (၈၀) (လုံးဝ) မြုပ်၊ ဒလပန်းရွာ၊ အိမ်ခြေ (၂၃၀) (လုံးဝ) မြုပ်၊ အင်းကွဲရွာ၊ အိမ်ခြေ (၃၀) (အင်းစပ်)မြုပ်၊ ပေါင်မြို့နယ်၊ အင်ကြင်းကုန်းရွာ၊ အိမ်ခြေ (၆၀) (လုံးဝ) မြုပ်၊ စုစုပေါင်း မြို့နယ် (၃) မြို့နယ်၊ ကျေးရွာပေါင်း (၁၁) ရွာ အိမ်ခြေပေါင်း (၁၂၀၀) ရေးဘေးသင့်ဒဏ်ကို ခံစားနေရကြောင်းသိရှိရပါသည်။

ထို့နောက် ထောက်ပံ့ကူညီလှူဒါန်းမှုများအတွက် ရေးဘေးသင့်ကျေးရွာများကိုယ်စား မွန်ပြည်နယ် ပအိုဝ်းစာပေနှင့်ယဉ်ကျေးမှု ဥက္ကဋ္ဌ ဖြားခွန်ရွှေသင်းမှ ကျေးဇူးတင်စကားပြောကြားပေးခဲ့ပြီး အလှူငွေများနှင့် ပစ္စည်းများကို လှူဒါန်းပေးပါသော ရှမ်းပြည်နယ်တောင်ပိုင်း ပအိုဝ်းအမျိုးသားသဘာဝဘေးအန္တရာယ်ကူညီရေးအဖွဲ့အား ဂုဏ်ပြုလက်မှတ်လွှာများပြန်လည်ပေးအပ်ခဲ့ပါသည်။

ဆက်လက်ပြီး သထုံမြို့နယ်၊ မြေပြန့်ဒေသသမိုင်းပညာရှင် ဦးခွန်ထွန်းရွှေမှ ပအိုဝ်းသမိုင်းစာအုပ်ကို ပအိုဝ်းအမျိုးသားသဘာဝဘေးအန္တရာယ် ကူညီရေးအဖွဲ့ ဥက္ကဋ္ဌဖြားခွန်လာထံ ပေးအပ်ပြီး လှူဒါန်းသော အလှူငွေ နှင့် ပစ္စည်းများ အစုစုတို့အတွက် ရေစက်သွန်းချအမျှဝေ တရားတော်နာယူခြင်းဖြင့် ဗုဒ္ဓသာသနံစိရံတိဌတု (၃) ကြိမ်ရွတ်ဆို၍ အခမ်းအနားကို  ရုတ်သိမ်းခဲ့ကြောင်းသိရှိရပါသည်။

အဆိုပါလှူဒါန်းပွဲအခမ်းအနားသို့ သထုံမြို့၊ ပုဗ္ဗာရုံကျောင်းထိုင်ဆရာတော်နှင့် နာယကဆရာတော်၊ ရှမ်းပြည်နယ်တောင်ပိုင်း စူဠမုနိကျောင်းတိုက်ဆရာတော်၊ ပုံဆွေပင်ကျောင်းဆရာတော်၊ နမ့်စန်ကျောင်းဆရာတော်၊ ဝေဠ၀ွန်ကျောင်းဆရာတော်၊ နောင်တရားကျောင်းဆရာတော်၊ မွန်ပြည်နယ်အစိုးရအဖွဲ့ဝင်ပအိုဝ်းတိုင်းရင်းသားရေးရာဝန်ကြီး ဒေါ်နန်းစံဝင့်ခိုင်၊ ရှမ်းပြည်နယ်တောင်ပိုင်း ပအိုဝ်းအမျိုးသားသဘာဝဘေးအန္တရာယ် ကူညီရေးအဖွဲ့မှ ဥက္ကဋ္ဌ ဖြားခွန်လာ၊ ဒု - ဥက္ကဌ ဖြားခွန်ကျော်ဇေယျ၊ အတွင်းရေးမှူး ဖြားခွန်တင်ထွဠ် နှင့် အဖွဲ့ပေါင်းစုံမှ ကိုယ်စားလှယ်များ၊ မွန်ပြည်နယ်၊ ပအိုဝ်းအမျိုးသားအဖွဲ့ချုပ် (PNO)၊ ဘီးလင်းမြို့နယ်၊ ပေါင်မြို့နယ်၊ သထုံမြို့နယ်၊ ကျိုက်ထိုမြို့နယ်မှ စာပေနှင့်ယဉ်ကျေးမှုအဖွဲ့ ကိုယ်စားလှယ်များ၊ ပအိုဝ်းလူငယ်ကွန်ယက် (PYN)၊ ခွန်တန်နွယ်ပအိုဝ်းလူငယ်ကွန်ယက်၊ ရေဘေးသင့်ခံစားနေရသော ကျေးရွာများမှ ရပ်မိရပ်ဖ ကိုယ်စားလှယ်များ၊ ကျေးရွာအလိုက်အုပ်ချုပ်ရေးမှူးများ တက်ရောက်ကြောင်းသိရှိရပါသည်။

နန်းခမ်းဗွေ၊ နန်းဆားတဲုင်
Powered by Blogger.