“အောင်မြင်လိုသောသူ….သင့်ဆီသို့…..”

တောင်ကြီး၊ ၂၀၁၉ ခုနှစ်၊ ဖေဖော်ဝါရီလ (၂၀)ရက်

လောကတွင်လူတိုင်းသည် ဘ၀တွင်အောင်မြင်ချင်ကြသည်။ တိုးတက်ချင်ကြသည်။ ထို့ကြောင့် အောင်မြင်ရန်အတွက် တိကျသောဘဝရည်မှန်းချက်များထားရှိကြသည်။ အောင်မြင်သူအများစုသည် မိမိကိုယ်မိမိစည်းကမ်းသတ်မှတ်ခြင်း၊ မိမိကိုယ်မိမိအစိုးရခြင်း၊ ထိန်းချုပ်နိုင်ခြင်းရှိလာအောင် ပြင်ဆင်ထားတတ်ကြသည်။ အောင်မြင်သူများသည် ရည်မှန်းချက်ဖြစ်မြောက်အောင် ယာယီမျှအောင်မြင်မှုကိုမမက်မောပဲလုပ်ရခြင်းကိုပိုနှစ်သက်တတ်ကြသည်။ မိမိကိုယ်ကိုစည်းကမ်းထားနိုင်သူ၊ ကိုယ့်စည်းကမ်းနှင့်ကိုယ်နေသူများသည် ဘဝအတွက် အောင်မြင်မှုလမ်းကြောင်းကိုလျှောက်လှမ်းနေသောသူများနှင့် ဆင်တူပေသည်။ ထို့ကြောင့်စည်းကမ်းသတ်မှတ်သူ၏ အရည်အချင်းအလိုက် မိမိကိုယ်မိမိစည်းကမ်းသတ်မှတ်ပြီးလုပ်သင့်သည်ကိုလုပ်ရပါမည်။

သင်လိုချင်သည့် ဘဝပုံစံကိုစာရွက်ပေါ်မှာချရေးပါ။ ထိုသို့ရေးသည့်အခါမှာအတတ်နိုင်ဆုံးအသေးစိပ်အချက်များပါဝင်ပါစေ။ ဥပမာ - အနာဂတ်မှာသင်ရမည့်ဝင်ငွေပမာဏ၊ သင်နေထိုင်မည့်အိမ်၊ သင်မောင်းမည့်ကားအမျိုးအစား၊ သင်ပိုင်ဆိုင်နေမည့် ငွေပမာဏစသဖြင့် ရေးချပြီးရေးထားသည့် အဆိုပါစာထဲကမှ သင့်အနာဂတ်ဘဝကိုကိုယ်စားပြုသည့် အသေးစိပ်အချက်တစ်ချက်ချင်းစီကိုစာရင်းပြန်ပြုစုပါ။ ၄င်းအချက်များသည် သင့်အိပ်မက်(သို့) သင်ဖြစ်ချင်သည့်ဆန္ဒများကိုကိုယ်စားပြုပါလိမ့်မည်။ စိတ်ကူးအိပ်မက်များကိုစနစ်တကျမက်ပြီးပါကရည်မှန်းချက်ပန်းတိုင်ချမှတ်သည့်အဆင့်ကိုနောက်တစ်ဆင့်အနေဖြင့် စတင်ရမှာဖြစ်သည်။ အောင်မြင်သူ ၅၅%တို့်သည် သူတို့၏စိတ်ကူးအိပ်မက် နီးစပ်မှု ဆက်စပ်မှုရှိသည်ကိုရည်မှန်းချက်ပန်းတိုင်အဖြစ် သတ်မှတ်ထားကြသည်ကိုလည်းတွေ့ရှိရသည်။

သင်ရည်မှန်းချက်ပန်းတိုင်ချမှတ်ရာတွင် သင့်အနေနှင့် ရည်မှန်းချက်တစ်ခုချင်းစီသည် သင်ဖြစ်ချင်သည့် ဆန္ဒ၊ အိပ်မက်တိုိ့တစ်ခုချင်းစီနှင့် ဆက်စပ်မှုရှိသည်ကိုရွေးချယ်ချမှတ်ရန်လိုအပ်ပေသည်။ ရည်မှန်းချက်ပန်းတိုင်သည် လက်တွေ့ဆောင်ရွက်မှုပါဝင်ပြီးလိုအပ်သည့်ဆောင်ရွက်မှုလုပ်ရန် အရည်အချင်းပြည့်ဝသည်ဆိုမှသာရည်မှန်းချက်ပန်းတိုင်ဟုခေါ်ဆိုနိုင်သည်။ ရည်မှန်းချက်ပန်းတိုင်၊ စိတ်ကူးအိပ်မက်များတစ်ခုချင်းစီကိုပီပီပြင်ပြင်သိမြင်လာသည်နှင့်အမျှ လိုချင်သည့်အနာဂတ်ခံပြဘဝသည် တဖြည်းဖြည်းနှင့် လက်တွေ့ဘဝဖြစ်လာမှာ ဖြစ်သည်။ လက်တွေ့အကောင်အထည်ဖော်ရန်အတွက် စွန့်စားမှုပါမှသာအကောင်အထည်ဖော်နိုင်မည်။စွန့်စားမှုတွင် အကြီးဆုံးအရာသည် အချိန်ဖြစ်သည်။ အပေါ်ယံကိုကြည့်ပါကသင်တို့ဘဝမှာအချိန်များစွာကျန်ရှိနေသေးသည်ဟုထင်ရသော်လည်းအချိန်ကို တန်ဖိုးမရှိဆုံးအရာတစ်ခုအဖြစ်သဘောထားမိနေကြသည်။ နေ့စဉ်နှင့်အမျှ သင်သည်ဖေ့(စ်)ဘုတ်သုံးခြင်း၊ You Tube မှဗွီဒီယိုကြည့်ရှုခြင်း၊ TV ရှေ့ထိုင်ခြင်း၊ ဘာမှမလုပ်ပဲအိပ်ရာထဲလှဲနေခြင်းစသည့်ဘဝအတွက် အရေးမပါလှသည့်လုပ်ဆောင်မှုများနှင့် အချိန်တော်တော်များများကိုအမှတ်မထင်ဖြုန်းတီးနေမိကြသည်။ အသက်အရွယ်ကြီးလာမှသာအချိန်၏တန်ဖိုးကိုသိလာကြတော့သည်။

အချိန်ကိုပန်းတိုင်ချမှတ်ခြင်းနှင့်ဘဝမှာဥာဏ်ကြီးကြီးနှင့် အသုံးချသင့်သည်။ သုံးစွဲလိုက်သည့်အချိန်သည် သင့်အတွက်ပျော်ရွှင်မှုကိုဖြစ်စေသော၊ သင့်ဘဝအတွက်ဘဏ္ဍာရေးလုံခြုံမှုကို ဖြစ်စေနိုင်သောစသဖြင့် သင်နှင့်သင့်အဖွဲ့အစည်းအတွက် အကျိုးရှိမည့်အရာအတွက် ပိုပြီးဖြစ်သင့်သည်။ အချိန်သည်စွန့်စားမှုအရာတစ်ခုကဲ့သို့ သဘောထားပါကအချိန်ကိုသုံးစွဲရာမှာပိုပြီးသတိပြုမိလာစေမှာအသေအချာပင်ဖြစ်သည်။ အောင်မြင်လိုသူများသည် TV ကြည့်ချိန်ကိုတနေ့မှာတစ်နာရီမပြည့်ပေ။ အင်တာနက်သုံးချိန်သည်လည်းတစ်နာရီအောက်သာရှိကြောင်းတွေ့ရှိရသည်။ ထိုသို့ပြုလုပ်ခြင်းအားဖြင့် အောင်မြင်လိုသူများသည် သူတို့အတွက်ရည်မှန်းချက်ပန်းတိုင် အကောင်အထည်ဖော်ချိန်၊ စာအုပ်စာပေဖတ်ချိန်လေ့လာချိန်၊ လေ့ကျင့်ခန်းလုပ်ချိန်၊ စေတနာ့ဝန်ထမ်းအလုပ်လုပ်ချိန်အတွက်၊ လူမှုကွန်ရက်များချိတ်ဆက်ရန်အတွက် အချိန်ပိုများရရှိကြသည်။

အောင်မြင်လိုသူများသည်စွန့်စားမှုနှင့်အချိန်သာမကရှေ့ဆောင်လမ်းညွှန်ပြသူရှိမှသာအောင်မြင်ကြသည်။ရှေ့ဆောင်လမ်းညွှန်ပြသူသည် သင့်ဘဝကိုအပြုသဘောလွှမ်းမိုးရုံတင်မက၊ သင့်ကိုဘာလုပ်ရန်နှင့် ဘာမလုပ်ရန်သင်ကြားပေးပြီးသင့်ဘဝအောင်မြင်မှုရရှိအောင် ပုံမှန်ပံ့ပိုးပေးကြသူများဖြစ်သည်။ သင့်ဘဝအတွက် ရှေ့ဆောင်လမ်းပြဆရာရှာဖွေခြင်းသည် ကြွယ်ဝချမ်းသာရန်အတွက် ထိခိုက်နာကျင်မှုအနည်းဆုံးနည်းလမ်းဟုဆိုပါရစေ။ လမ်းညွှန်ပြပေးသူတစ်ယောက်သည် သင့်ကိုအောင်မြင်မှုဆီအမြန်ရောက်စေမည့် လမ်းကြောင်းပေါ်တွန်းတင်ပေးနိုင်ပါလိမ့်မည်။ ရှေ့ဆောင်လမ်းညွှန်ပြသူအမျိုးမျိုးရှိကြသည်။ ထိုထဲမှ မိဘ၊ ဆရာ၊ လုပ်ငန်းခွင်ထဲမှ သင်လေးစားယုံကြည်အားကိုးရသည့်သူတစ်ဦးဦး၊ စာအုပ်စာပေ၊ ဘဝဆိုသောကျောင်းစသည်တို့ဖြစ်သည်။

မိဘသည် ဘဝမှာတစ်ခုတည်းသောရှေ့ဆောင်လမ်းညွှန်ပြသူများဖြစ်ကြသည်။ ထို့ကြောင့်သင်သည် မိဘကောင်းအဖြစ်ပြုမူနေထိုင်ဆောင်ရွက်တတ်ရန် အလွန်အရေးကြီးလှသည်။ နေ့စဉ်ပြုလုပ်သင့်သည့် အမူအကျင့်ကောင်းကိုသားသမီးများအတွက်သင်ကြားပြသပေးရမည်။ အကယ်၍ မိဘများကသင်ကြားပြသပေးရန် ပျက်ကွက်ပါကသားသမီးများဘဝမှာအောင်မြင်မှုပန်းတိုင်ကိုဆွတ်ခူးနိုင်ဖို့အတွက် ပင်ပန်းကြီးစွာရုန်းကန်ရတတ်သည်။ ဆရာဆိုသည်လည်းမိဘဆီကရရှိထားသည့် အမူအကျင့်ကောင်းကိုပိုမိုစွဲမြဲလာအောင် အကူအညီပေးနိုင်သလိုမိဘတွေဆီက ၄င်းတို့မရရှိခဲ့သည့်အောင်မြင်မှုအတွက် လိုအပ်သည့် အမူအကျင့်ကောင်းကိုပံ့ပိုးပေးနိုင်သည့်ပုဂ္ဂိုလ်လည်းဖြစ်သည်။ သင့်ဘဝအောင်မြင်မှုအတွက် ရှေ့ဆောင်လမ်းညွှန်မှုကိုမိဘနှင့်ဆရာဆီကမရရှိခဲ့ပါကစိတ်ပျက်ဝမ်းနည်းမနေပါနှင့်။

သင့်အနေနှင့် လုပ်ငန်းခွင်ထဲမှာရှေ့ဆောင်လမ်းညွှန်မှုပြုပေးနိုင်မည့် ဆရာကောင်းကိုရှာဖွေလို့ရပါသေးသည်။သင့်လုပ်ငန်းခွင်မှာသင်လေးစားယုံကြည်အားကိုးရသည့်သူတစ်ဦးဦးကိုရှာပါ။ တွေ့ပါကသူ့ကိုသင့်ဘဝအတွက် ရှေ့ဆောင်လမ်းညွှန်ပြသူအဖြစ် ကူညီပေးရန်တောင်းဆိုပါ။ စာအုပ်စာပေသည်လည်းသက်ရှိရှေ့ဆောင်လမ်းညွှန်ပြသူကဲ့သို့ သင့်ကိုရှေ့ဆောင်လမ်းညွှန်ပြမှုပြုနိုင်စွမ်းရှိကြသည်။ စာအုပ်စာပေသည် သင့်အတွက် ရှေ့ဆောင်လမ်းညွှန်ပြသူကောင်းကိုအကောင်းဆုံးရှာဖွေနိုင်သည့်နေရာ ဖြစ်နေတတ်သည်။ ဘဝဆိုတဲ့ကျောင်းသည် သင်သာဘဝဆိုသောကျောင်းတော်ကြီးမှအောင်မြင်မှုရေးရာအမူအကျင့်ကောင်းကိုလေ့လာသင်ယူနိုင်ပါကသင့်ဘဝ၏ရှေ့ဆောင်လမ်းညွှန်ပြသူကအခြားသူမဟုတ်၊ သင်ကိုယ်တိုင်သာဖြစ်သည်။ ဘဝမှာအောင်မြင်ရန်အတွက် ဘယ်အရာကအလုပ်ဖြစ်၊ ဘယ်အရာကအလုပ်မဖြစ်ဆိုသည်ကိုသင့်ကိုသင် သင်ကြားရပါမည်။ နောက်ပြီးသင်၏အမှားများကိုဆုံးရှုံးမှုကနေသင်ခန်းစာယူတတ်ရမည်။ ထိုနည်းလမ်းသည် အောင်မြင်မှုဆီအရောက်သွားရန် ခက်ခဲကြမ်းတမ်းသည့်လမ်းတစ်ခုဖြစ်သည်။ သင့်အတွက် တန်ဖိုးကြီးမားလှသည့် အချိန်၊ ငွေ၊ ကုန်ဆုံးစေသည့် ကျရှုံးမှုနှင့် ရင်ဆိုင်ရနိုင်ရန်အတွက်ဖြစ်သည်။ ၄င်းနည်းလမ်းသည် သင့်အတွက် အလုပ်မဖြစ်သည့်ကျရှုံးမှုကိုဘဝနဲ့ရင်းပြီးရလိုက်သည့်အတွက် ထိုသင်ခန်းစာကိုသင်လွယ်လွယ်နှင့် မေ့ပျောက်တော့မှာမဟုတ်ပေ။

အောင်မြင်လိုသောသူသည် စိတ်ကူးအိပ်မက်ဆီရောက်အောင် ဘယ်လိုသွားရမည်ဆိုသည်ကိုကောင်းကောင်းသိကြသူများဖြစ်သည်။ အောင်မြင်သူတို့သည် ဇွဲလုံ့လဝီရိယအလွန်ကြီးမားကြသည်။ သူတို့မက်ခဲ့သည့် စိတ်ကူးအိပ်မက်ကိုလုံးဝစွန့်လွှတ်လေ့မရှိပေ။ ဇွဲကြီးသည့်အတွက် အလုပ်ဖြစ်သည့် နည်းလမ်းတစ်ခုခုကိုမတွေ့မချင်းလေ့လာစမ်းသပ်မှုများစွာဖြင့်တစိုက်မတ်မတ်လုပ်လေ့ရှိကြသည်။ ဇွဲသည်ကံကောင်းခြင်းကိုရှာတွေ့ဖုိ့တစ်ခုတည်းသောအကြီးမားဆုံးစွမ်းအားပင်ဖြစ်သည်။ ဇွဲကြီး၍ အောင်မြင်သောသူတစ်ယောက်သည် တစ်နေ့မှာကံကောင်းခြင်းကိုမုချရရှိမှာဖြစ်သည်။ အောင်မြင်သည့်သူသည် ဘဝမှာခုလိုအောင်မြင်နေကြသည်မှာသူတို့၏ စိတ်ကူးအိပ်မက်ကိုလုံးဝစွန့်လွှတ်ခြင်းမရှိပဲဇွဲလုံ့လ၊ ဝီရိယအပြည့်နှင့် မဆုတ်မနစ်ကြိုးပမ်းခဲ့လို့သာ ဖြစ်သည်။ စိတ်ကူးအိပ်မက်ကိုစွန့်လွှတ်မည့်အစားစိတ်ကူးအိပ်မက်ဆိုသည့် သင်္ဘောကြီးနှင့်အတူသာနစ်မြှုပ်ခံလိုက်မည်။ သဘောင်္ကိုစွန့်ခွာပြေးမည့် လူစားမျိုးလုံးဝမဟုတ်ပေ။ သင်သာဇွဲလုံ့လဝီရိယကြီးမားသူတစ်ယောက်ဖြစ်သွားပြီဆိုရင် ဘယ်အရာကမှ သင့်ကိုအောင်မြင်မှုမရအောင် မတားဆီးနိုင်တော့ပေ။ ထို့ကြောင့်အောင်မြင်လိုသူသင်သည် သင့်ဘဝအတွက် တိကျသောရည်မှန်းချက်ပန်းတိုင်ထားရှိတတ်ရန်၊ အချိန်ကိုတန်ဖိုးရှိစွာအသုံးပြုတတ်ရန်၊ စွန့်စားမှုနှင့်ဇွဲလုံ့လဝီရိယထားရှိတတ်ရန်၊ ကောင်းမွန်သောရှေ့ဆောင်လမ်းညွှန်ပြသူကိုရှာဖွေတတ်ရန်လိုအပ်ကြောင်းတင်ပြအပ်ပါသည်။

ကိုးကားချက် - ဇီးရိုးမှဟီးရိုးသို့ (လင်းလင်းထွန်း) 
နင်,မေရီခိုင်(ခမ်းစန္တာ;ဟေ့,)