ရန်အောင်တောင်တန်းပေါ်ရှိ ပအိုဝ်းဒေသ၏ ရှုခင်းအလှအပများကို လာရောက်ကြည့်ရှုခံစားလှည့်ပါ ညီနောင်တိုင်းရင်းသားအပေါင်းတို့

တောင်ကြီး၊ ၂၀၁၈ ခုနှစ်၊ သြဂုတ်လ (၁၅)ရက်

လွန်ခဲ့သောတစ်ပတ်က မိမိသည် ပအိုဝ်းဒေသဖွံ့ဖြိုးတိုးတက်ရေးအတွက် သုတေသနစာ တမ်းပြုစုနိုင်ရန် ကျောက်တလုံးကြီးဒေသခံ မိတ်ဆွေတစ်ဦးနှင့် ကျောက်တလုံးကြီးမြို့နယ်၊ ဖြူငယ် - ထီဖူး - ထီဝါးမွူးဘက်သို့ အမှတ်မထင်ရောက်သွားခဲ့ပြီး အဆိုပါဒေသများ၏ ဖွံ့ဖြိုး တိုးတက်နေမှုများကို မယုံကြည်နိုင်လောက်အောင် အစစအရာရာတိုးတက်လာသည်ကို မြင်တွေ့ ရခြင်းကြောင့် အံ့သြမှင်သက်စွာဖြစ်မိကာ ဆောင်းပါးတစ်ပုဒ်ဖြင့် ဂုဏ်ပြုရေးသားလိုသောဆန္ဒ ဖြစ်ပေါ်လာခဲ့ပါသည်။ သုို့သော် မိမိသည်အဆိုပါဒေသမှ ဒေသခံမဟုတ်သော ပင်လောင်း (စန္တာ;ခမ်း)ဘက်က ပအိုဝ်းတိုင်းရင်းသားတစ်ယောက်ဖြစ်နေခြင်းကြောင့် သမိုင်းအထောက် အထားများ စာအရေးအသား၊ အသုံးအနှုန်းများ၏ အားနည်းချက်များပါခဲ့လျှင်လည်း မိမိအား သားတပည့်ကဲ့သို့တစ်ဖုံ၊ အတွေ့အကြုံနုနယ်သေးသည့် လူငယ်တစ်ဦးကဲ့သို့တစ်မျိုး မေတ္တာတရား ရှေ့ထားကာ ခွင့်လွတ်ကြပါလိမ့်မည်ဟု ယုံကြည်ပါသည်။

“ ဖြူငယ်ဆိုသည့်ဒေသသည် ယခင်တော်လှန်ရေးခေတ်ကာလတုန်းက ပအိုဝ်းအမျိုးသား ခေါင်းဆောင် ဖြားတန်စင်ဖါအောင်ခမ်းထီတို့ စခန်းချတည်းခိုခဲ့သည့်နေရာဖြစ်သကဲ့သို့ ရှေးဟောင်း သမိုင်းဝင်ဗုဒ္ဓဆင်းတုတော်များ ကိန်းဝပ်စံပယ်တော်မူရာ ဒေသလည်းဖြစ်သည်”ဟု ဖြူငယ်ကျောင်း ဆရာတော်မှ မိန့်ကြားချက်အရသိရသည်။ ထို့ကြောင့် တော်လှန်ရေးကာလတွင် လူသူအရောက် ပေါက်နည်းပါးနေသကဲ့သို့ ငြိမ်းချမ်းရေးရယူပြီးသည့်တိုင်  လွန်ခဲ့သော(၁၅)နှစ်ဝန်းကျင်ခန့်ကပင် လူသူအရောက် နည်းပါးနေသေးသည်။ ယခင်က အဆိုပါ ဖြူငယ် - ထီဖူး - ထီဝါးမွူးလမ်းကို ကျောက်တလုံးကြီးဒေသရှိ ကျေးရွာများမှ မိဘပြည်သူများအနေဖြင့် အပိုင်းလိုက်ကို ရွာအလိုက် ကိုယ်ထူကိုယ်ထစနစ်ဖြင့် လုပ်အားပေးကြကာ ဝိုင်းဝန်းဖောက်လုပ်ပြုပြင်ရသည့် လမ်းလည်းဖြစ်သည်ဟု ဒေသခံများ၏ ပြောကြားချက်များအရ သိရှိရပြန်သည်။ သို့သော် မကြာသေးသော ကာလသုံးနှစ်ဝန်းကျင်ခန့်က ရှမ်းပြည်နယ်အစိုးရအဖွဲ့နှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဒေသဦးစီးဥက္ကဋ္ဌတို့၏ ကျေးဇူးကြောင့် လမ်းတံတားများနှင့် ဒေသဖွံ့ဖြိုးရေးလုပ်ငန်းများကို တစ်စိုက်မတ်မတ် လုပ်ဆောင်လာကြကာ ယခုအခါတွင် ကျယ်ပြန့်လှသော ကျောက်ချောလမ်းများသည်လည်း ရွာတွင်းအထိရောက်ရှိလာကြပြီး ဒေသထွက်ကုန်များကိုလည်း မော်တော်ကားများ၊ မော်တော်ဆိုင်ကယ်များဖြင့် အချိန်အခါမရွေး လွယ်ကူချောမွေ့စွာ သယ်ဆောင်နိုင်ပြီဖြစ်သကဲ့သို့ ဒေသခံများအတွက် ပညာရေး၊ ကျန်းမာရေး၊ လူမှုရေးအစရှိသော အရေးအရာကိစ္စမှန်သမျှကို နေ့ညအချိန်ခါမရွေး ဖြေရှင်းပေးနိုင်ပြီဖြစ်သည်။

ထို့အပြင် ဖြူငယ်မှ ထီဖူးကိုလည်း အဆိုပါကဲ့သို့ ကျောက်ချောလမ်းဖြင့် ဖြောင့်ဖြူးသာယာစွာဖြတ်သန်းသွားလာနိုင်ပြီဖြစ်သကဲ့သို့ ထီဖူးမှထီဝါးမွူးကိုလည်း တစ်ဆက်တစ်စပ်တည်း သွားလာနိုင်ပြီဖြစ်သည်။ ထူးခြားသည်မှာ ထီဝါးမွူးကျေးရွာသည် သနပ်ဖက်လုပ်ငန်း လုပ်ကိုင်နေကြသော ဒေသပီပီ တစ်အိမ်မှတစ်အိမ်သို့ ကူးလူးသွားလာရာတွင် တောင်ပေါ်ကျေးရွာဖြစ်သည်ကတစ်မျိုး တစ်အိမ်နှင့်တစ်အိမ် ဆက်သွယ်ရာတွင်လည်း ဝေးကွာနေသည်ကို တွေ့ရပါသည်။ သို့သော် ယခုအခါ အဆိုပါကျေးရွာတွင်းလမ်းများသည် လွယ်ကူချောမွေ့စွာဖြင့် အိမ်ခြေ ရင်းအထိ လမ်းများပေါက်နေပြီဖြစ်သည်ကို မြင်တွေ့ရခြင်းကြောင့် မိမိတို့အတွက် အံ့သြမှင်သက် စွာဖြစ်ရပြန်သည်။ အဆိုပါလမ်းသည် ကျောက်တလုံးကြီးမြို့နယ်နှင့် ညောင်ရွှေမြို့နယ်တို့ ဆက်သွယ်ထားသည့်မြို့နယ်ချင်းဆက် လမ်းဖြစ်သကဲ့သို့ ဒေသခံပအိုဝ်းတိုင်းရင်းသားများနှင့် အင်းတိုင်းရင်းသားတို့၏ ချစ်ကြည်ရင်းနှီးမှုကို သက်သေထူပေးနေသည့် လမ်းလည်းဆိုနိုင်ပါသည်။

မိမိတို့က ထီဝါးမွူးရောက်သည်နှင့် ဘုန်းတော်ကြီးကိုသွားရောက်ကန်တော့ပြီး ဒေသ၏ အခြေအနေများကိုမေးမြန်းရာ လမ်းပန်းဆက်သွယ်ရေးကဏ္ဍသည် အရင့်အရင်ထက်စာရင် ပိုမိုကောင်းမွန်လာသည်ကို ဝမ်းသာအားရစွာဖြေကြားနေကြသည့် ပုံရိပ်များကို မေးမြန်းသူမိမိတို့ အတွက် အပျော်တွေကူးစက်လာစေတာအမှန်ပင်ဖြစ်သည်။ ဆရာတော်ကျောင်းတွင် ခရီးတစ် ထောက်နားပြီး တောင်ထိပ်မှအနောက်ဖက်ကိုလှမ်းကြည့်သော် စိမ်းပြာပြာဖြစ်နေသော အင်းလေး ရေပြင်နှင့်အတူ ဖောင်တော်ဦးမြတ်စွာဘုရားနှင့် အခြားသောတန်ခိုးကြီးမြတ်စွာဘုရားများ၊ မော်တော်များ၊ စက်လှေများ၊ လှေများဖြင့်သွားလာလှုပ်ရှားနေကြသည်ကို မှုန်ပြပြ မြင်တွေ့နေရ သည်။ ထို့အတူပင် အရှေ့ဖက်ကို မျှော်ကြည့်လိုက်ပြန်တော့ ဖြူဖြူဖွေးဖွေးနှင့် အသောကမင်းကြီး နှင့် အလောင်းစည်သူမင်းကြီး၏ ကုသိုလ်တော်ဖြစ်ပြီး အစုအပြုံလိုက် တည်ထားကိုးကွယ်ထားသော ရှေးဟောင်းသမိုင်းဝင် မွေတော်ကက္ကူဘုရားကို ကြည်ညိုဖွယ်ဖူးတွေ့နိုင်သကဲ့သို့ မွေတော်ကက္ကူဘုရားခြေတော်ရင်းကို ကွေ့ကောက်ကာ ရစ်ခွေနေသော ဒေသခံတိုင်းရင်းသားများ၏ အသက်သွေးကြောဖြစ်သော နမ့်တဘက်ချောင်း၏ လှပစွာစီးဆင်းနေသည့်မြင်ကွင်းကိုလည်း မြင်တွေ့ရပြန်သည်။ 

ထို့အပြင်ရှမ်းပြည်၏ ဒုတိယအင်းလေးဟု လူသိများပြီး တစ်အိမ်နှင့်တစ်အိမ်လှေဖြင့် သွားလာနေကြသော ညီနောင်ရှမ်းတိုင်းရင်းသားများစုစည်းနေထိုင်ရာ ပုန်းအင်းဒေသကို လည်းကောင်း၊ ပအိုဝ်းလူမျိုးတို့၏ကုန်စည်များစုစည်းရာ ဆိုက်ခေါင်ဒေသနှင့် စိမ်းရွှင်ရွှင်အရောင်နှင့် အတန်းလိုက်ဖြစ်နေသော ပအိုဝ်းတိုင်းရင်းသားတို့၏  အသည်းနှလုံးဖြစ်သော မဲနယ်တောင်တန်းများကို စိတ်ကြည်နူးဖွယ်ထပ်မံ မြင်တွေ့ရပြန်သည်။ မြောက်ဘက်ကိုလှမ်းကြည့်သော် ရှမ်းပြည်နယ်၏မြို့တော် တောင်ကြီးမြို့ကို တစ်ဝက်တစ်ပျက် မြင်တွေ့ရသည့်ပုံရိပ်နှင့် တောင်ဘက်ကို လှမ်းမျှော်ကြည့်ပြန်သော် ပအိုဝ်းအမျိုးသားခေါင်းဆောင်ကြီး ဖြားတန်စင်ဖါအောင်ခမ်းထီ၏ ဇာတိ ချက်ကြွေ မွေးရပ်မြေဖြစ်သော ကျောက်တလုံးကြီးဒေသ၏ အလှသည်လည်း ကမ္ဘာကျော်ပန်းချီ ဆရာမှ စိတ်ကူးယဉ်ရေးဆွဲထားသည့် ပန်းချီကားအလားသဏ္ဍာန်ဖြင့် လှပနေပြန်ပါတော့သည်။ 

ထို့အပြင် ယခုအခါ ပအိုဝ်းဒေသ ကျေးရွာလူထုပူးပေါင်းပါဝင်သော ခရီးသွားလုပ်ငန်း (Community Involved Tourism Pa-O Region – CITPAR)ကိုလည်း အကောင်အထည်ထာခဲ့ပြီး ယနေ့တွင် လာရောက်တည်းခိုသော ပြည်တွင်း၊ ပြည်ပခရီးသွားများဖြင့် စည်ကားနေပြီဖြစ်သည်။ ခြေလျင်တောင်တက်ခရီးများကို ဝါသနာပါသောသူများ၊ ပအိုဝ်းတိုင်းရင်းသားတို့၏ နေထိုင်လှုပ်ရှားမှုများကို အနီးကပ်လာရောက်လေ့လာလိုသောသူများနှင့် ပအိုဝ်းဒေသ၏အလှအပများကို မျက်ဝါးထင်ထင် ကြည့်ရှုမြင်တွေ့လိုသူများအနေဖြင့် အဆိုပါခရီးသွားလုပ်ငန်းမှ ဖွင့်လှစ်ထားသော ရိုးရာအိမ်များတွင် အချိန်အခါမရွေး လာရောက်တည်းခိုနိုင်ပါကြောင်း ဒေသခံများမှပြောပြကြသည်ကို ကြားသိရပါသည်။ ထို့အတူပင် ညောင်ရွှေ၊ အင်းလေးဒေသမှ ကျောက်တလုံးကြီးဒေသ၊ မွေတော်ကက္ကူဘုရားသို့ ခြေလျင်ခရီးလာရောက်လိုသူတိုင်းလည်း ဝန်ဆောင်မှုပေးနေပြီဟုလည်း ထပ်မံကြားသိရပါသည်။ အဆိုပါခရီးသွားလုပ်ငန်းကြောင့် နိုင်ငံတော်ဝင်ငွေများအပြင် ဒေသခံပအိုဝ်း တိုင်းရင်းသားများအတွက် ဝင်ငွေကိုလည်း တစ်ဖက်တစ်လမ်းမှ ရှာဖွေပေးနေသည်ကို ဝမ်းသာ အားရဖွယ် ကြားသိရပြန်ပါသေးသည်။

ထို့ကြောင့် ဖြူငယ်ရှေးဟောင်းသမိုင်းဝင်ဘုရားကိုဖူးမျှော်လိုသူများ၊ ရန်အောင်တောင်တန်း ပေါ်ရှိပအိုဝ်းဒေသ၏ ရှုခင်းအလှအပများနှင့် ဖွံ့ဖြိုးတိုးတက်နေမှုများကို မျက်ဝါးထင်ထင်မြင်တွေ့လိုသူများ၊ ခြေလျင်တောင်တက်ခရီးများကို ဝါသနာထုံသောသူများ၊ ပအိုဝ်းတိုင်းရင်းသားတို့၏ နေထိုင်လှုပ်ရှားမှုများကို အနီးကပ်လာရောက်လေ့လာလိုသောသူများနှင့် ပအိုဝ်းဒေသ၏အလှအပများ၊ အင်းလေးဒေသ၏အလှအပများ၊ ပုန်းအင်းဒေသ၏ အလှအပများနှင့် အခြားအခြားသော ရှုခင်းအလှအပပုံရိပ်များကို ကြည့်ရှုမြင်တွေ့လိုသူများအနေဖြင့် တောင်ကြီးမြို့၊ ညောင်ရွှေမြို့မှ ကားဖြင့်သော်လည်းကောင်း၊ ဆိုင်ကယ်ဖြင့်သော်လည်းကောင်း၊ စက်ဘီးဖြင့်သော်လည်းကောင်း၊ ခြေလျင်ခရီးဖြင့်သော်လည်းကောင်း ရန်အောင်တောင်တန်းပေါ်ရှိ ပအိုဝ်းလူမျိုးတို့အများစု နေထိုင် ရာ ဖြူငယ် - ထီဖူး - ထီဝါးမွူးဒေသကို တစ်ခါတစ်ခေါက်လောက် အရောက်လှမ်းခဲ့ပါဟု ဒေသခံပအိုဝ်းတိုင်းရင်းသားများကိုယ်စား ဖော်ရွေလှိုက်လှဲပျူငှာစွာ ဖိတ်ခေါ်လိုက်ရပါသည်။

ခွန်ယွေးယဲင်
(ခမ်းစန္တာ;ဟေ့,)