မိတ်ဆွေစစ်

တောင်ကြီး၊ ၂၀၁၉ ခုနှစ်၊ ဖေဖော်ဝါရီလ (၂၈)ရက်

လူတို့သည် ပေါင်းသင်းဆက်ဆံပြီး နေထိုင်တတ်သည့် သတ္တဝါဖြစ်ပါသည်။ သစ်တစ်ပင်ရင်း၊ ဝါးတစ်ပင်ရင်း အောက်တွင် အရညဝါသီတောမမှီသေးသမျှ လူသည်တစ်ဦးတည်းနေ၍ မရပါ။ ကျောက်ခေတ်လူသားများပင် အုပ်စုဖွဲ့၍ နေခဲ့ကြပါသည်။ ထို့ကြောင့် ကျွန်ုပ်တို့သည် မိတ်ဆွေမရှိပါက ၂၀-ရာစု ယဉ်ကျေးမှုခေတ်ကိုမတည်ဆောက်နိုင်ပါ။ မိတ်ဆွေ သည် ကျွန်ုပ်တို့အတွက် လူမှုရေးနယ်ပယ်တွင် မရှိမဖြစ်လိုအပ်လျက်ရှိပါသည်။

မြန်မာ့ဝေါဟောရတွင် “အသိမိတ်ဆွေ” ဟူသောစကားရှိပါသည်။ “အသိ” ဟူသည်မှာ မေးထူးခေါ်ပြော၊ ပြုံးပြ နှုတ်ဆက်ရုံမျှသာဖြစ်၏။ ထိုမှတစ်ဆင့် ခင်မင်ရင်းနှီးလာလျှင် မိတ်ဆွေဖြစ်ပါသည်။ ကလေးအရွယ် လူမမည်ဘဝတွင် ကစားဖော်ရှိ၏။ ကျောင်းနေချိန်တွင် ကျောင်းနေဖက်သူငယ်ချင်းရှိပါသည်။ ဘဝ၏ ဒုတိယအရွယ်တွင် စီးပွားရေး၊ ကြီးပွားရေးကိစ္စ များနှင့် ကြုံဆုံလာသောအခါ မိတ်ဆွေသည် မရှိမဖြစ် လိုအပ်လာပါသည်။ “အဖော်ပေါင်းသင်း၊ မရှိကင်း၊ လူချင်းမတူဖြစ် တတ်သည်” ဟုညောင်ပင်သာ ဦးပုည လူမှုရေးလမ်းညွန်ခဲ့ပါသည်။ မိမိဘဝတိုးတက်သာယာရေးတွင် မိတ်ဆွေသည် အရေးကြီးသောကဏ္ဍမှ ပါဝင်ပါသည်။ မိတ်ကြီးဆွေကြီးပေါင်းဖက်မှ စီးပွားလမ်းကြောင်းပွင့်ပေမည်။

ဤလောက၌ မိတ်ဆွေမရှိသူ၏ ဘဝသည် လွင်တီးခေါင်မှ သစ်ပင်ပမာအထီးကျန်ဆန်လှသည်။ သန်းကြွယ်သူဌေးပင် ဖြစ်စေကာမူမိတ်ဆွေအပေါင်းအသင်းမရှိပါကသူ့ဘဝသည် အကျည်းတန်နေပေလိမ့်မည်။ မိတ်ဆွေနိုင်ငံမရှိဘဲ တံခါးပိတ်ဝါဒကျင့်သုံးနေသော နိုင်ငံသည် တိုးတက်မှုဆိတ်သုဉ်းခြင်းသာရလဒ် ဖြစ်ပေမည်။ “အတ္တာဟိအတ္တနောနာထော” ဟု ဘုရားဟောစကားရှိသော်ငြားလည်း မိမိမှလွဲ၍ အားအထားရဆုံးသူမှာ မိတ်ဆွေပင်ဖြစ်ပါသည်။ မိတ်ဆွေသည် ကူညီတတ်သူ ဖြစ်ပါသည်။ ထို့ကြောင့် ရှေးလူကြီးများက “တစ်ရွာတစ်ကျီဆောက်ပါ” ဟုဆုံးမခဲ့ဟန်ရှိပါသည်။

လူသည် “ဘ၀ခရီးသည်” ဖြစ်ပါသည်။ လူမှုဆက်ဆံရေးနယ်ပယ်တွင် မိတ်ဆွေများနှင့် ဆက်ဆံရသည့်အခါ မိတ်ဆွေစစ်နှင့် တွေ့ရန်အရေးကြီးလှသည်။ မိတ်ဆွေစစ် ဟုတ်မဟုတ် ခွဲခြားနိုင်၏။ ဆင်းရဲတတ်သူသည် ဝမ်းနည်းဝမ်းသာ ကိစ္စဟူသမျှကိုမိမိနှင့်ထပ်တူ မျှဝေခံစားပေးပြီးပြောမှားဆိုမှားရှိလျှင် ခွင့်လွတ်၏။ ဘေးအန္တရာယ်ကြုံလာပါကကူညီ၏။ ထိုသူသည် မိတ်ဆွေစစ် ဖြစ်ပါသည်။

“မိမိအကျိုးဆောင်သယ်ပိုးက၊ ဆွေမျိုးမတူ၊ မည်သူမဆို၊ ချစ်ကြည်ညိုလော” ဟုမန်လည် ဆရာတော်က ဆုံးမခဲ့ပါသည်။ မိတ်ဆွေစစ်ရွေးချယ်ရာတွင် ဆင်းရဲချမ်းသာ၊ ရုပ်ဆိုးရုပ်လှသဘာဝကိုမကြည့်သင့်ပေ။ ဝမ်းတွင်းပိုက်သို၊ လူဟုဆိုက၊ ရုပ်ကိုမကြည့်၊ စိတ်ကိုကြည့်ရပေမည်။ မိတ်ဆွေစစ်မစစ်ဆန်းစစ်ရာတွင် ဆင်းရဲဒုက္ခကြုံလာသောအခါ၊ မင်းဘေး ကြုံလာသောအခါ၊ နာရေးကြုံလာသောအခါ၊ ရောဂါခံစားနေရသောအခါများ၌ မိမိဘက်မှ ရပ်တည်သူသည် မိတ်ဆွေစစ်ဖြစ် ၏ဟု လောကနီတကျမ်းလာရှိပါသည်။

မိတ်ဆွေစစ်သည် ကျေးဇူးသိတတ်၏။ ငါးရာ့ငါးဆယ်ဇာတ်တော်လာသုဝဏ္ဏသက္ကဋကဇာတ်၌ လယ်ပုစွန်လုံးသည် မြွေဆိပ်မိနေသောမိတ်ဆွေလယ်သမားအားရန်သူတော်ကျီးနှင့် မြွေဟောက်တို့လက်မှ ကယ်တင်၍ အသက်ချမ်းသာစေခြင်း ဖြင့် မိတ်ဆွေစစ်ဖြစ်ကြောင်းသာဓကပြခဲ့ပါသည်။ ထို့အတူကုရုင်္ဂမိဂ ဇတ်တော်၌ မုဆိုး၏ ကျော့ကွင်းမိနေသော ဘုရားလောင်းသမင်အား မိတ်ဆွေလိပ်နှင့် ခေါက်ရှာငှက်တို့က ကယ်တင်ခဲ့၏။ လိပ်ကိုမုဆိုးကဖမ်းသွားသောအခါတွင်လည်း သမင်က ပြန်လည်ကယ်တင်ခဲ့ခြင်းဖြင့် မိတ်ဆွေစစ်ဖြစ်ကြောင်းထင်ရှားစေခဲ့သည်။

ဥာဏ်ဝင်းသည် ကျွန်တော် ကျောင်းပြောင်းလာစဉ်ကအစစကူညီခဲ့သည်။ ကျွန်တော်နေမကောင်း၍ ကျောင်းပျက်သောအခါ လူမမာလာမေး၏။ အားပေး၏။ ကျောင်းစာများကိုကူညီကူးပေး၏။ သူသည် ကျွန်တော်၏ သူငယ်ချင်းကောင်း ဖြစ်ပါပေမည်။

“ ရွှေအကြောင်း၊ ဖယောင်းသိ၊ လူအကြောင်းပေါင်းမှသိ ” ဆိုသကဲ့သို့ အချို့မှာတကယ်အရေးကြုံ လာမှ မိတ်ဆွေတုများ ဖြစ်နေတတ်ပါသည်။ “ ဇာနေယျ အပ္ပကာသုတထာမိတ္တ ” ဥစ္စာနည်းပါးသောအခါ မိတ်ဆွေစစ်မစစ်သိရာ၏ ဟုလောကနီတိကမှတ်ကျောက်တင်ခဲ့ပါသည်။ “ဘေးအန္တရာယ်ကြုံလာသောအခါ ဖယ်ခွာသွားသူသည် မိတ်ဆွေစစ်မဟုတ်” ဟူသောခရီးသွားယောက်ျားနှစ်ယောက်နှင့် ဝက်ဝံပုံပြင်မှ ဥပဒေသသည် မှန်လှပါ၏။ အခွင့်သာခိုက်မှာအလိုက်သင့် ပေါင်းတတ်ပြီးအခွင့်အရေးမပေးပါက ပစ်ပြေးသူသည် မိတ်ဆွေတုဖြစ်၏။ မိတ်ဆွေစစ်သည် ပိန္နဲသီးနှင့်တူ၍ မိတ်ဆွေတု သည်သဖန်းသီးနှင့်တူပေသည်။

လောက၌ အတုနှင့်အစစ် နှစ်မျိုးရှိ၏။ ပစ္စည်းအတု၊ ဆေးအတု၊ အစာအတုများသည် လူကိုဘေး ဖြစ်စေ၏။ ထိုထက် မိတ်ဆွေတုများကမိမိအကျိုးစီးပွားကိုပို၍ အန္တရာယ်ဖြစ်စေပါသည်။ ထို့ကြောင့် မိတ်ဆွေစစ်ရရှိရေးသည် လောကတွင် အရေးကြီးဆုံးဖြစ်ပါသည်။ စောလူးမင်းသည် မိမိ၏ အသက်ကို ကယ်သောကျန်စစ်သားကိုအထင်မှားမိသဖြင့် မိတ်ဆွေတုဟု ငရမန်ကန်း၏ သတ်ခြင်းကို ခံခဲ့ရသည်။ နတ်ရှင်နောင်သည် မိတ်ဆွေတုငဇင်ကာနှင့် ပေါင်းမိ၍ တံကျင်လျှိုပြီးအသတ်ခံ ရကာရာဇာဝင်တွင် အမည်းစက် ထင်ခဲ့ရသည်။

စာအုပ်စာပေလူ့မိတ်ဆွေဖြစ်ပါသည်။ စာပေသည် ကျွန်ုပ်တို့အတွက် ထာဝရမိတ်ဆွေစစ်ဖြစ်၏။ သစ္စာရှိ၏။ မျက်နှာ မလိုက်တတ်။ ဆင်းရဲချမ်းသာမရွေးမှန်ရာသို့ လမ်းညွန်ပေးပါသည်။ ဆေးလိပ်၊ အရက်နှင့် ဘိန်းဖြူတို့သည် လူများနှင့် နီးကပ်စွာရှိနေကြသော်လည်းသက်မဲ့မိတ်ဆွေတုများ ဖြစ်ကြပါသည်။

အချုပ်အားဖြင့် ဆိုရသော် မိတ်ဆွေစစ်တို့ မည်သည် ကတိမယွင်း၊ သစ္စာမပျက် နှစ်သက်ဖွယ်ရာ ပြုမူတတ်သဖြင့် ရာသက်ပန်အဖော်မွန်များဖြစ်ပါသည်။ ထိုမိတ်ဆွေစစ်များနှင့် မေတ္တာခိုင်မြဲစေရန် ကျွန်ုပ်တို့ ဘက်မှလည်း “ ပေးကမ်းချီးမြှင့်၊ ကိုယ်နှင့်ယှဉ်ထား၊ စီးပွားဆောင်ရွက်၊ နုတ်မြွတ်ချိုသာ၊ သစ္စာမှန်စေ၊ ဝတ်ငါးပါးနှင့်အညီကျင့်ကြံနေထိုင်ရပါမည်။ ထို့အတူ လောကုတ္တရာအကျိုးအတွက် ဘဝနောင်ရေးစိတ်အေးရအောင် လမ်းညွန်ပေးမည့် ဓမ္မမိတ်ဆွေများလည်း လိုအပ်ပါသည်။ လောကီ၊ လောကုတ် နှစ်ဖြာသောအကျိုးအတွက် မိတ်ဆွေစစ်များရရှိထားပြီဆိုလျှင် ဆင်းရဲဒုက္ခမည်မျှပင်ကြုံပါစေ။ ဘဝခရီးလမ်းကို ရဲဝံ့စွာလျှောက် လှမ်းနိုင်ပြီဖြစ်ပါသတည်း။

ခွန်ကျော်ဦး  
(ကိုးကားချက် ပညာ့လက်တံစာအုပ်)